ئه‌ڤرۆ نیوز: ڤه‌ده‌ر ره‌شاڤایی:
پشتی گیرۆكرنه‌كا درێژ كو حه‌فت سالان ڤه‌كێشا، ل داویێ لێكۆلینا چیلكۆت ل دۆر رۆلێ بریتانیا د داگیركرنا ئیراقێ یا سالا 2003 ێ دا هاته به‌لاڤكرن.
لێكۆلین دبێژیت: بریتانیا به‌ری خوه ژ رێیێن ئاشتیخواز بێهیڤی بكه‌ت ل دۆر ژناڤبرنا چه‌كێ رژێما سه‌دامی، بریارا داگیركرنا ئیراقێ دا، بزاڤا له‌شكه‌ری رێیا ئێكانه نه‌بوو بۆ چاره‌سه‌ركرنا ره‌وشا ئیراقێ و زانیاریێن هه‌والگیری ل سه‌ر بنه‌مایه‌كێ شاش هاتبوونه دان.
هه‌روه‌سا تێدا هاتییه: پلانا بریتانیا بۆ ده‌مێ پشتی داگیركرنێ گه‌له‌ك یا سه‌رنه‌كه‌فتی بوو و سه‌رۆكوه‌زیرێن بریتانیا یێ وی ده‌می، تۆنی بلێری به‌ری چه‌ندین مه‌هان ژ گۆتۆبێژكرنا داگیركرنا ئیراقێ د گه‌ل ئه‌مریكا، رازیبوونا داگیركرنێ دابوو جۆرج ده‌بلیو بۆشێ سه‌رۆكێ هنگی یێ ئه‌مریكا و بریارا وی ل سه‌ر بنه‌مایێن قانوونی یێن دروست نه‌بوو.
“هه‌والگیریێ هۆشداری دابوونه تۆنی بلێر كو داگیركرنا ئیراقێ دێ ئه‌لقاعیده بهێز ئێخست و چه‌ك دێ كه‌ڤیته ده‌ستێ تیرۆرستان دا، رۆلێ بریتانیا یێ سه‌ركه‌فتی نه‌بوو ل ئیراقێ د ئه‌نجام دا كاریگه‌ری ل ملیۆن كه‌سان ل ئیراقێ كر و ئاواره‌بوون په‌یدا كر، بلێری باوه‌ریه‌كا زێده دابوو خوه كو بشێت كاریگه‌ری ل سه‌ر بریاران ل ئیراقێ بكه‌ت، لێ وه‌سا ده‌رنه‌كه‌فت و نه‌شییا ئێمناهیێ ل ئیراقێ دابین كه‌ت.
تێ زانین ل ده‌مێ داگیركرنا ئیراقێ له‌شكه‌رێ بریتانیا چوار پارێزگه‌هێن باشۆرێ ئیراقێ ب ستوويێ خوه‌ڤه گرتبوون.
بلێری پشتی به‌لاڤبوونا لێكۆلینی گۆت :ئه‌ز یێ به‌رهه‌ڤم به‌رپرسیارییا تشتێن د لێكۆلینی َدا هاتی وه‌رگرم.
ژ ئالییه‌كێ دی ڤه چه‌ندین سیاسه‌تمه‌دارێن بریتانیا خواست بلێر بهێـه دادگه‌هكرن ژبه‌ركو فێلأبازی كر و داگیركرنا ئیراقێ یا فه‌ر نه‌بوو، بتنێ زارۆكێن خه‌لكی دانه كوشتن.
ئه‌ڤرۆ نیوز: ڤه‌ده‌ر ره‌شاڤایی:
میدیايا سپانی راگه‌هاند كو دادگه‌ها سپانیا بریار دا لیونێل مێسی یاریكه‌رێ یانا به‌رشه‌لۆنا و بابێ وی بۆ ده‌مێ 21 مه‌هان ب سووچا فێلبازیكرن د دانا باجان دا بهێنه زیندان كرن، هه‌روه‌سا ب دانا دو ملیۆن یۆرۆیان ژی مێسی هاته سزادان.
