ئه‌ڤرۆ نیوز:
رۆژنامه‌یێن نێزیكى یانا به‌رشه‌لۆنا دیاركریه یانا به‌رشه‌لۆنا ب كوژمه‌كێ مه‌زن یێ پاره‌ى خوساره‌ت بوو ژبه‌ر ڤایروسێ كورونا ل ئیتالیا.
رۆژناما سپورت یا كه‌ته‌لونى دیاركریه پشتى ئێكه‌تیا ته‌پا پێ یا ئورۆپى راگه‌هاندى یاریا به‌رشه‌لۆنا و ناپولى ل یاریگه‌ها كامپ نوو ژ چارچوڤێ یاریێن قوناغا 16 ژ چامپیونیز لیگا ئورۆپا بێ جه‌ماوه‌ر بهێته‌كرن و ب وێ بریارێ به‌رشه‌لۆنا یا زه‌ره‌مه‌ندبوو ب كوژمێ شه‌ش ملیون یورۆیا خوساره‌ت بوو .
ئەڤرۆ نیوز:
جێمز جێفری نوونەرێ ئەمریکا بۆ کاروبارێن سووریێ راگەهاند کو روسیا پێگیریێ ب ئاگربەستا ئدلبێ ناکەت و فرۆکێن شەری یێن روسیا پشتی راگەهاندنا ئاگربەستێ ژی چەندین جاران هێرشی هێزێن تورکیا کرینە، ژ بەر هندێ رەنگە ئاگربەست د زووترین دەم دا بهێتە هلوەشاندن.
ناڤهاتی راگەهاند کو وەکو ئەمریکا ئەم ژی بەرهەڤیێن خوە دکەین و مە دڤێت هاریکاریا تورکیا بکەین لێ هەتا نها ل دۆر چاوانیا هاریکاریا بۆ تورکیا مە وەکو ئەمریکا چو بریارەک نەدایە.
ئەڤرۆ نیوز ، ئێقبال عومەر:
دکتور شاکر عەبدلعەزیز رێڤەبەرێ ساخلەمیا قەزا ئامێدیێ بو ئەڤرۆ نیوز گوت: (ل دیڤ بەرنامێ رێکێن خوە پاراستنێ ژ ڤایروسێ کورونا ساخلەمیا ئامێدیێ رابووینە ب هەوەکا دەرمان رەشاندنێ ل هەموو سنورێ قەزا ئامێدیێ و گوت: دوهی مە ل سەنتەرێ قەزا ئامێدیێ دەست ب دەرمان رەشاندنێ کریە و ئەڤرۆ ژی ل هەمی ناحی و کومەلگەه و گوندێن دی یێن سەر ب قەزا ئامێدیێ ڤە دێ دەست پێ کەت ل دەسپێکێ مە ل شێلادزێ دەست پێکریە مەرەم ژێ ئەوە کو هەمی باژێر و کومەلگەه پاقژ بهێنە راگرتن و تافیلکرن ژ نەخوشیێن ڤەگر ب تایبەتی ڤایروسێ کورونایێ، ئەڤ هەوە دێ یا بەردەوام بیت، تاکو ئەڤ ڤایروسە دهێتە بنبرکرن).
زێدەتر گوت: (کەمپێن ئاوارا و خالێن سەرسنوری ژی دهێنە تافیلکرن و هەروەسا زالگەها گەلیێ بالندا مە تیمەکا ل وی جهی ئاکنجی کری بوو پشکنینان ژبەرکو دناڤبەرا دوو پارێزگەهاندا یە پارێزگەها هەولێری ب پارێزگەها دهوك ڤە گرێددەت مە ب فەرزانی کو تیمەکا مە لوی جهی ئاکنجی بیت و ئەڤرۆ دێ کەفنە کاری).
جەمیل خەلیل به‌رپرسێ تیمێن ره‌شاندنێ ل رێڤه‌به‌ریا كارۆبارێن خوه پاراستنا ساخله‌میا ئامێدیێ دیاركركو ئه‌ڤرۆ ۱۱/۳/۲۰۲۰ ل ناڤ بازارێ شێلادزێ دا هه‌وه‌كا به‌رفره‌ه یا ره‌شاندنا ده‌رمانی بۆ به‌رهه‌نگاریا نه‌خۆشیا ڤایروسێ كورۆنا هاته ئه‌نجامدان.
