ئه‌ڤرۆنیوز، ره‌زوان رۆژبه‌یانى:
د روودانه‌كا هاتن چونێ دا ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا روڤیه‌ كه‌سه‌ك جانێ خوه‌ ژ ده‌ست دا و پێنج كه‌سێن دى ژى بریندار بوون
كۆمیسه‌ر حازم محمد ژ راگه‌هاندنا هاتن و چوونا قه‌زا به‌رده‌ره‌ش بۆئه‌ڤرۆنیوز گوت ئه‌ڤرۆ ل ده‌م ژمیرَ (2) پشتى نیڤرۆ ل رێكه‌فتێ 4/5/2015 د رودانه‌كا هاتن و چوونێ دا كو دناڤبه‌را دوو ترومبێلان ژ جۆرێ كوسته‌رنه‌فه‌رهه‌لگر و هۆندا ئه‌لنترا ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا روڤیه‌ هاتیه‌ رودان، د ئه‌نجام دا وه‌لاتیه‌كێ جانێ خوه‌ ژ ده‌ست دا و پێنج وه‌لاتیێن دى ژى بریندار بوون.
كۆمیسه‌ر حازم محمد دیار ژى كر بریندار هاتنه‌ ره‌وانه‌ كرن بۆ نه‌خوشخانا به‌رده‌ره‌ش و پاشان بۆ نه‌خوشخانا ته‌نگاڤیا ئاكرێ و سه‌ده‌مێ رودانێ ژى ئێك ژ شوفێران لێخورینا ب خه‌له‌تى بكار ئینابوو.

ئه‌ڤرۆ نیوز:

وه‌زاره‌تا په‌روه‌ردێ یا حوكمه‌تا هه‌رێما كوردستانێ بریاردا ئه‌و  قوتابیێن ل 4 وانان ده‌رنه‌چووین، ماف هه‌بیت پشكداریێ د ئه‌زموونێن گشتى یێن قوناغا 12 ئاماده‌یى دا بكه‌ن.

 فاتح مه‌وله‌وى په‌یڤدارێ وه‌زاره‌تا په‌روه‌ردێ یا حوكمه‌تا هه‌رێما كوردستانێ دیاركر : وه‌زاره‌تا په‌روه‌ردێ ره‌وشا هه‌رێما كوردستانێ به‌رچاڤ وه‌گرت و بریاردا ئه‌و قوتابیێن ژ 4 وانان ده‌رنه‌چووبوون ل پولا 12 ئاماده‌یى، مافێ پشكداریكرنێ بده‌نێ د ئه‌زموونێن گشتى دا.

ئه‌ڤرۆ نيوز:

ئه‌ڤرۆ رۆژا دوشه‌مبى رێكه‌فتى 4ى گۆلانا 2015ێ وه‌زيرێ دارايى و ئابوورى ل حوكمه‌تا هه‌رێما كوردستانێ سه‌ره‌دانا لژنا ره‌وشه‌نبيرى ل په‌رله‌مانێ كوردستانێ كر.

مالپه‌رێ فه‌رميێ په‌رله‌مانێ كوردستانێ ل سه‌ر ده‌ڤێ رێباز حه‌مه‌د حه‌ملان به‌لاڤكريه‌ كو ئه‌وان مينحا هه‌موو تيپ و سه‌نته‌رێن ره‌وشه‌نبيرى و هۆنه‌رى ل هه‌رێما كوردستاني بريه‌ و نوكه‌ به‌رنامه‌يه‌ك هه‌يه‌ ب تنێ هاريكاريا وان سه‌نته‌ر و ناڤه‌ندێن ره‌وشه‌نبيرى و هۆنه‌رى بكه‌ن يێن چالاك و كارتێكرن ل سه‌ر ناڤه‌ندا ره‌وشه‌نبيرى هه‌ين.

دايه‌ زانين ژى كو ب زووترين ده‌م دێ هێنه‌ پۆلين كرن و ئه‌ڤ جهێن چالاك دێ هاريكاريه‌كێ ژ وه‌زاره‌تا دارايى يا حوكمه‌تا هه‌رێما كوردستانێ وه‌رگرن.