ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ ئەڤرۆ ب رێیا کورتە نامێن موبایلێ داخواز ژ وەلاتیان دکەت کو ژ بەر مەترسیا کۆرۆنا ل مالێن خوە دا بن و هەروەسا دەستێن خوە ژی بشوون.
وەزارەتا ساخلەمیێ ب رێیا کورتە نامان وەلاتیان ئاگەهدار دکەت
نووترين نووچه
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
سهرهكى Facebook
بریارێن نوو ل دهۆكێ هاتنە دەرکرن
ئه‌ڤرۆ نیوز:
لژنا ریب ری بوونا ڤایرۆسێ کورونایێ نویترین بریار دەرکرن
١- گرتنا بازاران ل سەرانسەری پارێزگەهێ ئەو بازارێن گرتی یێن ل سەنتەران، وەکو، قيصريا، جودا ژ دەرمانخانا و نانپێژیا و بازارێن هشکاتیا ئانکو ،ئەرزاق، و پشتی بورینا ٢٦دەمژمێرێن دی بریار دێ جێبەجێ بیت.
٢- گرتنا مۆلا، هەر قائیمقامەکی ل هەر جهەکی کو د سنورێن ویدا مۆل هەبن پێدفیە بگریت و دەستهەلات پێ هاتیە دان.
٣- نابیت کورسیك ب میننە ل جهێن فروتنا تەزیاتیان ئانکو بتنێ تەزیاتیان ب سەفەری ب فروشن.
٤- گرتنا سەرتراشخانە.
٥ – گرتنا وێنەگریا، ئەو ستودیویێن کارێ ئاهەنگ و بونەیان دکەن.
٦- گرتنا وان جهێن کورسیکا و خیفەتا ددەنە ب کرێ بۆ ئاهەنگا و شەهیانا و تازیا .
٧ – گرتنا وان جهێن ئامیرێن ئاهەنگا ددەنە ب کرێ.
٨ – گرتنا ئەو جهێن ،مخزن، خارنێ بو تازیا و داواتا و هەلکەفتا جێدکەن.
٩ – گرتنا جهێن جێکرنا لافیتا ،فلیکسێن،،ریکلامکرنێ.
پارێزگارێ دهوکێ راگەهاند ژی،ناهێلین کەس ب هێتە پارێزگەها دهۆکێ و ئەڤ بریارە هەمی ژبو سەکەفتنامەیە ل سەر زالبوونا ڤایرۆسێ کورونایێ.
زانایێن بەلجیکی: مە شیایە کاریگەریا کۆرۆنا نەهێلین
ئەڤرۆ نیوز:
ناڤەندا ڤەکۆلینێن زانستی یا سەر ب زانکۆیا گێت ل وەلاتێ بەلجیکا راگەهاند کو پشتی چەندین تاقیکرنان وان شیاینە ب رێیا دەرمانەکێ کاریگەریا کۆرۆنایێ ژناڤ ببەن و نها ژی ئەو ل سەر قۆناغەکا دی یا ب تەمامی ژناڤبرنا کۆرۆنایێ کار دکەن.
هەمان ناڤەندێ دیار کریە کو ئەو دێ شێن رێگریێ ل بەلاڤبوونا کۆرۆنا بگرن دا ژ مرۆڤەکێ بۆ مرۆڤێ دی نەچیت.
سكرتێرێ گشتی یێ نه‌ته‌وه‌یێن ئێكگرتی: داخازا راگه‌هاندنا شه‌ری دژی ڤایرۆسێ كورونایێ دكه‌ت
هئه‌ڤرۆ نیوز:
سكرتێرێ گشتی یێ نه‌ته‌وه‌یێن ئێكگرتی داخازا راگه‌هاندنا شه‌ری دژی ڤایرۆسێ كورونایێ ل ته‌ڤایا جیهانێ دكه‌ت.
