ئەڤرۆ نیوز:
ڤیلادەمیر پوتین سەرۆکێ روسیا راگەهاند کو مخابن ل روسیا ژ بەر ڤایرۆسێ کۆرۆنا رەوش گەلەک خرابە و هژمارا کەسێن کو تووشی کۆرۆنایێ دبن ژی هەر کو دچیت زێدەتر لێ دهێت.
سەرۆکێ روسیا داخواز ژ هەموو وەلاتیێن روسیا ژی کر کو پێگیریێ ب رێنمایان بکەن و خوە بپارێزن و گۆت: (مخابن هژمارەکا بەرچاڤ ژ کەسێن کو تووشی کۆرۆنایێ بووینە بارێ ساخلەمیا وان یا خرابە).
ئه‌ڤرۆنیۆز، سالار دۆسكی:
مامۆستایێ زانكۆیا دهۆكێ، ئاشكراكر كو هه‌كه داهاتێ به‌غدا به‌رده‌وام بیت و بهایێ په‌ترۆل دا نه‌كه‌ڤت، هه‌رێما كوردستانێ چ ئاریشه نابن، نه ڤه‌شارت ژی كو گرنگه پێنگاڤێن چاكسازیێ گه‌له‌ك ب هووری بهێنه هاڤێتن، دا تووشی چ ئاریشێن مه‌زن نه‌بین.
د.خه‌لیل غازی، مامۆستایێ زانكۆیا دهۆكێ بۆ ئه‌ڤرۆ نیۆز گۆت: ئابوورێ هه‌رێما كوردستانێ ب وی ره‌نگی نینه كو ب هاتنا نه‌خوشیا كورونایێ دێ ره‌وشا ئابووری ل كوردستانێ هێـته تێكدان، داهاتێ هه‌رێمێ ل سه‌ر په‌ترۆلێ یه و ئه‌گه‌ر بهایێ په‌ترۆلێ داكه‌فت گومان نینه دێ داهاتێ هه‌رێما كوردستانێ كێم بیت، به‌لێ هاتنا ڤایرۆسێ كورونایێ هه‌موو خزمه‌ت گوزاریێن لوجسكی دهێنه راوستاندن، ئانكو میكانزما برێڤه‌برنا ئابووری ڤایرۆسێ كورونایێ روستاندیه.
ئه‌و ژی ئاشكراكر كو دێ هه‌رێما كوردستانێ به‌رده‌اوم دگرفتان دا بیت چنكو مه چ سیسته‌مێن زه‌لال نین بۆ برێڤه‌برنا ئابووری، دڤێت پێنگاڤێن چاكسازیێ بهێنه هاڤێتن و رێكا خوه بگرن، بڤی ره‌نگی مه ئاریشه نابن، چنكو نوكه بتنێ بارگرانی كه‌فتیه سه‌ر وی كه‌سی ئه‌وێ بێ مووچه، ئانكو ئه‌وێن به‌رهه‌مێ ده‌ستی دكه‌ن وه‌ك رێنجبه‌ر.
د. خه‌لیلی ئه‌و ژی خۆیاكر كو گرنگه پێنگاڤێن چاكسازیێ گه‌له‌ك ب هووری بهێنه هاڤێتن، چنكو ئه‌ڤه پتر ژ بیست سالانه ل سه‌ر رێكه‌كێ دچین، ئه‌م دزانین ئه‌وێ رێكێ شاشی هه‌نه، بوویه كه‌لتور یا ب ساناهی نابیت بهێته راستڤه‌كرن چنكو هه‌كه بڤی ره‌نگی بیت ره‌نگه ئاریشێن مه‌زن دروست بن.
