ئەڤرۆ نیوز:
ئیڤان چوماکۆڤ بسپۆرێ کاروبارێن سیاسی راگەهاند کو ئالۆزیێن ل ئدلبێ کارتێکرنەکا گەلەک خراب ل پەیوەندیێن روسیا و تورکیا کریە، ئەردۆگانی دڤێت ب هندەک سۆزێن بچووک پوتینی رازی بکەت لێ هەلویستێ روسیا ل دۆر ئدلبێ ستراتیژیە و هەتا تورکیا هەموو هێزێن خوە ژ ئدلبێ ڤەنەکێشیت شەرێ ل وی باژێری دێ بەردەوام بیت.
بسپۆری روسی ئاماژە ب هندێ ژی دکەت کو روسیا ل گەل رژێما سووریێ نەچارن ئدلبێ ژ تیرۆرستان پاقژ بکەن و ژ بەر هندێ ژی هەڤدیتنا پوتینی و ئەردۆگانی چو ئەنجامێن خوە نابیت.
ئەڤرۆ نیوز:
ب فەرمانا پارێزگارێ هەولێرێ سپێدێ هەتا رۆژا ١/٤/٢٠٢٠ هەموو پێشانگەهێن ترۆمبێلان ل هەولێرێ دهێنە داخستن.
د ڤێ دەربارێ دا نەبەز حەبدولحەمید قایمقامێ هەولێرێ راگەهاند کو ژ بۆ پاراستنا وەلاتیان ژ ڤایرۆسێ کۆرۆنا پارێزگارێ هەولێرێ بریار دایە هەتا رۆژا ١/٤/٢٠٢٠ هەموو پێشانگەهێن ترۆمبێلان ل هەولێرێ بهێنە داخستن و هەر جهەک ژی پێگیریێ پێ نەکەت دێ هێتە سزادان.
ئەڤرۆ نیوز، زنار:
ستێرا بەرێ یا بەرازیلی و یانا بەرشەلونا یا ئسپانی رونالدینهو دگەل خویشکا خوە ژلایێ پولیسێن پاراگوای ڤە هاتە دەستەسەرکرن پشتی ب پاسپورتەکا سەختە قەستا وی وەلاتی کری.
نوکە رونالدینهو یێ قەردارە و تووشی ئیفلاسێ بوویە ژلایێ پولیسێن بەرازیلێ ڤە داخوازکریە و نەچاربوویە ب پاسپورتەکا سەختە بەر ب پاراگوای چویە لێ ژلایێ پولیسێن وی وەلاتی ڤە هاتیە دەستەسەر کرن کو لبەربوو پشکداریێ د فیستەڤالەکێ دا بکەت.
ئه‌ڤرۆ نیوز:
راوێژكاره‌كێ سه‌رۆك وه‌زیرێ عیراقی راگه‌هاند: پرسا به‌لاڤبوونا ڤایرۆسێ كورونایی بڤێ چه‌ندێ بوویه ئه‌گه‌رێ داكه‌تنا بهایێ پترۆلێ ل بازارین جیهانێ د هه‌مان ده‌م دا ئاریشه‌یه‌كا راسته‌قینه ژی بۆ بودجا عیراقێ دروستكریه.
عه‌بدلحسێن هه‌نین راوێژكارێ سه‌رۆك وه‌زیرێ عیراقی راگه‌هاند پرۆژه‌یێ بودجا عیراقی بۆ سالا 2020 ل سه‌ر بنه‌مایێ بهاێ پترۆلی ب 55 دۆلاران هاتیه به‌رهه‌ڤكرن، به‌لێ ب ئه‌گه‌رێ به‌لاڤ بوونا ڤایرۆسێ كورونایی بهایێ پترۆلی داكه‌ت نوكه هه‌ر به‌رمیله‌كا پترۆلی نێزیكی 50 دولاران دهێته فرۆتن.
ناڤبری ئه‌و چه‌نده ژی راگه‌هاند دڤێت حكومه‌ت جاره‌كا دی مه‌زاختیان و داهاتی ریك بێخیت ل گه‌ل شاره‌زایان راوێژیێ بكه‌ت ژبوی بودجا سالا 2020 بكێمترین كورت ئینان بهێته ده‌ربازكرن.
لگۆری ئامارێن وه‌زاره‌تا پترۆلێ داهاتی فرۆشتی یێ پترۆلێ ل هه‌یڤا شباتی یا ئیسال ل چاڤ سالا بوری ب رێژا 18% داكه‌تیه.
ئه‌ڤرۆ نیوز:
ئه‌ڤرۆ بهایێ پترۆلێ ل بازارێن جیهانێ بلند بوو، ئه‌ڤه ژی پشتی ئه‌وێ چه‌ندێ هات كۆ وه‌لاتێن د ئوپێكێ دا ل سه‌ر داخازیا سعودیێ بۆ زێده‌تر كێمكرنا رێژه‌یا به‌رهه‌مئینانا پترۆلێ بۆ پشته‌ڤانیكرن ل بهایێ وێ د بازارێن جیهانێ دا.
