ئەڤرۆ نیوز:
پشتی کو سەرۆک کۆمارێ تورکیا راگەهاند دێ ل گەل روسیا، ئەلمانیا و فرەنسا کۆمبن دا چارەسەریەکا گونجای بۆ رەوشا ئدلبێ پەیدا بکەن ئەو یەک ژ ئالیێ روسیا ڤە ب توندی هاتە رەتکرن.
پەیڤدارێ سەرۆکێ روسیا دیمیتری پیسکۆڤ راگەهاند کو چو کۆمبوونێن چار قولی د رۆژەڤا روسیا دا نینە و دڤێت ئدلب ب تەمامی ژ تیرۆرستان بهێتە پاقژ کرن.
ئه‌ڤرۆ نیۆز، عه‌زیز هه‌ورامی:
سه‌رۆكی فڕاكسیۆنی پارتی له ئه‌نجوومه‌نی پارێزگای سلێمانی ده‌ڵێ، به 14 ده‌نگ ئه‌نجوومه‌نی پارێزگای سلێمانی بڕیاریدا، له به‌یانییه‌وه پشووده‌بێت تاوه‌كوو 24/4/2020 له ته‌واوی ناوه‌نده‌كانی خوێندن.
زیاد كاكه ڕه‌زا سه‌رۆكی فڕاكسیۆنی پارتی له ئه‌نجوومه‌نی پارێزگای سلێمانی، بۆ ئه‌ڤرۆ نیۆز ده‌ڵێ، ئه‌مڕۆ له كۆبوونه‌وه‌ی ئه‌نجوومه‌نی پارێزگای سلێمانی، پێشنیاری ڕاگرتنی خوێندن له خوێندنگاكان به‌هۆی مه‌ترسی نه‌خۆشی كۆرۆنا په‌سه‌ندكراو بووبه‌بڕیار له به‌یانی 26ی شوباته‌وه تاوه‌كو 24/3/2020 پشووی خوێندنگاكان ده‌بێت.
زیاد كاكه ڕه‌زا وتیشی، پێشنیاری ڕاگرتنی خوێندن له خوێندنگاكان ئه‌نجوومه‌نی پارێزگای كردبوو به دووبه‌شه‌وه به‌وه‌ی به‌شێك له‌گه‌ڵ ئه‌وه‌بوون ئه‌م پێشنیاری ڕاگرتنی خوێندن به‌رز بكرێته‌وه بۆ وه‌زاره‌تی په‌روه‌رده و ئه‌نجوومه‌نی وه‌زیران به‌ڵام زۆرینه كه 14 ئه‌ندامی ئه‌نجوومه‌ن بوون، له‌گه‌ڵ ئه‌وه‌بوون ده‌نگی له‌سه‌ر بدرێت و ئه‌نجوومه‌ن خۆی بڕیار له ڕاگرتنی خوێندن له‌ناوه‌نده‌كانی خوێندن بدات پێشنیاره‌كه خرایه ده‌نگدان و به 14 ده‌نگ بڕیاردرا پڕۆسه‌ی خوێندن ڕابگیردرێت.
ناوبراو زیاتر وتی، مه‌ترسی ڤایرۆزی كۆرۆنا بوونی له عێراق و وڵاتانی ده‌وروبه‌ر ئه‌و بڕیاره‌دراوه،تاوه‌كو هه‌موولایه‌ك دووربن له هه‌ر نه‌خۆشیه‌ك.
ئەڤرۆ نیوز:
ناڤەندا چاڤدێریا مافێن مرۆڤی یا سووریێ راگەهاند کو چەند رۆژن هێزێن روسیا ل باژێرێ رەققە یێ سووریێ بنگەهەکێ نوو یێ سەربازی ئاڤا دکەن و هژمارەکا زێدە چەکێن گران ژی ل وی بنگەهی هاتینە دانان.
ئەو یەک د دەمەکێ دایە کو پشتی ئەمریکا هژمارەکا هێزێن خوە ژ سووریێ ڤەکێشان، روسیا هەر زوو هێزێن خوە ل گەلەک بنگەهێن ئەمریکا بجه کرن و دەست ب ئاڤاکرنا بنگەهێن نوو یێن سەربازی ژی کر.
ئه‌ڤرۆ نیۆز، عه‌زیز هه‌ورامی:
له پارێزگای كه‌ركوك چوار كه‌سی یه‌ك خێزان هه‌ڵگری فایرۆسی كۆرۆنان و له ماوه‌ی ڕابردوو سه‌ردانی وڵاتی ئێرانیان كردووه، ئێستا له شوێنی تایبه‌ت له نه‌خۆشخانه‌ی جمووری كه‌ركوك خه‌وێندراون.
