ئەڤرۆ نیوز:
رێڤەبەریا گشتی یا سەقاناسی و ئەردهەژان ل هەرێما کوردستانێ راگەهاند، دهێتە پێشبینیکرن ل درەنگی شەڤا شەمبیێ ب رەنگەکێ ناڤبەر باران بارین دەست پێ بکەت.
سەقاناسیا هەرێمێ گۆتیە ژی، ل پرانیا دەڤەرێن هەرێما کوردستانێ دێ ب رەنگەکێ ناڤبەین باران باریت و ب تایبەت ل سپێدێ و ل هندەک دەڤەران دێ بریسی ل گەل دا بیت.
هەروەسا دێ بەفرەکا کێم ژی ل دەڤەرین چیایی و ل سنورێ هەر ئێک ژ پارێزگەهێن هەولێرێ و سلێمانیێ باریت.
ئەڤرۆ نیوز ، زنار تۆڤی:
ل سەنتەرێ باژێرێ پارێزگەها دهۆکێ ترۆمبێلەکا بارهەلگر ل گەنجەکی دا و ب وێ سەدەمێ وی گەنجی ژیانا خوە ژ دەست دا.
ئەڤرۆ ئەینیێ و ل دەمژمێر ٨ شەڤێ ل جادا کەی ئار ئۆ ل سەنتەرێ باژێڕێ دهۆکێ ترۆمبێلەکا بارهەلگر خوە ل گەنجەکی ٢٦ سالی دایە، کو ئەو گەنج شوفێرێ ماتۆرسکلێێ بوویە و ب وێ چەندێ وی گەنجی ژیانا خوە ژ دەست دایە.
ئەڤرۆ نیوز:
رێکخراوا ساخلەمیا جیهانی بۆ خوە پاراستن ژ ڤایروسێ کۆرۆنایێ چەند رێنمایی بەلاف کرینە، تێدا هندەک جهێن جۆدا دیارکرینە کو ڤایروسێ کۆرۆنا تێدا دەرباز نابیت.
ڤایروسێ کۆرۆنا هەر چەندە ڤایروسەکە هەتا نوکە چارەسەریا بنبر بۆ نەهاتیە دیتن، بەلێ هندەک خوە پارێزی هەنە کو مرۆڤ دشێت جێبەجێ بکەت خوە دووربکەت ژ تۆشبوون ب ڤی ڤایروسی، ب ڤێ چەندێ رێکخراوا ساخلەمیا جیهانی چەند رێنمایی بۆ خوە پاراستنێ بەلاڤ کرینە.
۱ـ ڤایرۆسێ کۆرۆنا ل پیستێ ساخ دەرباز نابیت و هەتا دەهـ خولەکان ل سەر پیستی یێ زیندی یە، ژبەر هندێ دو دل نەبن ب تنێ دەستێن خوە ل سەر وچاڤێن خوە نەدەن.
۲ـ ڤایروسێ کۆرۆنا ل سەر پارچێن قوماشی ٦ـ ۱۲ دەمژمێرا و ل سەر ئاسنی ۱۲ــ ۲۰دەمژمێرا و ل سەر ستیلی هەتا ۲۰رۆژان ب زیندی دمینیت.
۳ـ ئەڤ ڤایروسە ٦۰ پلال بن سفرێ زیندی یە، بەلێ ل گەرمێ دا ل سەر ۳۰ پلان دمریت، ژبەر هندێ باشترە شووشتنا کەل و پەلان ب گشتی دمالدا ب ئاڤا گەرم بیت.
٤ـ کۆرۆنا ب ئاڤا گەرم بۆ پاقژکرنا کەل و پەلێن مال ژناڤ دچیت.
٥ـ باشترە جل و بەرگ ل بەر تیژکا رۆژێ ۆ یان سوپێ بهێنە هشکرن.
٦ـ ب ئاڤا گەرم سەرێ خوە بشۆن.
۷ـ ب چ شێوەیەکێ ئاڤا سار و خوارنا سار نەخۆن، ئاڤا گەرم قەهوا گەرم ڤەخۆن.
۸ـ جهێ کومبوونا سەرەکی یا ڤی ڤایروسێ کو ئەندامێ هەناسێ یە، بەر هندێ بەردەوام دفنێن خوە ب ئاڤا گەرم بشۆن.
۹ـ جوینا بەنیشتی بەردەوام مفایێ خۆ هەیە دێ گەوری بەردەوام یا تەربیت.
۱۰ـ جهێ کارکرنا رۆژانە بلا هەواگوهر تێدا بیت.
