رۆژا ئالایا كوردستانێ، جه‌ژنا كوردێن ئێزدی، ده‌ستپێكا ئۆپه‌راسیۆنا رێزگاركرنا شه‌نگال و نووچه‌یا كۆنترۆلكرنا وی باژاری ژ لایێ پێشمه‌رگه‌یێن كوردستانێ ب ئاماده‌بوون و سه‌رپه‌رشتیا یه‌كسه‌ری یا سه‌رۆكێ هه‌رێما كوردستانێ مه‌سعوود بارزانی (20-12-2014)، بوون ناڤونیشانا رۆژێن كوردستانێ یێن بووری.
هه‌لبه‌ت رێزگاركرنا شه‌نگال و قه‌هره‌مانیا هێزێن پێشمه‌رگه و جه‌نگاوه‌رێن چیایێ شه‌نگالێ و شه‌رڤانێن كورد ژ هه‌ر ئالی و ب هه‌ر هاوی نیشانا هه‌ست و ئێكه‌تیا گه‌لێ كورده و ئه‌ڤ تشته‌كی پیرۆزه، دلێ مرۆڤ دكه ب شه‌هنازی. ب ڤێ مزگینیێ وێ مۆرالا هێزێن پارێزڤانێن مه هوون به‌رز ببه و هه‌ر وه‌سا مۆرالا گه‌لێ مه ل هه‌ر چار په‌رچێن كوردستان.
ب تایبه‌ت ل باژارێ كۆبانێ كو ئیرۆ چاڤێن ب مه‌لیۆنان كورد ل وێ ده‌رێ نه و ب ئۆمیدا رێزگاركرنا وێنه ژی.
ب راستی رێكا كو پێشمه‌رگه ددن سه‌ر ئه‌و رێكه دبه رێكه‌ك پیرۆز و سه‌ركه‌فتنا پێشمه‌رگه ل گه‌ل سه‌رۆك بارزانی ل پیرۆزبوونا شه‌نگال پیرۆزه‌كه دن زێده‌كر.
ئه‌ز دخوازم بێژم كو كار و خه‌باتا مه‌زن هوون ل پێشیا مه كوردان مایه و رێزگاركرنا خاكا پیرۆز ژ پیسیا داعش پێنگاڤا یه‌كه‌مینه، لێ كارێ گرینگ ژی ئه‌وه كو پاراستنا ڤێ ده‌ڤه‌رێ و ئاڤاكرنا وێ یه، د زۆترین ده‌م دا كو ئه‌م مله‌تێ خوه ژ كامپان رێزگاركن و به‌ر ب مال و سامانێن خوه ده ڤه‌گه‌رن.
هه‌روسا سزاكرنا هه‌ر كه‌سه‌كی ان ده‌زگه‌هه‌كێ كو ل گه‌ل داعش ئالیكاری كربه، ب ره‌نگه‌كی ئاشكه‌را و د بن سیا دادگه‌هێن كوردستانێ ده وه‌ره كرن.
رێگرتن ل پێشیا چ ته‌ڤلهه‌ڤیه‌كێ ئانژی چ پلانێن كو هه‌بن و بخوازن كاریسه‌تا شه‌نگالێ وه‌ك بهانه بكاربینن.
توماركرنا جه‌نگاوه‌رن چیایێ شه‌نگالێ وه‌ك پێشمه‌رگه د ناڤ ره‌فێن هێزا پێشمه‌رگه‌یێن كوردستانێ ب ره‌نگه‌كی فه‌رمی.
دارشتنا ستراتیجیه‌كێ د ناڤبه‌را هێزێن كوردی ل هه‌ردو پشكێن كوردستانێ رۆژاڤا و باشۆر ده، ده‌ربارێ تێكبرنا تێرۆرێ و پاراستنا ئارامیێ ل هه‌ردو ئالیێن سینۆری.
هه‌ر كه‌سه‌كی ژ پێڤی ئالا كوردستانێ د ناڤ هێزێن پێشمه‌رگه دا هلدا بێ ئاگاهكرن یانژی سزاكرن چونكی پێشمه‌رگه هێزا كوردستانێ یه و نه هێزا تو پارتیێن سیاسی یه(1).
ب هه‌ر حالی د باوه‌ریا من ده جه‌نگا كوردان ل دژی هۆڤێن داعش و قوربانیێن كو وان دانین دبه‌ر كوردستان و مرۆڤاتیێ ده، وێ ببن یه‌ك ژ سه‌ده‌مێن گوهه‌رتنا هش و رامانێن كوردان و پێویستیا وان ب هێزه‌ك نشتیمانی دووری پرسگرێكێن سیاسی، هه‌روه‌سا ئه‌و قوربانیێن كو كوردان پێشكێشی وه‌لاتێ خوه و جیهانێ ب ته‌ڤایی كرن، به‌رامبه‌ری وێ كێمتر ژ مافێ ده‌وله‌تا سه‌ربخوه ئێدی گه‌ره‌ك نه‌یێ قه‌بوولكرن.
هه‌ولێر 20-12-2014ز رۆژا رێزگاركرنا شه‌نگال
1ـ تێ زانین كو بریار د ڤێ ده‌ربارێ ده هاتبوو ستاندن، لێ رۆژا رێزگاركرنێ و ل پێشیا كامیرا رووداو هن پێشمه‌رگه ئالا پارتی هلدابوون!
