ئەڤرۆ نیوز:
مالپەرێ برایت ساید دیارترین نیشانێن پەیوەندیا سوزداریێ یێن سەرکەفتی دیارکرینە، تێدا دیار دبیت، کا هەتا چ رادە ئەڤینداربوونا تە یا دروستە و هێژایی قوربانى دانێ یە، ئەو رەفتارە ژی ئەڤەنە:
. دەمێ دزانیت د پەیوەندیەکا دروست دایە، تە نەچار ناکەت کەسایەتى و سرۆشتێ خوە بگوهۆری، وەک خوە رەفتاران بکە و ئەو قەبوول دکەت.
. دشێت هەموو هزر و هوورکاریێن د رۆژا خۆ دا کرین بۆ تە بەحس بکەت، بێی کو ترس لدەف دروست ببیت.
. دشێت هەموو وان تشتێن کو د دەمێ بورى دا د ناڤ مالبات و هەڤالێن خۆ دا کرین بۆ تە بێژیت.
. دشێت ژ ئالیێ مادی ڤە باوەر ژ تە بکەت، دزانیت کو تۆ بۆ چ مەرەمان وێ بکار نائینی، نەڤێت مفای ژ چ تشتەکێ تە وەربگریت.
. دەمێ باوەرى د ناڤبەرا هەوە دا زێدە مەزن دبیت، دێ ب رەنگەکێ ئازاد رەفتاران کەت، بێ کو چ ترسەک هەبیت رۆژێن خوە د بورینیت.
. دشێت فێسبوک و تۆرێن جڤاکی لدەف تە بهێلیت و د ڤەکری بن، بێ کو چ ترسەک هەبیت.
. هەست ب پشتراستى و ئارامیێ دکەت، دزانیت کو چ دەمان چ زیانێ ناگەهنیتە تە و ناهێلیت زیان بگەهیتە تە، یا بەرهەڤە هەموو دەمان ل تەنشت تە بیت و پشتا تە بگریت.
. دەمێ شاشیەکێ دکەت دانپێدانێ دکەت و بەرپرسیاریا وێ شاشیێ هەلدگریت، ئەڤە ژى وەدکەت زێدەتر پەیوەندیا هەوە یا گەرم بیت و چ تشتەک وان ژێکڤە ناکەت.
ئەڤرۆ نیۆز:
بیڤەلەرز ب لەرزینا ژ نیشکەکێڤه یا دەریایی، بن زەڤیێ یان سەر زەڤیێ دهێتە گوتن، کو ل چینا دناڤ زەڤیێ دا روو ددەت.
رێنمایێن خۆپاراستنێ ژ بیڤەلەرزێ ئەڤەنە:
دەمێ تۆ هەست ب روودانا بیڤەلەرزێ دکەی، باشترە دوور بکەڤی ژ دۆلابێ و کتێبخانێ یان هەر کەلوپەلەکێ مەزن، چونکی د دەمێ بیڤەلەرزێ دا، ئەو ئەگەر هەیە کو کەلوپەلێن گران ب سەر تەدا بکەڤن و ساخلەمیا تە بکەڤیتە د مەترسیێ دا، هەروەسا دەست نیشانکرنا گونجایترین جهـ بۆ خوە پاراستنێ ئەوە، هەکە تۆ د مال دابی، باشترە ب لەز بچیە ژ دەرڤە، یان ژی هەکە تە دەلیڤا هندێ نەبیت بچیە ژ دەرڤە، ل ژێر مێزەکێ روونەخوار یان ژی دناڤبەرا چارچۆڤەکێ دەرگەهێ ژوورەکێدا راوەستە.
