ئەڤرۆ نیوز:
وه‌زاره‌تا ساخلەمیا حكومه‌تا هه‌رێما كوردستانێ راگه‌هاندنەک بەلاڤ كریه و تێدا هاتیە.
د بەردەوامیا پشکنینان دا و گەریان لدووڤ گومانلێکریان دا، 10 تووشبوو یێن نوو ب ڤایرۆسێ کۆڕۆنا یێ ل پارێزگەها سلێمانیێ هاتنە دەست نیشانکرن، کو دو ژ وان خۆجهێن سلێمانیێ نە و حەفت ل قەزا دەربەندیخان و ئێک ژی خۆجهێ قەزا چەمچەمالە.
وەزارەتا ساخلەمیێ
22 ئادارا 2020
ئەڤرۆ نیوز. بارزان مزووری:
ژێدەرەکێ فەرمی ل پارێزگەها مووسل بۆ ئەڤرۆ نیوز گۆت: ئەڤرۆ 22/3/2020 پشکنین بۆ گەنجەکی هاتیە ئەنجام دان کۆ ل بەغدا ڤەگەریا بۆ مووسل ئەنجامێن پشکنینێ دیار بوون، کو ئەو کەس هەلگرێ ڤایرۆسێ کۆرۆنایە، هاتیە رەوانەکرن بۆ نەخۆشخانێ و نوکە لبن چاڤدێریا نۆشداران دایە.
ناڤهاتی خویاکر ژی، ژیێ وی نێزیکی ۳۰ سالا نە و ناڤێ وی “موهەنەدە”وێنەگرێ کەنالێ عێراقی یە بەری 10 رۆژان ل وەلاتێ سعودیە ڤەگەریایە بۆ بەغدا بۆ ئەداکرنا عومرێ چوویە وی وەلاتی.
ئەڤرۆ نیوز:
رێکخراوا ساخلەمیا جیھانی د داخویانیەکا رۆژنامەڤانی دا چەندین رێنمایێن خۆپاراستنێ بۆ بھێزبوونا سیستەمێ بەرگریا لەشی ل دژی ڤایرۆسێ کۆرۆنایێ دیار کرینە، د ناڤ وان دا خوارنا ساخلەم و دووربوون ژ جگارەکێشانێ.
تیدرۆس ئادھانۆم گیبدریسوس رێڤەبەرێ رێکخراوێ دیار کریە، پێدڤیە هەموو کەس ئاگەھداریا لەشی و مەژیێ خوە بن، ژبەر کو ئەو رێک ھەڤکارن بۆ دەربازکرنا کۆرۆنایا یێ هەکە توشبوون، هەروەسا داخواز کریە، خوە ژ ڤەخوارنێن گازی و یێن دەولەمەند ب شەکر و کحولی و جگارەکێشانێ دوور بکەن.
هەروەسا دیارکریە، خوارنێن ساخلەم بخون و رۆژانە گەنج بۆ دەمێ ٣٠ خولەکان وەرزشێ بکەن و زارۆک ژی بۆ دەمێ دەمژمێرەکێ.
ئەڤرۆ نیوز:
وەزارەتا پەروەردا هەرێما کوردستانێ راگەهاند، درێژکرنا بهێنڤەدانێ ل ناڤەندێن خواندنێ ژ ئالیێ لژنا بلند یا وەزاری یا بەرهنگاربوونا کۆرۆنا یێ دێ بریار ل سەر هێتە دان.
ئەڤرۆ ئێکشەمبی وەزارەتا پەروەردا هەرێما کوردستانێ راگەهاند، درێژکرنا بهێنڤەدانا ناڤەندێن خواندنێ دێ ژ ئالیێ لژنا بلندا وەزاری یا بەرهنگاربوونا کۆرۆنا یێ بریار ل سەر هێتەدان.
ئەڤ راگەهاندنە د دەمەکێ دایە، کو چەند رۆژن هندەک پەیج ل سۆشیال میدیایێ و ژێدەرێن نەفەرمی ب ناڤێ وەزارەتا پەروەردێ داخویانی و نووچەیان دەربارەی پرۆسا خواندنێ بەلاڤکرینە.
هەروەسا پشتی راگرتنا بهێنڤەدانێ ژ ٢٥ شواتێ، بریاربوو ل ٢٨ ئادارێ دەواما قوتابخانان دەستپێبکەت، لێ ژبەر راگەهاندنا درێژکرنا قەدەغەیا هاتنوچوونێ ل هەرێمێ، هەتا ١ نیسانێ، دەواما قوتابخانان ژی دەستپێناکەت، ل دەمێن بهێن و لدووڤ داخوازیا وەزارەتا ساخلەمیێ بۆ درێژکرنا قەدەغەیا هاتنوچوونێ، دێ بریار ل سەر دەوامێ هێتەدان.
ئەڤرۆ نیۆز، قائید میرۆ:
سەرۆکێ جڤاتا پارێزگەھا ھەولێرێ ھۆشداریێ ددەت وەلاتیێن دەرڤەی ھەولێرێ و دبێژیت، ھەر کەسەکێ ژ باژێڕی دەرکەڤیت رێکێ نادەین ڤەگەڕیت بۆ ناڤا باژێڕی.
