ئه‌ڤرۆ نیوز، زنار:
ئێكه‌تیا ته‌پا پێ یا هه‌رێما كوردستانێ د كومبونا خوه یا ئه‌ڤرۆ رۆژا شه‌مبى 29/2/2020 دا راگه‌هاند ئه‌و دێ پابه‌ندى بریارێن وه‌زاره‌تا نافخو و ته‌ندروستى بن ده‌رباره‌ى راگرتنا هه‌ڤركیێن خولا نایابا كوردستانێ ژ ئه‌گه‌رێ په‌یدابوونا ڤایروسێ كورونا.
د بریار وان دا هاتیه كو نوكه حكومه‌تا هه‌رێمێ كومه‌كا رێكاران پێخه‌مه‌ت به‌رهنگاربوونا ڤایروسێ كورونا دكه‌ت و چه‌ندین بریار ده‌ركرینه لێ ده‌رباره‌ى راگرتنا هه‌ڤركیێن خولا هه‌رێما كوردستانێ یا ته‌پا پێ ژى ئه‌و دێ چاڤه‌رێ بریارا وه‌زاره‌تا نافخو و ته‌ندروستى بن هه‌رده‌مێ داخواز ژ وان كر چالاكیێن خوه راگرن دێ بریارا وان بجه ئینن لێ هه‌تا نوكه چو مه‌ترسى په‌یدانه‌بووینه ژ ئه‌گه‌رێ په‌یدابوونا ڤایروسێ كورونايێ و دیاركر ل رۆژا پێنج شه‌مبى و ئه‌ینیا بهێت دێ به‌رده‌وامیێ ده‌نه یاریێن گه‌را 16 یێن خولێ.
ئەڤرۆنیوز، ڕەزوان ڕۆژبەیانی:
ئەڤرۆ سترانەک ل سەر رۆل و خەباتا بارزانیێ نەمر کو ژ لایێ ئاوازدانەرێ کورد هەلکەوت زاهرهاتیە ئامادەکرن هاتە بەلاڤکرن.
ئاوازدانەرێ کورد هەلکەوت زاهر بۆ ئەڤرۆنیوز خویاکر ژ بەر رۆل و خەباتا بارزانیێ نەمر مە ب فەر دیت کو سترانەکێ نەمر کلیپ بکەین.
گۆت ژی ئەف سترانە ژ ئاوازێین من بخۆنە و ژ لایێ هونەرمەند میرا هاتیە گۆتن و ژی ژ تێکستی دکتۆر ئاراز عەبدولکەریمە و ژلایێ دەرهێنەر بریار فەتاح کارێ دەرهێنانێ ل هەرێما کوردستانێ بۆ هاتیە کرن.
ئەڤرۆ نیوز، ره‌مه‌زان هه‌رنی:
ئه‌ڤساله ل هه‌رێما كوردستانێ رێژا بارانبارینێ ل گه‌ل سالا بۆری كێمكریه و رێژا به‌فربارینێ زێده بوویه رێڤه‌به‌رێ به‌نداڤێن ئاڤێ ل كوردستانێ دیار دكه‌ت كو چو مه‌ترسیێن هشكه‌سالێی ل كوردستانێ نینه ژ به‌ر كو به‌فره‌كا زۆر باریه.
ئه‌كره‌م ئه‌حمه‌د رێڤه‌به‌رێ گشتیێ به‌نداڤ و كوگه‌هێن ئاڤێ ل هه‌رێما كوردستانێ بۆ ئه‌ڤرۆ راگه‌هاند ل كوردستانێ ب گشتی 17 به‌نداڤ هه‌نه سێ كه‌ڤن و چوار ڤان دووماهیێ هاتینه دروستكرن و هژماره‌كا به‌نداڤا ژی ل قوناغا بجهئینیانێ دانه.
ته‌كه‌زكر نوكه چار به‌نداڤ ل قوناغا دروستكرنێ دانه ل كوردستانێ هه‌ر ئێك ژوان رێژه‌ك لێ هاتیه ته‌مامكرن، ل ده‌ڤه‌رێن جودا هاتینه دروستكرن ب شێوه‌یه‌كێ گشتی ئه‌ڤساڵه چو مه‌ترسیا هشكه‌سالیێ نینه ل كوردستانێ ژ به‌ر كێم بارانبارینێ.
