ئەڤرۆ نیوز:
ئەڤرۆ وەزارەتا ساخلەمیا عیراقێ ڕاگەهاند، کو هەشت توشبوویێن نوو ب کۆرۆنایێ هاتینە تۆمار کرن.
سەیف بەدر پەیڤدارێ ساخلەمی و ژینگەها عێراقێ د بەیاننامەکێ دا راگەهاند، ئەڤرۆ شەمبیێ هەشت حالەتێن دی یێن توشبوون ب کۆرۆنایێ ل عیراقێ دا هاتینە تۆمار کرن و د نوکە دا هەموو ل ژێر چاڤدێریا نۆشداران دانە، هەروەسا رێکارێن پێدڤی ژی گرتینە بەر.
هەروەسا وەزارەتا ساخلەمیا عیراقێ گۆتیە، کو حەفت ژ وان حالەتان ل بەغدا بووینە و ئێک ژی ل نەجەف.
ئەڤرۆ نیوز:
زەیتا ناڤکا کولیلکا (زەر، گولازەر) وەکو دەرمانەکێ بۆ پاراستنا گەنجاتیا پیستی دهێتە بکار ئینان، ژبەرکو پیستی ب نەرمی دهێلیت و توند دکەت.
مالپەرێ ئین ستایل دیار کریە، زەیتا کولیلکا زەر یا زەنگینە ب ڤیتامین ئی و سی و زینکی، هەروەسا کاری بۆ نووکرنا خانێن پیستی و نەرم و شهدارکرن و ئێک رەنکرنا پیستی دکەت، رۆلەکێ باش بۆ چارەسەرکرنا برین و ڤەشارتنا خەتێن پیستی هەیە.
هەروەسا یا هاریکارە بۆ دروستکرنا کۆلاجین و ئیلاستین، کو دو مادێن بەرپرسن ژ نەرمکرن و تونکرنا پیستی کار دکەت بۆ جوانی و گەشاتیا پیستی.
ئەڤرۆ نیوز:
پتریا مرۆڤان پشتى نان خوارنێ راستەخۆ حەزا نڤستنێ و بهێنڤەدانێ بۆ دروست بیت.
مالپەرێ boldsky بەحسا وان ئەگەران دکەت یێن پشتى خوارنێ هەست و حەزا نڤستنێ ل دەڤ مرۆڤی پەیدا دکەن، یان ژى چەند دەمژمێران بهێنڤەدانەکێ وەربگریت.
خوارنێن وەکی برنج و پتاتان کو رێژەکا زێدە یا tryptophan تێدایە، هەروەسا ڤەخوارنا ئاڤەماستێ کو مادێ میلانتۆنین تێدایە دبنە ئەگەر کو لەشێ مرۆڤی خاڤ ببیت و بنڤیت.
.خوارنێن زێدە بدوهن حەزا نڤستنێ زێدە دکەن ب تایبەتى ئەو خوارنێن کاربۆهیدرات تێدا.
. ئەگەر تە نەڤێت پشتى خوارنێ خەوا تە بهێت، چایێ ڤەخۆ ژبەر کو مەعیدە خوارنێن گران هەرس دکەت.
. پێدڤیە هەڤسەنگی د دانێن خوارنێ دا هەبیت و خوارنێن تە د هەمە جۆربن.
ئەڤرۆ نیوز:
بەرپرسەکێ هەڤپەیمانیا نێڤدەولەتی یا شەرێ ل دژی داعشێ راگەهاند کو هەڤپەیمانیا وان ژ ٧٦ وەلاتان و ٥ رێکخراوێن جیهانێ پێکهاتیە و وان د شەرێ ل دژی داعشێ دا ب کوژمێ ٤ ملیارد دۆلاران هاریکاری پێشکێشی عیراقێ کرینە.
هەمان بەرپرسی دیار کریە کو هاریکاری ژ چەک و پێدڤیاتێن سەربازی بگرە هەتا راهێنان ب هێزێن عیراقێ ل خوە گرتیە.
ئەڤرۆ نیوز:
کریاکۆس میچۆتاکیس سەرۆک وەزیرێن یونانێ راگەهاند کو ئەو پێگیریێ ب رێککەفتنێن پاراستنا مافێن مرۆڤی دکەن، لێ وەکو یونان ئەو نەچارن سنورێن خوە ب پارێزن دا پەنابەرێن نەئاسایی دەربازی یونانێ نەبن.
ناڤهاتی دیار کر کو هەمووە وەلاتێن ئێکەتیا ئورۆپا هاریکاریا یونانێ دکەن، چونکو هاتنا پێلەکا نوو یا پەنابەران دێ قەیرانەکا مەزن بۆ هەموو ئورۆپا دروست کەت.
