ئەڤرۆ نیوز:
زێرەنگر دیاردکەن کو پتریا وەلاتیان یا دەست ب فروتنا زێری خوە کری بۆ دانا قست و قەرێن ل سەر، سەرۆکێ لقی دھۆک یێ سەندیکا زیرەنگران دبیژیت، بازارێ کڕینا زێری گەلەک یێ سست بووی و بازرگان نەشێن وەکو جاران زێری بینن و نوکە دوو قات کێمتر ژ جاران زێری دئینن.
دەراڤ عسمەت، زێرنگرە، بۆ ئەڤرۆ دیارکرکو نوکە گەلەک وەلاتی یێن زێرێ خوە دفرۆشن ژبەر قەیرانا دارایی ونەبوونا پارەی و ھەبوونا قەر و قستین خانی وشوقە و ترومبیلان ل سەر وان، کڕینا زێرێ گەلەک یا کێم بووی و نوکە فرۆتنا زێری ژلایێ وەلاتیان ڤە سێ قات ژ کڕینی یا زێدەتر لێھاتی و زێر یێ بەر ب گرانبوونێ دچیت وگەلەک وەلاتی زێری خوە دئینن دفرۆشن، بەلێ بکر نێنە کو زێری ژ زێرەنگران بکڕیت، ئەو وەلاتیێن زێرێ خوە دفرۆشن، ھەموو ژبەر قست و قەران دفرۆشن”.
دەراڤی گۆت ژی” کارێ زێرنگران گەلەک یێ سست بووی، ھەکە وەسا کار بمینیت، دبیت نەشێن کریا دوکانێن خوە ومەزاختیان بدەن، بەری نوکە ڕۆژانا ھندەک زێرنگران ڕێژەکا باش یا زێری دفرۆت، بەلێ نوکە دبیت د ڕۆژێ ھەموویێ ئێک پارچا زێری ژی نە فرۆشیت”.
شێخ عبدولسەلام، سەرۆکێ لقێ دھۆک یێ سەندیکا زێرنگران بۆ ئەڤرۆ دیارکرکو بازرگانێن ئینانا زێری دو قات کێمتر ژ جاران زێری دئینن، چونکی داخوازی ل سەر کڕینا زێری گەلەک یا کێمبووی و تنێ خەلک نوکە یێ زێرێ خوە دفرۆشن، بھایێ زێری یێ بەر ب گرانبوونێ ڤە دچیت و یێ زێر دمال دا ھەبیت دفرۆشیت و دکەتە پارە وچەند دولار گران بیت زێر ژێ دگەلدا بەرەڤ گرانبوونێ دچیت”.
شێخ عبدولسەلامی گۆت ژی” ئەو ڕێژا زێرێ بەری سالەکێ ھاتیە دناڤ بازارێ دھۆکێ دا، نوکە گەلەک یا کێمبووی و ھەکە قەیران وەسا بمینیت و پارە ددەستێ وەلاتیان دا نەبیت، ڕەنگە ڕێژا ئەو زێرێ دھێتە دناڤ بازاری دا، ھێشتا کێمتر لێ بھێت، چونکی ھەکە زێرنگری زێر ھەبیت وخەلکەک نەکڕن ، ما دێ زێرنگر چاوان شێن زێری ژ بازرگانی کڕن و دڤی حالەتێ دا گەلەک زیان دگەھیتە بازرگانێ ئینانا زێری و زێرنگران ژی، د سەر ھندێ ڕا ژی بھایێ زێری گران دبیت، ئەڤە ژی نە دبەرژەوندیا زێرنگران دایە، چونکی زێر چەند گران بیت، خەلک ناکریت”.
سەرۆکێ لقی دھۆک یێ سەندیکا زێرنگران خویاکر کو بەری نوکە پارەکێ باش کەڤتە ددەستێ وەلاتیان دا و بازارێ زێری ژی گەلەک یێ باش بوو، چونکی خەلکی پاری خوە دکرە زێر، بەلێ پشتی قەیرانێ، کاری زێرنگران وەکو جاران نەمایە وبھایێ زێری نە ددەستێ زێرنگران دایە، ھەتا بھێتە کێمکرن.
زیرەنگەرەک: خەلکەک زیرێن خوە بۆ دانا قستان دفروشن
نيشاندان