به‌رپرسێ تیمین ره‌شاندنێ ل رێڤه‌به‌ریا كارۆبارێن خوه پاراستنا ساخله‌میا ئامێدیێ گوت: (ساخله‌میا ئامێدیێ دگه‌ل دام و ده‌زگه‌هیێن په‌ێوه‌ندیدار ژ چەندین تیم بۆ به‌رهه‌نگاریا نه‌خۆشیا كورۆنا پێك ئیناینه ئه‌ڤ تیم هاتینه به‌لاڤكرن ل هەمو سنۆری قەزا ئامێدیێ کو ل ناحی و کومەلگەه و گوندا ب خوەڤە دگریت ئه‌ڤرۆكه ل ناڤ بازارێ شێلادزێ و پارك وجاده‌یێن شێلادزێ هاتنه ره‌شاندن ئه‌م هیڤدارن وه‌لاتی ژی دگه‌ل مه‌دا هه‌ڤكار بن بو خوه پاراستنی ژ نه‌خۆشیا كورونا ئه‌م به‌رده‌وام كاردكه‌ین بۆ پاراستنا گیانی وه‌لاتیان).
ئاشكه‌را كركو هه‌موو جهێن گشتی و قه‌ره‌بالغ دهێنه ره‌شاندن و تافیلكرن داكو ژیانا خه‌لكێ مه پاراستی بیت ئه‌ڤ هه‌وا ره‌شاندنا ده‌رمانێ ب هه‌ماهه‌نگیی دگه‌ل رێڤه‌به‌ریا فیته‌رنه‌ریا شێلادزێ و رێڤه‌به‌ریا به‌رگیریا شارستانێ هاته ئه‌نجامدان دێ به‌رده‌وام بن هه‌تا ئه‌ڤ نه‌خۆشیا نه‌مینت.
ئەڤرۆ نیۆز، قائید میرۆ
پشتی داکەتنا بھایێ پتڕۆلێ د بازاڕی دا مەترسی بۆسەر بودجێ عێراقێ پەیدابوویە و سەرۆکێ لیژنا دارایی و ئابووری ژی لپەرلەمانێ کوردستانێ ئاشکراکر، ددەمێ نوکەدا داکەتنا بھایێ پتڕۆلێ کاریگەری لسەر مووچەی نابیت.
زیاد جەبار، سەرۆکێ لیژنا دارایی لپەرلەمانێ کوردستانێ بۆ ئەڤرۆ نیۆز دیارکر” داکەتنا بھایێ پتڕۆلێ ددەمێ نوکەدا چو کاریگەریێن وەسا ل سەر مووچێ فەرمانبەران نابیت، بتایبەتی ژی وەک دھێتە گوتن داکەتنا بھایێ پتڕۆلێ ئاریشەیا ناڤبەرا سعودیێ و رۆسیایە و پێشبینی دھێتەکرن بھێتە چارەسەرکرن.
سەرۆکێ لیژنا دارایی گۆتژی” حوکمەتا ھەرێما کوردستانێ تەکەست لسەر ڤێ چەندێ کریە دێ بەلافکرنا مووچێ فەرمانبەران یا بەردەوامبیت، نوکەژی بەردەوام مووچە یێ دھێتە بەلافکرن.
زیاد جەبار خویاکر” ھەرچەند د کۆمبوونا سەرۆکایەتیا جڤاتا وەزیران بەحسێ داکەتنا بھایێ پتڕۆلێ ھاتیەکرن، بەلێ ھەگەر بھێت و داکەتنا پتڕۆلێ ڤەکێشیت دێ پشتی جەژنا نەڤرۆزێ وەزیری دارایی گازیکەینە پەرلەمانی.
ئه‌ڤرۆ نیوز:
كۆمپانیا ئارمكۆ راگه‌هاند داخازیه‌كا وه‌زاره‌تا وزه‌یا سعوودیێ گه‌هشتیه وان بۆ بلندكرنا به‌رهم ئینانا پترۆلی ژ 12 ملیۆن به‌رمیلان بۆ 13 ملیۆن به‌رمیلان د رۆژێ دا.