ئەڤرۆ نیوز:
ئەندامێ لیژنا بۆدجێ یێ ئێکەتیا ئورۆپا جۆهانس کاهن دیار کر کو ژ بەر بابەتێ پەنابەرێن کو نها ل تورکیانە ئێکەتیا ئورۆپا بەرهەڤە هاریکاریا وی وەلاتی بکەت، لێ ئورۆپا ژی هندەک مەرجێن خوە هەنە و بەری هەر تشتەکێ دڤێت تورکیا رێککەفتنا بەری نها یا د ناڤبەرا وێ و ئورۆپا دا بجه بینیت، بەرۆڤاژی هندێ ئەم ب چو رەنگەکێ هاریکاریا تورکیا ناکەین.
ئەڤرۆ نیوز:
بسپۆرێن سیاسی دیار دکەن کو رێککەفتنا ڤێ دووماهیێ یا ل روسیا ل دۆر ئاگربەستا ل ئدلبێ ب تەمامی بوویە ئەگەرێ ب هێزبوونا پێگەهێ روسیا و رژێما بەشاری و ئەو یەک بوویە ئەگەرێ هندێ کو پێگەهێ ئەردۆگانی ل سووریێ گەلەک لاواز ببیت.
چاڤدێرێن سیاسی دیار ژی دکەن کو ئەردۆگانی دڤێت رێگریێ ل کوشتنا سەربازێن تورک ل ئدلبێ بگریت، چونکو ل گۆر ئەردۆگانی کوشتنا سەربازێن تورکیا ل ئدلبێ دێ بیتە ئەگەرێ لاوازبوونا پێگەهی وی ل تورکیا، ژ بەر هندێ ژی سەرەرای هندێ کو گەلەک خالێن ئاگربەستێ ب دلێ ئەردۆگانی نەبوون لێ ژ نەچاریێ قەبوولکر.
ئه‌ڤرۆ نیوز:
به‌رى ده‌مه‌كێ كێم راهێنه‌رێ یانا ریال مه‌درید زێنه‌دین زێدان د كونگرێ رۆژنامه‌ڤانى دا ئه‌وێ هاتیه دانان بۆ یاریا سوبه‌هى به‌رامبه‌ر یانا ریال بتیس چه‌ندین زانیارى ئاشكرا كرن تایبه‌ت بابه‌تێ چونا وى بۆ یانا یوڤانتوس.
زێده‌تر زێنه‌دین زێدانى د به‌رسڤا پرسیارێن رۆژنامه‌ڤانى دا گۆت: چه‌ندین ده‌نگوباس به‌لاڤ بووینه ده‌رباره‌ى چوونا وى بۆ یانا یوڤانتوس ل وه‌رزىچ بهێت لێ یا راستى وى ئاگه‌هدارى چو تشتێ فه‌رمى نینه و چو كه‌سان په‌یوه‌ندى ب وى نه‌كریه بۆ وه‌رگرتنا ئه‌ركێ راهێنه‌راتیا یانا یوڤانتوس و تنێ ئه‌ڤه گۆتنێن رۆژنامه‌ڤانى نه و ل تورێن جڤاكى به‌لاڤ بوویه و ئه‌و نوكه یێ ئارامه دگه‌ل یانا خوه یا نوكه ریال مه‌درید و گرێداى وێ گرێبه‌ستێ یه دگه‌ل یانێ.
ئەڤرۆ نیوز:
وەزارەتا ساخلەمیێ یا ئیرانێ ئەڤرۆ راگەهاند کو هەتا نها ١٤٥ کەسان ژ بەر کۆرۆنایێ ل وی وەلاتی جانێ خوە ژ دەست داینە.
وەزارەتا ساخلەمیێ یا ئیرانێ دیار ژی کریە کو تنێ د ماوەیێ ٢٤ دەمژمێرێن بۆری دا ٢١ کەسان ل ئیرانێ ژ بەر کۆرۆنایێ جانێ خوە ژ دەست داینە.
ل گۆر وەزارەتا ساخلەمیێ یا ئیرانێ هژمارا تووشبوویێن کۆرۆنایێ ل ئیرانێ گەهشتینە ٥ هزار و ٨٣٢ کەسان.
ئەڤرۆ نیوز:
بریارێن گرنگ یێن لژنا بلند یا بەرهنگاریبوونا کورونایێ ل پارێزگەها دهوکێ
کۆمبۆونا چارێ یا ژورا عەمەلیاتا بۆ روبەروبونا ئێشا کۆرۆنایێ ھاتنە ئەنجامدان ..
بریار ھاتە دان
١.مول نە ھاتنە گرتن ..بەس ڤێت بھێن پاقژکرن و تعقیم کرن
٢. جھێن شەڤێ ھاتنە قەدەغەکرن
٣..ھەمی کومبونێن جەماوەری خرڤەبوون ھاتنە قەدەغەکرن
٤.ھولێن وەرزشی ھاتنە قەدەغەکرن
٥. سینەمایێن ناڤ مولا ھاتنە قەدەغەکرن
٦. یاریێن زارۆکا ناف مولا دا ھاتنە قەدەغەکرن
٧. مەلەڤانگەھ ھاتنە قەدەغەکرن
نيشاندان