ئه‌نتونیو گوتێرس سكرتێرێ گشتی یێ نه‌ته‌وه‌یێن ئێكگرتی د په‌یامه‌كێدا راگه‌هاند: هه‌ر چه‌نده كورونا زۆر به‌ر به‌لاڤ بوویه، لێ هێشتا ل بن كۆنترۆلێ ده‌رنه‌كه‌تیه و ئه‌گه‌رێ ژناڤبرنا وێ مایه.
ئه‌نتونیو گوتێرس داخاز ژ وه‌لاتان كر ب راگه‌هاندنا بارێ نه‌ئاسایی و به‌رهه‌ڤكاری بۆ ریب ری بوونا كورونایێ، شه‌رێ دژی ئه‌وی ڤایرۆسی بهێته راگه‌هاندن، چونكو مرۆڤایه‌تی ریب ری گه‌فا ساخله‌میێ بوویه كۆ د دیرۆكێ دا وه‌ك وێ نه‌بوویه.
به 75 ده‌فته‌ر دۆلار نه‌خۆشخانه‌یه‌كی نوێ كۆرۆنا دروست ده‌كرێت
ئه‌ڤرۆ نیۆز، عه‌زیو هه‌ورامی:
له قه‌زای كه‌لار له‌لایه‌ن سه‌رمایه‌دارانه‌وه له‌سه‌ر ڕوبه‌ری پێنچ هه‌زار مه‌تر زه‌وی سه‌رمایه‌داران نه‌خۆشخانه‌یه‌كی 70 قه‌روێڵه‌ی هاوشێوه‌ی نه‌خۆشخانه‌كه‌ی سلێمانی دروست ده‌كه‌ن.
حاجی ئه‌حمه‌د عه‌لی نوێنه‌ری بازرگانانی كه‌لار بۆ دروستكردنی نه‌خۆشخانه‌یه‌كی كۆرۆنا، به ئه‌ڤرۆ نیۆزی گۆت، ئه‌مڕۆ له ئیداره‌ی گه‌رمیان بازرگانان و خێرخوازان كۆبوینه‌وه بڕیاری دروستكردنی نه‌خۆشخانه‌یه‌كی 70 قه‌روێڵه‌ییماندا به بڕی 75 ده‌فته‌ر دۆلار.
ناوبراو وتیشی، ئه‌و كۆمپانیاییه‌ی نه‌خۆشخانه‌كه‌ی سلێمانی دروستكرد، هاتووه ئاماده‌ی ده‌ربڕیوه نه‌خۆشخانه‌یه‌كی 70 قه‌روێڵه‌ی له كه‌لاریش دروست بكات، ئێستا له‌گه‌ڵیدا وتوێژ ده‌كه‌ین، له به‌یانیه‌وه ده‌ست به‌كارده‌بێت له ماوه‌ی 15 بۆ 20 ڕۆژی ئاینده نه‌خۆشخانه‌كه ده‌كرێته‌وه.
هه‌روه‌ها ئاماژه‌ی به‌وه‌كرد، نه‌خۆشخانه‌كه له‌سه‌ر ڕوبه‌ری پێنچ هه‌زار مه‌تر بنیات ده‌ندرێت و تاوه‌كو ئێستا 40 سه‌رمایه‌دار ئاماده‌ی ده‌ربڕیوه، به‌پاره هاوكاری دروستكردنی نه‌خۆشخانه‌كه‌بێت، 75 ده‌فته‌ر دۆلاری تێده‌چێت، له به‌بنیات نانی تاوه‌كو دابینكردنی ته‌واوی ئه‌جیزه ته‌ندروستییه‌كان.
پەرلەمانێ عێراقێ کۆمبوونێ خوە راگرتینە
ئەڤرۆ نیۆز، قائید میرۆ :
ئەڤە ١٠ رۆژ ب سەر دوماھی ھاتنا بھێنڤەدانا پەرلەمانێ عێراقێ دەرباز دبن و ھێشتا کۆمبوونێن پەرلەمانی نەھاتینە دەستپێکرن پەرلەمانتارەکێ کوردژی ئاشکراکر، ھێشتا چو ژڤان ژبۆی کۆمبوونا پەرلەمانی نەھاتینە دیارکرن.
