ده‌مێ ڤاتیكان دئێته سه‌ر خه‌ت، ئێدی رامان ئه‌وه كو ئاڵۆزیێن ده‌ڤه‌رێ به‌ر ب قووناغه‌ك دژوار و مه‌ترسیدار چوویه، وه‌سا دیاره كو رێیێن چاره‌سه‌ریێن سیاسی ژ بۆ پرسگرێكێن شه‌ڕ و كوشتار و وێرانكاری دوچاری سه‌رنه‌كه‌فتنێ هاتینه و ژناڤبرن و قركرنا ئولی و ئاینی و تیرۆرا هزری و هه‌ڤدوقه‌بوولنه‌كرنا نه‌ته‌وه‌یی یا گه‌هشتیه گوپیتكا پیاده‌كرنێ. هاتنا پاپا (فره‌نسیس) مه‌زنه ئولدارێ كریستیانیێ ڤاتیكان بۆ توركیا ئیسلامی و هه‌ڤدیتنێن وی د گه‌ل ئه‌ردوگان و داود ئوغلۆ و زیاره‌تكرنا مه‌زارێ ئه‌تاتوركی، زێده‌باری هه‌بوونا كۆمه‌كا ئارمانجان، لێ به‌لێ د هه‌مان ده‌مدا ته‌نگاڤكرنه‌كا سیاسه‌تا ئولداری بوو ژبۆ حوكمه‌تا ئه‌ردوگانی، چونكی توركیا ئێكانه ده‌وله‌تا نه‌عه‌ره‌بیا ئیسلامیا سوننه‌یه و هه‌تا نها ل دووڤ ره‌وشه‌نبیریا ئۆسمانلی په‌یره‌وا ئیسلامییه‌تێ دكه‌ت، زێده‌تر ژ 75 ملیۆن بوسڵمان تێدا دژین و ل هه‌مبه‌ر وان ژی نێزیكی 120 هزار كریستیان ژی ل تاخ و كۆڵانێن گرنگ و ده‌وڵه‌مه‌ندێن باژێرێ ئه‌سته‌نبۆلێ دژین و شیاینه كۆنترۆڵا پشكه‌كا هه‌ره گرنگا ئابووری و بازار و بازرگانی و داهات و پاره‌ی بكه‌ن. راسته ئارمانجێن ئاشكراێن ئه‌ڤێ سه‌ره‌دانێ زێده‌تر ب مه‌ره‌ما بهێزكرن و به‌ر ب پێشبرن و مۆركرنا راگه‌هاندنه‌كا هه‌ڤپشك د ناڤبه‌را هه‌ردو كلیسه‌ێن ئه‌رسۆدۆكسا رۆژهه‌ڵات و كاسۆلیكان بوو، لێ خاڵا گرنگ و باده‌كا ڤه‌شارتی، بپێكهاتبوو ژ ئازراندنا هزرا ئیسلامییه‌تێ ژ لایێ حوكمه‌تا ئه‌ردوگانی بۆ دژایه‌تیكرن و هه‌ڤڕكیكرنا كریستیانان، له‌ورا پاپای د گۆتارا خوه دا داخواز ژ حوكمه‌تا توركیا كر كو گه‌نگه‌شه و گفت وگۆێن ره‌وشه‌نبیریا ئولی و دۆستایه‌تیا شارستانی ده‌ست پێبكه‌ت، چونكی توركیا باشترین نموونه‌یێ ده‌وله‌تا ئیسلاما سیاسیه و هژماره‌ك سه‌نگین و قورسه د هاوكێشه‌ێن گورانكاریێن رۆژهه‌ڵاتا ناڤیندا، هه‌روه‌سا ئاماژه ب پێگه‌ه و جهێ ستراتیژیێ توركیا كر د ده‌ڤه‌رێ دا و خاست ببیته پره‌ك سروشتی دناڤبه‌را رۆژهه‌ڵات و رۆژئاڤادا و پێدڤیه رۆلێ خوه یێ سه‌ره‌كی ببینیت د بیاڤێ گه‌نگه‌شه‌یا ره‌وشه‌نبیریا ئولی و نه‌ته‌وه‌یی و مرۆڤدۆستێی دا. وه‌سا دیاره رۆژئاڤا خه‌ریكه هنده‌ك ده‌رگه‌هێن تایبه‌ت و هه‌ستیار بۆ ئاراندن و به‌ڵافروتنێ دژ ب حوكمه‌تا ئه‌ردوگانی ڤه‌كه‌ت، ب تایبه‌ت