دیسا ل دووڤ زانیاریان لێنانگەهـ ئێکە ژ مەترسیدارترین جهان، کو پێدڤیە د دەمێ بیڤەلەرزێدا ژێ دوور بکەڤی، یان ژی هەکە تۆ ژ دەرڤەبی خۆ دوور بکە ژ ستوونێن کارەبا سەر جادێ و ئاڤاهیان، هەروەسا ژ کێبلێن کارەبێ، خۆ ژ داروباری ژی دوور بکە، دیسا هەکە تۆ دناڤا ترۆمبێلێ دا بی و تە هەست ب بیڤەلەرزێ کر، ل جهێ خۆ راوەستە و بمینە دناڤا ترۆمبێلێ دا، هەروەسا هەکە تۆ ل فەرمانگەهێ بی یان ژی ل قوتابخانێ بی، ل دەمێ روودانا بیڤەلەرزێ باشترە بچیە ژێر مێزێ یان ژی بچیە د ژوورڤە و دوور بکەڤی ژ شووشەی و پەنجەرا و گلۆپان، یان ژی بزاڤێ بکە کو ب کەرەستەکێ قاییم سەرێ خۆ بپارێزی.
دەمێ بیڤەلەرز ب دوماهی هات، دڤێت ئامادەبی بۆ روودانا بیڤەلەرزەکا دیتر، چونکی هەموو گاڤا چەند دەمژمێران پشتی بیڤەلەرزا سەرەکی دێ بیڤەلەرزەکا دیتر روو دەت، ل حالەتێ هوسا دا ب هیچ شێوەیەکێ گلۆپێ یان ئامیرەکێ کارەبایی هەلنەکەن و باشترە روو بکەنە جهێن ڤەکری، هەروەسا ئەو کەسێن ب سەختی زیان گەهشتیێ نەجۆلینن، هەتاکو تیمێن هەوارهاتنێ ل تانا وان دهێن، دیسا ب هیچ شێوەیەکێ خوە نێزیکی وان جهێن رووخیای نەکەن، یان ژی هەکە هەوە هەست ب بێهنا غازێ کر، ب هیچ شێوەیەکێ ماکینا ئاگری و جگارا هەلنەکەن.
ئەڤرۆ نیوز:
ئەڤ شەڤە خۆنیشاندانێن بەغدا ئاڵۆزی تێكەفتن و میدیایێن عێراقێ راگەهاندن، کو چەندین خۆنیشاندەر هاتینە کوشتن و بریندار کرن.
ئەڤ شەڤە هێزێن ئاسایشێ و میلیشیاتێن شیعی ل گۆڕەپانا ئەلخەللانی ل ناڤەڕاستا بەغدا هێرش كریە سەر خۆنیشاندەران و د ئەنجامدا خۆنیشاندەرەک هاتیە كوشتن و 12 خۆنیشاندەر ژی بریندار بووینە.
وەسا بڕیار بوو سوبەهی دوشەمبی كۆمبوونا نەئاسایی یا پەرلەمانێ عێراقێ برێڤە بچێت بۆ پەسەندكرنا كابینا حوکمەتا دەمکی یا عیراقێ ب سەرۆكاتیا محەمەد تۆفیق عەللاوی، بەلێ ئەو كۆمبوونە بۆ رۆژا چارشەمبی هاتە پاشخستن و یا دیار نینە کانێ دێ ل چارشەمبی هێتە ئەنجامدان یان ژی نە.
ئەڤرۆ نیوز:
شاندەکێ بلند یێ وەزارەتا پێشمەرگێ کوردستانێ، ب سەرپەرشتیا وەزیرێ پێشمەرگەی دێ سەرەدانا بەغدا کەت.
وەسا بریارە سوبەهی دوشەمبی (٢٤-٢-٢٠٢٠) شاندەکێ بلند یێ وەزارەتا پێشمەرگەی ب سەرپەرشتیا شۆڕش ئیسماعیل، وەزیرێ پێشمەرگەی دێ سەرەدانا بەغدا بکەن.
د وێ سەرەدانێدا شاندێ وەزارەتا پێشمەرگەی، دێ ل گەل وەزیرێ بەرگریا حوکمەتا فیدڕال یا عیراقێ و بەرپرسێن بلند یێن وێ وەزارەتێ کۆم بن و دێ چەند پرسێن تایبەت ب پێشمەرگەی و سوپایێ عیراقێ ڤە گوتۆبێژ بکەن.
