ئهڤرۆ نيوز:
رێڤهبهريا گشتيا كهشناسى و بيڤهلهرزێ ل ههرێما كوردستانێ راگههاند كو ژ ئهنجامێ هاتنا فشارێن نزمێن دهريا سپى بۆ سهر ههرێما كوردستانێ ل دهڤهرێن جودا يێن ههرێمێ رێژێن بهفر و بارانێ هاتينه تۆماركرن و ب ڤى رهنگێ ل خوارێ:
نووترين نووچه
- نێچیرڤان بارزانی دوپاتیێ ل گرنگییا چارەسەركرنا ئاشتییانە یا كێشەیان و پاراستنا ئارامییا دەڤەرێ دكەت
- مەسرور بارزانی و شاندەكێ ئەلمانی پێكئینانا حوكمەتێن فیدرال و هەرێمێ گەنگەشەكر
- پۆستێ سەرۆككۆماری بەهرا كوردانە و پێدڤی ب لهەڤهاتنێ یە
- محەمەد زراری: ئەگەرێ سەرەكیێ كێشەیێن هەولێرێ و بەغدایێ نەبوونا قانوونا بودجەیا گشتی یە
- رێککـەفـتنا ل گــەل شـامـێ باشـە و مـە ئۆتۆنۆمـی دڤێت
- نێچیرڤان بارزانی بۆ تۆم باراكی: هەرێما كوردستانێ دێ فاكتەرێ ئارامیێ بیت
- مەسرور بارزانی پێشوازی ل سەرۆكێ حزبا ئەمارجی یا لیبرالی یا ئیراقی كر
- دروستكرنا دوسایدێ هەولێر – گۆمەسپان هاتنوچوونا وەلاتییان ب ساناهی ئێخست
- سەرۆك بارزانی ڕەتكریە دەستێوەردانێ د پرسا بەربژارێ شیعەیان بۆ پۆستێ سەرۆك وەزیران دا بكەت
- ب قەزاكرنا قەرەتەپە و گولالە بنپێكرنەكا دیار یا دەستوورییە
سهرهكى Facebook
دژهتیرۆرا ئهلمانی ل 7 بهرگۆمانێن ئیراقی دگهرن
ئهڤرۆ نیوز: ڤهدهر رهشاڤایی:
پتری 500 ژ هێزێن دژهتیرۆر و پۆلیسێن ئهلمانی ل حهفت بهرگۆمانێن ئیراقی یێن تیرۆرست دگهرن كو پلان دانابوو هێرشێن خوهكوژیێ ل شهڤا سهرسالێ ل باژێرێ میونخێ ئهلمانی بكهن.
ههتا نها ههوالگیرییا ئهلمانی نزانیت كا شانا ڤان بهرگۆمانان ل ناڤ میونخ و ئهلمانیا دانه یان ژی لدهرڤهی ئهلمانیا نه.
یونامی ههژمارا قۆربانیێن توندوتیژیێن سهرانسهری ئیراقێ بهلاڤ دكهت
ئهڤرۆ نیوز: ڤهدهر رهشاڤایی:
نوونهراتیا نهتهوێن ئێكگرتی ل ئیراقێ (یونامی) راگههاند كو ل داوی مهها 2015 ێ كانوونا ئێكێ، د توندوتیژیێن سهرانسهری ئیراقێ و بهرۆكێن شهری دا 980 كهسان گیانێ خوه ژ دهست دایه و هزار و 244 برینداربووینه.
506 كهس ژ وان خهلكێ سڤیل بوویه و یێن مایی هێزێن ئێمناهیێ بوون كو هێزێن پێشمهرگه ژی بخوهڤه دگریت.
تورێن جڤاكى چ گوتنه ڤى كهسى؟
هێزێن سوریا دیمۆكرات ل حهلهبێ پێشڤهچوونێ دكهن
ئهڤرۆ نیوز: ڤهدهر رهشاڤایی:
هێزێن سوریا دیموكرات بسهركێشییا هێزێن كوردی یهپهگێ و ب پشتهڤانییا هێرشێن ئاسمانیێن ههڤپهیمانان ل پارێزگهها حهلهبێ پێشڤهچوون.
روانگهها سوری بۆ مافێن مرۆڤی خویاكر كو: هێزێن سوریا دیمۆكرات پشتی شهر و پهڤچوونان دگهل چهكدارێن بهرهیا نوسره و ئهحرار ئهلشام شیان گوندێ تهنهب نێزیكی ئهعزاز ل باكۆرێ حهلهبێ كۆنترۆلكر.
بهری چهند رۆژان ژ ڤێ سهركهفتنێ هێزێن سوریا دیموكرات بهنداڤا تهشرین یا ستراتیژی كۆنترۆلكر و ژ دهستێن تیرۆرستێن داعش ئینا دهر.