دكتۆر مه‌نزه‌ر نه‌عمان به‌ڕێوه‌به‌ری هۆبه‌ی نه‌خۆشه گوازراوه‌كان له ته‌ندروستی كه‌ركوك، به ئه‌ڤرۆ نیۆزی ڕاگه‌یاند:” ئه‌مڕۆ چوار حاڵه‌تی نه‌خۆشی كۆرۆنا له كه‌ركوك تۆماركراوه، ئه‌ندامی یه‌ك خێزانن و له قه‌زای خانه‌قینه‌وه هاتوون پێش یه‌ك هه‌فته له ئێران گه‌راونه‌ته‌وه كه 15 ڕۆژ له‌و وڵاته بوون پاش دیاری بوونی نه‌خۆشییه‌كه به‌سه‌ریانه‌وه هاتوونه‌ته نه‌خۆشخانه ئێستا له نه‌خۆشه‌كان جیاكراونه‌ته‌وه، ئیجرائاتی ته‌ندروستی به‌رامبه‌ریان ده‌ستی پێكردووه.
دكتۆر مه‌نزه‌ر نه‌عمان وتیشی، له كه‌ركوك نه‌خۆشخانه‌ی خاس داندراوه بۆ ئه‌وكه‌سانه‌ی توشی نه‌خۆشی كۆرۆنا ده‌بن و تێكه‌ڵ به نه‌خۆشانی ئاسایی ناكرێن، له ئێستادا جگه له‌و چوار حاڵه‌ته‌ی كۆرۆنا یه‌ك خێزانن تۆماركراون هیچ حاڵه‌تێكی تری نه‌خۆشی كۆرۆنا تۆمار نه‌كراوه ئێستا ته‌واوی لایه‌نه پێوه‌ندیداره‌كان له كۆبوونه‌وه‌ن له‌سه‌ر مه‌ترسی نه‌خۆشی كۆرۆنا تۆماربوونی چوار حاڵه‌ت له پارێزگاكه، پاشان پلانه‌كان ڕاده‌گه‌یه‌ندرێت.
ئه‌ڤرۆ نیوز:
وه‌زاره‌تا ساخله‌می و ژینگه‌ها عیراقێ ئه‌و راگه‌هاند: 4 حاله‌تێن نوو یێن توشبوون ب ڤایرۆسێ كورونا ل پارێزگه‌ها كه‌ركوكێ هاتینه ده‌ست نیشانكرن كۆ هه‌موو ئه‌ندامێن ئێك خێزانێ نه و ژ ئیرانێ ڤه‌گه‌ریاینه.
ئه‌ڤرۆ 25/2/2020 وه‌زاره‌تا ساخله‌میا عیراقێ د راگه‌هاندنه‌كێ دا به‌لاڤكریه بۆ ئه‌وێ خێزانێ پشكنینێن ساخله‌مێ هاتینه كرن و ئه‌نجامێن شیكاری یێن وان ده‌ركه‌تینه كو توشی ڤایرۆسێ كورونا بووینه.
وه‌زاره‌تا ساخله‌میا عیراقێ ئه‌و چه‌نده ژی ته‌ئكید كر كۆ دێ هه‌موو رێ و ئاوایین پێدڤی بكار ئینین بۆ خۆ پاراستنێ ژ ئه‌ڤی ڤایرۆسی.
ئه‌ڤرۆ نیوز:
وه‌زیرێ بازرگانی و پیشه‌سازیا حوكمه‌تا هه‌رێما كوردستانێ راگه‌هاند: ل كۆمبوونا جڤاتا وه‌زیران دا پێشنیازا ڤه‌كرنا توخیبی بۆ هنده‌ك پیدڤێن تایبه‌ت یا ڤه‌كری بیت مه‌كریه.
كه‌مال موسلم وه‌زیری بازرگانی و پیشه‌سازیا حكومه‌تا هه‌رێما كوردستانێ راگه‌هاند:پێشنیازا ئه‌وێ چه‌ندێ دكه‌ین، كۆ خالین توخیبی یێن ئیرانێ بۆ هنده‌ك پیدڤیێن تایبه‌ت یا ڤه‌كری بیت، ئه‌ڤه ژی ل بن كۆنتروله‌كا هیر یا ساخله‌میی دا بیت، ئه‌وی ده‌می كۆنترولكرنا ساخله‌میێ باشتر دبیت.