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
زێره‌ڤانیا كوردستانێ ئه‌ركێ هه‌موویانه
ده‌ما هێرشێن داگیركه‌ران ب سه‌رخاك و نیشتیمانێ ملله‌ته‌كی داگرت شه‌ر و جه‌نگ ل سه‌ر هاتن سه‌پاندن چاره‌نڤێسێ وان كه‌ته به‌رمه‌ترسیێ، پێویسته هه‌موو خه‌لكێ وی ملله‌تی ب هه‌ڤره بكه‌ڤن قاد ورمه‌یدانان د ئێك سه‌نگه‌ر دا به‌رگریێ ژ خاك و نیشتیمانێ خوه بكه‌ن، به‌رگری و خۆراگری نه تنێ ب هێزا چه‌كی و هژمارا له‌شكریه، به‌لكو ب هێز و هیمه‌تا هه‌موو چین و ته‌خێن جڤاكێ یه، پێدڤیه هه‌ر كه‌سه‌ك خوه ب خودانێ راسته‌قینه یێ وی ملله‌تی بزانیت. ئیرۆ كوردستان ب گشتی و باشوورێ كوردستانێ ب تایبه‌تی كه‌تیه به‌ر هێرشێن درنده‌ترین دوژمنێن مرۆڤاتیێ، هه‌كه گه‌لێ كورد ب هێزا هه‌ستا نه‌ته‌وه‌یی و ب دلسۆزی و هه‌ستیاری به‌رگریێ ل خاكا كوردستانێ نه‌كه‌ن دێ كه‌ڤینه به‌ر پێلێن ره‌شه‌بایێ جاران گه‌لێ كورد دێ به‌رب كنارێن مرنێ ره‌ڤینن. له‌وما ئه‌ركه‌ك نه‌ته‌وه‌یی و نیشتیمانی و مرۆڤاتیه كو ئه‌م هه‌موو ب هێز و شیانێن خوه ب بینه پارێزڤان و نووبه‌دارێن دلسۆز و وه‌فادار ل به‌ر داموده‌زگه‌هێن حكومی و حیزبی و مه‌ده‌نی، ب بینه په‌ژان و چه‌مبه‌ر ل هه‌مبه‌ر هه‌ر هێرش و بوویه‌ره‌ك نه چاڤه‌رێ. لێ مخابن هه‌ستا نه‌ته‌وه‌یی و گرێدان ب خاك و نیشتیمانڤه ل نك كوردان هێش زۆر یاكز و لاوازه. بۆ نموونه” ئیرۆ ژ به‌ر هێرشێن هێزێن تاریێ ل سه‌ر گه‌لێ مه پڕانیا هێزا ئاسایشا ناڤخوه‌یی، پۆلیس، هێزا زێره‌ڤانیێ و.. . ) قه‌ستا به‌رۆكێن شه‌ڕی كریه كو گیانێ مه بپارێزن، ل شوونا كو خه‌لكێ مه جهێ وان پڕ بكه‌ت و ئه‌ركێ وان بێخن سه‌ر ملێن خوه و به‌رگریێ ل خاك و نیشتیمانێ خوه بكه‌ن، سوحبه‌تا وان ل هه‌موو جه و جڤاتان ل سه‌ر نێچیرێ و گرتن و كوشتنا كه‌وان و په‌زێ كیڤێ بوویه. وان وه‌سا هزردكرن كو ده‌رفه‌ته‌ك باش بۆ وان چێبوویه كو ل جهی زره‌ڤانیێ ل كوردستانێ بكه‌ن، ژینگه و خوه‌زایێ خوه بپارێزن ئه‌ركێ نه‌ته‌وه‌یی و نیشتیمانی ل سه‌ر خوه راكه‌ن ب سه‌ربلندی به‌حسێ نێچیرا په‌زێ كیڤی و كه‌وادكرن كا هه‌ر ئێكی چه‌ند كه‌و و په‌زێن كیڤی كوشتنه!! وه‌سا ته‌خمین دكرن كو یێ بخوه حیلا ل حكوومه‌تێ دكه‌ن. ئه‌ڤه ل نك من پشكه ژ خه‌یانه‌تا نیشتیمانی و مه‌ترسیه ل سه‌ر ئه‌من و ئاسایشا نه‌ته‌وه‌یی، هه‌كه ل نك هه‌موو گه‌ل و نه‌ته‌وان خاك و نیشتیمان ژ دایك و دین و ده‌وله‌تان ب نرخ و بهاتره، ئه‌و كه‌سێ روومه‌تێ ل خاك ونیشتیمانێ خوه نه‌گریت، پارێزڤانیێ ل ژینگه‌ه و ئاڤ و هه‌وایێ خوه نه‌كه‌ت، ئه‌و رێزێ ل دایك و باب و دین و ده‌وله‌تا خوه‌ژی ناگریت. چاوا دینێ ئیسلامێ دا دبێژیت: (ڤیانا نیشتیمانی ژ ئیمانێ یه). له‌وما گرنگه ئه‌م هه‌موو ب بینه پارێزڤان و چاڤدێر و زێره‌ڤان، گرێدانا مه ب خاك و نیشتیمانێ مه ڤه‌بیت دا بكارین سه‌ركه‌فتی د ڤان ئه‌زموونان دا ده‌رباز ببین و به‌رسڤا دژمن و نه‌یارێن خوه بده‌ین.