۱۱ـ ل روژێ دا چەندین جاران بۆ دەمێ ۱۰ــ ۱٥چرکان هەناسا خۆ بگۆهرن و هەوای هەلبکێشن، یان هەکە تە بێهن تەنگی هەبوو گرنگە سەرەدانێ نەخۆشخانێ بکەی و نەهێلە بێهن تەنگیا تە کونترۆلێ ل سەر تە بکەت و پاشی قەستا نەخۆشخانێ بکەی دڤێت خەمڤە وەربگری داکو مەزن نەبیت بهێتە چارەسەرکرن.
۱۲- یا گرنگ دەمێ دەردکەڤی و قەستا کارێ خوە دکەی دڤی ماوەی دا بزاڤێ بکە مەودایێ دناڤبەرا خۆ خەلکی دا دوربکەی چەند مەتران.
۱۳ـ دەمێ بێهنژینێ و کوخکێ هندی بشێن خوە ل کەسێن دی دوور بکەن، ب تشتەکێ دەڤ و دفنا خوە بگرە و وی پاتەی یان کلینسێ پاڤێژە د سەلکێ دا.
۱٤ـ کەمامه ل جهێن گومانلێکری دێ تە پارێزیت، ب تایبەت کەمامێن N95 و گرنگە کەمامە بهێنە گوهۆرین زوو ب زوو دەستێ خوە نەکەنێ.
۱٥ـ پێدڤی ناکەت ئەو جلکێن تۆ دکەیێ هەموو دەما بهێنە شوشتن دانانا وان ل بەر رۆژێ ژی دێ هێنە پاقژکرن.
۱٦ـ پشتی شوشتنا دەستان هەکە بۆ جهێ گومانلێکری نەچوی پێدڤیە کرێمەکێ یان ڤازەلین بهێنە لێدان داکو ب بورینا دەمی تۆشی ئەگزیما پیستی نەبی.
ئەڤرۆ نیوز:
ئێڤاریا ئەڤرۆ لژنا بلند یا حکومەتا عیراقێ بۆ بەرهنگاربوونا ڤایرۆسێ کۆڕۆنا كۆمبوویە و شاندێ هەرێما كوردستانێ ژی ب سەرۆكاتیا وەزیرێ ساخلەمیێ پشکداری د كۆمبوونێ دا كریە.
د کۆمبوونا ئەڤرۆ یا شانەیا قەیرانێن عێراقێ بۆ روو ب رووبوونا ڤایرۆسێ کۆڕۆنا ب پشکداریا وەزیرێ ساخلەمیا هەرێمی کوردستانێ بڕیار هاتیە دان، ژ بلی دەواما کارمەندێن ساحلەمیێ و هێزە ئەمنی، دەواما سەرجەم فەرمانگەهێن عێراق هەتا 15 ڤێ هەیڤێ بهێته راگرتن.
هەر د کۆمبوونا شانەیا قەیرانان بریار دا بهێنڤەدانا دەواما ناڤەندێن خواندنێ هەتا 21 ئادارێ دێ بەردەوام بیت.
ئەڤرۆ نیوز:
ئەڤرۆ رێڤەبەریا ساخلەمیا کەرکوکێ راگەهاند، سێ کەسێن کو تووشی ڤایرۆسێ کۆرۆنا یێ بووین چاکبووینە و ئەڤرۆ دێ ژ نەخۆشخانێ دەرکەڤن.
کەریم وەلی ڕێڤەبەرێ ساخلەمیا کەرکوکێ راگەهاند، ژ سەرجەمێ حەفت توشبوویێن کۆرۆنایێ ل کەرکوکێ، سێ کەس ژ وانا چێبوونە و دێ ئەڤ شەڤە ژ نەخۆشخانێ هێنە دەرخستن و دێ ڤەگەرنە مالێن خوە.
ئەڤرۆ نیوز:
وەزارەتا دەرڤە یا عیراقێ سەرەدانا وەلاتیێن هەر ئێک ژ وەلاتێن تورکیا و فەرەنسا و ئیسپانیا و نێجیریا بۆ عێراقێ راگرتن.
ئەڤرۆ ئەینیێ 6.3.2020 ئەحمەد سەحاف پەیڤدارێ وەزارەتا دەرڤە یا عیراقێ راگەهاند، ب مەرەما رێگریکرنێ ژ بەلاڤبوونا کۆرۆنا یێ، هاتنا وەلاتیێن چار وەلاتان بۆ عێراقێ هاتیە ڕاگرتن، کو پێکهاتنە ژ وەلاتێن، تورکیا و فرەنسا و ئیسپانیا و نێجیریا.