عەلی رەشید، سەرۆکێ جڤاتا پارێزگەھا ھەولێرێ بۆ ئەڤرۆ نیۆز دیارکر” رێو جھێن توند یێن کەرەنتینکرنێ ھاتینە بجە ئینان و حوکمەت یا رژدە لسەر بجە ئینانا رێکارێن خۆپاراستنێ ژ ڤایرۆسێ کۆرۆنا بۆ پاراستنا ژیانا وەلاتیان.
عەلی رەشید گۆتژی” ھەگەر کەسەکی بڤێت ژ ھەولێرێ دەرکەڤیت رەنگە رێکێ بدەنێ، بەلێ ب چو شێوەیەکی رێک ناھێتەدان خەلک بھێتە ناڤا ھەولێرێ و یێن ژ دەرڤەی ھەولێرێ ماینە و ناڤەگەڕن ئەگەر خەلکێ باژێڕێ ژی بن.
ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ راگەهاند کو ژ بۆ پاراستنا وەلاتیان و رێگریکرن ژ بەلاڤبوونا ڤایرۆسێ کۆرۆنایێ بریار هاتیە دان قەدەغەیا هاتنوچوونێ ل هەرێما کوردستانێ هەتا ئێکێ نیسانێ بهێتە درێژکرن.
د داخۆیانیا وەزارەتا ناڤخوە دا ئەو یەک ژی هاتیە دیارکرن کو ل دەمژمێر ١٢ شەڤێ هەتا شەشێ سپێدێ ژی ب چو رەنگەکێ رێ ناهێتە دان کەس هاتنوچوونێ بکەت.
ئەڤرۆ نیوز:
وەزارەتا نافخۆ یا هەرێما کوردستانێ قەدەغەیا هاتنوچوونێ هەتا 1 نیسانێ ل هەموو هەرێما کوردستانێ درێژ کر و گۆتیە، هەر کەسەکێ پابەند نەبێت دێ هێتە سزادان.
هەروەسا وەزارەتا نافخۆ یا هەرێما کوردستانێ گۆتیە، هیچ هاتنوچوونەک دناڤبەرا دەمژمێر 12:00 شەڤێ هەتا 06:00 سپێدێ یا رێپێدایی نینە، ژ بلی ترۆمبێلێن هێزێن ئەمنی، ئەوێن ئەرکێ خوە دا و ترۆمبێلێن ئەمبولانس و ئەوێن رێپێدایی.
ئەڤرۆ نیۆز، قائید میرۆ:
کۆردو شابان، پەیڤدارێ وەزارەتا باژێڕڤانیێ بۆ ئەڤرۆ نیۆز دیارکر” سەرەڕای کو نوکە بھێنڤەدانا فەرمیە لھەرێما کوردستانێ، بەلێ تیمێن باژێڕڤانیان لسەرانسەری ھەرێما کوردستانێ مژۆلی پاقژکرنا باژێڕ و بجە ئینانا رێنمایێن خۆپارێزیێ نە، بتایبەتی گەھاندنا ئاڤا پاقژ و ساخلەم بۆ ھەموو ئاکنجیێن ھەرێما کوردستانێ.
پەیڤدارێ وەزارەتا باژێڕڤانی ئاشکراکر” وەزارەتا باژێڕڤانیێ یا ھاریکارە دگەل وەزارەتێن پەیوەندیدار بۆ بەرھنگاربوونا ڤایرۆسا کۆرۆنا.
کۆردو شابان گۆتژی” وەزارەتا باژێڕڤانیان ئەرد بۆ ئاڤاکرنا پێنج نەخۆشخانەیێن تایبەت ب ڤایرۆسا کۆرۆنایێ بەرھەڤکریە یاکو بڕیارە ژلایێ حوکمەتا ھەرێما کوردستانێ و کەسێن خێر خواز بھێنە ئاڤاکرن.
ئەڤرۆ نیۆز، قائید میرۆ:
بڕیارە ڤێ ئێڤاریێ ھێزێن پێشمەرگەی ل نێزیک فڕۆکخانا نێڤدەولەتیا ھەولێرێ مانۆرەکا سەربازی ئەنجامبدەن و وەزارەتا نافخۆژی وەلاتیان لدۆر ئەڤێ روویدانێ ئاگەھدار دکەت.
دداخویانیەکێ دا کو وێنەیەک گەھشتیە مالپەڕێ ئەڤرۆ نیۆز وەزارەتا نافخۆ راگەھاندیە” ئێڤاریا ئەڤرۆ ھێزێن زێرەڤانی یێن ئەرکێ پاراستنا فڕۆکخانا نێڤدەولەتیا ھەولێرێ ھەیە دێ مانۆرەکا سەربازی ل نێزیک فڕۆکخانێ ئەنجام دەن.
وەزارەتا نافخۆ ئاماژەکریە” پێدڤیە وەلاتی ئاگەھداربن بۆ رێڤەچوونا مانۆرا سەربازی و ھەتا پێنج کیلۆمەتران دێ ڤەگریت، لەوڕا وەلاتیان ئاگەھدار دکەین ل رێڤەچوونا مانۆرا سەربازی.
نيشاندان