وه‌زیری بازرگانی و پیشه‌سازیا حكومه‌تا هه‌رێما كوردستانێ راگه‌هاند ژی داخازێ ژ وه‌زاره‌تا ناڤخو دكه‌ین، هه‌ڤكار بن بۆ ئه‌وێ چه‌ندێ لژنه‌یێن چاڤدێریكرنا بازاری بێ گرفت كارین خۆ ئه‌نجام بده‌ن، رێگریێ ل هه‌ر جوره‌كی پاوانخوازیێ و ده‌لیڤه زانینا ره‌وشی تشتی گران بكه‌ن، هه‌كه گرتنا خالین توخیبی ل گه‌ل ئیرانی ڤه‌كێشا، ئه‌ڤه گرقته‌كا مه‌زن دروست نابیت چونكو چه‌ندین رێك و جهگرتیێن دی یێن بازاری هه‌نه.
ئەڤرۆ نیۆز، قائید میرۆ:
سەرکردەیەکێ ئەنەکەسێ ئاماژەکر، پەیەدە دخوازیت دگەل لایەنێن ناڤا ئەنجوومەنێ نیشتیمانی دانوستانان بکەت و دبێژیت، رەوشا رۆژئاڤایێ کوردستانێ مەترسی لسەرە و خەلک برسیە.
دکتۆر کاوە ئازیزی، ئەندامێ ئەنجوومەنێ نیشتیمانی کورد ل سووریێ بۆ ئەڤرۆ نیۆز دیارکر” پەیەدە و لایەنێن سەر ب پەکەکێ ل رۆژئاڤایێ کوردستانێ دخوازن دەست ب دانوستانان بکەن دگەل ئەنەکەسێ، بەلێ ھێشتا چو پێنگاڤێن جدی نەھاتینە ھاڤێتن، چونکە بەری نوکە سێ رێکەفتن ھاتینەکرن و پەیەدە یا پێگیرنینە ب رێکەفتنێن بەرێ، لەوڕا ئەم دخوازین دەمێ دانوستان بھێنەکرن ئەنحامژی ھەبن.
ئەڤی سەرکردەیێ ئەنەکەسێ خویاژیکر” ب ئەگەرێ سیاسەتا شاش یا پەیەدە کوردان چەندین دەڤەرێن ستراتیژی ل رۆژئاڤایێ کوردستانێ لدەستداینە.
دکتۆر کاوە ئازیزی گۆتژی” پەیەدە لاوازبوویە و تورکیا دەست بسەر رۆژئاڤایێ کوردستانێ گرتیە و بەردەوام گەڕیێن سوپایێ تورکیا لسەر خاکا رۆژئاڤا ھاتن و چوونێ دکەن، مخابن رەوشا وەلاتیان ل رۆژئاڤایێ کوردستانێ گەھشتیە ئاستەکی خەلک ل برسان دمریت.
ئەڤرۆ نیۆز، قائید میرۆ:
ل باژێڕێ ھەولێرێ شەڕ دناڤبەرا دوو نۆشدارێن جوانکاریێ پەیدابوو پەیڤدارێ پۆلیسێن ھەولێرێ ژی دبێژیت، ئێک ژ نۆشداران ب چەقویێ دوماھی ب ژیانا خوە ئینایە.
ھۆگر عزیز، پەیڤدارێ پۆلیسێن ھەولێرێ بۆ ئەڤرۆ نیۆز دیارکر” ھێزێن پۆلیسان مەغرەبیا دوھی رۆژا دو شەمبی ھاتنە ئاگەھدارکرن لدۆر پەیدابوونا روویدانەکا کوشتنێ و پشتی گەھشتنا ھێزێن ئەمنی ده‌رکەفت ل ناحیا عەنکاوە یا نێزیک ھەولێرێ دناڤا سەنتەرەکێ جوانکاریێ شەڕ دناڤبەرا دو نۆشدارێن جوانکاریێ پەیدابوویە و ب چەقۆیان ھێرشی سەر ئێکدووکریە.
ھۆگر عەزیز ئاشکراکر” ئێک ژ نۆشداران کو مەسیحیە ب چەقویێ خوە کوشتیە و ھێزێن پۆلیسان ژی دەست ب ڤەکۆلینێ کریە لدۆر روویدانێ و کەسێن گونەھبار دێ سزایێن قانوونی بۆ ھەبن.
نيشاندان