ئەڤرۆ نیوز، ره‌مه‌زان هه‌رنی:
مه‌سیحیێن ده‌شتا نەینەوا ل تلسقوف و ده‌ردورێن وێ كو پێشمه‌رگه ل ده‌ڤه‌رێن وان هه‌نه به‌رده‌وام په‌سنا رولێ پێشمه‌رگه‌ی دكه‌ن ل وێ ئارامیا بۆ ده‌ڤه‌رێ دروستكری كۆ ئه‌گه‌ر پێشمه‌رگه نه‌بیت ئه‌و نامیننه ل ده‌شتا مووسڵ.
ئه‌میره ستو هاولاتیه‌كا مه‌سیحیه ل ده‌شتا مووسل بۆ ئه‌ڤرۆ راگه‌هاند ل به‌ر تیرورێ چه‌ند سال بۆ ئه‌م ئاواره‌یێ هه‌رێما كوردستانێ ببووین ئه‌م یێن زڤریه‌ڤه سه‌رمالێن خوه ئه‌وێن دكه‌ڤن سنورێ هێزێن پێشمه‌رگه‌ی گه‌له‌ك د ئارامنپێشمه‌رگه پارێزه‌رێ ده‌ڤه‌رێن مه‌یه چه‌ند ساڵه ئه‌م زڤرینه‌ڤه‌و گه‌له‌ك ئارامیه ل ده‌ڤه‌رێن مه ئه‌گه‌ر پێشمه‌رگه ل ده‌ڤه‌رێن مه نه‌مینن ئه‌م دێ جاره‌ك دی ئاواره بین و ئه‌م ل ماڵ نامینین و مه‌باوه‌ری ب كه‌س نه‌مایه ژبلی پێشمه‌رگه‌ی.
تارق سلێمان هه‌ڕنی فه‌رمانده‌ی فه‌رمانده‌ی سپیلك ل میحوه‌رێ تلسقوف بۆ ئه‌ڤرۆ نیوز راگه‌هاند ب درێژاهیا شه‌رێ داعش و حه‌شدا شه‌عبی پێشمه‌رگه‌ی بێ جوداهی به‌ره‌ڤانی ل هه‌مو پێكهاته‌و ئاینا كریه و ل ده‌شتا مووسل پێخه‌مه‌ت پاراستنا سه‌رو مالێ هاولاتیێن ده‌ڤه‌رێ ب هه‌موو پێكهاته‌یان ڤه ده‌ڤه‌رێن ل بن كنترولا پێشمه‌رگه‌ی گه‌له‌ك د ئارامن.
ئەڤرۆ نیوز، ره‌مه‌زان هه‌رنی:
ل سنوری باژێرڤانیا ئاكرێ هه‌وه‌كا چاندنا گولا بۆ جوانكرنا سیمایێ باژێری و هه‌وه‌كا چاندنا دارا بۆ زێده‌كرنا رێژا كه‌سكاتیێ ل ده‌ڤه‌رێ ده‌ستپێكر.
بلند ره‌زا سه‌رۆكێ باژێرڤانیا ئاكرێ بۆ ئه‌ڤرۆ نیوز راگه‌هاند سه‌رۆكاتیا باژێرڤانیا ئاكرێ هه‌وه‌كا چاندنا گول و دارا ل سه‌نته‌رێ قه‌زا ئاكرێ ده‌ستپێكریه و ئه‌ڤ هه‌وه هه‌تا وه‌رزێ بهارێ دێ به‌رده‌وام بیت.
گوتژی ل قوناغا ئێكی 350 دار ل گه‌ل چه‌ندین جۆرێن گوڵا هاتینه چاندن و بریاره پتر ژ هزار دارێن دی بهێنه چاندن، گول پتر بۆ جوانكرنا سیمایێ شه‌قامێن گشتینه و دار بۆ زێده‌كرنا رێژا كه‌سكاتیه‌ك، ب هه‌لكه‌فتا هه‌یڤا ئادار و نه‌ورۆزێ ئه‌ڤ هه‌وا دار چاندنێ دێ به‌رده‌وام بیت ل سنورێ باژێرڤانیا ئاكرێ.
