ئه‌ڤرۆ نیوز:
سه‌رۆكێ رووسیا بوتین، نمونه‌كا جوان یا ره‌وشت پاقژیێ، نیشادا دده‌مێ كریستینا كیرشنیر ئه‌رژه‌نینیێ سه‌را رووسیا داى ده‌مێ كو وى ب خوه گلاسا وێ یا ئاڤێ بۆ تژى كرى.
هه‌روه‌سا د دیمه‌نه‌كێ دى دا ژى ره‌فتاره‌كا بهێز نیشا دده‌ت، ده‌مێ كو هه‌ڤدیتنه‌ك د ناڤبه‌رار وى و سه‌رۆكێ فه‌ره‌نسا هولاند و راوێژكارا ئه‌لمانیا ئه‌نجێلا مێركل دروست دبیت، ده‌مێ ب ژوور دكه‌ڤن، ئه‌و ناروینه خار، هه‌تا كو ئه‌نجێلا مێركل درونیت، به‌لێ هولاند ئێكسه‌ر درونیته خار.
ئه‌ڤرۆ نیۆز، سالار دۆسكى
پشتى كو لژنا كاروبارێن سه‌ربازىل كونگرێسێ ئه‌مریكى ب پتریا ده‌نگان رازیبوویى ل سه‌ر دانا چه‌كى ب شێوازێ ئێكسه‌ر بۆ پێشمه‌رگێ كوردستانێ و عه‌ره‌بێن سنه، ئه‌ڤرۆ 2/5/2015 ل په‌رله‌مانێ عیراقێ، كوتلێن شیعى نه‌رازیبوونا خوه دیاركرن و بریار ب پتری ده‌نگان ره‌تكر.
حاكم سه‌رحان ئه‌حمه‌د ئه‌ندامێ كورد ل په‌رله‌مانێ عیراقێ بۆ مالپه‌رێ ئه‌ڤرۆ نیۆز گۆت: نها ژ هولا په‌رله‌مانى ده‌ركه‌فتین وه‌ك ئه‌ندامێن كورد ل گه‌ل سونان و ئه‌ڤه پشتى وێ یه‌كێ هات كو كوتلێن شیعى نه‌رازیبوون ل سه‌ر بریارا كونگرێسێ ئه‌مریكى ده‌ربرى و دیسان دژى بریارێ راوستیان و ئێخستیه به‌ر ده‌نگدانێ.
سه‌رحانى گۆتژى: سپێدێ وه‌ره گه‌نگه‌شه ل سه بریارا كونگرێسێ ئه‌مریكى ل په‌رله‌مانێ عیراقێ دكێشه و پیڤانێ دا و دووماهیێ كوتلێن شیعى ب پتریا ده‌نگان بریار ره‌تكر وه‌ك نه‌رازیبوون سونه و كوردان هولا په‌رله‌مانى بجه هێلا…
حاكم سه‌رحان گۆت: مه دانا چه‌كى ئێكسه‌ر خواست كو بهێته‌دان دا بشێن به‌ره‌ڤانیێ ژ خوه بكه‌ین و شه‌رێ ل گه‌ل تیرۆرستێن داعش، ئه‌ڤه نه دژى چ پێكاهتێن عیراقێ یه و بتنێ وه‌ك هاریكاریه‌كه و لیستا قانوون ل گه‌ل كوتلێن دى نه‌رازیبوون ل سه‌ر بریارێ و ب هه‌ر ره‌نگه‌كى ره‌تكر، نێزیكى 140 ئه‌ندامێن په‌رله‌مانى ژ كوردان و سونان هولا په‌رله‌مانى بجه هێلان.
ئه‌ڤرۆ نيوز:
كۆمبوونا جڤاتا نشتيمانى يا بزاڤا گۆڕان يا به‌رده‌وامه و نه‌وشيروان مسته‌فا رێكخه‌رێ گشتێ بزاڤا گۆڕان راگه‌هاند: بزاڤا گۆڕان چو رێكه‌فتنێن نهێنى و ئاشكه‌را ل گه‌ل چو هێز و لايه‌نێن سياسى نينن، رێكه‌فتنا پێكئينانا حوكمه‌تێ نه‌بيت.
ئه‌ڤرۆ به‌رى نيڤرۆ كۆمبوونا جڤاتا نشتيمانى يا بزاڤا گۆڕان ل مه‌كۆيا سه‌ره‌كى يا بزاڤا گۆڕان ل سلێمانيێ ب سه‌رپه‌رشتيا نه‌وشيروان مسته‌فا رێكخه‌رێ گشتێ بزاڤێ، ده‌سپێكر.
د كۆمبوونێ دا، نه‌وشيروان مسته‌فا رێكخه‌رێ گشتيێ بزاڤا گۆڕان راگه‌هاند: بزاڤا گۆڕان چو رێكه‌فتنێن نهێنى و ئاشكه‌را ل گه‌ل چو هێز و لايه‌نێن سياسى نينن، رێكه‌فتناما پێكئينانا حوكمه‌تا هه‌رێمێ نه‌بيت.