ئەڤرۆ نیوز:
ل گۆر هندەک میدیایێن عەرەبی پشتی کو روسیا و تورکیا ل هندەک دەڤەرێن رۆژئاڤایێ کوردستانێ جارەکا دی پێکڤە دەست ب هندەک بزاڤان کرینە ئەو یەک بوویە جهێ دلگرانیا ئەمریکا و حەفتیا بۆری شاندەکێ ئەمریکا سەرەدانا بەرپرسێن هێزێن سووریا دیموکرات و یەپەگێ کرینە و داخواز ژ وان کرینە کو ل رۆژهەلاتێ فراتێ پێکڤە کار بکەن دا رێگری ل بزاڤێن تورکیا و روسیا بهێتە کرن.
چاڤدێرێن سیاسی دیار دکەن کو پشتی ب بریارا ترامپی ئەمریکا هندەک هێزێن خوە ژ رۆژئاڤایێ کوردستانێ ڤەکێشان ئەو یەک بوویە جهێ دلگرانیا گەلەک بەرپرسێن سەربازی یێن ئەمریکا و ژ بەر هندێ ژی دەمەکە ئەمریکا پێنگاڤ ب پێنگاڤ هێزێن خوە جارەکا دی ل رۆژئاڤایێ کوردستانێ ب تایبەتی ژی ل دەڤەرێن ستراتیژی بجه دکەت.
ئه‌ڤرۆنیۆز، سالار دۆسكی:
راوێژكارێ نه‌خوشیێن میكروبی و سیسته‌مێ به‌رگێری دیاركر كو شاشی یه قه‌ده‌غه‌یا هاتنوچوونێ بهێته راكرن و دڤێت ل ده‌ستپێكا هه‌یڤا داهاتی ب چه‌ندین قوناغا ئه‌ڤ كاره بهێته‌كرن.
پرۆفیسور د. هیشام یوسف راوێژكارێ نه‌خوشیێن میكروبی و سیسته‌مێ به‌رگێری ل زانكۆیا زاخۆ بۆ ئه‌ڤرۆ نیۆز گۆت: (شاشی یه ب زووترین ده‌م قه‌ده‌غه‌یا هاتنوچوونێ نوكه بهێته‌راكرن و دێ باشتر بیت ل ده‌ستپێكا هه‌یڤا ئه‌یارێ قه‌ده‌غه ب چه‌ندین قوناغا بهێته راكرن، چنكو ئه‌ڤ ڤایرۆسه گه‌له‌كێ ب مه‌ترسی یه و ڤه‌شارتیه).
راوێژكارێ نه‌خوشیێن میكروبی و سیسته‌مێ به‌رگێری گۆتژی: راكرنا قه‌ده‌غه‌كرنا هاتنوچوونێ دڤێت ب قوناغ بیت و ده‌ستپێكێ جهێن خه‌لكی گه‌له‌ك پێدڤی پێ هه‌ی بهێنه‌راكرن، وه‌ك (بانك، سه‌رترشخانه، نوشدار) ماوێ حه‌فتیه‌كێ چاڤدان ل سه‌ر هه‌بیت و هه‌كه ڤایرۆس ده‌ركه‌فت دڤێت بچینه خالا ده‌ستپێكێ ڤه یا خوپاراستنێ، گه‌له‌ك جاران جڤاك سێ جاران چووینه د كه‌رنتیكرنێ دا).
هه‌مان نوشداری ئه‌و ژی ئاشكراكر كو مه‌ترسی نه ئه‌وه بتنێ ڤایرۆس ل ئه‌وان كه‌سانه ئه‌وێن كه‌فتینه نه‌خوشخانێ، ره‌نگه هه‌ر جڤاكه‌كی 30% ئه‌ڤ ڤایرۆسه گرت بیت و ئه‌م نوزانین و نه‌هاتینه تۆماركرن.
