ئه‌ڤرۆ نیوز: ڤه‌ده‌ر ره‌شاڤایی:
مه‌سعود بارزانی سه‌رۆكێ هه‌رێما كوردستانێ چار جاران بفه‌رمی سه‌ره‌دانا واشنتۆن كریه و ل كۆچكا سپی كۆمبونێن ئاست بلند پێكئینانینه،
هه‌ر وه‌كی مالپه‌رێ ئه‌ڤرۆ نیوز به‌ریا حه‌فتیه‌كێ ئاشكرا كری، ناڤهاتی شه‌ڤا ئێكشه‌مبی رێكه‌فتی 3 مه‌ها گولانێ گه‌هشته واشنتۆنا پایته‌ختێ ئه‌مریكا.
وێنه و مێژوو:
ئه‌ڤرۆ نیوز: ڤه‌ده‌ر ره‌شاڤایی:
پرۆژه‌قانونا كونگرێسێ ئه‌مریكى لسه‌ر هاریكاریێن له‌شكه‌ری بۆ ئیراقێ كو بسه‌ربخوه‌یی هه‌ر ئێك ژ هێزێن پێشمه‌رگه و هێزێن ئه‌ره‌بێن سونی به‌هرا خوه وه‌رگرن به‌غدا زێده توره‌كریه، كونگرێسمانه‌كه‌كێ ئه‌مریكی ژی ئه‌ڤرۆ رۆژا ئێكشه‌مبی سه‌ره‌دانا به‌غدا كر و راگه‌هاند كو چێدبیت كونگرێسێ ئه‌مریكی پێداچوونێ لسه‌ر ڤێ پرۆژه‌قانوونێ بكه‌ت.
كونگرێسمان مایكل مه‌ككاول سه‌رۆكێ لژنا ئێمناهیا نیشتمانی ل كونگرێسێ ئه‌مریكا دگه‌ل حه‌فت ئه‌ندامان سه‌ره‌دانا به‌غدا كر، و خویاكر كو ئه‌وله‌ویاتێن واشنتۆن به‌رگریا به‌غدایه له‌ورا ئه‌ڤ پرۆژه قانوونا كۆنگرێسی چێدبیت ده‌ستهه‌لاتا حه‌یده‌ر عه‌بادی سه‌رۆك وه‌زیرێن ئیراقێ بێخیته د بن گه‌فان و مه‌ترسیێ دا.
مه‌ككاول گۆت ژی: هه‌كه‌ر به‌غدا بكه‌ڤیت هه‌می ئیراق دێ كه‌ڤیت ژبه‌ر ڤی ئه‌گه‌ری دێ بزاڤا كه‌ین دا بزانین چ گۆهورینا باشه د پرۆژه قانونێ دا بهێته كرن.
ئه‌ڤرۆ نیۆز ، هه‌ژار مه‌عروف:
ب سه‌رپه‌رشتیا زانكویا پولیته كنیكى يا دهؤك ئه‌ڤرۆ دووماهى ب دو چالاكیێن وه‌رزشى و هونه‌رى ئینا و هونه‌رمه‌ندێ په‌یكه‌رساز حه‌سه‌ن عه‌بدولغه‌فور ب پێشینگه‌ها خوه یا ب ناڤێ رۆخسارێن چاڤه‌رێ پشكدارى د ڤان چالاكیا دا كر بوو، ژبه‌ر كارێ وى یێ سه‌ركه‌فتى ژلایێ رێڤه‌به‌ریا زانكویا پولیته كنیكى هاته خه‌لاتكرن وه‌كو رێزگرتن بۆ ڤى هونه‌رمه‌ندى.
ل دۆر پشكداریا خوه هونه‌رمه‌ند حه‌سه‌ن عه‌بدولغه‌فور د داخویانیه‌كێ دا بۆ مالپه‌رێ ئه‌ڤرۆ نیۆز گوت: پشكداریا من د ڤان جوره چالاكیا دا من پتر پالده‌ت كاره‌كه‌كێ باشتر بكه‌م و پشتى داخوازى ژ من هاتیه كرن ژلایێ زانكویا پولیته كنیكى پشكداریێ تێدا بكه‌م من ئێكسه‌ر داخوازیا وان قه‌بوول كر ژبه‌ركو دخوازم ئه‌ز ب رێكا ئه‌ڤان جوره پێشه‌نگه‌ها خزمه‌تا هونه‌رێ كوردى بكه‌م و تایبه‌ت ڤى جورێ هونه‌رى چونكو ئه‌ڤ شێوازه هه‌تا راده‌كى ل كوردستانێ یێ كێمه.