پێشتر عه‌بدولره‌زاق شه‌ريف، ئه‌ندامێ جڤاتا نشتيمانى يا بزاڤا گۆڕان و به‌رپرسێ ميديايا گۆڕان بۆ KNN گۆت: “د كۆمبوونێ دا، دانوستاندن ل سه‌ر چار ته‌وه‌ران كرن و ژ وان ژى په‌يوه‌نديێن بزاڤا گۆڕان ل گه‌ل حزب و لايه‌نێن سياسى يێن هه‌رێما كوردستانێ، پرسيا دستوورى و قانوونا سه‌رۆكاتيا هه‌رێمێ، ئه‌دايێ كاركرنا نوونه‌رێن بزاڤا گۆڕان ل جڤاتا نوونه‌رێن عيراقێ و هه‌رێما كوردستانێ و حوكمه‌تێ دا، هه‌ڤده‌م ته‌وه‌رێن ته‌رخانكرى ژى بۆ پێكهاتنا نوو يا تۆڕا ميديايى يا گۆڕان”.
جڤاتا نشتيمانيا بزاڤا گۆڕان ژ 65 ئه‌ندامان پێكهاتينه و ب گۆره‌يى په‌يره‌ويێ ناڤخۆ يێ بزاڤێ، هه‌ردو هه‌يڤان جاره‌كێ پێدڤيه كۆم ببيت.
ئه‌ڤرۆ نيوز:
بڕياره ئه‌ڤرۆ سه‌رۆكێ هه‌رێما كوردستانێ مه‌سعود بارزانى سه‌ره‌دانا وه‌لاتێ ئه‌مريكا بكه‌ت ل سه‌ر داخوازا كوچكا سپى يا وى وه‌لاتى.
هه‌ر ب گۆره‌يى پێزانينان ماوێ سه‌ره‌دانا بارزانى بۆ ئه‌مريكا دێ بۆ ئێك حه‌فتى بيت و ل گه‌ل كۆنگرێس و جڤاتا پيران كۆم بيت، ديسا دێ ل ناڤه‌ندا هزركرنا ئه‌مريكا گۆتاره‌كێ پێشكێش كه‌ت.
د درێژاهيا سه‌ره‌دانا خوه دا، سه‌رۆكێ هه‌رێما كوردستانێ بۆ ده‌رڤه‌يى وه‌لاتى، دێ سه‌ره‌دانا هه‌ر ئێك ژ وه‌لاتێن هه‌نگاريا و چيك يێن د ناڤ هه‌ڤپه‌يمانيا ب سه‌رپه‌رشتيا ئه‌مريكا دا بۆ لێدانا ئه‌مريكا كه‌ت و ب ڤێ چه‌ندێ دێ زێده‌تر ژ 10 رۆژان ڤه‌كێشيت.
شاندێ دێ هه‌ڤالينيا بارزانى كه‌ت پێكهاتيه ژ مه‌سرۆر بارزانى شيره‌تكارێن جڤاتا ئاسايشا هه‌رێما كوردستانێ و قوباد ته‌له‌بانى جێگرێ سه‌رۆك وه‌زيرێن كوردستانێ و وه‌زيرێ پێشمه‌رگه‌يى كه‌مال سه‌يد قادر و وه‌زيرێ سامانێن سرۆشتى ئاشتى هه‌وارمى و ده‌رباز كوسره‌ت ره‌سۆل وه‌زيرێ ئاڤه‌دانكرنێ.
ئه‌ڤرۆ نيوز:
ستيڤن هاربر سه‌رۆك وه‌زيرێن كه‌نه‌دا و وه‌زيرێ گه‌شه‌پێدانا كه‌نه‌دا، نوكه گه‌هشتنه هه‌رێما كوردستانێ كر و ژ لايێ مه‌سعود بارزانى سه‌رۆكێ هه‌رێما كوردستانێ و نێچيرڤان بارزانى سه‌رۆكێ حوكمه‌تا هه‌رێما كوردستانێ كۆم بيت.
بڕياره د كۆمبوونێ دا يا كو دێ ل فرۆكخانا نێڤده‌وله‌تيا هه‌ولێر هێته ئه‌نجام دان، دێ به‌حسێ پرسێن ده‌ڤه‌رێ و مه‌ترسيێن داعش و سه‌ركه‌فتنێن پێشمه‌رگه‌يى ل به‌رۆكێن شه‌رى بهێته كرن.
ديسا وێرايى پشكداريا كه‌نه‌دا ب ره‌نگه‌كێ به‌رچاڤ د چارچۆڤێ هێزێن هه‌ڤپه‌يمانان دا، دێ به‌حس ل وێ چه‌ندێ ژى هێته كرن و چاوانيا هاريكاريكرنا مرۆڤى يا ئاواران ل هه‌رێما كوردستانێ.