ئه‌ڤرۆ نیوز، بارزان مزوورى:
كلارا عودیشو، سه‌رۆكا لیستا ئه‌نجومه‌نێ گه‌لێ كلدانى و سریانى و ئاشورى ل په‌رله‌مانێ كوردستانێ بۆ ئه‌ڤرۆ نیوز گوت: سه‌ره‌دانا”مه‌سرۆر بارزانى” بۆ فاتیكان ئه‌نجامێن باش ده‌ست خوڤه ئینان ژبه‌ركۆ گرنگترین سه‌ره‌دان هاتە هژمارتن بۆ خه‌لكێ جیهانێ هه‌موو پێكهاتان ب تایبه‌تی مه‌سیحیان ئه‌وێ سه‌ره‌دانێ ده‌نگڤه‌دا بۆ هه‌موو جیهانێ ژبه‌ركۆ پاپا مه‌رجه‌عێ هه‌موو مه‌سیحیانه گرنگیا خۆ یا تایبه‌ت یا هه‌ى ئه‌و پێشوازیا سه‌رۆكێ حكومه‌تێ هاتیه كرن به‌حس ل چه‌ندین پرسێن گرنگ هاتە كرن ژ وان پرسا مه‌سرۆر بارزانى سوپاسیا پاپاى كر بۆ رولێ وى یێ گرنگ كۆ هه‌موو ئێك شه‌مبیا د گوتارا خۆ یا ئاینى دا گرنگیێ ب هه‌موو پێك هاتا دكه‌ن، مه‌سرۆر بارزانى داخوازنامه‌ك فه‌رمى پاپا داخوازكریه كۆ سه‌ره‌دانا هه‌رێما كوردستانێ بكه‌ت كۆ كوردستانێ ببینیت كا كوردستان یا چاوایه چ پێكڤه ژیان هه‌یه ده‌مێ داخواز لێ هاتیه كرن بهێته كوردستانێ ژبه‌ركۆ به‌رى نها ژڤان بۆ بهێته عێراقێ به‌لێ مه‌سرۆر بارزانى داخاز لێ كر بهێته كوردستانێ ژیانا هه‌موو پێك هاتێن جودا جودا ببینیت یێن كوردستانێ دژین حكومه‌تا هه‌رێما كوردستانێ چاوا سه‌ره‌ده‌ره‌یێ دگه‌ل وان دكه‌ت بێ جوداهى، پاپا پێخۆش بۆ ژ دیتنا مه‌سرۆر بارزانى بۆ داخوازیا وى ژى سه‌ره‌دانا كوردستانێ بكه‌ت ژبه‌ركۆ هه‌موو ده‌وروبه‌رێن كوردستانێ دوبه‌ره‌كى یا هه‌ى ئه‌و ده‌وله‌تێن جیران ره‌وشا وان ده‌وله‌تا یا خرابه د شه‌رادانه به‌رامبه‌رى ئێك دوو بتنێ كوردستان یا لاندنكا پێكڤه ژیانێ دا بۆ پاپاى تشته‌كێ سه‌یر بۆ كا چاوا هه‌موو پێكهاتە د پاراستینه د نیڤا وان ده‌وله‌تێن جیران دا.
ناڤهاتیێ خویاكر: ده‌مێ پاپاى ئه‌و تابلو دیتى كۆ ئێك ژ به‌رپه‌رێن ئینجیلێ دناڤ ڤى تابلۆى دا هاتیه پاراستن ژلایێ هێزێن پێشمه‌رگه‌ى ڤه ژ ئێك ژ كه‌نیسه‌یێن نه‌ینه‌وا گه‌له‌ك كه‌یفا پاپاى هات بۆ وى دیار بۆ چاوا كه‌ساتیێن ئاینى ل عێراقێ دهێن كوشتن و ره‌ڤاندن و كه‌نیسه دهێن په‌قاندن به‌رۆڤاژى وێ چه‌ندێ ل هه‌رێما كوردستانێ كه‌نیسه دهێن ئاڤاكرن و كه‌ساتیێن ئاینى د پاراستینه رێزه‌كا مه‌زن ژلایێ حكومه‌تێ ڤه بۆ كه‌ساتیێن مه‌زن یێن ئاینێ مه‌سیحیان دهێت گرتن ڤى تابلوى بۆ جیهانێ هه‌موویێ دا دیار كر كو كوردستان رێزه‌كا مه‌زن ژ مه‌سیحیان دگریت.