ده‌وله‌ت و جڤاكێ كوردی
جڤاك ناكاریت خوه هه‌ڤبكریت و ب د واری زانینێ دا گه‌شێ بكه‌ت ل ژێر سیا نه‌بوونا ده‌وله‌تێ، جڤاكێ عیراقی ژی نه‌خۆشیا وی نه‌بوونا ده‌وله‌تێ یه، د دیرۆكا كوردستانێ دا شه‌ڕ و شۆره‌ش و نه‌بوونا ئاسایشێ كه‌فتنه هۆلێ، وه‌كو ژێده‌ره‌ك بۆ نه‌بوونا باوه‌ریبخوه‌بوونێ یان ب یێ دیتر یان ب ده‌وله‌تێ، ئه‌و ژی چونكو ده‌وله‌ت ل گۆر گۆتنا پرۆفیسۆر جۆزێف شترایر (یا هه‌یی ب ره‌نگه‌كێ سه‌ره‌كی د دل و روح و مێشكێ وه‌لاتیێن وێ دا، له‌ورا هه‌كه باوه‌ری ب هه‌بوونا وێ نه‌بوو، چو پێرابوونێن لۆژیكی نین كو ژیانێ بده‌تێ). ئه‌ڤ ده‌وله‌تا مایی هه‌ر د نه‌بوونێ دا)7، ئه‌ڤ ده‌وله‌تا ب درێژیا چه‌ندین چه‌رخان مایی دوور ژ مێشكێ ته‌ڤایی بۆ به‌ره‌بابێن ل دووڤ ئێك، نا چێبیت د ده‌مه‌كێ كێم دا پێكبهێت. پاشی شترایه‌ر به‌حسێ شه‌ریَِن مللی دكه‌ت د ناڤبه‌را خێزان و هه‌رێمان دا، هه‌ر وه‌كو ئه‌و به‌حسێ عیراقا ئه‌ڤرۆ دكه‌ت (زه‌لامه‌كێ بێ خێزان، بێ سه‌ركرده، سه‌ر ب چ گرۆپێن مللی ڤه نه‌بیت، یان سه‌ر ب گرۆپه‌كا ئاینی یا پرانی ڤه نه‌بیت، نه‌شێت بژیت ب تنێ هه‌كه نه‌بیته خولام یان كۆله، ئه‌ڤرۆ جۆره ژ جڤاكان هنده‌ك بهایێن ژێجودا هه‌نه ژ یێن مه، هینگی مرۆڤی خوه دكره قوربان ب بلندترین راده ب ژیانا خوه و مالیه‌تا خوه ب ناڤێ خێزانێ و سه‌كرده‌ی و گرۆپێ یان ئاینی و نه‌ك ب ناڤێ ده‌وله‌تێ) 7. هه‌ر وه‌كو ئه‌م ل چه‌رخێن ناڤه‌ندی دژین: هه‌ر وه‌كو پۆسته‌یێن ئیداری و سیاسی دهێ، به‌خشین ل گۆر په‌له‌یێن نێزیكیێ یان پلا حزبی، وه‌لاتی ناچیته هه‌لبژارتنان و نه بۆ شه‌ڕی و نه بۆ پۆسته‌یی ب تنێ ل گۆر ژیبوونا وی یا ئه‌سنی كو ژیبوونا وی بۆ ده‌وله‌تێ تێكدده‌ت یان دده‌قسینیت یان دوور دئێخیت یان گیرۆ دكه‌ت. هه‌كه ئه‌م بپرسین چاوا دیمه‌نێ ده‌وله‌تێ دهێته خلۆله‌كرن د ناڤ رح و مێشك وه‌لاتیان دا؟
گریمانه (1): ره‌نگه ب كۆده‌تایێن زۆر و وه‌شانا سیخوران و كریارێن خرابكرنێ، حوكمه‌تێ بۆ بكارئینانا سه‌ركوتكرنا په‌یره‌وی و شێوازێن سێداره‌دانێ و سزادانێن ته‌ڤایی و گرتنێن لابه‌لا و ده‌ستنیشانكرنا ئازادیان و نه‌ژ بلی ڤێ چه‌ندێ ژی ژ ره‌فتارێن ده‌سهه‌لاتین كو باوه‌ریا وه‌لاتی ب سازیێن ده‌وله‌تێ به‌رزه‌دكه‌ت.
گریمانه‌یا (2): ب به‌ربه‌لاڤبوونا گه‌نده‌لیێ و هاژۆتنا وه‌لاتی بۆ نه‌چاربوونا ده‌وله‌تێ ژ راوه‌ستانا وی یان دانانا راده‌كی، دێ باوه‌ریا وی ب ده‌وله‌تێ ژده‌ستده‌ت و چیته د خوشه‌نگه‌ركرنێن عه‌شائیری دا و ژ بلی ڤێ چه‌ندێ ژی ژ ژیبوونێن كو دبنه ئه‌گه‌رێ لاوازبوونا ژیبوونا وی بۆ ده‌وله‌تێ.
ئه‌نجام: ئه‌م نه‌خۆشیا خوه دبینین ژ نه‌بوونا ده‌وله‌تێ و مانگرتنێ ل دژی سه‌رپێچیێن به‌رده‌وام دكه‌ین و ل گه‌ل ڤێ چه‌ندێ مه‌حاله ل سه‌ر مه كو به‌رده‌وام بین ل ژێر ده‌وله‌ته‌كا لاواز، نه‌خۆشیا وه‌لاتی ژی وه‌لاته‌كه چو ده‌سه‌هلا نه‌بن و (یزعُ الله بالسلگان، ما لا ێزَعُ بالقرێن).
ئینیاسیۆ رامۆنێ هه‌ڤبڕینا وێ رستێ دكه‌ت یا ناڤدار(تاحۆنا هه‌وایی بده‌نه من، دێ چه‌رخێن ناڤه‌ندی ده‌مه هه‌وه) له‌ورا دێ بێژیت (كۆمپیۆته‌ری بده‌نه من، دێ هه‌وله‌مه‌ێ ده‌مه هه‌وه)7 و هه‌ڤبرینێ ل گه‌ل رامۆنێ كه‌م و دێ بێژم(سازیان به‌لكو گه‌نده‌لیێ و ئابووره‌كا ب هێز و جڤاكه‌كێ موكم هه‌ڤگرتی ده‌مه هه‌وه كو باوه‌ریێ ب ده‌وله‌تێ بینیت نه‌ك ب عه‌شیره‌تێ و تائیفێ، دێ ده‌وله‌تێ ده‌مه هه‌وه) ل گۆر ئیمام عه‌لی بن ئه‌بی تالب (كه‌سێ ب مێشك وێ كریارێ دكه‌ت ل موسیه‌تێ دا ئه‌وا نه‌زان دكه‌ت پشتی چه‌ند رۆژان) یان پشتی سالان.