ل دۆر خه‌لاتكرنا وى ناڤبرى زێده‌تر گوت: سوپاسیا رێڤه‌به‌ریا زانكویێ دكه‌م كو ئه‌وان هه‌ست ب كارێ من یێ باش كرى و په‌یڤا خه‌لاتكرن ل ده‌ڤ من گه‌له‌ك یا گرنگه .
هه‌ژى گوتنێ یه هه‌ر د ناڤا خه‌لاتكرنا پشكدارێن چالاكیێن وه‌رزشى و هونه‌رى دا، رێڤه‌به‌ریا زانكویێ هونه‌رمه‌ندێ به‌رنیاس یێ موزیك ژه‌ن سالار جه‌میل ژى خه‌لاتكر.
ئه‌ڤرۆ نيوز:
رۆژه‌كێ پشتى بريارا په‌رله‌مانێ عيراقێ، بۆ دژايه‌تيكرنا پرچه‌ككرنا پێشمه‌رگه‌ى، فراكسيونێن كوردستانى كومبوونه‌ك ئه‌نجامدا و راگه‌هاندن كو دێ هه‌ڤپه‌يمانيا كوردستانى ل به‌غدا دێ دروست كه‌ن.
ل دووڤ به‌لگه‌نامه‌كێ فراكسيونێن كوردستانى ل به‌غدا ل سه‌ر پێكئينانا هه‌ڤپه‌يمانيه‌كێ ب ناڤێ هه‌ڤپه‌يمانيا كوردستانى ل په‌رله‌مانێ عيراقێ رێككه‌فتن.
ئه‌ڤرۆ نیوز:
ئه‌ڤرۆ وه‌زاره‌تا دارایى و ئابوورى یا حكومه‌تا هه‌رێمێ رێنمایێن موله‌تا بێ مووچه ب فه‌رمانبه‌ران ده‌رێخستن.
به‌رى نوكه فه‌رمانبه‌ر ب تنێ دشیان سێ سالان موله‌تێ وه‌ربگرن و بێ خزمه‌تا خانه‌نشینیێ بۆ بهێته هژمارتن، به‌لێ نوكه بووینه 5 سال و دێ وه‌ك خزمه‌تا خانه‌نشینیێ ژى هێته هژمارتن.
ئه‌ڤرۆ:
ڤەکولینەکێ دیارکر ئەو زەلامێن گەلەک شوکولاتا دخۆن رەنگە مەترسیێن توشبوونا وان ب جەلتەیان کێم ببن، ل وەرزنامەیا زانستێ دەماران ڤەکولەران وەسان نڤیسی یە کو پشتی بۆ دەمێ ١٠ سالان وان دووڤچۆنا ٣٧ ھزار زەلامێن شوکولاتا دخۆن کری دیاربوو ب رێژا ١٧% مەترسیا توشبوونا وان ب جەلتەیان کێم بوو.
ئەڤ ڤەکولینە یا ئێکێ یە د ڤی واری دا دھێتە کرن و ئاماژە ب وێ چەندێ ددەت کو خوارنا شکولاتان مفا بۆ دلی و دەمارێن خوینێ خوینێ ھەنە و ھندەک ژ ڤەکولینێن بەری نوکە ھاتینە ئەنجامدان دیارکربوو کو ئەو کەسێن شکولاتا دخۆن فاکتەرێن کێمتر بۆ توشبوونێ ب نەخوشیێن دلی و جەلتەیان ھەنە وەک بلندبوونا فشارا خوینێ، سوزان لارسون ژ پەیمانگەھا کارولینسکا ل ستوکھولمێ کو سەرۆکاتیا ڤێ ڤەکولینێ دکر گۆت: کارتێکرنا ب مفا یا خوارنا شکولوتا کو ھەڤبەندی ب جەلتەیان ڤە ھەیە رەنگە گرێدای پێکھێنەرێن فلافونوید ڤە ھەبیت ئەوێ دناڤ شکولاتا دا ھەی، ڤەکولینەکا دیتر کو ل سالا بۆری ژلایێ لارسونێ ڤە ھاتبوو کرن ئەنجامێن وەکی وان ل سەر ژنان ژی دیارکربوون، فلافونید ھندەک پێکھێنەرن کاردکەن وەکو کەرستەیێن دژی ژەنگارێ و ڤەکولین ئاماژە ب وێ چەندێ ددەن کو رەنگە وی کەرستەی کارتێکرنێن ئەرێنی ل سەر فشارا خوینێ و کولیسترۆلی و کارێ دەمارێن خوینێ ھەبیت.