پێنج كهسان گیانێ خوه ژ دهستدا
ئهڤرۆ نیۆز، قائید میرۆ
ذ ئهگهرێ روویدانهكا هاتن وچوونێ پێنج وهلاتیان گیانێ خوه ژدهستدان و پۆلیسێن هاتن وچوونێ ژی ئاشكراكر، ئهگهرێ روویدان بۆ لهزاتیا شوفێرا ڤهدگهڕیت.
فازل حاجی، پهیڤدارێ هاتن وچوونا پارێزگهها ههولێرێ ب ئهڤرۆ نیۆز راگههاند” ئهڤرۆ رۆژا ئهینی لسهر رێیا دۆلا سماقۆلی ل پارێزگهها ههولێرێ روودانهكا هاتن وچوونێ دناڤبهرا دو ترۆمبێلاندا چێبوو و د ئهنجامدا پێنج وهلاتیان گیانێ خوه ژدهستدا.
حاجی دیاركر، روویدان دناڤبهرا ترۆمبێلهكا پیكاب تویوتا و ترۆمبێلهكا نیساند دهبل، كو ئهگهرێ روویدانێ بۆ لهزاتیا ههردو شوفێران و كێمبوونا هێزا دیتنێ ژبهر سهقای ڤهدگهڕیت.
بهفرێ ستوینێن كارهبێ ئێخیستن
ئهڤرۆ نیوز, رۆژهات لوقمان:
پشتی كو كهشناسیا ههرێما كوردستانێ راگههاندی كۆ پێلهكا بهفرێ دێ ههرێمێ ڤهگریت, دوهی لرێكهفتی 31/12/2015 پێلهكا بهفر و باران بارینێ ل چهندین دهڤهرێن جودا جودا یێن ههرێما كوردستانێ ظةگرت و دهڤهرا ئامێدیێ ژی ئێك بو ژ وان دهڤهرێن بهفر لێ باری, لێ بارینا بهرفر و باران و هاتنا هروبایهكێ بهێز بو ئهگهر كۆ چهندین ستوینێن كارهبێ ل ناحیا شێلادزێ ب كهڤن و ژ كاری بهێنه راوهستاندن.
رێڤهبهرێ سهخبێریا كارهبا ناحیا شێلادزێ بو ئهڤرۆ نیوز گۆت: ژبهر هاتنا بهفرو بارانێ و هاتنا هروبایهكێ بهێز ل سنورێ ناحیا شێلادزێ پتر ژ (11) ستوینێن كارهبێ كهفتینه سهر جادێ.
مونیر شهمدین یونس رێڤهبهرێ سهخبێریا كارهبا شێلادزێ گۆت ژی: ئهو ههمو ستوینێن كهفتین ئهو ستوینێن روناهیێ نه ئهوێن دكهڤنه دناڤبهرا ههردو جووت سایدان و ژبهر كۆ كهفتبونه دناڤا جادێ دا لهورا ههر ب بلهز تیمێن مه رابوینه ب راكرنا وان ستوینان دا كو رێیا هاتن و چونێ دناڤا جووت سایدی دا نههێته گرتن,
مونیر شهمدین دیاركرژی: ئهو ههمو ستوین ئهون ئهوێن كهڤن لهورا ژڤان بو ئهو ههمو ستوینه بهێنه دهرێ دناڤبهرا جووت سایدی دا و هندهكێن نو بهێنه دانان لێ ئهڤرۆ هروبای ئهو ستوین ئینانه دهرێ و ژڤانه لدهمهكێ نیزیك ستوینێن نو بهێنه دانان دناڤبهرا جووت سایدێ ناحیا شێلادزێ و ههردیسان ژبهر هاتنا بهفرو بارانێ ل گهلهگ تاخێن ناحیا شێلادزێ كارهبا نیشتیمانى هاتیه برین و بو چارهسهریا ڤێ چهندێ ژی تیمێن مه بهردهوام دكاركرنێ دا نه زێدهباری بارینا بهفرو بارانێ ل دهڤهرێ.
داخوازا ههلوهشاندنا جڤاتا پارێزگههێ دهێتهكرن
ئهڤرۆ نیۆز، قائید میرۆ
هژمارهك ئهندامێن جڤاتا پارێزگهها ههولێرێ داخویانی بهلافكرینه و تێدا دبێژن، ههبوون و نهبوونا جڤاتا پارێزگههێ چو مفا نینه و داخوازا ههلوهشاندنێ دكهن، سهرۆكێ فڕاكسیۆنا پارتی ژی رادگههینه ئهف داخوازى ب تنێ بۆ خوه دهرخستنێ دهێتهدان.