و: ئه‌ڤرۆ
ئیرادا پێشمه‌رگه‌ی جیهان سه‌رسورمان كریه
ل سالا (2003) و هێرڤه واته ل پشتی قووناغا ئازادكرنا عیراقێ ژ رژێما دكتاتۆرا به‌عس، پاشی دانانا یاسایا ده‌مكی د قووناغێن ڤه‌گوهاستنێ دا ؛ ل وی ده‌می زۆربه‌یا هێزێن سیاسیێن عه‌ره‌بێن شۆفینی ل به‌غدا هه‌می بزاڤ كرن داكو پێشمه‌رگه‌ی ب ملیشیات ب ناڤ بكه‌ن و هه‌تا ئه‌و قووناغ ب دووماهی دهێت پاشی بێخنه سه‌ر میلاكێ وه‌زاره‌تا ناڤخوه‌ڤه، له‌ورا وه‌كو هه‌ر جار سه‌رۆك بارزانی هاته سه‌ر خه‌تێ و خوه ل ڤێ كێشێ كره خودان و به‌ره‌ڤانیه‌كا بووێر ژێكر و رێك نه‌دا ناڤێ پێشمه‌رگه‌ی بهێته گوهۆرین و یا دیاره كو هه‌می ده‌مان ناڤێ پێشمه‌رگه‌ی ل ده‌ف سه‌رۆكێ هه‌رێمیێ هێلا سۆربوویه. واته ناڤێ پێشمه‌رگه‌ی كره واقعه‌ك و جێگیركر د دستوورێ عیراقا فیدرال دا و وه‌كو پاسه‌وانێن كوردستانێ هاتنه بناڤكرن و كره پشكه‌ك ژ سیسته‌مێ به‌ره‌ڤانیا عیراقێ و هه‌می پێدڤیێن له‌شكری ژ مووچه و چه‌ك و ته‌قه‌مه‌نی ب مافێ پێشمه‌رگه‌ی زانین داكو بۆ بهێته دابینكرن ژ لایێ وه‌زاره‌تا به‌رگریا عیراقێ ڤه.
مخابن ب درێژاهیا ده‌مێ (11) سالان ژ گرتنا ده‌ستهه‌لاتێ، ئێكه‌م كارناما كارێ حوكمه‌تا مالكی سزادانا خه‌لكێ كوردستانێ بوو ب تایبه‌تی سزادانا پێشمه‌رگه‌ی “وه نه‌ب تنێ پێدڤیێن له‌شكری نه‌دان به‌لكو مووچه‌یێن پێشمه‌رگه‌ی ژی بری و سه‌ره‌رای ڤێ ژی زۆر جاران هه‌ول ددا هێرشا له‌شكری بكه‌ته سه‌ر ده‌ڤه‌رێن كوردستانێ و باره‌گایێن پێشمه‌رگه‌ی “لێ هێزێن پێشمه‌رگه‌ی رێ نه‌دا پێشڤه‌چوونێ بكه‌ن.
ئه‌ڤرۆ كورد نه كوردێ جارانه و قووناغ ژی هاتیه گوهۆرین و كورد ژی ب هێزه و ئێكگرتیه” به‌رخودانا گه‌لێ كوردستانێ ب رێڤه‌به‌ریا سه‌رۆكێ پێشمه‌رگه (مه‌سعود بارزانی) سه‌ركه‌فتیه و دێ ل نێزیك خه‌ونێن گه‌لێ كورد كه‌ته راستی، راسته ل ڤان هه‌یڤێن بووری كاره‌ساتێن مه‌زن ب سه‌رێ ملله‌تێ مه هاتن ژ لایێ مالی و جانیڤه و زۆر ژ عه‌زیزێن مه شه‌هید و برینداربوون ب ده‌سێن درنده‌یێن (داعش) ڤه، لێ ژ رویێ سیاسی و دبلوماسی ڤه ده‌ستكه‌فتێن مه‌زن ب ده‌ست گه‌لێ كوردستانێ ڤه هاتن وه‌كو ئه‌ڤێن ل خوارێ دیار:
1. ب له‌ز هاتنا جڤاكێ ناڤنه‌ته‌وه‌ی ل دووڤ بانگه‌وازیا سه‌رۆكێ هه‌رێمێ و ئینانا هاریكاریێن له‌شكری ژ ته‌قه‌مه‌نیان و پێكئینانا هه‌ڤپه‌یمانیه‌كا نێڤده‌وله‌تی بۆ لێدانا باره‌گایێن تیرۆرستێن (داعش) ب رێیا هێزێن ئه‌سمانی.
2. بۆ ئه‌گه‌رێ ئێكرێزی و ئێك گۆتاریا هه‌می هێزێن سیاسیێن كوردستانێ ل سه‌ر ئاستێ كوردستانا مه‌زن و هه‌ر وه‌كو ب بریارا سه‌رۆكێ هه‌رێمێ (مه‌سعوود بارزانی) چوونا هێزا پێشمه‌رگه‌ی بۆ كوبانێ، هه‌روه‌سا پشكداریا هێزێن باكۆر و رۆژهه‌لات و رۆژئاڤا ل به‌رۆكێن شه‌ڕی ل باشۆرێ كورستانێ، له‌ورا گه‌لێ كورد بۆ دۆست و دوژمنان ئاشكه‌راكر كو كوردستان یا ب خودانه ژ ئه‌ڤرۆ وێڤه داگیركه‌ر نه‌شێن پشتا كوردان بچه‌مینن.
