ئەڤرۆ نیوز:

دەمێ چەندین سالایە، چ كچ ل گوندێ‌ هاریانا یێ‌ باكورێ‌ هندستانێ‌ ژدایك نەبوونیە، ئەو گوند ب گوندێ‌ زەلامان دهێتە نیاسین.

لدووڤ راپۆرتەكا رۆژناما تێلیگرام، ل گوندێ‌ هاریانا ئەگەر ژنەكا دو گیان بزانیت، كو زارۆكا وێ‌ كچە، ناهێلیت بهێتە سەر دونیایێ‌، هەکە كەسەكێ بڤێت بۆ خوە ژنەكێ‌ بینیت، پێدڤیە بچیتە هندەك گوند و دەڤەرێن دیتر و بۆ خوە ل خانمەكێ‌ بگەریت، دا ببیتە هەڤژینا وی.
هندستان ئێكە ژوان وەلاتان کو مەترسیەكا مەزن ل سەر ژنان هەیە، رێژەكا زۆر یا بازرگانیكرنێ‌ ب كچ و ژنان دهێتە كرن.

نیتیش كۆمار جوتیارەكێ‌ گوندێ‌ هاریانا یە دبێژیت: ئێك تەرەكتۆرا ژنان بینە ڤی گوندی، د ماوێ‌ دەمژمێرەكێدا دێ‌ هەموو شووكەن، ژبەركو تەمەنێ‌ پڕانیا زەلامێن گوندی ژ 30 سالیێ‌ دەرباز دبیت و ژن بدەست ناكەڤن.

زەلامێن گوندێ‌ هاریانا هەبوونا كچان ب شەرمزاری دزانن، زێدەباری وێ‌ چەندێ‌ دبێژن، بارێ‌ كچان گرانترە و دەمێ‌ شوو دكەن، پێدڤیە مال بابا وان پارا بدەنێ‌ و هەموو تشتەكی بۆ دابین بكەت.

 
لدووڤ داتایان ل هندستانێ،‌ ژن ب رێژا 56% تووشی توندوتیژیێ‌ دبن، و 16% تووشی توندوتیژیا فیزیكی دبن، و 25% تووشی توندوتیژیا سكسی دبن و 52% تووشی توندوتیژیا سایكۆلۆژی دبن.

 
ئەڤرۆ نیوز:

دەمێ مەعیدە یێ ڤالا بیت و مرۆڤ هندەک خوارنان دخۆت، ئەو خوارنە دبنە ئەگەرێ توشبوونا لەشی ب ئاریشێن ساخلەمیێ یێن جۆدا ب تایبەتى ئەو خوارنێن هاریکاریا کریارا هێرانێ نادەن.
ڤەکولینەکا ئیتالی لیستەکا خوارنان بەلاڤکریە، کو باشترە د دەمێ مەعیدە یێ ڤالا بیت خوە ژێ پارێزیت و ئەو خوارن و ڤەخوارنە ژى ئەڤەنە:

ئاڤا سار:
ئێکە ژ ئەگەرێن تێکچوونا کریارا هەرسکرنێ.
قەهوە:
دەمێ مەعیدە یێ ڤالا بیت ڤەخوارنا قەهوێ دبیتە ئەگەرێ ئینتهابا دیوارێ مەعیدەى.
شیر:
هەرسکرنا پێدڤی ب بەکتریا زێدە هەنە، ئەو ژى دبیتە ئەگەر کو هەرسکرنێ بزەحمەت بکەت.
موز:

هەر چەندە موز ئێکە ژ خوارنێن ب مفا بۆ ساخلەمیێ، لێ خوارنا وان د دەمێ مەعیدە یێ ڤالا دا، زیانێن ساخلەمیێ هەنە و دبیتە ئەگەرێ ئینتهابا مەعیدەى و قۆلۆنێ.
شرینی:
کارتێکرنەکا خراب ل سەر ساخلەمیێ هەیە و دبیتە ئەگەرێ بلندبوونا رێژا شەکرێ د لەشی دا بۆ ئاستەکێ نە ئاسایی، ئەو ژى دێ بیتە ئەگەرێ نەخوشیا شەکرێ.