په‌یداكرنا قه‌یران و كریزێن ناڤخوه، كو ره‌نگه ل ئه‌ڤێ سه‌ره‌دانا پاپای ده‌ست پێبكه‌ت و ب هنده‌ك گوهۆینێن بالكێش ب دووماهی بهێت. پشتی بێهیڤیبوونا حوكمه‌تا توركیا ژ ب ئه‌ندامبوون ل ئێكه‌تیا ئه‌ورۆپا دا، ئه‌ردوگان گرنگییه‌كا زێده ب هه‌وڵ و بزاڤێن ئیسلامیێن رۆژهه‌ڵاتیێن خوه دده‌ت و داخواز ژ دوست و هه‌ڤپه‌یمانێن خوه دكه‌ت وه‌كی جێگره‌ك، ئانكو شوونڤه‌گره‌ك بۆ شاهنشینا سعودیێ بهێته قه‌بوولكرن، بێگومان ئه‌ڤه ژی ئێكه ژ په‌سه‌ندترین ستراتیژییه‌تا ئاینده‌یا ئه‌مریكا و رۆژئاڤا. له‌وا ئه‌ردوگان ب هاتنا پاپا (فره‌نسیس) ێ ئه‌رجه‌نتینی دلگران بوو، ب په‌یڤه‌ك دژوار و توند، خیتابه‌ك سیاسی دژی سیاسه‌تا (الاسلاموفۆبیا) كو ل رۆژئاڤا تێته پیاده‌كرن راگه‌هاند، ئه‌و وه‌سا هزر دكه‌ت كو په‌یدابوونا ترسێ ژ ئیسلامه‌تیێ و گرێدانا ئیسلامێ ب تیرۆر و شه‌ڕخوازیێ ڤه، فه‌لسه‌فه و نێرینه‌كه ژ ئالیێ رۆژئاڤا و كلێسه‌ێن هه‌مووجۆرێن وان سه‌رهه‌ڵدایه و پێدڤیه بهێته به‌رپه‌رچدان و رێگری ل به‌ڵاڤبوونا ئه‌ڤان ره‌نگێن هزران بهێته كرن. ل ڤێره گه‌له‌ك ب روونی ژێكنه‌گرتنه‌ك د ناڤبه‌را ئاخافتنێن به‌رێزان پاپا (فره‌نسیس) و ئه‌ردوگانی دا خۆیا دبن و وه‌كی هنده‌ك چاڤدێر و رۆژنامه‌ڤان دبێژن گه‌نگه‌شه‌كا كه‌رولاڵان ب هه‌ڤرا كرن و هه‌ر ئێكێ باراشێ خوه ل ئاشه‌كێ دكر. دیاره گه‌شه‌سه‌ندنا بزاڤا كریستیانان ل توركیایێ، سه‌رباری كێماتیا وان حاله‌ته‌كێ بێهن ته‌نگیێ بۆ حوكمه‌تێ خولقاندیه و هێدی هێدی خه‌ریكه جوگرافییه‌یا ئۆلداریێ جهێ جوگرافییه‌یا ئاكنجیبوونێ بگریت و ئه‌رسۆدۆكس و كاسۆلیك حاله‌ته‌كێ یاسایی بده‌ستخوه ڤه بینن و ب فه‌رمی ل سازیێن ده‌وله‌تێ پشكداربن. ئێك ژ سه‌رۆك تیره‌ێن ئه‌فریقی دبێژیت : ـ ((ده‌مێ ئه‌وروپی گه‌هشتنه وه‌لاتێ مه (ئینجیل) د ده‌ستێ وان دا بوو، ئه‌رد و زه‌ڤی د ده‌ستێ مه‌دابوو، لێ به لێ ئه‌ڤرۆ ئینجیل د ده‌ستێ مه‌دایه و ئه‌رد ژی د ده‌ستێ وان دایه)).. !!
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
هه‌رێمێ باجا سه‌ربه‌خۆيا ئابوورى دا
ئه‌ڤرۆ نيوز، ناجی به‌ده‌ل:
مامۆستايه‌كێ زانكۆيێ ئاشكه‌را كر كو هه‌ر وه‌لاته‌كێ ل ده‌سپێكێ په‌ترۆلێ به‌رهه‌م دئينيت، كێشه بۆ دروست دبن، هه‌رێما كوردستانێ ژى بۆ ماوێ ساله‌كێ ئه‌ڤ باجه دا و سالا بهێت دێ يا گه‌شه‌يا ئابوورى بيت.