ناڤهاتی دیار ژی کر کو هێشتا ده‌م نه‌هاتیه به‌حسێ ڤه‌كرنا زانكۆ و قوتابخانا بكه‌ین، چنكو جهێ مه‌ترسی یه و دێ باشتر بیت ژ ده‌ستپێكا هه‌یڤا پێنج ژی بوریت، ل دور مه‌ترسیێن وه‌لاتێن جیران، د. هیشام گۆت: (پێنگاڤێن حوكمه‌تێ ل خالێن سنوری جهێ ده‌ست خوشیێ نه، به‌لێ دڤێت به‌رده‌وام دووڤچوون و هشیاربوون هه‌بیت ل گه‌ل شوفێران، ره‌وشا باشه دێ باشتر بیت تیمه‌كا ساخله‌میێ هه‌بیت و به‌رده‌وام ئه‌وان شوفێران هشیاركه‌ت ل سه‌ر به‌لاڤبوونا ڤایرۆسی و قه‌ره‌بالغ دروست نه‌بیت).
هه‌مان راوێژكار دیار ژی کر کو نابیت ژیانا مه یا به‌ری كورونایێ بیته هه‌مان ژیانا پشتی كورونایێ چنكو چه‌ند ڤایرۆس ل جیهانێ هه‌بیت مه‌ترسی هه‌یه، چنكو جیهانا ڤه‌كریه و بله‌ز به‌لاڤ دبیت، چه‌ند ڤایرۆس ل جیهانێ هه‌بیت دێ مه‌ترسی یا به‌رده‌وام بیت.
ئەڤرۆ نیوز:
کاروان شێرزاد رێڤەبەرێ کارگێری ل نەخوشخانا خەلیفان راگەهاند کو دەمێ کەرەنتیا ناحیا خەلیفان کو ١٤ رۆژ بوون ب دووماهی هات و گۆت: (د ماوەیێ ١٤ رۆژێن بۆری دا ل ناحیا خەلیفان پشکنینا کۆرۆنایێ بۆ ٧١٥ کەسان هاتیە کرن یێن کو گومان دهاتە کرن بەرکەفتیێ نەخوشێن کۆرۆنایێ بن، لێ خوشبەختانە هەموو ژی نێگەتیڤ دەرچوون).
ناڤهاتی ئەو یەک ژی دیار کر کو سوپاسیا خەلکێ خەلیفانێ و دەوروبەران دکەین کو د ماوەیێ ١٤ رۆژێن بۆری دا هاریکاریا مە کرن و نەهێلان ڤایرۆسێ کۆرۆنایێ بەلاڤ ببیت.
ئەڤرۆ نیوز، عەلی حاجی :
رێڤەبەرێ چاندنێ ل زاخۆ د داخویانیەکێ دا بۆ ئەڤرۆ نیوز دیار کر مە پێشنیارەک رەوانەی وەزارەتا کشتولێ کری یە حکومەت بەرهەمی بۆ جوتیاری دیار بکەت کو دێ چو بەرهەمی دناڤ ئەردێ خوە دا چینیت و پلانا رێ پێدانا ب جوتیاران یا سەرکەڤتی بوو .
زێدەتر ئەحمەد سامی دیار کر کو ب هەماهەنگی دگەل رێڤەبەریا چاندنێ ل دهوکێ مە پروژەیەک رەوانەی وەزارەتا کشتوکالێ کری یە کو ئێدی حکومەت ب خوە بەرهەمی بۆ جوتیاری دەست نیشان بکەت کو وی بەرهەمی بچینیت و و دناڤ وی پروژەیی دا بۆ هەمی بەرهەمێن چاندنێ رێژە هاتینە دەست نیشان کرن کو ل دووف وێ رێژەیێ ئەو بەرهەمە بهێتە چاندن و هەکە ئەڤ پروژە هاتە پەسەند کرن دێ پێنگاڤەکا باش بیت هەمی بەرهەم ل کوردستانێ هەبن،پلانا رێپێدانێ بۆ جوتیاران یا سەرکەڤتی بوو ژبەر کو پشتی رێک ب جوتیارێن دەڤەرا زاخۆ هاتیە دان خەلکەکێ زور قەستا ناڤ ئەردێ خوە دا کرن و وەکو رێڤەبەریا چاندنێ ژی مە هەوەکا مەیدانی دەست پێکری یە دا کو ژ نێزیک ڤە بزانین جوتیارێ مە پێدڤی چیە د نوکە دا .