كۆمپانیا ئارامكۆ كو تایبه‌ته ب به‌رهه‌م ئینان ل زه‌ڤیێن پترۆلی یێن سعودیێ راگه‌هاند: داخازیه‌ك ژ وه‌زاره‌تا ووزه‌یا سعودیێ گه‌هشتیه وان بۆ بلندكرنا ئاستێ به‌رهه‌م ئینانا پترۆلێ ژ 12 ملیۆن به‌رمیلا بۆ 13 ملیۆن به‌رمیلان د رۆژێ دا.
كۆمپانیا ئارامكو ئه‌و چه‌نده ژی راگه‌هاند: ئاستێ به‌رهه‌م ئینانا پترۆلێ ژلایێ ده‌وله‌تێ ڤه دهێته دیاركرن، لگۆری ئه‌وی سیسته‌می بۆ به‌رهه‌مئینانا ماده‌یێن هایدروكاربونیان هاتیه دانان.
هه‌ینیا بوری وه‌لاتێن ئوپێكێ شكه‌ستن ئینا ژبووی گه‌هشتنه رێكه‌تنێ بۆ كێمكرنا به‌رهه‌مێ پترۆلێ بۆ بلندكرنا بهایێ وێ ل بازاری، كۆ ب ئه‌گه‌رێ به‌لاڤبوونا ڤایرۆسێ كورونایێ زیانه‌كا مه‌زن به‌ركه‌فتی یه.
ئه‌ڤرۆ نیوز، زنار:
ئێكه‌تیا ته‌پا پێ یا هه‌رێما كوردستانێ دیاركر ل سه‌ر داخوازا وه‌زاره‌تا ته‌ندروستى یا حوكمه‌تا هه‌رێما كوردستانێ وان سه‌رجه‌م چالاكیێن خوه یێن وه‌رزشى راگرتن بۆ ماوه‌كێ نه‌دیار.
زێده‌تر د ڤى چارچوڤه‌ى دا قاسم سالح ئه‌ندامێ ئێكه‌تیا ته‌پا پێ یا هه‌رێما كوردستانێ بۆ ئه‌ڤرۆ نیوز ئاشكرا كر كو بریاربوو سوبه‌هى گه‌را 18 یا هه‌ڤركیێن خولا نایابا كوردستانێ برێڤه‌بچیت لێ ژ نشكه‌كێ ڤه وه‌زاره‌تا ته‌ندروستى یا هه‌رێمێ داخواز ژ وان كریه چو چالاكیێن وه‌رزشى ئه‌نجام نه‌ده‌ن بۆ خوه پارستن ژ ڤایروسێ كورونا له‌ورا نه‌چار بووین ڤێ بریارا بله‌ز بده‌ین و بۆ ماوه‌كێ نه‌دیار چالاكیێن خوه راگرین.
ئه‌ڤرۆ نیوز:
سه‌رۆكێ نوو یێ ئه‌فغانستانێ بریاردا پێنج هزار زیندانیێن بزاڤا تالیبان ب چه‌ند قوناغه‌كان ئازاد بكه‌ت.
محه‌مه‌د ئه‌شره‌ف غه‌نی پشتی سویندخارنا یاسایی وه‌ك سه‌رۆكێ نوو یێ ئه‌فغانستانێ بریارا ئازادكرنا پێنج هزار زیندانیێن بزاڤا تالیبان دا.
بریار د چارچوڤه‌یێ پلانه‌كا ئاشتیێ دا دهێت ل ئه‌فغانستانێ، ئه‌و ژی پشتی ئه‌مریكا و بزاڤا تالیبان رێكه‌تن ل قه‌ته‌رێ ئیمزاكر.
سه‌دیق سه‌دیقی په‌یڤدارێ سه‌رۆكاتیا ئه‌فغانستانێ راگه‌هاند بوو بریارا ئازادكرنا زیندانیێن تالیبان ب چه‌ند قوناغه‌كان هێته بجهگرن و ل گه‌را ئێكێ دا 1500 زیندانی ل ده‌مێ چار رۆژان هێنه ئازادكرن.
په‌یڤداری سه‌رۆكاتیا ئه‌فغانستانێ دیاركر په‌لان دێ به‌رده‌وام بیت و پشای رۆژانه 100 چه‌كدارێن دی یێن تالیبان هێنه ئازادكرن.
ئه‌ڤرۆ نیوز:
جڤاتا نوونه‌ران و حكومه‌تا عیراقێ پلانه‌كێ بۆ ریب ری بوونا مه‌ترسیێن داكه‌تنا بهایێ پترۆلێ دادنن.