3. به‌رز و بلندبوونا ناڤێ پێشمه‌رگه‌ی ل جیهانێ، كو ئه‌ڤ هێزه یا بوویه هێمایێ وه‌لاتپارێزیێ و به‌رخودان و خوه‌راگری و چاڤنه‌ترسیێ، هه‌روه‌سا یێ بوویه هێمایێ به‌ره‌ڤانیكرنێ ژ به‌ریێ دیمۆكراسیێ و جیهانا ئازاد دژی هێزێن تارێی و تیرۆرستان.
4. ئه‌و به‌رژه‌وه‌ندی و باوه‌ریا ده‌وله‌تێن بریار ب ده‌سێن جیهانێ ل گه‌ل داگیركه‌رێن كوردستانێ هه‌ی یا كێمبووی، ئه‌ڤرۆ هه‌ڤلێرێ ئه‌و جه یێ گرتی.
5. كوردستان یا بوویه هێمایێ مرۆڤ دوستیێ ل ده‌ڤ جڤاكێ ناڤنه‌ته‌وه‌ی، له‌ورا یا بوویه جهێ ڤه‌حه‌ویانا نێزیكی (1200000) ئاواران ژ هه‌می ئاین و مه‌زهه‌بان، كورد سه‌ره‌ده‌ریێ ل گه‌ل ڤێ دۆسیێ دكه‌ت ب روحه‌كا رێزگرتن و براینی و لێبۆرینێ.
6. پاڵپشتیا هێزێن هه‌ڤپه‌یمان د زێده‌بوونێ دایه بۆ گه‌لێ كورد و هێزا پێشمه‌رگه‌ی ژ روویێ سیاسی و له‌شكری ڤه.
7. ئاماده‌بوونا سه‌رۆكێ پێشمه‌رگه (مه‌سعود بارزانی) راسته‌وخوه ل به‌رۆكێن شه‌ڕی و ئیراده‌یا هێزا پێشمه‌رگه‌ی ئه‌ڤرۆ جیهانا ئازاد یا سه‌رسام كری، له‌ورا نێزیكی (40) ئه‌ندامێن كۆنگرێسێ ئه‌مریكا رازیبووینه وه‌كو لۆبیه‌ك بۆ پشته‌ڤانیا داخوازیێن گه‌لێ كوردستانێ و بریار دایه و بۆ هه‌ڤلێرێ هه‌یه راسته‌وخوه چه‌كێ گران ژ ئه‌مریكا بكریت بێی پرسیارا به‌غدا بكه‌ت. ب راستی ئه‌ڤ هاریكاریه و پشته‌ڤانیه ده‌ستكه‌فتێن مه‌زنن بۆ ملله‌ته‌كێ بێ ده‌وله‌ت وه‌ك ملله‌تێ كورد، ئه‌ڤه دێ بیته هێزه‌كا پشته‌ڤانی بۆ پرۆژێ مه‌زن یێ بۆ راگه‌هاندنا ده‌وله‌تا كوردستانێ.
ئاوارێن باعه‌درێ چ ره‌وشێ دانه؟؟
ناحیا باعه‌درێ دكه‌ڤیته ل سه‌ر جادا گشتی (دهۆك ـ هه‌ولێر) ژ دووریاتیا (33) كم ژ دهۆك، ژ لایێ كارگێری ڤه گرێدایه ب قه‌زا شێخان ڤه‌پارێزگه‌ها دهۆك)، پشتی روودانێن هه‌یڤا هه‌شت و هێرشێن چه‌تێن داعشێ وه‌ك هه‌می قه‌زا و ناحیێن ده‌ڤه‌رێ كه‌ڤیته بن فشارا هاتنا ژماره‌كا زۆر یا ئاواران، ل دووڤ دووماهی ئامارا ژمارا وان گه‌هشتیه (3816) خێزان سه‌رجه‌م (19877) كه‌س ئه‌ڤه دابه‌شكرینه و ئاكنجینه ل (سێ) جهان (سه‌نته‌رێ ناحیێ، گوندێ سه‌ر ب ناحیێ ڤه، گوندێن ناحیا ئه‌لقووش) ژ وان (80%) خه‌لكێ ده‌ڤه‌را شنگالێ نه و (20%) خه‌لكێ ده‌ڤه‌رێن باشیك و به‌حزانێ و گوندێن ده‌ڤه‌را تلكێفێ!!
بۆ ریخستنا كاری سێ لیژنه هاتنه پێكئینان ل ده‌ڤ مه ل ناحیێ ئێك بۆ پێشوازیێ و توماركرنێ، یا دی بۆ پارڤه‌كرنا هاریكاری و كه‌لوپه‌لان و یا سیێ بۆ دووڤچوونا كێشان و پێشكێشكرنا خزمه‌تێن رۆژانه. .