مێسی ماف هه‌یه تانێ ل بریارا دادگه‌هێ بده‌ت و ل گۆری قانوونێن سپانیا ناڤهاتی دشێت خوه ژ ڤی سزایێ زیندانكرنێ رزگاركه‌ت.
ئه‌ڤرۆ نيوز:
سه‌را وان ته‌قينێن ڤێ دووماهيێ يێن به‌غدا ب تايبه‌ت ته‌قينا كه‌راده كو 215 وه‌لاتى هاتينه كوشتن، ئه‌ڤرۆ محه‌مه‌د سالم غه‌بان وه‌زيرێ ناڤخويێ عيراقێ ده‌ست ژ كارێ خوه كێشا.
ته‌قينا كه‌راده ب مه‌زنترين كريارا تيرورستى ل عيراقێ دهێته هژمارتن ژ ئالێ ژمارا كوشتنا وه‌لاتيێن سڤيل ڤه د ماوێ شه‌ش هه‌يڤێن بوورى دا.
ئه‌ڤرۆ نيوز:
وەزارەتا کار و کاروبارێن جڤاکی یا حکومەتا ھەرێما کوردستانێ د رۆنكرنه‌كێ دا دياركريه پشتی ئەنجامدانا چاکسازییان د لیستێن مووچەیێن کێم ئەندامان دا، دێ مووچەیێن وان ڤەگەڕینن سەر رەوشا به‌رێ و وه‌ختێ ئاسایی.
وەزارەتا کار و کاروبارێن جڤاکی یا حکومەتا ھەرێما کوردستانێ ئاشکرا كريه حکومەتا ھەرێمێ سۆز دایە، مووچەیێ تەڤایا مەھێن بۆری یێن کێم ئەندامان بدەت.
ئه‌ڤرۆ نيوز:
باشترين فرۆكخانێن جيهانێ يێن ژ ئاليێ ئێمناهيێ ڤه د پاراستى ئه‌ڤه‌نه:
١- فڕۆکەخانا شانگی ل وڵاتێ سەنگافورە.
٢- فڕۆکەخانا ئنتشۆنی نێودەوڵەتی ل کۆریای باشور.
٣- فڕۆکەخانا میونخی نێودەوڵەتی ل ئەڵمانیا.
٤- فڕۆکەخانا تۆکێو ھانیدای نێودەوڵەتی ل وڵاتێ ژاپۆن.
٥- فڕۆکەخانا ھۆنگ کۆنگی نێودەوڵەتی ل چینێ.
٦- فڕۆکەخانا سەنتریری نێودەوڵەتی ل ژاپۆن.
٧-فڕۆکەخانا زیوریخ ل سویسرا.
٨- فڕۆکەخانا ھـیپرو ل بەریتانیا.
٩- فڕۆکەخانا کانسای نێودەوڵەتی ل ژاپۆن.
١٠- فڕۆکەخانا حەمەدی نێودەوڵەتی ل قەتەر.
ئه‌ڤرۆ نيوز:
ل تورێن جڤاكى وێنێ وى خوه‌كوژى به‌لاڤبوو كو ئه‌ڤرۆ ڤياى خوه ب مزگه‌فتا پێغه‌مبه‌رێ خودێ ( سلاڤ ل سه‌ر بن) ب په‌قينيت،ده‌زگه‌هێن راگه‌هاندنێ به‌لاڤ كرينه كو ئه‌ڤ خوه‌كوژه ته‌مه‌نێ وى 18 سالن و ناڤێ وىعمر عبد الهادي العتيبي.
وه‌زاره‌تا ناڤخو يا سعوديێ به‌لاڤكريه كو د ڤێ روودانا خوه‌كوژى دا 4 كه‌س هاتينه كوشتن و 5 كه‌س برينداربووينه.
نيشاندان