ئه‌ڤرۆ نيوز:

جڤاتا ئاسايشا هه‌رێما كوردستانێ ئه‌ڤرۆ د راگه‌هاندنه‌كێ دا دياركريه‌ كو د ئوپه‌راسيونه‌كا هه‌ڤپشكا ئاژانسێ و ئاسايشا دهۆكێ، وان تيرورسته‌كێ خوه‌كوژ يێ سه‌ر ب داعش ڤه‌ گرتى يه‌ ب ناڤێ تيرورست (عدنان محمد صادق) كو خه‌لكێ تلعفه‌ره‌  و هاتيه‌ ناڤ سنورێن هه‌رێما كوردستانێ كو ب ژڤان بوو ل رۆژانێن دووماهيێ يێن ره‌مه‌زانێ خوه‌ بپه‌قينيت.

ئه‌ڤرۆ نیوز، رۆژهات لوقمان
ژبه‌ر كو دهێته‌ گوتن هنده‌ك پرسیارێن پولا دوازدێ ئاماده‌ى هاتینه‌ دزین، ئه‌ندامه‌كێ لیژنا په‌روه‌ردێ ل په‌رله‌مانێ كوردستانێ راگه‌هاند كو ب ئاخفتنا وه‌زیرێ په‌روه‌ردێ دبیت و دهێته‌ پێشبینیكرن بتنێ ل قه‌زایێن (كفرى و رانیه‌) پسیار هاتبنه‌ دزین و ئه‌گه‌ر هاتو ل وان ده‌ڤه‌ران رێژا ده‌رچونێ یا بلند بیت و نمرێن قوتابیان د ئاسته‌كێ بلند دابیت، دێ ل وان ده‌ڤه‌ران ئه‌زمون هێته‌ دوباره‌كرن ڤه‌
په‌رله‌مانتارێ ناڤبرى نه‌خواستیه‌ ناڤێ خوه‌ ئاشكرا بكه‌ت دیاركر: وه‌زیرێ په‌روه‌ردێ گوتیه‌ كو دبیت ل بتنێ قه‌زایێن كفرى و رانیه‌ پسیارێن ئه‌زمونا هاتبنه‌ دزین و ل هه‌ولێرێ ژى ل سه‌ر قوپیكرن و بكارئینانا ئامیرێن ده‌نگى هنده‌ك قوتابى ده‌ستگیر كرینه‌ و گوت: بتنێ وانا (زمانێ ئه‌ده‌بى كوردى) كو دناڤبه‌را ده‌مژمێر (8) بو (8)و نیڤ پسیار هاتینه‌ دزین لێ ژبلى وى بابه‌تى پسیارێن چ بابه‌تێن دى نه‌هاتینه‌ دزین و هه‌ر ژبه‌ر وێ دزیكرنێ چه‌ند كه‌س ده‌ستگیركرینه‌ و دێ هێنه‌ سزادان.
ئه‌وى ئه‌ندامێ لیژنا په‌روه‌ردێ و خاندنا بلند دیاركرژى: د كومبونا دگه‌ل وه‌زیرێ په‌روه‌ردێ ، جه‌نابێ وه‌زیرى ب ئاشكراى گوتیه‌ ئه‌گه‌ر ل وان ده‌ڤه‌ران واته‌ قه‌زا (كفر و رانیه‌) رێژا ده‌رچونێ یا بلند بیت و نمرێن قوتابیان د ئاسته‌كێ بلند دا بیت، دێ ل كوردستانێ ئه‌زمونا زمانێ كوردى هێته‌ دوباره‌كرن داكو مافێ چو قوتابیان نه‌هێته‌ خوارن و هه‌ر قوتابیه‌ك بشێت ل دویڤ شیانێن خوه‌ ئه‌زمونا خوه‌ ئه‌نجام بده‌ت.‌