ئەڤرۆ نیوز:
ل گورەی نووچهكێ دەیلێ مەیل یێ بریتانی، تەلەڤزیۆنا فەرمی یا چینێ بهلاڤكریه، دژە ڤایرۆسێ کۆرۆنا ڤهدیتیه و کو ب رێیا دەڤی ب کەسی دهێته دان.
لدووف میدیایێن فەرمی یێن چینێ، دژە ڤایرۆس ژ هەڤیر ترشی دروستکریه و چ کارتێكرنهكا لاوەکی نینە، لێ ژ ئهگهرێ وێ یهكێ دڤێت دهستپێكێ لسەر گیانهوهران تاقیبكهن، دیسان هێشتا ئەو دەرمان نەئێخستیه ناڤا بازاری.
ئهڤرۆ نیوز:
تهحسین دولهمهرى ئهندامێ دهزگایێ رهوشهنبیرى و راگههاندن یێ پارتى دیموكراتى كوردستان دیاركر، سوبههی دێ تهرمێ خودێ ژێ رازى د.حهمید ئاكرهیى ل نهمسا گههته فرۆكخانا نێڤدهولهتی یا ههولێرێ و دێ ژ ئالیێ بهرپرسێن پلهبلند پێشوازى ل تهرمى وى هێته كرن و پاشان هێنه رهوانهكرن بۆ ئاكرێ و ل وێرێ هێته ڤهشارتن.
دولهمهرى دیاركر: كو ئاكرهیى پێشمهرگهكێ دێرین یێ پارتى دیموكراتى كوردستان بوو، ل سهردهمێ شۆرهشا ئیلۆنێ دا رۆلهكێ بهرچاڤ ل دهڤهرا ئاكرێ و شێخان دگێرا.
پشتى نسكویا شورهشێ، د.حهمید بهرهڤ دهرڤهى وهلاتى چوویه و دكتورایا ئهلكترونى ل بهلجیكیا بدهستڤه ئینایه، ل دهمێ دهستپێكرنا شۆرهشا گۆلانێ ڤهگهریایهڤه ناڤ رێزێن پێشمهرگهى و ل گهل چهند ههڤالان جارهكادى رادیویا دهنگێ كوردستان دامهزراندى یه، پشتى سهرهلدانێ بوویه وهزیرێ ڤهگوهاستن و گههاندنێ، ههروهسا چهندین بهرپرسیارتیێن حزبى و حكوم وهرگرتینه.
ئەڤرۆ نیوز:
رێڤەبەریا گشتى یا ساخلەمیا سلێمانیێ راگەهاند، ئەو دو گومانلێکریێن ب ئەگەرێ ڤایرۆسێ کۆرۆنا ل سلێمانیێ هاتینە راگرتن، ئەنجامێن پشکنینا وان هەردویان پاقژ دەرچووینە.
سەباح نەسرەدین هەورامى، رێڤەبەرێ گشتى یێ ساخلەمیا سلێمانیێ راگەهاند، ئەو دو گومانلێکریێن ب ڤایرۆسێ کۆرۆنایێ ل سلێمانیێ هاتینە راگرتن، ئەنجامێن پشکنینا وان دو وەلاتیان پاقژ دەرچووینە و بۆ مالێن وان هاتینە رەوانەکرن.
دیار کر ژی: پشتى دو گومانلێکری هاتینە دیتن کو نیشانێن نێزیکی کۆرۆنایێ لدەف هەبوون، لێ پشتى دو رۆژان ل بن چاڤدێریێ، ئەنجامێن پشکنینێن وان پاقژ دەرچووینە و نەخۆشیا کۆرۆنا یێ لێ نەبوویە.
ئەڤرۆ نیوز:
ژبەر رۆلێ وان یێ گرنگ و بەرچاڤ و خەمخوری و دلسوزیا وان ژبۆ خزمەتا گشتی و تایبەت باژێرێ دهۆكێ درامالینا بەفرێ دا ل سەنتەرێ باژێری .
ئەڤرۆ 25/2/2020 د رێورەسمەكێ ژ هەژیدا ئەندازیار (احسان یحیی) خودانیێ كومپانیا كاڤین گروپ ( زكری بەشیر)دیسان خودانێ كومپانیا ئەرتوش یا كاروبارێن پاقژیێ ( یوسف تاهر) هاتە خەلاتكرن.
سەروكێ باژێرڤانیێ رولێ وان ب گرنگی نرخاند, و سوپاسی ورێزگرتن ئاراستەی واناكر.
