ئه‌ڤرۆ نیوز:
لگۆری زانیاریان ئه‌ڤرۆ 14/3/2020بۆ جاره‌كا دی سه‌ربازگه‌هێ تاجی هاته موشه‌ك بارانكرن.
ئوپارسیونێن هه‌ڤپشكێن عیراقێ دیاركر دوێ هێرشێ دا 2 سه‌ربازێن عیراقی بریندابوون.
ئه‌ڤه دده‌مه‌كی دایه ب ئه‌گه‌رێ موشه‌ك بارانكرنا سه‌ربازگه‌ها تاجی هه‌مبه‌ر فرۆكه‌یێن هه‌ڤپه‌یمانان ل سنوری عیراقێ و سوریا هێزێن حه‌شدا شه‌عبی بوردومانكرن و زێده‌تری 20 چه‌كدارێن حه‌شدا شه‌عبی كوشتن.
ئه‌ڤرۆ نیوز، زنار:
ژ ئه‌گه‌رێ په‌یدابوونا ڤایروسێ كورونا ل وه‌لاتێ ئسپانیا ب شێوه‌یه‌كێ نه‌چاڤه‌رێ كرى هه‌موو چالاكیێن وه‌رزشى هاتنه راگرتن ژوانا خولا ته‌پا پێ بۆ ماوێ چ نه‌بیت 15 رۆژان.
ل دووڤ په‌یامه‌كێ رۆژناما ئاس یا ئسپانى نوكه هه‌موو چاڤه‌رێ ره‌وشا ساخله‌میا گشتى به‌ر ب باشتر بچیت و ئاسایى بیت بۆ دوباره كرنا یاریان لێ ئه‌گه‌ر ئه‌ڤ نه‌خوشیه زێده‌تر به‌ربه‌لاڤ بوو خولا ئسپانى هه‌مبه‌ر چار سیناریویا یه:
1. تمامكرنا یاریێن خولێ یه بێ ئاماده‌بوونا جه‌ماوه‌رى كو دهێته پێشبینى كرن ب ڤى شێوه‌ی بیت.
2.هه‌لوه‌شاندنا خولێ بشێوه‌یه‌كى كو چو یانه نه‌بنه قاره‌مانێن خولێ دیسان چو یانه ژى داناكه‌ڤن.
3. ب دووماهى ئینانا هه‌ڤركیێن خولا ئسپانى ژ گه‌را 27 و یانا به‌رشه‌لونا بیته قاره‌مانا خولێ، لێ ئه‌ڤ سیناریویه دووره ژ به‌ركو هه‌موو یانا یاریێن خوه ێن چون و هاتنێ دگه‌ل ڤێ یانێ نه‌كریه و دبیت سه‌رنه‌گریت.
4. تنێ ئه‌نجامێن قوناغا ئێكێ بهێنه هژمارتن ئه‌و ژى یانا به‌رشه‌لونا بیته قاره‌مانا خولێ ژبه‌ركو ئه‌و رێزا ئێكێ دهێت د قوناغا ئێكێ ب 40 خالان ب جوداهیا گۆلان ژ یانا ریال مه‌درید.
ئه‌ڤ چار سیناریو دێ هێنه پێشبینى كرن ژلایێ لژنه‌یه‌كێ و پێكهاتیه ژ سكرتێرێ گشتى یێ ئێكه‌تیا ته‌پا پێ یا ئسپانى و كوربه‌ندێ لالیگایێ و ئه‌گه‌ر چو رێكه‌فتن نه‌هاتنه كرن ژلایێ ڤێ لژنێ ڤه ده‌ستهه‌لاتا بریارێ دێ ژلایێ سه‌روكێ ئێكه‌تیا ته‌پا پێ یا ئسپانیا ڤه هێته دان.
ئه‌ڤرۆ نیوز:
جڤاتا نوونه‌رێن ئه‌مریكا ب پرانیا ده‌نگان پلانا دابینكرنا پاره‌یه‌كێ پێدڤی بۆ ریب ری بوونا كورونایێ په‌سندكر كۆ 50 ملیار دۆلارن.
ئه‌و پرۆژه‌یه ژ ئه‌نجامێ دانوستاندنێن ناڤبه‌را نانسی پیلوسی و سه‌رۆكا جڤاتا نوونه‌ران ئیدارا تره‌مپی هات بوو به‌رهه‌ڤكرن.
ژماره‌كا زۆرژ ئه‌ندامێن جڤاتا نونه‌ران ژ هه‌ردو پارتان پشته‌ڤانیا پرۆژه‌یی كر ب شێوه‌یه‌كی كۆ 363 ئه‌ندامێن جڤاتێ ده‌نگ پێدا و دهێته چاڤه‌ریكرن ل چه‌ند رۆژێن بهێت جڤاتا پیران كۆمبیت ل سه‌ر ئه‌ڤی بابه‌تی.
پرۆژه چه‌ندین خالێن سه‌ره‌كی بخوڤه‌دگریت، یا ژ هه‌میان گرنگتر پشكنینا به‌لاشه بۆ هه‌موو ئه‌و كه‌سێن توشبویی ب كورونایێ بۆ دهێته كرن.