ناڤهاتی ئەو ژی نە ڤەشارت کو هەر جوتیارەکێ بەرهەمێ وی توشی نەخوەشیەکێ ببیت دا وەکو ئەم بشێن وی دەرمانێ نەخوەشیێ دابین بکەین و حکومەتێ پلانێن باش هەنە بۆ پشتەڤانی کرنا کەرتێ چاندنێ و پشتی ئەڤ رەوشا نوکە ب دوماهی دهێت دێ پلانێن حکومەتێ دیار بن بۆ پشتەڤانی کرنا جوتیاران.
ئەڤرۆ نیوز:
د. سامان بەرزنجی وەزیرێ ساخلەمیێ یێ حوکمەتا هەرێما کوردستانێ راگەهاند کو خوشبەختانە د ماوەیێ ٢٤ دەمژمێرێن بۆری دا پشکنین بۆ ٧٩٢ کەسان هاتیە کرن و د ئەنجام دا دیار بوو کو چو کەسەک ل هەرێما کوردستانێ تووشی کۆرۆنایێ نەبوویە.
ناڤهاتی ئەو یەک ژی دیار کر کو نابیت قەدەغەیا هاتنوچوونێ ب ئێکجاری ل هەرێما کوردستانێ بهێتە راکرن و گۆت: (بێگومان دێ گەلەک ئاسانکاری بۆ باشترکرنا رەوشا ژیانا وەلاتیان هێتە کرن، لێ نابیت ب ئێکجاری قەدەغەیا هاتنوچوونێ بهێتە راکرن، چونکو هێشتا مەترسیا کۆرۆنایێ ل هەرێما کوردستانێ یا هەیە).
ئەڤرۆ نیۆز، قائید میرۆ:
بەری چەند رۆژێن ژلایێ ھژمارەک ئەندامێن ھێزێن ئەمنی و حەشدێ ل ناحیا پردێ دەستدرێژیا سێکسی بۆ سەر ئافرەتەکێ ھاتەکرن و کارڤەدانێن زۆر دوڤدا ھاتن چالاکڤانەکا مافێ مرۆڤی ژی ئاشکراکر، پشتی روویدانێن ١٦ی ئۆکتۆبەرێ تاوانان دژی مرۆڤایەتی ل کەرکووکێ و دەڤەرێن کوردستانی ھاتینە ئەنجامدان.
تاڤگە عومەر، چالاکڤانا مافێ مرۆڤی بۆ ئەڤرۆ نیۆز دیارکر” پشتی روویدانێن ١٦ی ئۆکتۆبەرێ تاوانێن دژی مرۆڤایەتیێ ل دەڤەرێن کوردستانی یێن دەرڤەی ئیدارەیا حوکمەتا ھەرێما کوردستانێ دھێنە ئەنجامدان و ھەر ژ تاوانێن کوشتن و دەرکرن و دەستدرێژیێ بۆسەر شەرەفا خەلکێ وان دەڤەران، کو ئەڤە بنپێکرنا مافێن مرۆڤیە ل ئەڤان دەڤەران تێتەرکرن.
ئەڤێ چالاکا مافێن مرۆڤی خویاکر” چو لێپرسین دگەل وان کەسێن تاوانان ئەنجامددەن ناھێنەکرن، ئەڤەژی بۆیە ئەگەرەک بەردەوام تاوان بھێنە ئەنجامدان.
تاڤگە عومەر گۆت ژی” مخابن ھندەک ژوان تاوانان ژلایێ ھێزێن ئەمنی و سەربازی ڤە ھاتینە ئەنجامدان، ئەڤە د دەمەکی دایە ئەرکێ وان ھێزانە وەلاتیان بپارێزن نەک ببنە گەف لسەر وان.