به‌شیر یوسف ماموستایێ ئابووری ل زانكۆیا نه‌ورۆز بۆ ئه‌ڤرۆ نیوز گۆت: “ل ده‌سپێكا ده‌رخستنا په‌ترۆلێ ل هه‌ر وه‌لاته‌كى د وان قووناغان دا ده‌رباز بوويه يێن هه‌رێم تێدا ده‌رباز بووى، هه‌ر ئه‌و كێشه بۆ دروست بووينه”.
زێده‌تر گۆت: “كوردستانێ پێنگاڤه‌ك به‌ر ب سه‌ربه‌خۆيا ئابوورى ب سه‌ركه‌فتيانه هاڤێت و وه‌لاتێن زلهێز يێ چاڤدێريا ده‌ڤه‌رێ دكه‌ن، ئێكسه‌ر رازيبوون و پشته‌ڤانيا سه‌ربه‌خۆيا ئابوورى يا كوردستانێ كر”.
ئاشكه‌را ژى كر كو گرۆڤه‌كێ دى ل سه‌ر سه‌ركه‌فتنا سياسه‌تا په‌ترۆلا هه‌رێمێ ئه‌و بوو، وه‌زيرێ په‌ترۆلا عيراقێ هاته هه‌رێمێ و ل سه‌ر 150 به‌رميلێن په‌ترۆلا كه‌ركووك رازى بوو كو به‌رى نوكه هه‌موو ل ژێر ده‌ستێ وان بوو و پاشان بۆ 300 به‌رميلان هاته زێده‌كرن.
ده‌رباره‌يى ئه‌ڤ كێشێن نوكه هه‌ين ب وێ په‌ترۆلا هه‌رێما كوردستانێ نه‌هاتينه چاره‌كرن ژى، مامۆستايێ زانكۆيا نه‌ورۆز ل دهۆكێ گۆت: “ل ده‌مێن بهێت دێ پاشه‌رۆژه‌كا باش و گه‌شه‌كرنه‌كا به‌رچاڤ ب خوه ڤه بينين مينا هه‌ر وه‌لاته‌كێ كه‌نداڤى”.
به‌شير يوسف گۆتژى: “ژ بووى پێنگاڤا سه‌ربه‌خۆيا ئابوورى دڤێت باجێ بده‌يت و ئه‌ڤه ژى باجا وێ بۆ ماوێ ساله‌كێ مه دا، سالا بهێت دێ يا گه‌شه‌يا ئابوورى بيت و خۆشى و به‌رفره‌هيێن ئابوورى دێ هێنه پێش”.
سەعید گاباری دەھوات و شەھیان ھێلان
ئەڤرۆ:
ھونەرمەند سەعید گاباری دیارکر کو ماوێ شەش ھەیڤانە ژ شەھیان و ئاھەنگان دوور کەفتیە، دیسا چەندین داخواز بۆ ئاھەنگێن سەرێ سالێ بۆ ھاتینە و ھەتا نۆکە بێ بەرسڤ مایە و سۆز دایە ھەتا مللەت ب سەرنەکەڤیت، ئەو کوردستانێ ب جە ناھێلیت.
ھونەرمەند سەعید گاباری بۆ بەرپەرێ ھونەریێ رۆژناما ئەڤرۆ گۆت: ب مەرەما پشکداریکرن دئاھنگێن سەرێ سالێ دا، چەندین داخازی بۆ من ژ وەلاتێن (ئوسترالیا و سوید و ھولەندا) ل گەل چەندین ئاھەنگێن نافخوەیی ھاتینە، من بریار دا ھەتا ب سەر نەکەڤین ل سەر دوژمنێن مللەتێ کورد کوردستانێ ب جە نەھێلم، دیسا ھەتا نۆکە من ل بەر نینە، سەرێ سالێ چ بکەم، ئاشکراکر کو بەری ھەر سترانبێژەکی ب کۆبانێ و پێشمەرگێ کوردستانێ گۆتیە.
دلایەکێ دیێ دیدارا خوە دا، گاباری گۆت: سێ جاران من پێشنیارکریە بۆ وەزارەتا رەوشەنبیری و ھونەری، کو ئاھەنگێن خێرخوازی بگێرین بەرامبەر پێشنیارێن من بێ دەنگ مایە، گۆت: چەندین سترانبێژێن بناڤ و دەنگ بەرھەڤیا خوە دیارکر بوو بۆ ئەنجامدانا کونسێرتێن خێرخوازی ل دەرڤە و ناڤخوە وکومکرنا داھاتەکی بۆ ئاواراێن خەلکێ کۆبانێ، بمخابنی ڤە ھەتا نوکە وەزارەتا رەوشەنبیری بێ دەنگ مایە.