ئەڤرۆ:
گەلەک گەنج ژ ھەردو رەگەزان حەزدکەن نشتەرگەریێن جوانکاریێ ئەنجام بدەن و دفنێن خوە ب شێوەیەکێ دیتر لێ بکەن، ھەلبەت گەلەک جورێن دفنا ھەنە و رەنگە شێوێ دفنێن خەلکێ کوردستانێ وەکو یێن دەڤەرێن عەرەبی نەبن و ئورۆپی و ئەمریکی و ئەفریقیان ژی ھەر ئێکێ جوانیا خوە ھەنە، بەلێ کچێن ڤێ دەڤەرێ حەزدکەن دفنێن خوە یێن ئورۆپیا لێ بکەن و رۆژانە ئەڤ جورە نشتەرگەری یە ل دھۆکێ دھێنە کرن.
د.کوردو قەرەداغی، تایبەتمەندێ نشتەرگەریێن جوانکاریێ دیارکر کو نشتەرگەریێن جوانکاریا دفنێ ژ نشتەرگەریێن بەربەلاڤن و ھندەک جاران ب زەحمەتن بۆ ئەنجامدانێ، ئارمانجێن وانژی ژێکجودانە دبیت بۆ جوانکارنا دفنێ بن یان بۆ خوکرنا ھەناسێ بن و ھندەک جارا ژی رەنگە بۆ ھەردو ئارمانجا بھێنە ئەنجامدان و گۆت: نشتەرگەریێن دفنێ دھێنە کرن بۆ راستڤەکرنا دفنێ و پرا دفنێ، راستڤەکرنا کرگرکێن پێشیا دفنێ یان دیارکرنا شێوێ پرا دفنێ ب شێوەیەکێ باش، دیسا بۆ بەرفرەھکرن و بەرتەنگکرنا کونکێن دفنێ و دبیت ژی بۆ مەزنکرن یان بچووککرنا دفنێ بن و ھندەک جارا ژی رەنگە پشکا سلال ل گەل پشکا خوارێ نەگونجیت و نەخوش حەزبکەت ھەڤبەندیێ دناڤەرا واندا دروست بکەت یانژی بۆ دروستکرن و چارەکرنا کێماسی و کرێیتیێن زکماکی دھێنە ئەنجامدان.
کوردو قەرەداغی دیارکر ژی جوانکاریا دفنێ ب رێیا بەنجا گشتی دھێتە ئەنجامدان و دبیت دەمێ وێ دناڤبەرا دەمژمێرەکێ ھەتا دو دەمژمێرا ڤەکێشیت و گۆتژی: دو رێک بۆ ئەنجامدانا وێ ھەنە ئێک ژێ ب سەرڤە و یا دی ژناڤدا دھێتە کرن، یا ژناڤدا بۆ چارەکرنا حالەتێن سڤک و ناڤنجی کو ب رێیا شەخەکا ناڤدا ناڤین دناڤبەرا کرکرکێن دفنێ دا بێی نشتەرگەریێن دەرڤەی دفنێ بھێنە کرن، بەلێ یا ژ دەرڤە پتر ل وان دەما دھێتە ئەنجامدان دەمێ کرێتی و خواربوون ددفنێ دا ھەبن ئەوژی ھەلبەت ھندەک جارا جھێ نشتەرگەریێ وەکو پنیەکا بچووک لێ دمینیت و پتریا جارا ناھێتە دیتن.