رێزداران، ئاواره‌یا نه‌خۆشه پتریا خه‌لكێ كوردستانێ ئه‌ڤ (شه‌ربه‌تا ته‌حل یا ڤه‌خواری) ملله‌تێ كورد ب ده‌هان جاران تووشی ده‌ربه‌ده‌ریێ و مالوێرانیێ بووینه، بێگومان هه‌ڤڕكیه‌كا نوویێ یه نه‌خۆشترین تشت د ژیارێ دا ئه‌وه ده‌مێ مرۆڤ هه‌ست ب بێئۆمێدیێ دكه‌ت و مێشك وه‌ستێن و ئاینده پێش چاڤێن وی ره‌ش بیت!! ل دووڤ ئه‌وا هاتیه‌كرن و كه‌تواری ئه‌ڤه د تشته‌كێ ره‌وایه ژ به‌ر ئه‌و تاوانێن هاتینه ئه‌نجامدان دوورندانه بوون، كۆژه‌ك بوون دووری مرۆڤاتی و مافێن مرۆڤی بوون و هه‌می ره‌وشت و پێڤه‌رێن ژیاری، له‌ورا جڤاك شێلا و ئالۆزكر بۆچوونا گشتی یا ناڤخوه‌ی و جیهانێ حێبه‌تی و مه‌نده‌هۆش مان. سه‌ركرداتیا كوردی ب رێزڤه هه‌ست ب مه‌ترسیا ڤان پیلانان كر و گه‌هشتنه وێ راستیێ كو مه‌ره‌ما ڤان دوژمنان تێكدانا ره‌وشا كوردستانێ یه ژ هه‌می لایه‌كی ڤه و باشه یا پێدڤی بهێته‌كرن بۆ پاراستنا ده‌ستكه‌فتان و ئاخا كوردستانێ یا پیرۆز، ل دووڤدا ئێكسه‌ر ئه‌نجوومه‌نێ وه‌زیران زنجیره‌كا كۆمبوونان سازكر و هایداری دا هه‌می پارێزگه‌هان و داموده‌زگه‌هێن میری بۆ یا پێدڤی و جێبه‌جێكرنا كۆمه‌كا ئارمانجان ژ وان (قورتالكرنا خه‌لكێ سڤیل ژ ده‌ستێن دوژمنی ـ پێشوازی و تۆماركرنا ئاواران ل گه‌ل ڤه‌حه‌واندنێ ـ دابینكرنا پێداویستێن ژیارێ یێن فه‌ر (خوارن ـ ڤه‌خوارن) چێكرنا چه‌ندین خیڤه‌تگه‌هان ژ به‌ر هاتنا وه‌رزێ زڤستانێ ـ هه‌ولدان بۆ جینۆسایدكرنا تاوانێن هاتینه‌كرن ب رییێن یاسایی بۆ دادگه‌ها نێڤده‌وله‌تی) ل دووڤدا به‌رنامێ پارێزگه‌هێ كه‌فته كاری و كه‌لوپه‌لێن خوارنێ ل گه‌ل هاریكاریان و پێداویستیان هاتنه دابه‌شكرن ل سه‌ر خیزانێن ئاواران ل بێ ژمارا خیزانێ و ژمارا كه‌سان، د ڤێ پرۆسیسێ دا پارڤه‌كرن كاره‌كێ هه‌را زه‌حمه‌ت بوو ژ به‌ر كو ئاواران بژاله‌بوون ل گه‌له‌ك جهان؟ دڤیا هه‌ر خێزانه‌ك بگه‌هیته (به‌هرا خوه) یا دورست ل دووڤ رێنمایان، ئه‌ڤه ژ لایێ حوكمه‌تێ ڤه هه‌ڤكارێ ل گه‌ل حوكمه‌تا فیدرال، ژ لایه‌كی دی ڤه چه‌ندین لایه‌ن و ریكخراوا و مرۆڤێن خێرخواز قه‌ستا ده‌ڤه‌را مه كریه و هاریكاری ئیناینه بۆ ئاواران ژ وان (ده‌زگه‌هی بارزانی یی خێرخوازیێ ـ ریكخراوا قه‌ندیل ـ یۆنسیف ـ ریج ـ ئه‌وقافا ئێزدیان ل به‌غدا ـ ئێكه‌تیا مامۆستاێن ئاینی شێخان ـ كه‌نیسا قوپتی ل وه‌لاتێ مسرێ ـ ده‌زگه‌هێ ئاغاپا ئیسلامی ل بریتانیا.. . هتد). چاره‌سه‌ركرنا كێشان و پارڤه‌كرنا هاریكاریان و پێشكێشكرنا خزمه‌تێن رۆژانه ئه‌م نه‌چار كرین ب شه‌ڤ رۆژ كار بكه‌ین ل گه‌ل هه‌می فه‌رمانبه‌ران. مه هه‌ست ب وه‌ستیانی نه دكر ژ به‌ر كو براێن مه یێن تووشی كاره‌ساته‌كا مرۆڤاتیا مه‌زن بووین و هاریكاریا وان ئه‌ركه‌كێ نیشتمانی یه، د هنده‌ك هه‌لكه‌فت و قیرانان دا بهێن فره‌هیێ د خه‌مخۆری و دادپه‌روه‌ری سه‌ركه‌فتی ئینن، خه‌لكێ دگه‌ل ئاواران دیت ئه‌م یێ خزمه‌تا وان دكه‌ین ب گیانه‌كێ كورده‌واری و دلسۆزی ب رێزڤه، ژ به‌ر ڤان ئه‌گه‌ران ئاوارێن ناحیا مه د ره‌وشه‌كا ئه‌رینی دا بوون و ژیار ب سروشتی برێڤه‌چوو و چ ئاریشه په‌یدا نه‌بوون، باشه د ڤێ هه‌لكه‌فتێ دیاركه‌م، كو ناحیا مه یا ئێكێ بوو ل سه‌ر ئاستێ پارێزگه‌هێ د وارێ ڤاله‌كرنا خواندنگه‌هان ئه‌ڤه جهێ دلخۆشیی بوو ژ به‌ر خواندن ل ده‌مێ خوه برێڤه چوو و ده‌رباره‌ی ئه‌و خێڤه‌تگه‌ها نوكه دهێته چێكرن د سنوورێ ناحیا مه‌دا (ئیسیان ـ باعه‌درێ)، ئه‌ڤه دێ بۆ ئاوارێن د ناڤ داموده‌زگه‌هێن میری دا بیت و دووڤدا بۆ ئاوارێن جهێ وان زێده نه‌خۆش؟
ل دووماهیی سوپاسیا هه‌ر لایه‌نه‌كی ـ ریكخراویه‌كێ ـ كه‌سانه‌كی دكه‌ین ب ئه‌ركێ خوه یێ مرۆڤاتیێ رابوویی ـ سوپاسیا خه‌لكێ ده‌ڤه‌رێ و خودانێن مال و هه‌یكه‌لان دكه‌م بۆ رۆلێ وان و خه‌لكێ پاریزگه‌ها دهۆكێ ژی بۆ هه‌لویستێ وان یێ جوان و مه‌ردانه د ڤێ قه‌یرانێ دا.. ده‌ست خوش حوكمه‌تا هه‌ریما كوردستانێ به‌رێز ـ پارێزگه‌ها دهۆك ـ داموده‌زگه‌هێن میری بۆ خه‌مخوریا هه‌وه ئه‌وا د شیاندا بیت هاته‌كرن زێده بارێ هندێ كو ئه‌م قیرانه‌كا دارایی یا مه‌زن دا بووین.
