ئەڤرۆ نیوز:
سترانبێژ دلنیا قەرەداغی، کو پتری دو سالانە ل وەلاتێ مسرێ دژیت دیارکر، ئەڤە دەمەکە ئەو مژوولی تۆمارکرنا سترانەکا عەرەبی یە، د دووڤدا دێ ھندەک سترانێن کوردی تۆمارکەت.
ناڤھاتیێ بۆ باسنیۆز گۆت: پەیڤێن ڤێ سترانێ ژلایێ ھەلبەستڤانێ مسری (عەلی ئەلسیۆفی) ھاتینە دانان، و ئاوازدانەرێ ناڤدار(محەمەد ئیبراھیم) ئاوازا وێ دانایە، ل ستودیۆیا (عەتاب) ل باژێرێ قاھیرە ھاتیە تۆمارکرن.
د دووڤدا گۆت: رۆژانە ل ڤی وەلاتی بزاڤێن ھونەری دھێنە کرن، پتریا وانژی ئاھەنگ و سمینارێن ھونەری نە، لەورا ل دووف دەمێ من ھەی ئەز دچمە ولن جھان و مفایەکێ باش ژێ دبینم.
ل دووماھیێ گۆت: ھەتا نوکە من سێ سترانێن ل وەلاتی مسرێ تۆمارکرینە، و د بەرنامێ من دایە ل داھاتی چەند سترانێن کوردی ژی تۆماربکەم.

ئەڤرۆ نيوز:
مەلەک رۆژھات، سترانبێژا بەرنیاسا باکوورێ کوردستانێ ئاشکەراکر ل ڤان نێزیکان وەکو پێشکێشکار ئەو دێ ل سەر شاشا کەنالەکێ کوردی دەرکەڤیت.
ناڤھاتیێ بۆ رووداو گۆت: من بریارا دای ل دەمەکێ نێزیک بەرنامەکێ نەتەوەیی و ھونەری ل سار شاشا کەنالەکێ کوردی پێشکێش بکەم، لێ جارێ ئەز ناڤێ کەنالی دیارناکەم و بلا ئەو ببیتە سۆپرایز بۆ وان کەسان یێن کو حەزژ دەنگێ من دکەن.
ل دۆر نووترین بەرھەمێ خوە یێ ھونەری ژی گۆت: ھەر چەندە نوکە ل ھەر چار پارچێن کوردستانێ رەوش یا خرابە و شەر یێ ھەی، بەلێ مە چەند کارێن ھونەری بۆ شنگالێ کرینە، نوکە ژی ئەزا بەرھەڤیێن چەند سترانێن ئەڤینی دکەم، کو ھاتینە تۆمارکرن ژی، ئێک ژوان ب ناڤێ ( وەرە یارێ من) کو ژ پەیڤ و ئاوازێن منە، یا دویێ ژی ب ناڤێ (زاڤای بینن) ژ پەیڤ و ئاوازێن رۆستەم مەحموود ە.