لگوری ئاژانسا رویته‌رز ئه‌ڤرۆ بهایێ پترۆلا برێنت 67 سه‌نتان بلند بوویه دوماهی كرین و فرۆتن پێ هاتیه‌كرن ب 51.80 دۆلاران بوو، ئانكۆ رێژا 1.3% زێده‌كریه.
بهایێ پترۆلا ته‌كساسا ئه‌مریكی 55 سه‌نتان بلندبو بوویه 47.33 دۆلاران، ئانكۆ ب رێژا 1.2% زێده‌بوویه.
بۆ دانانا توخیبه‌كی بۆ داكه‌تنا بهایێ پترۆلێ، سعودی كۆ مه‌زنترین به‌رهه‌مهێنه‌را پترۆلێ یه ل ئوپێكێ فشارێن خۆ بۆ سه‌ر وه‌لاتێن هه‌ڤپه‌یمان توندكرن، بریاره ئه‌ڤرۆ ژی كۆمبوونه‌ك بۆ كێمكرنا به‌رهه‌مئینانا پترۆلێ 1.5 ملیۆن به‌رمیلان درۆژێ دا بڤێ چه‌ندێ بهایێ پترۆلێ بلند دبیت.
ئه‌ڤرۆ نیوز:
لژنا په‌روه‌ردێ ل جڤاتا نوونه‌رێن عیراقێ راگه‌هاند: ب ئارمانجا رێگریكرن ژ به‌لاڤبوونا ڤایرۆسێ كورونایێ دناڤ قوتابیان دا، داخاز ژ حكومه‌تا عیراقێ كر پرۆسه‌یا خاندنێ ل ته‌ڤایا ناڤه‌ندێن خاندنێ ل پارێزگه‌هان بهێته راوه‌ستاندن.
لژنا په‌روه‌رده‌یێ د راگه‌هانه‌كێ دا روونكر، ل سه‌ر راسپارده‌یا لژنا په‌روه‌رده‌یێ، قوسه‌ی یاسر سه‌رۆكێ لژنا په‌روه‌ردێ ل جڤاتا نوونه‌رێن عیراقێ داخازیه‌ك بۆ درێژكرنا بهێنڤه‌دانا بهارێ و به‌رده‌وامی دان ب راگرتنا خاندنێ ئاراسته‌ی حكومه‌تێ كر، داخاز ژ وه‌زاره‌تا په‌روه‌ردێ كر كۆ بهێنڤه‌دانا بهارێ ل عیراقێ تاكو 22 ئادارێ بهێته درێژكرن و رێكارێن پێدڤی بۆ قه‌ره‌بوكرنا ئه‌وی ده‌می بكار بینیت.
ئه‌ڤرۆ نیوز:
ئه‌مریكا بودجه‌یه‌ك بۆ به‌رهنگاربوونا ڤایرۆسێ كورونایێ په‌سندكر، جڤاتا نوونه‌رین ئه‌مریكا 800 ملیار و 300 ملیۆن دۆلار بۆ ریب ری بوونا ڤایرۆسێ كورونایێ ته‌رخانكرن.
لگۆری پرۆژه‌یێ بریاره ئه‌و پاره بۆ هه‌ڤكاریكرنا ویلایه‌تێن ئیكگرتیێن فیدرالی یێن ئه‌مریكا بۆ ژناڤبرنا ڤایرۆسێ كورونا بۆ دروستكرنا ڤاكسیندان و دابینكرنێ بۆ ئه‌مریكیان بهێته بكار ئینان.
هه‌روه‌سا بریاره ئه‌ڤرۆ ژی جڤاتا پیران دانوستاندنێ ل سه‌ر پرۆژه بریارێ بكه‌ت و پێشبینی دهێته‌كرن ئه‌و ژی په‌سند بكه‌ت، تاكو بهێته ره‌وانه‌كرن بۆ هه‌مبه‌ر سه‌رۆكێ ئه‌مریكا دونالد تره‌مپ ئه‌و ژی ئیمزایێ ل سه‌ر بكه‌ت و ب بیته بریاره‌كا فه‌رمی.
تانوكه ب ئه‌گه‌رێ ڤایرۆسێ كورونایێ ل ئه‌مریكا 11 كه‌س مرینه و زێده‌تری 140 كه‌سان ژی تووشبوینه بڤی ڤایرۆسی.
ئه‌ڤرۆ نویز:
ب هه‌لكه‌فتا 29 سالیا سه‌رهلدانا بهارا سالا 1991، سه‌رۆكێ حكومه‌تا هه‌رێما كوردستانێ په‌یامه‌ك به‌لاڤكر.