كهنعان خهیلانی، سهرۆكێ فڕاكسیۆنا پارتی ل جڤاتا پارێزگهها ههولێرێ ب ئهڤرۆ نیۆز راگههاند” ئهف ئهندامێن جڤاتێ یێن داخوازا ههلوهشاندنا جڤاتا پارێزگههێ دكهن، دیاره هێشتا قانوونا جڤاتا پارێزگههان نهخواندیه و ههست ب بهرپرسیاریێ ناكهن ههمبهر ئهركێ خوه وهكی ئهندامێن جڤاتا پارێزگههێ، چونكه ههتا نوكه جڤاتا پارێزگههێ چهندین رێڤهبهر گازیكرین و لێپرسین دگهل زۆر كهسان هاتیهكرن.
خهیلانی گۆتژی” ئهف ئهندامێن جڤاتێ یێن داخوازا ههلوهشاندنا جڤاتا پارێزگههێ دكهن، تنێ هزر لایهنێ خوه یێ سیاسی دكهن و بۆ خوه دهرخستنێ ئهڤێ پرسێ بهلاف دكهن، ئهگهر حزبێن وانژی دهست ژكار كێشانێ ژوان قهبوول بكهت نابیت دهنگدهرێن وانا رازیببن.
بهرههمێ توركیا ناچیته رۆسیا و ناهێته ههرێمێ ژی
ئهڤرۆ نیۆز، قائید میرۆ
وهزارهتا چاندنێ ئاماژه ب وێ چهندێ دكهت، پشتی تێكچوونا پهیوهندیێن رۆسیا و توركیا بهرههمێ توركیا ناچیته رۆسیا و مهژی مفا ژێ نهدیتیه.
دكتۆر ئهنوهر عومهر، رێڤهبهرێ پلاندانانێ ل وهزارهتا چاندنێ یا حوكمهتا ههرێما كوردستانێ بو ئهڤرۆ نیۆز راگههاند” پشتی تێكچوونا پهیوهندیێن توركیا و رۆسیا بهرههمێ توركیا ناچیته رۆسیا، بهلێ چو كاریگهری لسهر ههرێما كوردستانێ نهبووینه و بهایێ فێقی و زهرزهواتێ بیانی ههر وهكی خوه مایه و بۆ نموونه بهایێ باجان سۆركا ههر یێ گراندبیت.
ب تۆمهتا مهزاختنا گشتی ڤهكۆلین ل گهل ههڤژینا ڤی سهرۆكێ وهزیران دهێته كرن
ئهڤرۆنیۆز، ئهیاد بهرواری
پۆلیسێن ئیسرائیلێ ل بنگههێ پۆلیسێن (لهد)، ڤهكۆلین ل گهل ههڤژینا سهرۆك وهزیرێن ئیسرائیلێ كر ب گۆمانا پارێن گشتێ بۆ كاروبارێن كهسایهتی ژلایێ وی و ههڤژینێ وێ ڤه.
ڤهكۆلین دهێته كرن ل دۆر مهزاختنا پارێن گشتی ژلایێ بنیامین ناتانیاهۆ سهرۆك وهزیرێن ئیسرائیلێ و ههڤژینا وی ڤه، بۆ كڕینا هنده كهلوپهلان بۆ خانیێ خوه، پێزانین ل سهر وێ مهزاختنێ ژی گههشتنه پۆلیسان ژلایێ خزمهتكارێ بهرێ ل ئوفیسا سهرۆك وهزیرێن ئیسرائیلی (مانی نفتالی) كو هاتبوو لادان ژ كارێ وی، ل دووڤ ئاژانسا رۆژنامهڤانیا فرهنسی.
بابهتێ ڤهكۆلینێ ل دۆر ڤهگوهاستنا هندهك موبیلیاتانه كو ب پارێ گشتی هاتیه كڕین و پاشی بۆ مالا ناتانیاهۆی هاتینه ڤوگههاستن.
دیسا گومان ل سهر بكارئینانا (ئافی فهیمه) كو كارهبایی یه و ههڤالێ خێزانێ یه و ئهندامهكێ بهرێ یه د لژنا ناڤهندی یا حزبا لیكود، حزبا سهرۆك وهزیران، بۆ ئهنجامدانا هندهك كارێن نووژهنكرنێ ل مالا ناتانیاهوی ل سهر كیستێ باج بهخشێن ئیسرائیلی و گومان ل سهر وی كارهبایی یا ههی كو پارێن زێده یێن د پسۆلێن خوهدا نڤیسین.
نيشاندان
WP Facebook Auto Publish Powered By : XYZScripts.com