ئه‌حمه‌د سه‌فار ئه‌ندامێ لژنا دارایی یا جڤاتا نونه‌رێن عیراقێ راگه‌هاند پلانه‌كا بله‌ز هه‌یه بۆ چاڤ خشاندنێ ل بودجا گشتی یا وه‌لاتی و مه‌زاختیێن گشتی و راكرنا مه‌زاختیێن نه پیدڤی.
ئه‌حمه‌د سه‌فار ئه‌و چه‌نده ژی راگه‌هاند كو بزاڤێ دكه‌ن ب كێمترین شێوه پشت به‌ستنێ ب پترۆلێ گرێ بده‌ین و پیته‌پێدان و ئێخستنه‌كاری یا كه‌رتێن دی وه‌ك كه‌رتێ پیشه‌سازی و ئابوری یێن دی.
ب ئه‌گه‌رێ به‌لاڤ بوونا ڤایرۆسێ كورونایێ ل عیراقێ زێده‌تری 100 وه‌لاتێن جیهانێ بهایێ پترۆلێ ب شێوه‌یه‌كێ به‌رچاڤ داكه‌ت و گه‌هشته بن 30 دۆلاران بۆ هه‌ر به‌رمیله‌كێ.
ئه‌ڤرۆ نیوز:
راپورتێن رۆژنامه‌ڤانى ل فره‌نسا ئاشكراكرینه ستێرا هه‌لبژارتیێ فره‌نسا و یانا پاریس سانجێرمان كلیان مباپێ و پشكنین بۆ هاتیه‌كرن ل سه‌ر گومانلێكرنا ڤایروسێ كورونا.
رۆژناما فرانس فتبول یا فره‌نسى دیاركریه مباپێ ل دو رۆژێن بورى به‌رهه‌ڤى راهێنانێن یانا پاریس نه‌بوویه ژبه‌ر نه‌خوشیه‌كێ ل سینگێ وى و ئه‌و یاریزانێ ناڤبرى ل ئێك ژ تاقیكرنێن تایبه‌ت یێن شكنینا گومانلێكریێن ڤایروسێ كورونایێ هاتیه دیتن و بشكنین بۆ وى یاریزانى هاتیه‌كرن .
هه‌ردیسان وێ رۆژنامێ ئاشكراكریه ژى چاڤه‌رێ دهێته‌كرن ئه‌ڤرۆ ئه‌نجامێ راپورتا بشكنینا وى یا ڤایروسێ كورونا بهێته راگه‌هاندن .
ئه‌ڤرۆ نیوز:
پشتى ئێكه‌تیا ته‌پا پێ یا ئیسپانى ب شێوه‌كێ فه‌رمى راگه‌هاندى هه‌ردو گه‌رێن بهێت ژ خولا ئسپانیا یا ته‌پا پێ بێ جه‌ماوه‌ر بهێنه كرن بۆ خوه پارستن ژ ڤایروسێ كورونایێ .
ژلایه‌كێ دیڤه خاڤیێر تیباس سه‌رۆكێ لژنه‌یا خۆلا لالیگا بۆ رۆژناما ماركا دیاركر حكومه‌تا ئیسپانیا ئه‌و ب فه‌رمى ئاگاداركرن كو یاریێن هه‌ردو گه‌رێن 28 و 29 ژ خولێ بێ جه‌ماوه‌ر بهێنه برێڤه‌برن وه‌كو خوه پاراستن ژ ڤایروسێ كورونایێ .
هه‌ردیسان سه‌باره‌ت راوستاندنا خولێ ل پاشه‌رۆژێ ناڤبرى دیاركر ئه‌و هه‌تا نوكه نه هاتینه ئاگاداركرن بۆ راوستاندنا خولێ یان پاشئێخستنا یاریێن خولێ بۆ ده‌مه‌كێ دى لێ هه‌ر ده‌مێ ئه‌و ب فه‌رمى هاتنه ئاگاداركرن ژلایێ وه‌زاره‌تا ته‌ندروستى ڤه ئه‌و وى ده‌مى دێ بریارا ئه‌وان ب جه ئینن ژبه‌ركو پاراستنا وه‌لاتیان باشتره ژ هه‌ر تشته‌كێ دى و ئه‌و دێ چاڤه‌رێ بریارا حكومه‌تا ئیسپانیا به‌ن
نيشاندان