د په‌یامێ دا مه‌سرور بارزانی سه‌رۆكێ حكومه‌تا هه‌رێما كوردستانێ راگه‌هاند: سه‌رهلدانا 1991 وه‌رچه‌رخانه‌كا دیرۆكی بوو ل خه‌باتا بزاڤا رزگاریخوازیا گه‌لێ كوردستانێ دا كۆ هه‌مبه‌ر سته‌م و داگیركاریێ سه‌رهلدان كر و ئه‌و په‌یام گه‌هانده هه‌موو جیهانێ كۆ گه‌لێ كوردستانێ ب بن ده‌ستیێ چه‌وساندنێ ده‌ستا ژ مافین خۆ یێن ره‌وا به‌رناده‌ت.
ئه‌ڤه ژی ده‌قێ وێ په‌یامێ یه:
په‌یامه‌ك ژ سه‌رۆكێ حكومه‌تا هه‌رێما كوردستانێ ب هه‌لكه‌فتا سالیادا سه‌رهلدانا گه‌لێ كوردستانی.
ئه‌ڤرۆ بیست و نه‌هـ سال ده‌رباز بوون ل سه‌ر سه‌رهلدانا مه‌زنا گه‌لێ كوردستانێ كۆ ل سالا 1991، بڤێ هه‌لكه‌فتا پیرۆز، پیرۆزباهیێ ل خه‌لكێ كوردستانێ و پێشمه‌رگه‌یێن قاره‌مان و كه‌س و كارێن شه‌هیدێن سه‌رلند دكه‌م.
سه‌رهلدانا پیرۆزا 1991 وه‌رچه‌رخانه‌كا دیرۆكی بوو ل خه‌باتا بزاڤا رزگاریخوازیا خه‌لكێ كوردستانێ كۆ هه‌مبه‌ر سته‌م و داگیركاریێ سه‌رهلدان كر و ئه‌و په‌یامه ب هه‌موو جیهانێ ژی گه‌هاند كۆ گه‌لێ كوردستانێ ب بن ده‌ستیێ و چه‌وساندنێ ده‌ستا ژ مافێن ره‌واینێن خۆ به‌رناده‌ت.
سه‌رهلدانا مه‌زنا ئادارا 1991، به‌رهه‌مێ ئێكگرتوی و ئێك رێزیا هه‌موو ته‌خ و چین و پێكهاته‌یێن كوردستانێ بوو، ده‌ستكه‌فتێن نوكه یێن گه‌لێ كوردستانێ و ئه‌و ئاڤه‌دانكرن و پێشڤه‌چوونا دوزا ره‌وایا خه‌لكێ كوردستانێ و پێگه‌هێ دیارێ هه‌رێما كوردستانێ دناڤ جڤاكا نێڤ ده‌وله‌تی دا، به‌رهه‌مێ شورش و سه‌رهلدانێن به‌رده‌وامێن خه‌لكێ كوردستانێ یه دناڤا وان دا ژی سه‌رهلدانا مه‌زنا سالا 1991 یه، كۆ پێدڤیه ب هه‌ر ئه‌وی گیانێ ئێكرێزی و ئێك ده‌نگیا سه‌رهلدانێ پارێزگاریێ ژ ده‌سكه‌فتێن نیشتمانی بكه‌ین.
سال رۆژا سه‌رهلدانا ئادارا 1991 پیرۆز بیت و كوردستان هه‌رتم یا ئارام و ئاڤه‌دان بیت.
مه‌سرور بارزانی
سه‌رۆكێ حكومه‌تا هه‌رێما كوردستانێ
5/3/2020
ئەڤرۆ نیوز:
رێڤەبەرێ پشکا چاڤدێریا سلامەتیا خوراکی ل دهۆکێ ڕاگەهاند، رێڤەبەریا وان کۆمبوونەک ژبۆ گرتنە بەرا هندەک ڕێکارێن نوو یێن خوە پاراستنێ ژ کۆرۆنایێ ئەنجامدایە و تێدا چەند بڕیارێن نوو دەرکرینە.
عسمەت سەلمان ڕێڤەبەرێ پشکا چاڤدێری و سەلامەتیا خوراکی ل خۆپاراستنا ساخلەمیا دهۆکێ دیارکر، د وێ کۆمبوونێ دا بڕیار هاتیە دان، ب بکارئینانا گلاسێن سەفەری ل هەموو جهێن کو چا لێ دهێتە پشێکێشکرن، وەک چایخانە، خوارنگەهـ و کافی.
گوتیە ژی، پێدڤیە کەمام بهێنە بکارئینان ژ ئالیێ کرێکارێن خوارنگەهان، ب تایبەتی ئەو کرێکارێن د لێنانگەهان دا کار دکەن و ئەوێن خوارنێ ژ لێنانگەهێ بۆ مێزان ڤەدگوهێزن، هەروەسا گرنگی ب پاقژکرن و گۆهارتنا هەوای بهێتەدان ل هەموو جهان.
دیارکریە ژی، نابیت ب چ رەنگان کرێکارێن نانپێژیان و سەمونخانان یێن کو پاران وەردگرن، کارێ هەڤیری و پێڤەدانا نانی بکەن.
نيشاندان