سلاڤ بۆ گیانێ شه‌هیدان و پێشمه‌رگێن قه‌رمان هه‌ر جهه‌كی، هه‌ر سه‌ركه‌فتی بن بۆ پاراستن و رزگاركرنا خاكێ پیرۆز.
زەعیم عەلی: پێشمەرگەی 30% شنگال کونترول کریە
ئەڤرۆ نیوز، ڤەگێر:
زەعیم عەلی بەرپرسێ میحوەرێ رۆژھەلات و رۆژاڤایێ دیجلە بۆ ئەڤرۆنیۆز دیار کر کو نوکە 30% ژ شنگالێ د دەستێن پێشمەرگەی دا یە و شەر یێ بەردەوامە.
زەعیم عەلی گۆت: “چەکدارێ داعش نەبتنێ ب قەناسان شەری دکەن، بەلکو پشتەڤانی یا بۆ وان ھاتی و شەر ب ھەموو رەنگێن چەکان بەردەوامە”.
ل دور وێ یەکێ کا بۆچی پێشمەرگەی د ماوێ 3 رۆژان دا 2700 کم کونترولکرن و کونترولکرنا سەنەتەرێ شنگالێ گیروبوو، زەعیم عەلی گۆت: “ئەو گرێدای پلانا مە یا لەشکریە”.
بەحسێ وێ یەکێ د ھاتە کرن کو سەنەتەرێ شنگالێ ناھێتە رزگارکرن ھەتا لەشکرێ عیراقێ ژی ھێرشێ بکەتە سەر بەعاج و تلەعفەر و ئەو دەڤەر ژی بھێنە رزگار کرن، ل دور ڤی بابەتی زەعیم عەلی گۆت: “ھەتا نوکە چ تشتێ وەسا نینە، د دو رۆژێن بھێت دا دێ بۆ مە دیار بیت کا دێ پلانا مە بۆ رزگارکرنا بتمامی یا شنگالێ چ بیت”.
دێ بارانا شانۆیان ل دھۆکێ باریت
ئەڤرۆ نیوز، سالار دۆسکی:
ب مەرەما پشتەڤانیکرن ل بزاڤا شانۆێێ ل باژێرێ دھۆکێ ،ژ بەرھەمێن رێڤەبەریا ھونەرێ شانۆیێ ل دھۆکێ سەر ب رێڤەبەریا گشتی یا رەوشەنبیری و ھونەری ڤە، ژڤانە رۆژێن بھێت سێ شانۆ بھێنە نمایشکرن.
میسەر عوبێد رێڤەبەرێ ھونەرێ شانۆیێ ل دھۆکێ بۆ مالپەرێ ئەڤرۆ نیۆز گۆت: سێ شانۆ دھێنە پێشکێشکرن و شانۆیەک ژ وانا ھەرسێ یان دو جاران دھێتە نیشادان و ھەموو دێ ل سەنتەرێ باژێرێ دھۆکێ بن.
میسەر ھێشتا ژی گۆت: شانۆگەریا (ئازارێن سترانەکێ) 25 و 26\12 دێ ھێتە نیشادان کو ژ دەرھێنانا (مەسعود عارف)ی، دیسا شانوگەریا (زیاتر ببینە) کو بەرھەمێ پەیمانگەھەکا ئەلمانی یە و مھێڤانن دێ ل دھۆکێ ھێتە نیشادان، 27\12، دیسا رێکەفتی 28\12 شانوگەریا (گیانەکێ بێ جە) ژ دەرھێنانا قاسم بەیاتی دھێتە نمایشکرن، ھەموو دەمژمێر پێنج ئێڤاری دێ ل ھۆلا چالاکیێن قوتابخانان ئانکو پەیمانگەھا ھونەرێن جوانا کەڤن ھێنە نیشادان، ئارمانج ەوە دووماھیا سالا شانۆیێ ل دھۆکێ ب دووماھی بینین، ئەڤە بەرسڤەکە بۆ دوژمنێن مللەتێ کورد کو کورێن ڤی باژێری خوە دەنە کوشتن ب وێ مەرەمێ کو ژیان ھەر یا بەردەوامە، چونکە کاودانێن دھۆک تایبەتبوون نەبوونا بودجێ و فشارا پەنابەران.
ل ڤان ده‌ڤه‌ران به‌فر بارى
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل گه‌له‌ك ده‌ڤه‌رێن هه‌رێما كوردستانێ به‌فر بارى.
ب گۆره‌يى راپۆرتا پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل حوكمه‌تا هه‌رێما كوردستانێ د ماوێ 24 ده‌مژمێرێن بۆرى دا ل هه‌ر ئێك ل ده‌ڤه‌رێن بارزان، جاجى ئومه‌ران، سۆران، چۆمان، سیده‌كان، سه‌فین،كۆره‌ك،ئه‌زمه‌ڕ،كیوه ڕه‌ش، قه‌ڵادزێ.