ل دووڤ گۆتنێن د.کوردو قەرەداغی کو جورێن جوانکاریێ گەلەکن ژوانژی نشتەرگەریێن بۆ پشکا ھەستی ژ دفنێ دھێنە کرن کو دوبارە ھەیکەلی یان بنیاتێ دفنێ بھێتە پێکئینان، دەمێ پر ل دفنێ پەیدابوون ھەلبەت ئەو پشکا زێدە ژ ھەستی دێ ھێتە راکرن، و گۆت: دەمێ کو نشتەرگەری بۆ کرکرکێن دفنێ دھێتە کرن ئەو دێ ھێنە راستڤەکرن یان بچووککرن و شێوێ دەرڤە یێ دفنێ دھێتە جوانکرن و ئەڤێ پێنگاڤێ پێدڤی ب گەلەک شارەزایێ و ھووربینیێ ھەیە، ژبەرکو ھەر ئاریشەک تێدا پەیداببیت جوانکاری رۆلێ خوە نابینیت. ھندەک نشتەرگەری ژی بۆ مەزنکرن و بچووککرنا دفنێ دھێنە کرن، چونکو دبیت ھندەک کێماسی ددفنێ دا ھەبن یان پارچەک ھاتبیتە ژدەست دان ژ ئەنجامێ روودانەکێ و ل وی دەمی دێ ھندەک ھەستی یان پشکێن دەستکرد ل سەر دفنێ ھێنە زێدەکرن و ئەو کێماسی دێ ھێنە پڕکرن.
ھەروەسا دیارکر ژی کو د ھندەک حالەتان دا نابیت نشتەرگەری بھێتە کرن ژوانژی ( ل دەمێ ھەبوونا ھەودانێن دژوار ددفنێ دا)، ژبەرکو ئەو ھەودان دبنە ئەگەرێ نەسەرکەفتنا نشتەرگەریێ و ھەودان دھێتە ڤەگوھاستن بۆ شانە و دەوروبەرێن دفنێ، ھەروەسا بۆ کچێن کێمتر ژ ١٥ سالیێ و کورێن کێمتر ژ ١٧ سالیێ نابیت نشتەرگەری بھێتە کرن، ژبەرکو ل وی دەمی وەرارا دێمێ وی گەشەدکەت، ھندەک نەخوش ژی ھەنە کو شیانێن خوین بەربوونێ ھەنە، یان ئاریشەیێن دەروونی ھەنە باشترە ئەڤ نشتەرگەریە بۆ نەھێنە کرن.
گۆتژی: نشتەرگەریێن جوانکرنا دفنێ ژی وەکو گەلەک جورێن دی یێن نشتەرگەریان سەربارکێن خوە ھەنە ژوانژی رەنگە د ٢٤ دەمژمێرێن ئێکێ دا خوینبەربوونەکا سڤک پەیداببیت یان وەرمین ل دەوروبەرێن چاڤی رووبدەت، دیسا رەنگە دفن ب شێوەیەکێ بەروەخت بھێنە گرنتن یان جھێ نشتەرگەریێ وەکو پنیەکێ لێ دیاربکەت ئەڤە ھەموو د وەختی نە و چارەدبن.
ئه‌ڤرۆ:
دبیت دیدارێن ئێکێ د تژی نەئارامی بن و فشار بکەڤیتە دەمارێن مرۆڤی. ھاندان و چاڤەرێبوون دیار دبن و پیچەکا گۆمانێ پەیدا دبیت کو کارێ مرۆڤی بسەرنەکەڤیت و زێدەباری نەزانینا پاشەرۆژا ھەڤبەندیێ.
ژ بەر کو دەم ھوکارەکێ گرنگە بۆ وان یێن رژد ل سەر ھەڤژینیێ و ھەڤبەندیێ. لەوما پێدڤیە ئەم زمانێ لەشی بزانین دا دەمێ خوەیێ گرنگ ب ھەروە نەبەین.
ڤەکۆلین وەسا دیار دکەن کو 30 دەقیقێن ئێکێ ژ ھەر دیدار و ژڤانەکی دشێت سەرکەفتن و سەرنەکەفتنێ دەستنیشان بکەت، دێ گەلەک تشتان بینی و گوە لێ بی ژ لایێ دی، دێ ئەو دەم زوو ھێت کو تو بێژی بخاترا تە یان دێ بێژی دی کەنگی ئێک و دو بینینە ڤە.
شرۆڤەکرنا زانستی بۆ 30 دەقیقێن ئێکێ:
د دەمێ 10 دەقیقان دا ھەوە جە و دەم یێن دەستنیشانکرین. تو گەھشتیە وی جھی و تە دیت کەسێ بەرامبەر یێ روونشتیە ل ھیڤیا تە. دەمێ تو بەر ب وی ڤە دچی دێ ھەست ب پێ گرانیێ کەی و دێ حەز کەی بزڤریە وی جھێ تو ژێ ھاتی، ئاماژەکێ ب مەترسیە! بەلێ نەراوستە و 10 دەقیقێن دی دەلیڤێ بدە خوە. د 10 دەقیقێن ئێکێ دا ھەکە تە ھەست ب نەرحەتیێ کر و تە حەز نەکر ل گەل وی کەسی روونی و سحبەتا خوە تمام بکەی، بزاڤێ بکە ب شێوەکێ جوان داخوازا لێبۆرینێ ژێ بکە و بێژێ دی بەرسڤا تەلەفۆنەکێ دەم یان من ژڤانەکێ گرنگ یێ ھەی دڤێت بگەھمێ، ب شێوەکێ جوان بێژێ و خوە نەئێخە چو ھەلویستێن تەنگاڤ.