دکتۆر محەمەد شاکر، پەرلەمانتارێ فڕاکسیۆنا پارتی لپەرلەمانێ عێراقێ بۆ ئەڤرۆ نیۆز دیارکر” ل دەستپێکا ھەیڤا ئادارێ بھێنڤەدانا زڤستانێ یا پەرلەمانێ عێراقێ دوماھی ھاتیە و نوکە وەرزێ بھارێ یێ کارێ پەرلەمانی ھاتیە دەستپێکرن، بەلێ ھێشتا چو ژڤان ژبۆی کۆمبوونا پەرلەمانێ عێراقێ نەھاتینە دیارکرن.
ئەڤی پەرلەمانتارێ کورد گۆتژی” چەندین پڕۆژە قانوون ھاتینە بەرھەڤکرن ھەتا د کۆمبوونێن بھێت یێن پەرلەمانی خواندن بۆ بھێتەکرن.
دکتۆر محەمەد شاکر ئاشکراکر” رەوشا نوکەیا عێراقێ شکستا بزاڤێن پێک ئینانا کابینا نوویا حوکمەتا عێراقێ بووینە ئەگەرێ پەیداکرنا ئەڤێ رەوشێ و کاریگەری لسەر کارێن پەرلەمانی ژی کریە، لەوڕاژی دیارنینە دێ کەنگی کۆمبوونێن پەرلەمانی بھێنە دەستپێکرن.
کۆمپانی و بریکار و نڤێسینگەهێن گەشتیاری بۆ دەمەکێ نەدیار دێ هێنە داخستن
جاره‌كا دی بنگه‌هی تاجی بۆ ئارمانجا موشه‌كان
ئه‌ڤرۆ نیوز:
لگۆری زانیاریان ئه‌ڤرۆ 14/3/2020بۆ جاره‌كا دی سه‌ربازگه‌هێ تاجی هاته موشه‌ك بارانكرن.
ئوپارسیونێن هه‌ڤپشكێن عیراقێ دیاركر دوێ هێرشێ دا 2 سه‌ربازێن عیراقی بریندابوون.
ئه‌ڤه دده‌مه‌كی دایه ب ئه‌گه‌رێ موشه‌ك بارانكرنا سه‌ربازگه‌ها تاجی هه‌مبه‌ر فرۆكه‌یێن هه‌ڤپه‌یمانان ل سنوری عیراقێ و سوریا هێزێن حه‌شدا شه‌عبی بوردومانكرن و زێده‌تری 20 چه‌كدارێن حه‌شدا شه‌عبی كوشتن.
پێشبینیا ڤان سیناریویا دهێته كرن بۆ دووماهى ئینانا لالیگا ئسپانى
ئه‌ڤرۆ نیوز، زنار:
ژ ئه‌گه‌رێ په‌یدابوونا ڤایروسێ كورونا ل وه‌لاتێ ئسپانیا ب شێوه‌یه‌كێ نه‌چاڤه‌رێ كرى هه‌موو چالاكیێن وه‌رزشى هاتنه راگرتن ژوانا خولا ته‌پا پێ بۆ ماوێ چ نه‌بیت 15 رۆژان.
ل دووڤ په‌یامه‌كێ رۆژناما ئاس یا ئسپانى نوكه هه‌موو چاڤه‌رێ ره‌وشا ساخله‌میا گشتى به‌ر ب باشتر بچیت و ئاسایى بیت بۆ دوباره كرنا یاریان لێ ئه‌گه‌ر ئه‌ڤ نه‌خوشیه زێده‌تر به‌ربه‌لاڤ بوو خولا ئسپانى هه‌مبه‌ر چار سیناریویا یه:
1. تمامكرنا یاریێن خولێ یه بێ ئاماده‌بوونا جه‌ماوه‌رى كو دهێته پێشبینى كرن ب ڤى شێوه‌ی بیت.