ئەڤرۆ نیوز:
ئەحمەد داوود ئوگلۆ سەرۆک وەزیرێن بەرێ یێ تورکیا و سەرۆکێ پارتا پاشەرۆژێ دیار کر کو سیاسەتا تورکیا ل سووریێ گەلەک شاشە و ب ڤی رەنگی ژی چو ئەنجامێن خوە نابن، دڤێت تورکیا دەست ب قۆناغەکا نوو ل هەمبەر رەوشا ئالۆز ل سووریێ بکەت.
ناڤهاتی دیار کر کو دڤێت ل گەل کوردێن سووریێ دەست ب دانوستاندنان بهێتە کرن و پێدڤیە تورکیا بۆ کوردان و نەتەوێن دی ئاشکرا بکەت کا بۆچی هێزێن وێ ل سووریێ شەری دکەن.
ئه‌ڤرۆ نیوز:
رێڤه‌به‌راتیا سه‌قا ناسی و بیڤه‌له‌رزان یا حكومه‌تا هه‌رێما كوردستانێ پێشبنیێ دكه‌ت، كۆ پێله‌كا دی یا باران بارینێ ده‌ست پێ بكه‌ت.
لگۆری راگه‌هاندنه‌كا رێڤه‌به‌راتیا سه‌قا ناسی و بیڤه‌له‌رزان یا حكومه‌تا هه‌رێما كوردستانێ هاتیه به‌لاڤكرن، كۆ پێله‌كا دی یا باران بارینێ دێ هه‌رێما كوردستانێ بخوڤه دگریت بۆ ده‌مێ وو رۆژان دێ به‌رده‌وام بیت.
د راگه‌هاندنێ دا ئاماژه ب ئه‌وێ چه‌ندێ هاته‌كرن كۆ پێلا باران بارینێ یا هه‌رێما كوردستانێ بخوڤه دگریت ئه‌ڤرۆ دێ ده‌ست پی كه‌ت و تا دو رۆژێن دی به‌لارده‌وام بیت.
ئەڤرۆ نیوز:
محەمەد عەلی رەمەزانی سەرکەفتیێ پارێزگەها گیلان ل باکورێ ئیرانێ بەری کو ب فەرمی وەکو پەرلەمانتار دەست ب کارێ خوە بکەت ژ بەر نەخوشیا کۆرۆنایێ جانێ خوە ژ دەست دا.
کەسوکارێن وی دبێژن ژ بەر کۆرۆنایێ سێ رۆژان ل نەخوشخانێ دا بوویە و پاشی جانێ خوە ژ دەست دایە، لێ دەزگەهێن راگەهاندنا ئیرانێ دیار دکەن کو ناڤهاتی ژ بەر کۆرۆنایێ نەمریە و وی نەخوشیەکا خوە یا جودا هەبوویە.
ئه‌ڤرۆ نیوز:
وه‌زاره‌تا ده‌رڤه‌یا ئیرانێ گه‌فا به‌رسڤدانا هه‌ر هێرشه‌كێ دكه‌ت هه‌كه سوپایێ ئیسرائیل بكه‌ته سه‌ر به‌رژوه‌ندیێن ئیرانێ.
عه‌باس موسه‌وی په‌یڤدارێ وه‌زاره‌تا ده‌رڤه‌یا ئیرانێ راگه‌هاند ئیسرائیل د ژیێ 70 سالیێ خۆدا بتنێ سیاسه‌تا داگیركاری و دوژمناتیێ په‌یره‌وكریه.
په‌یڤداری وه‌زاره‌تا ده‌رڤه‌یا ئیرانێ ئه‌و چه‌نده ژی راگه‌هاند: هه‌بوونا هیزێن ئیرانی ل سوریا لگۆری رێكه‌تنه‌كێ بوویه ل گه‌ل رژێما ئه‌سه‌دی هه‌كه ئیسرائیل هه‌ر هێرشه‌كێ بكه‌ته سه‌ر به‌رژه‌وه‌ندێن تارانێ ل سوریا ئه‌ڤه ده‌ملده‌ست دێ به‌رسڤه‌كا توند ده‌ینێ.
نيشاندان