دايه زانين ژى كو به‌فر ل سه‌نته‌رێ ڤان قه‌زا و ناحيا نه‌هاتيه، به‌لكو ل سه‌رێ چيا و جهێن بلند باريه.
ئه‌مريكا چه‌ند پاره ل شه‌رێ داعش مه‌زاختيه؟
ئه‌ڤرۆ نيوز:
ب گۆره‌يى به‌ياننامه‌كا وه‌زاره‌تا بره‌ڤانيا ئه‌مريكا (په‌نتاگۆن) هه‌تا نوكه ل شه‌رێ دژى چه‌كدارێن داعش زێده‌ترى مليار دۆلاران مه‌زاختينه و هێرشێن وێ يێن ئه‌سمانى كارتێكرنه‌كا باش ل لاوازكرنا داعش هه‌بوويه.
وه‌زاره‌تا به‌ره‌ڤانيا ئه‌مريكا د به‌ياننامه‌كێ دا كو ل سه‌ر مالپه‌رێ خوه به‌لاڤكريه دياركريه كو شه‌ش هه‌يڤ ب سه‌ر داگيركرنا باژێرێ مووسل باژێرێ دويێ يێ عيراقێ ب مه‌زاناتيا خوه.
ئاماژه ب وێ چه‌ندێ ژى كريه كو ژ وى ده‌مێ ئه‌مريكا و هه‌ڤپه‌يمانان ده‌ست ب هێرشێن خوه بۆ سه‌ر وێ باره‌گايێن وێ رێكخستيێ كرى و هه‌تا نوكه شياينه كارتێكرنه‌كا مه‌زن ل وێ رێكخراوێ بكه‌ن و بووينه ئه‌گه‌ر كو ب ره‌نگه‌كێ گه‌له‌ك به‌رچاڤ لاواز ببيت.
ده‌رباره‌يى ئه‌و پارێ ئه‌مريكا هه‌تا نوكه ل وێ رێكخراوا تيرۆرستى مه‌زختى ب رێيا تۆپبارانكرنا فرۆكێن خوه، گه‌هشتيه زێده‌ترى مليار دۆلاران.
سه‌رێ سالێ رۆنالدۆ دێ ل گه‌ل كێ بۆرينيت؟
ئه‌ڤرۆ نيوز، ره‌ڤين سالح له‌وه‌ند:
كرستيانۆ رۆنالدۆ يێ پرتۆگالى و ياريكه‌رێ يانا ريال مه‌دريد يا ئسپانى بڕيار دا د بهێنڤه‌دانا زڤستانێ يا ڤى وه‌رزى كو يا هه‌لكه‌فته ل گه‌ل سه‌رێ سالا زاينى ل شوونا پرتۆگال ل گه‌ل خێزانا خوه، ل دوبه‌يى ب سه‌ر ببه‌ت، ئه‌و ژى ل گه‌ل هه‌ڤالا خوه يا رۆسى ئيرينا شايك نمايشكه‌را ناڤدارا جلكان.
د راپۆرته‌كێ دا، كو ده‌زگه‌هێن راگه‌هاندنا جيهانى به‌لاڤكريه كو ئاگره‌كێ مه‌زنێ غيرێ د ناڤبه‌را هه‌ر ئێك ژ دايكا رۆنالدۆيى و هه‌ڤالا وى ئيرينا شايك دا په‌يدابوو ژ ئه‌گه‌رێ بۆراندنا سه‌رێ سالێ كا دێ رۆنالدۆ ل گه‌ل كێ بۆرينيت، هه‌ر ئێكێ حه‌ز دكر سه‌رێ سالێ ل گه‌ل وێ بيت.
پشتى ب ده‌ستڤه‌ئينانا ناسناڤێ كاسا كيشوه‌ران يا يانان ژ لايێ ريال مه‌دريد ڤه، رۆنالدۆ ل وه‌لاتێ خوه ئاماده بوو، د هه‌مان ده‌م دا كو په‌يكه‌ره‌كێ برۆنزى ل سه‌ر وێنێ وى هاتبوو چێكرن، لێ ئيرينا ل وى ده‌مى نه‌شيابوو ل پرتۆگال ئاماده ببيت و ئه‌ڤه ببوو ئه‌گه‌رێ وێ چه‌ندێ كو دايكا رۆنالدۆيى هه‌ست ب وێ چه‌ندێ بكه‌ت كو ئه‌و حه‌ز ژ خێزانا رۆنالدۆى ناكه‌ت و نه‌ڤێت ل پرتۆگال ئاماده ببيت، به‌لێ ژێده‌ره‌كێ نێزيك ئيرينايێ راگه‌هاند كو ئه‌و گه‌له‌ك حه‌ز ژ خێزانا وى دكه‌ت، به‌لێ گرێدانا وێ ب كارى ڤه بوويه ئه‌گه‌ر كو پتريا جاران نه‌شێت ل گه‌ل رۆنالدۆيى بچيته مالا وى ل پرتۆگال.
ل دووماهيێ رۆنالدۆ به‌ربژێرێ خه‌لاتێ باشترين ياريكه‌رێ جيهانێ و كه‌ساتيێ ئێكێ د گۆره‌پانا وه‌رزشى دا، ب گۆره‌يى رۆژنامه‌يێن جيهانى، بڕيار دا كو سه‌رێ سالێ ل گه‌ل هه‌ڤالا خوه ئيرينا شايك نمايشكه‌را رۆسى با جلكان ببه‌ته سه‌ر.
نيشاندان
WP Facebook Auto Publish Powered By : XYZScripts.com