ده‌مه‌كێ خوش د خانویه‌كێ بن ئه‌ردی ڤه ب بورینن
ئه‌ڤرۆ نيوز، ناجى به‌ده‌ل:
ده‌مێ ل سه‌ر عه‌ردی خانو و ئاڤاهیین بلند دهێنه چیكرن ره‌نگه بو هنده‌ك كه‌سان ب بیته جهی نه ئارامیێ له‌ورا نها هزر و ده‌ست هاتینا جورین خانویین بن عه‌ردی دهیته كرن داكو بو ده‌مه‌كێ خوشی و ئارامییێ ژ ده‌نگه‌ده‌نگیا سه‌رعه‌ردی دور بن.
ئه‌ڤه مینا ئه‌وی خانویی بن عه‌ردی ڤه‌یه ل ده‌می درۆستكرنێ هه‌تا ئاكنجیبون تێدا.
كه‌نالێ ئه‌لعربیه “الحدث” ده‌وله‌تا كوردی راگه‌هاند
ڤيديۆ: ده‌مژمێره‌كا ته‌له‌فۆن یا بی شاشه
بووکا کوردان ئێدی شوو ناکەت
ئەڤرۆ:
سترانبێژا ناڤدارا لوبنانی نەجوا کەرەمێ دیارکر پشتی ھزرکرنەکا کوور وێ بڕیارا خوە یا دووماھیێ دایە، کو ئەو ژی ئێدی شوو ناکەت.
ناڤھاتی دبێژیت: دەمێ من بۆ جارا ئێکی شووکری ئەز دھەلبژارتنا خوەدا یا سەرکەفتی نەبووم، ژبەرکو ھەر زوو گەلەک ناکۆکی ھاتنە پێش و پشتی دەمەکی ئەم ژێکڤە بووین.
دووڤدا گۆت: پشتی ئەز زڤریمە مالا خوە گەلەک کەس ھاتنە خوازگینیێن من، کو ھندەک ژوان بازرگان بوون، ھەروەسا ھندەک ژی ھونەرمەند و ھونەر دوست بوون، لێ من ھەموو رەتکرن و من باشی زانی کو ئێدی شوو نەکە مەڤە، ژبەرکو ئەز دزانم من شەنس نینە و ھەکا جارەکا دی ژی شوو بکەم دێ ھەر من ئاریشە ھەبن، چونکو مادەم ئەز سترانبێژم دێ ھەر چەند رۆژەکان جارەکێ ژبۆ گێرانا کونسێرتان چمە وەلاتەکی و دبیت ھەڤژینێ من وێ دەلیڤێ نە دەتە من.
ل دووماھیێ گۆت: بۆ سالا نوو 2015 من ھژمارەکا سترانان یا بەرھەڤکری، لێ ئەز جارێ زێدەتر ل سەر نائاخڤم و من دڤێت بکەمە سپرایز.
دھێتە زانین کو بەری نوکە ناڤبریێ شوو ب کوردەکێ لوبنانێ کربوو، کو ئەو ژی بۆ دەمەکی رێڤەبەرێ کارۆبارێن وێ یێن ھونەری بوو ب ناڤێ (یوسف حەرب) ژ بەر ھندێ ل وی دەمی گەلەک کەنالێن راگەھاندنێ دەمێ بەحسێ وێ دکر دگۆتنێ (بووکا کوردان).
سەرکەفتیێ باشترین یاریکەرێ جیھانێ بۆ سالا ٢٠١٤ ئاشکرا بوو
ئه‌ڤرۆ:
ل گەل ئاشکرا کرنا ناڤێ ھەرسێ بەربژێرێن دەستڤە ئینانا ناسناڤێ باشترین یاریکەرێ جیھانێ یێ سالا 2014 کو ناڤبەرا سێرا ئەرژەنتینی لیونێل مێسی و یێ پرتوگالی کرستیانو رۆنالدۆ و یێ گولچیێ ئەلمانی مانوێل نویەر بەربژێرن چەندین بۆچونێن جودا ل دۆر ڤێ چەندێ پەیدابوینە، دڤی دەربارەی دا رۆژنامەیا ئه‌ندیپندێنت ناڤێ ئەوی یاریکەری ئاشکرا کر ئەوێ دێ ڤی ناسناڤی دەستخوە ڤە ئینت.
