ئەڤرۆ نیوز:

ژنەکا توشبوویا ڤایرۆسێ کۆرۆنایێ جێمکەک بوویە و ناڤی ئێکێ کریە ڤایرۆس و یێ دی ژی کریە کۆرۆنا.

مالپەرێ world news د نووچەکێ دا بەلاڤکریە، کو ئەناماریا خوسیە یا د ژیێ ٣٤ سالێی دا، کو خەلکا وەلاتێ مەکسیکە بریار دایە کو ناڤێن هەردو زارۆیێن خۆ یێن جێمک بکەتە ڤایرۆس و کۆرۆنا، جەخت ل سەر هندێ ژی کریە، کو ساخلەمیا هەردو زارۆیان یا باشە زێدەباری وێ چەندێ کو دایکا وان تووشی ڤایرۆسێ کۆرۆنا یێ بوویە.

دایکا هەردو زارۆیان گوتیە، چ ناڤ ل سەر هزرا وێ نەبوونە و نۆشدارەکێ نەخۆشخانێ پێشنیار بۆ وێ کریە کو ناڤێ هەردو زارۆیێن وێ ب ڤی ڕەنگی بن، ژبەر کو ڤێ ڤایرۆسێ نوکە هەموو ژیان ب خوەڤە مژوول کریە.

هەر چەندە وی نۆشداری گوتیە کو وی ژی ئەڤ پێشنیارە بۆ خۆشیێ کریە، لێ د دووڤدا وەک سۆپرایز لێهاتیە بۆ وی دەما دیتیە کو براستی ژی ناڤێن وان کرینە ڤایرۆس و کۆرۆنا.

ئەڤرۆ نیوز:
لدووڤ دوواهی ئامارێن سەنتەرێ زانست و ئەندازیاریا سیستماتیك ل زانكۆیا جۆنز هۆپكنز، هژمارا حالەتێن تووشبوونێ ب ڤایرۆسێ كۆرۆنا ل سەرانسەری جیهانێ گەهشتە پتر ژ 700 هزار کەسان.

هەتا نوکە پتر ژ 704 هزار كەسان ل سەرانسەری جیهانی تووشی ڤی ڤایرۆسی بووینە.

 
ئەڤرۆ نیوز:

ژبەر نەبوونا پلانەکا باش بۆ بەرهنگاربوونا کۆرۆنا یێ، پەرلەمانێ ئۆکرانیا ب پرانیا دەنگان وەزیرێ وی وەلاتی ژ پۆستی وی دوورخست.
وەزارەتا ساخلەمیا ئۆکرانیا راگەهاندیە، ب دەنگێ ٢٧١ پەرلەمانتاران، بریارا دوورخستنا ئیلیا یمتس، وەزیرێ ساخلەمیێ هاتە دان، کو ئەڤە هەیڤەک بوو ئەو پۆستە وەرگرتی.
گۆتیه ژی، وەزیرێ ساخلەمیێ د کارێ خوە دا شکەستن ئینایە و چ پلان بۆ بەرهنگاربوونا کۆرۆنا یێ نەبوویە ژبەر هندێ هاتیە دوورخستن، پەرلەمانێ وی وەلاتی داخواز ژ سەرۆکێ ئۆکرانیا کریە، سەرۆکێ بەرێ یێ برێڤەبرنا هەرێما ئۆدیسا بۆ پۆستێ وەزیرێ ساخلەمیێ دیار بکەت.