ناڤهاتى گۆت:پاپاى و سیاسه‌تمه‌دارێن فاتیكان نه‌دویره كۆ گوه لێ بوونا ده‌نگوباسێن عێراقێ تایبه‌ت ده‌مێ داعش هاتى ئه‌و مه‌سیحى هه‌موو ئاواره‌ى كوردستانێ بون ده‌رگه‌هێن مزگه‌فت و خوێندنگه‌ها و مالێن خۆ یێن ڤالا هاتن ڤه‌كرن بۆ پاپاى یا پشت راست بوى كۆ مه‌سیحى نه‌ماینه ل عێراقێ بتنێ ل كوردستانێ یێن هه‌ین ئه‌و رێژا ماى گه‌له‌ك یا كێمه ناهێت هژمارتن ده‌مێ ئه‌م دگه‌ل وان كوم دبین وان پێش هاتێن سه‌ر مه‌سیحیا هه‌موو بۆ وان یێن به‌حس لێ كرین.
په‌رله‌مانتارا مه‌سیحى كلارا عودیشو گۆت ژى پێشوازیا شاندێ هه‌رێما كوردستانێ ژلایێ پاپاى ڤه سیاسه‌تمه‌دارێن فاتیكان ئه‌نجامێن وێ چه‌ندێ نه كو كوردستان یا بوویه نمونه‌یا پێكڤه ژیانێ و قه‌بوولكرنا ئێكدو یاسایێن مه‌زن یێن دارێژتین بۆ پاراستنا پێكهاتێن ل كوردستانێ دژین كو حكومه‌تا هه‌رێما كوردستانێ سه‌رپه‌رشتیا وێ چه‌ندێ دكه‌ت ژبه‌ركۆ ژلایێ حكومه‌تێ ڤه تایبه‌ت مه‌سیحى هێلا سوره ل كوردستانێ كه‌س نه‌شێت ده‌ست درێژیێ بكه‌ته سه‌ر ژبه‌ر حكومه‌تێ ، پاپاى سوپاسیه‌كا مه‌زن ل پێشمه‌رگه‌ى كر رۆلێ پێشمه‌رگه‌ى مه‌زن نرخاند ژبه‌ر وێ چه‌ندێ كۆ ئه‌و كه‌نیسیه‌یێن هاتین په‌قاند ئه‌و خاچ و ئینجیل پاراستین ژبه‌ركۆ ئه‌و خاچ هێمایه‌كێ پیرۆزه ل ده‌ف مه‌سیحیان وان پێشمه‌رگه‌یا دوباره ئه‌و خاچ پاراستن و دوباره هه‌لاویستن، پێشمه‌رگه د چاڤێ پاپاى دا مه‌زنترین هێز هاتە هژمارتن.
ئه‌ڤرۆ نیوز:
وەسا بڕیاره سوبه‌هی دوشەمبی كۆمبوونه‌كا بلند یا هه‌ر سێ سه‌رۆكاتیێن هه‌رێما كوردستانێ و لایه‌نێن سیاسى و شاندێ دانوستاندكارێن هه‌رێمێ بۆ به‌غدا بهێتە ئەنجامدان.
دلشاد شه‌هاب راوێژكارێ سه‌رۆكێ هه‌رێمێ راگه‌هاند، نێچیرڤان بارزانى سه‌رۆكێ هه‌رێما كوردستانێ دێ سه‌رپه‌رشتیا كۆمبوونا بلند یا لایه‌نێن سیاسى یێن هه‌رێما كوردستانێ و شاندێ هه‌رێما كوردستانێ بۆ به‌غدا كه‌ت و گۆت” بڕیاره سه‌رۆكێ حوكمه‌تێ و سه‌رۆكێ په‌رله‌مانى ژى به‌رهه‌ڤ ببن و دانوستاندن ل دۆر دووماهى پێشهات و ئه‌نجامێن كۆمبوونان و دانوستاندێن شاندێ به‌غدا بهێته كرن”.