ل چه‌ند رۆژێن بوری كورونا زۆر بله‌ز ل ئه‌مریكا به‌لاڤبو، نوكه دو هزار و 174 كه‌س ل ئه‌مریكا توشی كورونایێ بووینه 47 كه‌س ژی مرینه و 12 كه‌س ژی ساخبوینه.
ئه‌ڤرۆ نیوز:
سه‌رۆكێ ئه‌مریكا ب ئه‌گه‌رێ به‌لاڤبوونا ڤایرۆسێ كورونایێ ل وه‌لاتێ وی، ره‌وشا نه‌ئاسایی یا نیشتمانی راگه‌هاند.
دونالد تره‌مپ سه‌رۆكێ ئه‌مریكا د كۆنگره‌یه‌كێ رۆژنامه‌ڤانی دا راگه‌هاند: ره‌وشا نه‌ئاسایی یا نیشتمانی ل ته‌ڤایا ئه‌مریكا یه ب ئه‌گه‌رێ به‌لاڤبوونا ڤایرۆسێ كورونایێ رادگه‌هینم.
سه‌رۆكێ ئه‌مریكا ئه‌و چه‌نده ژی دیاركر لگۆری یاسایا 1988 بۆ گه‌هاندنا هه‌ڤكاریكرن و ریب ریبوونا قه‌یرانان بڤی شێوه‌یی 50 ملیار دۆلار بۆ ئه‌ڤێ چه‌ندێ دهێنه ته‌رخانكرن.
هه‌ر دوی كۆنگرێ رۆژنامه‌ڤانی دا سه‌رۆك تره‌مپی گۆت ته‌ڤایا توخیبێن خۆ بۆ رێگرتن ژ ڤایرۆسێ كورونا و به‌لاڤ بوونا وێ دێ هه‌میان گرین.
ناڤبری ئه‌و چه‌نده ژی دیاركر ساخله‌میا من جیگیره و تووشی كورنایێ نه‌بوویمه.
ئه‌ڤرۆ نیوز، زنار زوبێر:
یانا ریال مه‌درید نوكه د ده‌ستێ كومه‌كا هنگافتنا یاریزانێن خوه یێن ستێر دا دنالیت و راگرتنا خولا ئسپانیا و چامپیونزلیگێ ژ ئه‌گه‌رێ به‌لاڤبوونا ڤایروسێ كورونا د به‌رژوه‌ندیا ڤێ یانێ دابوو.
ئه‌ڤ راگرتنا هه‌ڤركیێن خولا ئسپانى و یێن ئوروپى بۆ ماوه‌كێ نه‌دیار دێ زێده‌تر ده‌لیڤێ ده‌ته یانا ریال مه‌درید د ڤى ماوه‌ى دا هه‌ردو یاریزانێن خوه تیبو كورتوا و مارسێلوى ئاماده بكه‌ن بۆ یاریێن بهێت ئه‌وێن هنگافتنێن سڤك د ماسولكه‌یان دا هه‌ین ژ به‌ركو ئه‌ڤان هه‌ردو یاریزانا ڤێ حه‌فتیێ پشكدارى نه‌دكر د یاریا به‌رامبه‌ر ئیبار ژ خولا ئسپانیا و یاریا چونێ ژ قاره‌مانیا ئوروپا قاره‌مانێن خولان به‌رامبه‌ر مانچسته‌ر ستى ژ قوناغا شازدێ ئه‌گه‌ر هاتبا كرن لێ ژ ئه‌گه‌رێ به‌لاڤ بوونا ڤایروسێ كورونا بۆ ماوێ دو حه‌فتیان هه‌موو چالاكیێن وه‌رزشى ل ئوروپا هاتنه راگرتن و دبیت بهێته درێژكرن ئه‌گه‌ر ره‌وشا ساخله‌میا گشتى ئاسایى نه‌بوو.
ژلایه‌كێ دى ڤه هه‌ردو یاریزانێن هێلا هێرشبه‌ریێ یێن یانا مه‌له‌كى ماركو ئه‌سێنسیو و ئیدن هازارد ژى تووشى هنگافتنه‌كا درێژ بووینه و نوكه د ماوێ چاره‌سه‌ریێ دانه ل ڤى ماوێ بهێت ژى دێ د به‌رده‌وام بن ل سه‌ر چاره‌سه‌ریا ڤان هه‌ردو یاریزانێن گرنگ یێن یانا مه‌له‌كى ب ڤێ چه‌ندێ ژى دێ ده‌لیڤا پشكداریێ د هژماره‌كا باش یا یاریێن دووماهیا وه‌رزێ ئه‌ڤ ساله دا هه‌بیت بۆ ڤان هه‌ردو یاریزانان پشتى تووشى هنگافتنێن دژوار بوین و نه‌شیاین پشكداریێ د هژماره‌كا مه‌زن یا یاریان ل ڤى وه‌رزى دگه‌ل یانا ریال مه‌درید بكه‌ن.