دەقیقا 10 ھەتا یا 20: ھەکە ھێشتا تو ھەست ب نەرحەتیێ دکەی کو تە دڤێت خوە ژ وی ژڤانی ڤەکێشی. و تە ھەست پێکر کو ھەمی سحبەت ب دووماھی دھێن بەری رەتکرنێ یان بەرسڤ نەدانێ. و تە ل دەوروبەرێن خوە نێری و تە حەز کر کەسەک بھێت سحبەتا ھەوە ببریت دا بشێی خوە ڤەکێشی. و تە بەرێخوە دا سەعەتا خوە یان تەلەفۆنێ د ناڤ بێدەنگیەکا کوژەک دا، ئەڤە ئاماژەکا دیە کو ژڤان یێ سەرنەکەفتی بوو، یا باش ئەوە سەحکەیە بەھانەکی دا خوە ڤەکێشی.
دەقیقا 20 ھەتا یا 30: ئەو 20 دەقیقێن ئێکێ دەرباز بوون ھەروەکو سالەکێ ل بەر تە درێژ بوون، چو گونجاندن نینە و پەیڤێن خۆش ناھێنە گۆتن، ئەو تە دەمێ خوە یێ پر بھا ب ھەروە بر.
تێبینی: ھەکە پەیڤ و سحبەت ب ساناھی د ناڤبەرا ھەوە دا دەرنەکەفتن بەری 30 دەقیقە ب دووماھی بھێن، و بتنێ ھندەک گرنژین ل سەر لێڤان ھەبن، ئەڤە مەزنترین بەلگەیە کو ئەو ژڤان یێ سەرنەکەفتی بوو.
ئەڤرۆ:
بڕیارە حوکمەتا ھەرێما کوردستانێ پێداچوونێ ل پرسا خانەنشینیێ بکەت و بۆڤێ مەرەمێ ژی دێ ھەموو رێڤەبەرایەتیێن خانەنشینا ل ھەرێما کوردستانێ ئێکگرن و سیستەمەکێ نوو بۆ مووچێ خانەنشینا دێ ھێتەدانان، ئەندامەکێ لیژنا دارایی و ئابووریا پەرلەمانێ کوردستانێ ژی ئاشکرا کر، قانوونا خانەنشینا ئێکگرتیا عێراقێ دێ ل ھەرێما کوردستانێ ھێتە بجە ئینان و کەسێن مووچێن وان کێم دێ ھێنە زێدەکرن، شارەزایەکا ئابووری ژی ئاماژە ب ڤێ چەندێ دکەت، مووچێ ھندەک خانەنشینا ھەموو سنور دەربازکرینە و بەرۆڤاژی مووچێ ھندەک خانەنشینا زۆر یێ کێمە و دگەل رەوشا نوکە یا ئابووریا وەلاتی ناھێتە گونجان. سۆران عومەر، ئەندامێ لیژنا دارایی و ئابووریا پەرلەمانێ کوردستانێ بۆ رۆژناما ئەڤرۆ گۆت” ھەتا نوکە ل ھەرێما کوردستانێ چەند رێڤەبەرایەتیەک بۆ خانەنشینیێ ھەنە و ھژمارا فەرمانبەر و کەسێن ھاتینە خانەنشینکرن ب تەمامی ناھێتە زانین، بەلێ ل گورەی زانیاریێن بەردەستێ من، ب تنێ ئەف کەسێن دبێژنێ خانەشینێن سەربازی ھژمارا وان ٨٨ ھەزار کەسن و یێن مەدەنی ژی ھژمارا وان پترە ژ یێن سەربازی، ئەڤا ئاریشە ئەڤە خەلکەک ل دەرڤەی قانوونێ ھاتینە خانەنشینکرن و مووچە بۆ ھاتیە مەزاختن، واتە ئەف کەسێن ھاتینە خانەنشینکرن بەری خانەنشینیێ ئەف پلەیا فەرمانبەریێ نەبوویە و ھاتینە خانەنشینکرن، ئەڤە بۆ دەمێ سالەکێ یە ئەز دووڤچوونا پرسا خانەنشینێ دکەم ل ھەرێما کوردستانێ، گەھشتیمە ڤێ باوەریێ پێدڤیە ل سەرۆکایەتیا پەرلەمانی ب ھەڤکاریا ھەر سێ سەرۆکایەتیێن ھەرێمێ پێداچوون ل پرسا خانەنشینیێ بھێتەکرن”. سۆران دیارکر” پێدڤیە خانەنشینا پێشمەرگەی بھێتە ڤەگوھاستن بۆ سەر رێڤەبەرایەتیا گشتیا خانەنشینا ھەرێمێ و سەر ب وەزارەتا دارایی و ئابووری بیت، چونکو قانوونا خانەنشینا وەزارەتا پێشمەرگەی ل سالا ٢٠٠٧ێ ھاتیە دەرکرن و ھەتا نوکە تنێ ٤٣٥کەس بڤێ قانوونێ ھاتینە خانەنشینکرن، ئەوژی ٤٠٠ ژوان فەرمانبەرێن دیوانا وەزارەتا پێشمەرگەینە و تنێ ٣٥ ژوان ئەفسەرێن پێشمەرگەینە، بەلێ دەرڤەی ڤێ قانوونێ لەشکرەک ھاتیە خانەنشینکرن، مە وەکی لیژنا دارایی قانوونا خانەنشینا ئێکگرتیا عێراقێ ئینایە ھەرێمێ و چەندین ھەیڤە مژولین پێڤە، بەلێ سەرۆکایەتیا جڤاتا وەزیران دبێژیت، ژبەر قەیرانا دارایی نەشێین مووچەیێ خانەنشینێن ھەرێمێ دگەل بەغدا بھێتە راستڤەکرن و ئەگەر قەیرانا دارایی نەما، ئەڤە دێ خانەنشینێن ھەرێما کوردستانێ مووچە و ئیمتیازاتێن وان وەکی بەغدابن و ئەڤێن ژ دەرڤەی قانوونێ ژی ھاتینە خانەنشینکرن دێ ھێنە ھەلوەشاندن”. شیلان بیبانی، شەھرەزا ئابووری بۆ رۆژناما ئەڤرۆ دیارکر، بێگومان پرسا خانەنشینیێ ل ھەرێما کوردستانێ ئەڤە، مەزنترین ئاریشەیا مە مووچەیە، چو ئەو کەسێن مووچەی وەردگرن و چو ئەڤێن ھاتینە خانەنشینکرن، ھەتا نوکە ل ھەرێما کوردستانێ سیستەمەکێ چاڤدێریێ یێ بھێز نیە ل سەر وان کەسێن دھێنە خانەنشینکرن، ئەگەر بھێت و مە ئێک رێڤەبەرایەتیا خانەنشینێ ھەبیت، ئەڤە دێ چاڤدێریکرنا ڤێ ئاسانتربیت و ناڤێن دوبارە نامینن، نەمانا ناڤێن دوبارە دێ ئەڤی بارێ گران ل سەر حوکمەتێ سڤککەت، ئەف پێنگاڤا دھێتە گۆتن نوکە لبەرە حوکمەت و پەرلەمان بجە بینیت، ئەڤە پێدڤی بوو بەری چەند سالا ئەف کارە ئەنجامدایابە”. شیلانێ گۆتژی”تشتێ ژ ھەموویێ باشتر ئەوە، پێداچوون ل مووچێ خانەنشینا بھێتەکرن، چونکو خویایە مووچێ ھندەک خانەنشینا سەرەرای چەندین سالێن خزمەتکرنێ، لێ مووچێ وان ئێکجار یێ کێمبوویە، د ھەمبەرا مووچێ ھندەک خانەنشینا بشێوەیەکێ زۆر یێ بلندە و سنور دەربازکرینە، چونکو پیڤەرێن ئابووری بۆ دانانا مووچەی بۆ دەمەکێ دیاریکریە مەرج نینە ھەتا ھەتا ل سەر ئێک پیڤەر بچیت، فەرە پێداچوونەکا رژد بھێتەکرن و سیستەمەکێ نوو یێ مووچەی بۆ خانەنشینا بھێتە دارشتن دگەل رەوشا ئابووریا نوکە بھێتە گونجان و وەک ھەڤیەک ھەبیت د مووچەیدا”.
نيشاندان