شاندێ هه‌رێما كوردستانێ بۆ كۆمبوونێ دێ پێكهاتى بيت ژ هه‌ر ئێك ژ سه‌رۆكێ هه‌رێما كوردستانێ و نێچيرڤان بارزانى سه‌رۆك وه‌زيرێن هه‌رێما كوردستانێ جێگرێ وى قوباد ته‌له‌بانى و مه‌سرۆر بارزانى سه‌رۆك جڤاتا ئاسايشا هه‌رێما كوردستانێ و ئاشتى هه‌وارمى وه‌زيرێ سامانێن سرۆشتى و وه‌زيرێ پێشمه‌رگه‌يى و وه‌زيرێ پلاندانانێ و ده‌رباز كوسره‌ت ره‌سۆل وه‌زيرێ ئاڤه‌دانكرنێ و سه‌فين دزه‌يى به‌رده‌فكێ حوكمه‌تا هه‌رێمێ بيت.
جارا ئێكێ يه سه‌رۆك وه‌زيرێن كه‌ندا سه‌ره‌دانا هه‌رێما كوردستانێ دكه‌ت و پێشتر وه‌زيرێ به‌ره‌ڤانيا وى وه‌لاتى سه‌ره‌دانا هه‌رێما كوردستانێ كربوو.
ئه‌ڤرۆ نيوز:
ژ ئەگەرێ بوردۆمانا فڕۆکەیێن شەڕکەرێن ھەڤپەیمانان بۆ سەر قەزا شنگالێ، ھژمارەکا تیرۆرستێن داعش ھاتنە کوشتن و دو بارەگایێن وان ژی ب تەمامی ھاتینە تێکدان.
غەیاس سورچی، پەیڤدارێ مەلبەندێ نەینەوا یێ ئێکەتی نیشتیمانی کوردستان بۆ ئەڤرۆ نیۆز گۆت: “بەری نیڤرۆیا ئەڤرۆ فڕۆکەیێن ھەڤپەیمانان بارەگایێن گرۆپا تیرۆرستیا داعش ل سەنتەرێ قەزا شنگالێ بوردۆمانکرن و د ئەنجامدا 10 چەکدارێن داعش ھاتینە کوشتن و دو بارەگا ژی بتەمامی ھاتینە تێکدان”.
غەیاس سورچی گوتژی: “ھەر ئەڤرۆ فڕۆکەیێن ھەڤپەیمانان کاروانەکێ ترۆمبێلێن چەکدارێن داعش ل سەر رێیا شنگال و قەزا بەعاج کریە ئارمانج، بەلێ زیانێن وێ بوردۆمانێ نەھاتینە زانین”.
ئه‌ڤرۆ نيوز:
ب گۆره‌يى دووماهى زانيارى ل سه‌ر بهايێ دراڤى ل بۆرسا دهۆكێ، كۆمپانيا سه‌يدو راگه‌هاند كو هه‌تا ده‌مژمێر 10:40 ده‌قيقه‌يا ئه‌ڤرۆ رۆژا دوشه‌مبى 2ى ئه‌يارا 2015ێ ب ڤى ره‌نگێ ل خوارێ بوو:
| 1 دولارێ ئه‌مريكى | 1305 |
| 1 يۆرۆيێ ئه‌ورۆپى | 1460 |
| 1 ليرێ توركى | 490 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئەڤرۆ نیوز، ناجی بەدەل:
وەزارەتا دەرڤەیا ئەمریکا راگەھاند ئەو پرۆژێ قانوونا ژ لایێ کومیتەیا ھێزێن چەکدارێن ئەمریکا ھاتیە پەسەند کرن کو چاوانیا پێشکێشکرنا ھاریکاریێن له‌شكرى بۆ عیراقێ رەنگڤەدانا سیاسەتا حوکمەتا ئەمریکا نینە.
ماری ھارف بەردەڤکا وەزارەتا دەرڤەیا ئەمریکا گۆت: “حوکمەت ھیڤی خوازە کونگرێس کار بکەت ل سەر شیوزاێ دارێشتنا ئەوان برگەیا ب ره‌نگه‌كى کو بشیێن پشتەڤانیی لی بکەین”.
ناڤبریێ گۆتژی: “سیاسەتا ئەمریکا بەرامبەر عیراقێ نەھاتیە گوھاڕتن و نھا ل گەل ئەوێ چەندێ دایە ھەموو ھاریکاریێن له‌شكری ب ھەماھەنگی ل گەل حوکمەتا ناڤەندی دا بیت”.
کومیتا ھێزێن چەکدارێن ئەمریکا قانوونا بودجا سالا 2016ێ یا وەزارەتا بەرەڤانیا ھێزێن چەکداران پەسەندکر کو ژ 500 لاپەران پێکھاتیە ب تنێ ئێک لاپەرەك بەحسێ ھاریکاریا ئێكسه‌ر يا پێشمەرگەيی و ھێزێن سونەیان کریە.
نيشاندان