2.هه‌لوه‌شاندنا خولێ بشێوه‌یه‌كى كو چو یانه نه‌بنه قاره‌مانێن خولێ دیسان چو یانه ژى داناكه‌ڤن.
3. ب دووماهى ئینانا هه‌ڤركیێن خولا ئسپانى ژ گه‌را 27 و یانا به‌رشه‌لونا بیته قاره‌مانا خولێ، لێ ئه‌ڤ سیناریویه دووره ژ به‌ركو هه‌موو یانا یاریێن خوه ێن چون و هاتنێ دگه‌ل ڤێ یانێ نه‌كریه و دبیت سه‌رنه‌گریت.
4. تنێ ئه‌نجامێن قوناغا ئێكێ بهێنه هژمارتن ئه‌و ژى یانا به‌رشه‌لونا بیته قاره‌مانا خولێ ژبه‌ركو ئه‌و رێزا ئێكێ دهێت د قوناغا ئێكێ ب 40 خالان ب جوداهیا گۆلان ژ یانا ریال مه‌درید.
ئه‌ڤ چار سیناریو دێ هێنه پێشبینى كرن ژلایێ لژنه‌یه‌كێ و پێكهاتیه ژ سكرتێرێ گشتى یێ ئێكه‌تیا ته‌پا پێ یا ئسپانى و كوربه‌ندێ لالیگایێ و ئه‌گه‌ر چو رێكه‌فتن نه‌هاتنه كرن ژلایێ ڤێ لژنێ ڤه ده‌ستهه‌لاتا بریارێ دێ ژلایێ سه‌روكێ ئێكه‌تیا ته‌پا پێ یا ئسپانیا ڤه هێته دان.
جڤاتا نوونه‌ران پرۆژه‌یێ پلانانا به‌رهنگاربوونا كورنایێ په‌سندكر
ئه‌ڤرۆ نیوز:
جڤاتا نوونه‌رێن ئه‌مریكا ب پرانیا ده‌نگان پلانا دابینكرنا پاره‌یه‌كێ پێدڤی بۆ ریب ری بوونا كورونایێ په‌سندكر كۆ 50 ملیار دۆلارن.
ئه‌و پرۆژه‌یه ژ ئه‌نجامێ دانوستاندنێن ناڤبه‌را نانسی پیلوسی و سه‌رۆكا جڤاتا نوونه‌ران ئیدارا تره‌مپی هات بوو به‌رهه‌ڤكرن.
ژماره‌كا زۆرژ ئه‌ندامێن جڤاتا نونه‌ران ژ هه‌ردو پارتان پشته‌ڤانیا پرۆژه‌یی كر ب شێوه‌یه‌كی كۆ 363 ئه‌ندامێن جڤاتێ ده‌نگ پێدا و دهێته چاڤه‌ریكرن ل چه‌ند رۆژێن بهێت جڤاتا پیران كۆمبیت ل سه‌ر ئه‌ڤی بابه‌تی.
پرۆژه چه‌ندین خالێن سه‌ره‌كی بخوڤه‌دگریت، یا ژ هه‌میان گرنگتر پشكنینا به‌لاشه بۆ هه‌موو ئه‌و كه‌سێن توشبویی ب كورونایێ بۆ دهێته كرن.
ل چه‌ند رۆژێن بوری كورونا زۆر بله‌ز ل ئه‌مریكا به‌لاڤبو، نوكه دو هزار و 174 كه‌س ل ئه‌مریكا توشی كورونایێ بووینه 47 كه‌س ژی مرینه و 12 كه‌س ژی ساخبوینه.
نيشاندان
WP Facebook Auto Publish Powered By : XYZScripts.com