سەروكێ باژێرڤانیێ د پەیڤا خودا گوت : (بناڤێ سەروكاتیا باژێرڤانیا دهوكێ سوپاسی و رێزگرتنا ئاراستەی هەوەیێن بەرێز دكەین , هیڤیە نموونەێن وەكی هەوە هەرهەبن بن ژبۆ ئاڤەدانكرنێ و خزمەتكرنا كوردستانێ).
ئەڤرۆ نیوز:
رەجەب تەیب ئەردۆگان سەرۆک کۆمارێ تورکیا ئەڤرۆ راگەهاند کو دو سەربازێن تورکیا ل لیبیا هاتینە کوشتن.
ئەو یەک د دەمەکێ دایە کو هێزێن سەر ب خەلیفە حەفتەر فەرماندارێ لەشکرێ نشتیمانی یێ لیبیا دوهی راگەهاندن وان ١٦ سەربازێن تورکیا کوشتینە.
هندەک مالپەرێن ئۆپۆزسیۆنا تورکیا ژی ئەڤرۆ بەلاڤکرن کو فەرماندارێ گشتی یێن هێزێن تورکیا ل لیبیا هاتیە کوشتن.
ئەڤرۆ نیوز:
موراد ساریساچ ئەندامێ پەرلەمانێ تورکیا سەر ب فراکسیۆنا هەدەپێ راگەهاند کو پارتا وان چەند بارهەلگر هاریکاری بۆ خەلکێ دەڤەرا باشقالە یا سەر ب وانێ کۆمکرینە دا بگەهینە وان، چونکو بەری چەند رۆژان ژ بەر بیڤەلەرزێ زیان گەهشتبوو وەلاتیێن کورد یێن وێ دەڤەرێ، لێ ژ ئالیێ پۆلیسان ڤە ئاستەنگی هاتیە دروستکرن و رێ نەهاتیە دان هاریکاری بگەهیتە دەستی وەلاتیێن کورد.
بەرپرسەکێ پۆلیسێن وانێ ژی راگەهاند کو لیژنەک هاتیە ئاڤاکرن و دڤێت هەموو هاریکاری رادەستی وێ لیژنێ بهێتە کرن و نابیت هەر کەس ژ ئالیێ خوە ڤە هاریکاریان ببەتە وێ دەڤەرێ.
ئەڤرۆ نیوز:
جڤاتا وەزیران ب سەرپەرشتیا مەسرور بارزانی سەرۆکێ جڤاتا وەزیران و ب ئامادەبوونا جێگرێ سەرۆک وەزیر و وەزیرێن دی یێن حوکمەتێ کۆمبوو و چەندین بریارێن گرنگ بۆ پاراستنا وەلاتیان هاتنە دان.
ئێک: ل رۆژا ٢٦ ڤێ مەهێ هەتا رۆژا ١٠/٣/٢٠٢٠ ل هەموو قۆتابخانە و ناڤەندێن خواندنێ ببیتە بێهنڤەدانا فەرمی و ل رۆژا ١١/٣/٢٠٢٠ بێهنڤەدانا نەروزێ یا پەروەردێ دەستپێ دکەت هەتا ٢٣/٣/٢٠٢٠ و رۆژا دووڤدا دێ دەواما پەروەردێ دەستپێ کەت.
دو: هەکە پێدڤی نەبیت ل ناڤ هەرێما کوردستانێ ژی گەشت نەهێنە کرن و گەشتێن بۆ پارێزگەهێن دی یێن عیراقێ بهێنە سنوردارکرن و هەر سەرەدانەک ژی چێ بیت پێدڤیە پشکنینێن پێدڤی بۆ بهێنە کرن.
سێ: رێ ناهێنە دان بازرگان و کەسێن دی کەلوپەلان گران بکەن و هەکە کارەک وەسا ژ ئالیێ هندەک کەسان ژی بهێتە کرن دێ ب توندی سەرەدەری د گەل دا هێتە کرن.
چار: جڤاتا وەزیران وەزارەتا دارایی ئەرکدار کریە کو هەموو پێدڤیێن پارێزگەهان بۆ دابین بکەن، هەروەسا پێشنیازێن هەر دو وەزارەتێن ساخلەمیێ و ناڤخوە هاتینە پەسەند کرن و هەر دو وەزارەت هاتینە راسپاردن دا پێشنیازێن خوە بجه بینن.
ل دووماهیێ ژی جڤاتا وەزیران داخواز ژ هەموو وەلاتیان دکەت کو بۆ پاراستنا هەموو ئالیەکێ هاریکاریا دەم و دەزگەهێن حوکمەتێ و ئالیێن پەیوەندیار بکەن.
نيشاندان