ئه‌ڤرۆ:

ل گەل گەرمبوونا پلێن گەرماتیێ ھەڤرکیا برنا نانسناڤێ خولا کوردستانێ ژی گەھشیە بلندترین پلە و ھەر دو جیرانێن ئێک یانێن دھۆک و زێرەڤانی ھەمی بەربەست راکرینە و یێ ھەمی رێکا دگرنە چ رێکێن یاسایی بن چ ل پشت بەردابن بو وێ چەندێ رۆژێن سەختێن بێ پارەیێ بەرھەمێ وان ببیتە ناسناڤ ئەڤە ژلایەکی ڤە و ژ لایێ زێرەڤانی ڤە یاریکەر دێ ھەمی ھەولا مەزێخن ئەو گڤاشتنا ل سەر وان بکەنە ناسناڤ.

ل دور وێ چەندێ کیش تیم نێزیکترە بو برنا ناسناڤی بوچوونێن چاڤدێر و شرۆڤەکاران ھاتنە وەرگرتن . لدەستپێکێ شرۆڤەکارێ وەرزشی وەحید رەشید بۆ رۆژناما ئەڤرۆ گوت: ب دیتنا من دھۆک نێزیکترە بو برنا ناسناڤی ل گەل رێزێن من بو تیما زێرەڤانی لێ دھۆک ب تنێ دھۆک یاریا بەرامبەر نەوروز دێ زەحمەتێ بینیت و ھەکە شیا بسەر کەڤیت دێ بیتە قارەمان چنکو یاریێن دی بساناھینە.

زێدەتر گوت: یاریێن زێرەڤانی ب زەحمەتن تایبەت بەرامبەر زاخۆ چنکو یاریێن دێربی لایەنێ ھونەری نامینیت و یاری ب زاخا یاریکەران دھێتەکرن لەورا دێ یاریێن زێرەزانی ب زەحمەت بن ھەکە چ رێكەفتنێت ڤەشارتی نەھێنەکرن و یا ژھەمیا گرنگتر چارەنڤیسێ دھۆکێ ددەستێ وان دایە ب بەرۆڤاژی زێرەڤانی.

ژ لایەکێ ديڤە رەخنەگرێ وەرزشی قاسم سالح گوت: پشتی سەرکەفتنا زێرەڤانی لسەر ھەولێر کو یاریەکا گەلەک ب زەحمەت بوو بدیتنامن دێ شێت بیتە قارەمان سەرەرای وێ چەندێ کو چارەنڤیسێ وان د دەستێ وان دانینە لێ رژدیا وان ل سەر برنا ناسناڤی و شارەزایی یاوان دێ پتر دەلیڤێ دەنێ ببنە قارەمان.

زێدەتر گوت: ئاستێ دھۆکێ یێ خوجە نینە لەورا نابینم بشێت د یاریا نەوروز دا بسەکەڤیت کو ب یاریەکا گەلەک ب زەحمەت دبینم و ھەکە چارەنڤیسێ زێرەڤانی د دەستێ وان دا با ١٠٠% دا بیتە قارەمان، ھەر ل سەر ھەمان بابەت شرۆڤەکارێ وەرزشی سەلاح مستەفا گوت: ب دیتنا من دھۆک دێ بیتە قارەمانا ھەرێمێ چنکو دھۆک باشترین تیمە ل کوردستانێ وەک ئاستێ ھونەرێ و یاریکەرێن خودان شیان و شارەزایی ھەنە بزانن دێ چەوا سەرەدەریێ لگەل کاودانێن یاریا کەن و دبێژم دھۆک شیانێن ھەین د ھەر سێ یاریێن مایی دا بسەرکەڤیت.

زێدەتر ناڤبری دیارکر کو ئەرکێ زێرەڤانی یێ ب زەحمەتە چنکو یاریێن ب زەحمەت ماینە و چارەنڤیسێ وان د دەستیێ وان دانینە لەورا دێ یا ب زەحمەت بیت تایبەت کو یاری بەرامبەر ل سلێمانیێ ژ دەرڤەیی یاریگەھا خوە دێ سەرکەفتن یا ب زەحمەت بیت لەورا دبینم دھوک نێزیکترە تایبەت پشتێ ل ڤێ دووماھیێ قستەکێ ھەڤبەستێن خوە وەرگرتین و شارەزاییەکا باش ژ خولا عیراقێ ژ لایێ تەکنیکی و تەکتیکی ڤە وەرگرتی.

ل دووماھیێ شرۆڤەکارێ وەرزشی ل ھەولێرێ سەلام حسێن گوت: ب دیتنا من دھۆک دێ بیتە قارەمانا خولێ چنکو تیمەکا تەمامە و چو کێماسی د ھێلێن وێ دا نینن و ھەروەسا چارەنڤیسێ وێ د دەستێ وێ دایە و شیانێت یاریکەرێن وێ د مەزنن بو سەرکەفتنێ ل سەر نەوروز و برایەتی و کەرکوک بەرامبەر زێرەڤانی یاریێن ب زەحمەت ماینە کو دێربیەکێ ب ھێز ل گەل زاخۆ ھەیە و سلێمانی ژی د یاریگەھا خوە دا زوی ب زوی خالا نادەتە تیمێن مێڤان.

ئه‌ڤرۆ:

ب ئامادەبونا نوونەرێن یانێن پشکدار د خولا ھەرێما کوردستانێ یا فوتسالا کچان دا ل بارەگایێ خوە ئێکەتیا تەپا پێ یا کوردستانێ کومبونەک ئەنجامدا و ژڤانێ ھەڤرکیێن خولێ دەستنیشان کرن.

دڤێ کومبونێ دا سەلام حسێن سکرتێرێ ئێکەتیا تەپا پێ کوردستانێ دیارکر پشتی وان کومبون ل گەل یانێن پشکدار د خولا فوتسالا کچان دا ئەنجامدای، گەھشتنە رێککەفتنێ ل سەر شێواز و ژڤانێ دەستپێکرنا ھەڤرکیێن خولێ و بریار ھاتە دان ھەڤرکیێن خولێ ل ھەیڤا تەباخا ئەڤ سالە دەستپێبکەت ب پشکداریا دەە یانا ل سەر ئاستێ ھەرێما کوردستانێ و ئەڤ یانە دێ ھێنە پارڤەکرن ل سەر دو کومان ھەر کومەک ژ پێنج تیمان پێک دھێت.

ناڤبری ئەو چەندە ژی دیارکر ل دووڤ داخوازا یانێن پشکدار ئەڤ شێوازە ھاتە دانان ژبەرکو قەیرانا دارایی یا یانێن ھەرێما کوردستانێ و مەزاختیێن وان کێم بن، لێ ھەردەمێ بارێ دارایی یێ ھەرێما کوردستانێ باشبوو بودجەیا ئێکەتیا تەپا پێ ھاتە ھنارتن ژ لایێ لایەنێن بەرپرس دێ شێوازێ دو کومان ھەلوەشینن و ب شێوازێ خول یاریان ئەنجامدەن.