ئه‌ڤرۆ نیوز:
ئه‌ڤرۆ به‌رۆڤاژی رۆژێن بوریی بهایێ پترۆلێ ل بازارێن جیهانێ ب شیوه‌یه‌كی به‌رچاڤ بلند بوو، بهایێ هه‌ر به‌رمیله‌كا پترۆلێ چو سه‌ر 35 دۆلاران دا.
لگۆری ئاژانسا رویته‌رز ئه‌ڤرۆ بهایێ به‌رمیلا پترۆلا بڕێنت ب 35 دۆلار و 44 سه‌نتان ل بازارێن جیهانێ كرین و فرۆتن پێ هاتیه كرن، هه‌ڤده‌م بهایێ به‌رمیلا پترۆلا ئه‌مریكا ب 31 دۆلار و 73 سه‌نتان كرین و فرۆتن پێڤه هاتیه‌كرن.
بلندبونا بهایێ پترۆلێ په‌یوه‌ندی هه‌یه ب كێمبوونا داخوازیا وه‌لاتێن پیشه‌سازیی ل سه‌ر پترۆلێ و به‌لاڤ بوونا ڤایرۆسێ كورونایێ ل چینێ به‌لاڤ بووی.
ئه‌ڤرۆ نیوز:
رێڤه‌به‌راتیا ساخله‌میا پارێزگه‌ها واست یا عیراقێ به‌لاڤكر ئه‌ڤرۆ كه‌سه‌ك ب ئه‌گه‌رێ كورونایێ ل پارێزگه‌ها واست مر.
د وێ راگه‌هاندنێ دا ساخله‌میا ئه‌وێ پارێزگه‌هێ ئاماژه ب وێ چه‌ندێ دایه كۆ ئه‌و كه‌س ژنه‌ك بوویه ب ته‌مه‌ن بوو ژی ل ده‌مێن بوری ژ ئیرانێ ڤه‌گه‌رابوو.
هه‌روه‌سا دوێ راگه‌هاندنێ دا هاتیه ئه‌وێ ژنێ چه‌ندین نه‌خوشیێن دی ژی هه‌بوون هه‌می رێكارێن پێدڤی هاتنه بكار ئینان، به‌لێ هه‌ر مر.
لگۆری دوماهی ئاكار تانوكه ل عیراقێ ب ئه‌گه‌رێ كورونایێ 10 كه‌س مرینه و 93 حاله‌تێن توشبوونێ هاتینه توماركرن.
ئه‌ڤرۆ نیوز، زنار:
رۆژنامه‌كا ئسپانى ئاشكرا كر دانوستاندنێن ناڤبه‌را كارگێریا یانا به‌رشه‌لونا یا ئسپانى و گۆلپارێزێ وێ یێ نوكه مارك ئه‌ندرێ تێر شتیگن گه‌هشتینه دووماهیێ و تنێ راگه‌هاندنا نووكرنا وێ گرێبه‌ستێ مایه.
زێده‌تر رۆژناما موندو دیبورتیڤو یا كه‌تالونى ئاشكرا كر نوكه ئێرێك ئه‌بیدال سكرتێرێ هونه‌رى یێ یانا به‌رشه‌لونا دگه‌ل به‌رپرسێ كارێن گۆلپارێزێ یانا ناڤبرى مژولى دانوستاندنا نه و تنێ مایه بهێته راگه‌هاندن پشتى هه‌ردو لا رێككه‌فتین بۆ ماوێ چار سالێن دى هه‌ڤبه‌ستا وى بهێته نووكرن ئه‌وا دێ ل هاڤینا سالا 2022 ب دووماهى هێت دیسان دگه‌ل ڤێ نووكرنێ شتیگن داخوازا مووچه‌كێ زێده‌تر كریه ژ یانێ و هه‌ردو لا رازى بووینه ل سه‌ر ڤێ چه‌ندێ ژى و دهێته پێشبینى كرن تێرشتیگن بیته خودان مه‌زنترین مووچه ل سه‌ر گۆلپارێزێن هه‌موو جیهانێ.
ئەڤرۆ نیوز:
وەزارەتا ساخلەمیا هەرێمێ راگەهاند، حالەتێ ئێکێ یێ توشبوون ب کۆرۆنا یێ ل هەلەبجە هاتە تۆمار کرن.
د راگەهاندنەکێ دا وەزارەتا ساخلەمیا هەرێما کوردستانێ دیارکر، د کڤانێ بەردەوامیا پشکنینان دا ل هەێمێ، کەسەکێ دیتر یێ د ژیێ ٤٨ سالیێ دا، کو خەلکێ باژێرکێ تەوێلە یێ سەر ب پارێزگەها هەلەبجەیە توشی ڤایرۆسێ کۆرۆنا یێ بوویە.
هەروەسا گۆتیە، د نوکە دا ٢٨ حالەت هاتینە تۆمارکرن و د ناڤا وان ژی دا ئێک مرن هەبوویە و کەسەک ژی چێبوویە.
نيشاندان