رۆژنامەیا ناڤبری ئەو چەندە ژی راگەھاند کو ئەو لیستا ئێکەتیا تەپا پێ یا جیھانێ فیفایێ ب ھەڤکاریا رۆژنامەیا فرانس فوتبول رۆژا دوشەمبیا بوری ئاشکرا کری ئەو شیاینە ناڤێ سەرکەفتیێ ئێکی بۆ دەستڤە ئینانا ڤی ناسناڤێ دەستنیشان بکەن کو ئەو ژی دێ ستێرا پرتوگالی و یانا ریال مەدرید کرستینو رۆژنالدو بیت، ھەمان ژێدەر ئەو چەندە ژی ئاشکرا کریە کو کرستیانو رۆنالدوی زێدەتر ژ 51% دەنگان دەستخوە ڤە ئینایە کو ژ سەرجەمێ 1075 دەنگان ئەوێن پشکدار د دەنگدانێ دا رۆنالدوی 543 دەنگ دەستخوە ڤە ئیناینە بەرامبەر ھەردو بەربژێرن دی لیونێل مێسی و مانوێل نویەر پێکڤە رێژا 49% یا دەنگان دەستڤە ئیناینە.
ئێکەتیا عیراقێ ژڤانێ یاریێن گەرا ھەشتێ ئاشکرا کرن
ئەڤرۆ:
لژنەیا بەریکانەیان ل ئێکەتیا تەپا پێ یا عیراقێ ژڤانێ یاریێن گەرا ھەشتێ ژ ھەڤرکیێن خولا تەپا پێ بۆ یانێن نایاب ئاشکرا کر و دڤێ گەرێ دا دھۆک و زاخۆ دێ ل یاریگەھێن خوە مێڤانداریا نەجەف و مەسافی کەت.
د ڤی دەربارەی دا شەھاب ئەحمەد دیارکر سوبەھی رۆژا ئەینی دێ یاریا ناڤبەرا کەرخ و جەویە ل یاریگەھا یا ئێکێ بێ جەماوەر ھێتە ئەنجامدان دیسان رۆژا شەمبی دێ بەردەوامی ب یاریان ھێتە دان کو یانا نەفت میسان دێ ل گەل تەلەب کەت و ل باژێرێ بەسرا یانا مینا دێ مێڤانداریا حدود کەت و یانا ھەولێر دێ ل یاریگەھا خوە مێڤانداریا یانا زەورا کەت کو دھێتە ھژمارتن ب زەحمەترین یاریێن ڤێ گەرێ و شورتە ژی ل گەل نەفت.
ل رۆژا دوشەمبیا بھێت یانا زاخۆ دێ ل یاریگەھا خوە مێڤانداریا یانا مەسافی کەت و رۆژا سێشەمبیا بھێت ل یاریگەھا خوە تیما تەپا پێ یا یانا دھۆک دێ یاریا خوە ھەمبەر یانا نەجەف کەت.
زیکو دخوازیت دوبارە بیتە راھێنەرێ ھەلبژارتیێ عیراقێ
ئەڤرۆ:
راھێنەرێ یانا جوا یا ھندی یێ بەرازیلی زیکو ئەوێ بەری نوکە سەرپەرشتیا ھەلبژارتیێ عیراقێ کری د داخویانیەکێ دا بۆ رۆژناما مەدا یا عیراقی دیارکری یە ئەو دخوازیت ئەرکێ راھێنەریا ھەلبژارتیێ عیراقێ وەربگریت جارەکا دی وەربگریت بۆ قارەمانیا ئاسیا و ڤاڤارتنێن موندیالا 2018 و ھەلبژارتیێ عیراقێ ب بەرازیلە ئاسیا د بینت.
زیکو ئەو چەندە ژی نەڤەشارت ئەوی حەزەکا مەزن یا ھەی بەلێ ھەتانوکە چو کەسا ژلایێ ئێکەتیا تەپا پێ یا عیراقی پەیوەندی پێ نەکری یە.
ژلایەکی دی ڤە ئەندامێ ئێکەتیا تەپا پێ یا عیراقی دوھی بۆ مالپەرێ عیراقی یە دیارکر بوو تنێ نوکە سێ راھێنەر بەربژارن بۆ ئەرکێ راھێنەریا ھەلبژارتیێ عیراقێ ئەوژی یێ سربی غوران و بەرازیلی لازرونی و برانکو راھێنەرێ کرواتی و بریارە د کومبوونا ئەڤرۆ دا ئێکەتیا تەپا پێ یا عیراقی ناڤێ راھێنەرێ نوو یێ ھەلبژارتیێ عیراقێ دیاربکەت.
نيشاندان
WP Facebook Auto Publish Powered By : XYZScripts.com