ئەڤرۆ نیوز:
وه‌زاره‌تا ساخله‌میا عیراقێ راگه‌هاند: ل عیراق و هه‌رێما كوردستانێ چ حاله‌تێن تووشبونێ ب ڤایروسێ كۆڕۆنا یێ نه‌هاتینه تۆمار كرن.
سه‌یف به‌در په‌یڤدارێ وه‌زاره‌تا ساخله‌میا عیراقێ راگه‌هاندیە: هه‌تا نوکە ل عیراق و هه‌رێما كوردستانێ چ حاله‌تێن توشبوونێ ب ڤایروسێ كۆرۆنا یێ نه‌هاتینه تۆمار كرن، ئه‌و نووچێن به‌حس ل سه‌رهه‌لدانا كۆرۆنا یێ دكه‌ن ل عیراقێ، یێ دووره ژ راستیێ.
ئەڤرۆ نیوز:
پشتی عەللاوی سەرۆک وەزیرێ راسپاردی یێ عیراقێ داخواز ژ ئەندامێن پەرلەمانی کری، کو سوبەهی دوشەمبیێ کۆمبوونا پەرلەمانی عیراقێ بهێتە ئەنجامدان ژبۆ بۆ دەنگدان ل سەر کابینا نوو یا حکومەتێ، لێ سوبەهی روونشتنا پەرلەمانی برێڤەناچیت.
میدیایێن عیراقی راگەهاندیه، روونشتنا سوبەهی یا پەرلەمانێ عیراقێ برێڤە ناچیت و دێ هێتە پاشخستن بۆ دەمەکێ دیتر، چونکی هەتا نوکە ئالیێن سیاسی ل سەر پۆستێن ویزاری رێکنەکەفتینە و بۆ وێ مەرەمێ ژی دێ روونشتن و دانوستاندن د ناڤبەرا ئالیێن سیاسی و سەرۆک وەزیرێ نوو دا هێنە کرن، لەوما دێ یا ب زەحمەت بیت، کو سوبەهی روونشتنا پەرلەمانی بهێتە ئەنجامدان.
هەروەسا ئاشکرا ژی کریە، هەکە رێژا قانوونی یا ئەندامێن پەرلەمانی دروست بن، چێدبیت ل رۆژا چارشەمبی یا بهێت روونشتن بهێتە ئەنجامدان.
ئەڤرۆ نیوز، عەلی حاجی :
نوونەرێ قایممقامێ زاخۆ د لژنا دیفچوونا دەرمانخانە و کلینیکێن نوشداری د داخویانیەکێ دا ب ئەڤرۆ نیوز دیار کر ژ ئەگەرێ گەنکرنا دەمامکان دەرمانخانەیەک ل زاخۆ بۆ دو روژان هاتە دائێخستن و ب کوژمەیەکێ پارەیی ژی دێ هێتە سزادان.
زێدەتر خەلات ئوسمان گوت: (ل دویف راسپاردەیا قایممقامێ زاخۆ وەکو لژنا دیفچوونێ یا دەرمانخانە و کلینکێن نوشداری ل زاخۆ سەرەدانا چەند دەرمانخانەیەکان د ناڤا سەنتەرێ زاخۆ دا کر،مە شیا دەرمانخانەیەکێ بۆ ماوەیێ دو روژان دائێخین ژبەر کو دەمک گران د فروشتنو هاولاتیان و بریارە سوباهی روژا دو شەمبێ ب کوژمەیەکێ پارەی ژی ئەو جهە بهێتە سزادان و هەر جهەکێ دەمامکان گرانتر ب فروشیتە هاولاتیان و چەندێ ب دەلیڤە ببینیت دێ هێتە سزادان، هەر دیسان جهێ دەستخوەشیێ بوو ل دەرمامخانەیەکا زاخۆ بێ بەرامبەر دەمامک ل سەر هاولاتیان بەلاڤە دکرن).
نيشاندان