ئەڤرۆ نیوز، عەلی حاجی :
ئەندامەکێ لژنا گەهاندنا هاریکاریان ل زاخۆ بۆ ئەڤرۆ نیوز ئاشکەرا کرنل دووف بریارەکا پارێزگەرێ دهوکێ لژنە ل هەمی قەزایێن پارێزگەهێ هاتینە پێک ئینان داکو ب رێیا وێ لژنێ هاریکاری بگەهنە دەستێ کەسانێن خوسان پێدڤی و دەست کورت.
زێدەتر خەلات ئوسمان گوت: (ل زاخۆ لژنەیەک ژ رێڤەبەریێن چاڤدێری و گەشەپێدانا جڤاکی و رێڤەبەریا شەهید و ئەنفالکریان ل زاخۆ و نوونەرەک ژ هەرێمداریا زاخۆ ژی پشکدارە،ئەو هارکاریین ماددی و ئازوقەیی یێ خێرخازان رادەستی هەرێمداریا زاخۆ کرین دێ ب ئامادەبونا موختار و خێرخازان ئامادە بن ب سەر وان خێزانان هێتە بەلاڤ کرن یێ ناڤێ وان ل دەڤ مە هاتینە تومار کرن و ئەم مژوولی دانانا سێ هێلێن گەرمین دا کو وەلاتیێن پێدڤی ب ئازوقەیی هەیین بشێن ناڤێن خوە تومار بکەن و دوهی روژا شەمبێی قوناغەک ژ وان هاریکاریان هاتنە بەلاڤ کرن کو ئەو ناڤە بوون یێ ب رێیا موختاران ناڤ هاتینە تومار کرن،ب رێیا وان هاریکاریان نابیت ب چو رەنگەکێ وێنە بهێنە گرتن ژبەر کو کەسانێن پێدڤی هەر خەلکی باژێرێ مەنە).
و گوت ژی ل هەمی قەزایێن سەر ب پارێزگەهێ ڤە لژنە هاتینە پێک ئینان و هیڤی خازین ژ خەلکەکێ یێ پێدڤی ب وان هاریکاریان نەبیت بلا ناڤێ خوە تومار نەکەن داکو بشێن هاریکاریان ب سەر کەسانێن پێدڤی دا بەلاڤ بکەین .
ناڤهاتی خویاکر ژی ” ئەڤ هاریکاری یە ب شێوەیەکێ بلەزتر ژ رێکخراوان دێ گەهیتە دەستێ وەلاتی و بریارە سوباهی روژا سێ شەمبێ هەوەکا دیتر دەست پێ بکەت و ئەم ب خوە دێ قان پێدڤیان گەهیننە دەستێ کەسانێن پێدڤی “.
ئه‌ڤرۆ نیوز:
وه‌زاره‌تا چاندنا چینێ را گه‌هاند: دو توشبوویێن ئه‌نفلونزا به‌رازان ل دو هه‌رێمێن وه‌لاتی هاتینه تووماركرن.
وه‌زاره‌تا چاندنا چینێ د راگه‌هاندنه‌كێ دا به‌لاڤكریه، رۆژا ئێك شه‌مبێ دو توشبوویێن ئه‌نفلونزا به‌رازان ل هه‌رێمێنGansu و Shaanxi هاتینه توماركرن، كۆ ب شیوه‌یه‌كێ به‌رده‌وام كارێ ڤه‌گۆهاستنێ ل گه‌ل به‌رازان دابوون.
وه‌زاره‌تا چاندنا چینێ ئه‌و چه‌نده ژی دازانین كۆ توشبوویێ ئێكێ ل هه‌رێما Gansuیێ كۆ ده‌ڤ بارهه‌لگره‌كی دا هاتیه تووماركرن كۆ 320 به‌راز بۆ هه‌رێمه‌كا دی یا چینێ ڤه‌دگۆهاستن و سێ ژ وان به‌رازان ژی مری بوون، حاله‌تێ دوێ ل زه‌ڤیه‌كا بچوك دا ل هه‌رێما Shaanxiكۆ سه‌ره‌ده‌ری ل گه‌ل كرین و فرۆتنا به‌رازان دكر.
نيشاندان