ئەڤرۆ نیوز:
ئێڤاریا ئەڤرۆ ئەینیێ ڕێژا تووشبوویێن ڤایرۆسێ كۆرۆنا د جیهانێ دا 100 هزار كەس تێپەراندن.
رێژا تووشبوویان ب ڤایرۆسێ كۆرۆنا یێ 100 هزار کەس تێپەڕاندینە و وەلاتێن جیهانێ ژی رێکارێن توند گرتینەبەر، داکو ئەڤ ڤایرۆسە بەلاڤ نەبیت.
رێكخراوا زانستی و ئەندازیاری یێن زانكۆیا جۆنز هۆبكنز یا ڤەگوهاستیە كو هژمارا دروست یا تووشبوویێن ڤێ ڤایرۆسی ل جیهانێدا گەیشتیە 100 هزار و 330 تووشبوویان.
زێدەتر ژ 80.5 هزار تووشبوویان ل چینێ نە، 6.6 هزار ل كۆریا باشوور، نێزیكی 4.75 هزار تووشبوو ژی ل ئیرانێ و زێدەتر ژ 3.85 هزار تووشبوویان ل ئیتالیانە.
هەروەسا رێكخراوا ساخلەمیا جیهانی راگەهاند، هژمارا توشبوویێن كۆرۆنا ل سەرانسەری جیهانێ گەهشتیە 100 هزار كەسان و ئاشكرا كر، دیسان 20 جۆرێن ڤاكسینا دژە كۆرۆنا د ئامادەنە بۆ تاقیكرنێ.
ئەڤرۆ نیوز:
ئەڤرۆ ئەینیێ كۆمپانیا فڕۆكەڤانی یا توركیش ئەیرلاینز یا توركی ڕاگرتنا گەشتێن خوە بۆ عێراقێ و هەرێما كوردستانێ درێژ كریە و هەتا ڕۆژا 28 ڤێ هەیڤێ چ گەشتان ئەنجام نادەت، ب ئەگەرێ بەلاوبوونا ڤایرۆسێ كۆرۆنا.
پێشتر ڤێ كۆمپانیا فڕۆكەڤانی بڕیار دابوو هەتا رۆژا 16 ڤێ هەیڤێ گەشتێن خوە بۆ عێراق و هەرێما كوردستانێ راگرتبوون.
ئەڤرۆ نیوز، زنار تۆڤی:
ئەڤرۆ ئەینیێ ل سنورێ ناحیا سەرسنکێ ژ ئەگەرێ روودانەکا هاتنوچوونێ سێ کەس برینداربوون.
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ بۆ ئەڤرۆ نیوز دیار کر: ئەڤرۆ ئەینیێ ٦ ئادارا ٢٠٢٠ لسەر رێیا گشتی یا د ناڤبەرا سیارەتیکا بۆ سەرسنگێ، روودانەکا هاتنوچوونێ روودا یە و د ئەنجامدا سێ کەس بریندار بووینە.
ناڤهاتی گۆت ژی ژى، ئەڤ روودانە ژ جورێ لێکدان بوویە، هەرسێ بریندار بۆ نەخۆشخانا تەنگاڤیا ل سەرسنکێ هاتینە رەوانەکرن، هەروەسا زیانێن مادی یێن مەزن ب هەردو ترۆمبێلان کەفتینە، هەروەسا پۆلیسێن هاتنوچوونێ یێن ئامێدیێ گەهشتنە جهێ روودانێ و لاپەرێن ڤەکولینێ بۆ وێ روودانێ ڤەکرینە.
ئهڤرۆ نیوز:
پهیڤدارێ وهزارهتا دهرڤهیا ئهمریكا راگههاند: هیڤی دارین ئهو رێكهتا نوو دناڤبهرا سهرۆكێ توركیا و روسیا ل سهر ئدلبێ هاتیه ئیمزاكرن، ئالوزیێ چاره بكهت و ب بیته جهێ كێمكرنا كارهساتێن مرۆڤی كۆ گههشتیه ئاستهكێ مهترسیدار، بهرههڤیا وهلاتێ خۆ ژی راگههاند بۆ دانوستاندنێ ل گهل توركیا ل سهر ئهڤێ رهوشی بگههنه ئهنجامهكێ باش.
رێكهتنا توركیا و روسیا ژ سێ مادهیان پێك دهات كۆ ئاگربهست بهێتهكرن و ڤهكرنا رێكهكا ئارام ب درێژاهیا شهش كیلۆمهتران ل باكور و شهش كیلۆمهتر ل باشورێ سهر رێكا سهرهكی یا 4ئێم و ئهنجامدانا لێگهریانێن ههڤپشك یێن هێزێن روسیا و توركیا ل دهڤهرێ.
نيشاندان