ئەڤرۆ نیوز:
ل رۆما سەرۆکێ حوکمەتا هەرێما کوردستانێ مەسرور بارزانی ل گەل لۆرێنزۆ گویرینی وەزیرێ بەرەڤانیێ یێ ئیتالیا کۆمبوو.
د کۆمبوونێ دا هەر دو ئالیان دیار کرن کو هێشتا مەترسیا داعشێ ل سەر عیراقێ و دەڤەرێ یا هەی و ژ بەر هندێ ژی پێدڤیە هاریکاریا لەشکرێ عیراقێ و پێشمەرگێن کوردستانێ بهێتە کرن.
وەزیرێ بەرەڤانیێ یێ ئیتالیا رۆلێ هەرێما کوردستانێ د شەرێ ل دژی داعشێ دا بلند نرخاند و سەرۆکێ حوکمەتێ ژی سوپاسیا وەلاتێ ئیتالیا کر کو د شەرێ ل دژی داعشێ دا هاریکاریا پێشمەرگێن کوردستانێ کریە.
ئەڤرۆ نیوز:
رەجەب تەیب ئەردۆگانێ سەرۆک کۆمارێ تورکیا راگەهاند کو هەتا نها دانوستاندنێن وان ل گەل روسیا ل دۆر ئدلبێ نەگەهشتینە چو ئەنجامەکێ و رژێما سووریێ ژی ب هەموو شیانێن خوە هێرش دکەت و گۆت: (رەوشا ئدلبێ ب چو رەنگەکێ ناهێتە قەبوولکرن و هەموو بەرهەڤی بۆ ئۆپەراسیۆنا ئدلبێ هاتینە کرن و هەکە شەرێ ل ئدلبێ نەهێتە راگرتن دێ تورکیا یا پێدڤی کەت).
ئەردۆگانی ئەو یەک ژی دیار کر کو ژ بەر شەرێ ئدلبێ ب هزاران وەلاتیێن سووریێ بەرێ خوە داینە تورکیا و ئالۆزیێن ل ئدلبێ دێ کارتێکرنا خوە ل ئاسایشا تورکیا کەت.
ئەڤرۆ نیوز:
سەرۆک کۆمارێ فرەنسا راگەهاند کو د چارچۆڤێ شەرێ ل دژی رێکخراوێن هشکباوەر دا دێ دەست ب هندەک پێرابوونێن نوو کەن و دیار کر کو هندەک رێکخراوێن تورکی هەنە کو دخوازن ل گۆر قانوونێن تورکیا ل فرەنسا کار بکەن، ئەو یەک ب چو رەنگەکێ ناهێتە قەبوولکرن و هەر رێکخراوەک کو بڤێت ل فرەنسا کار بکەت دڤێت ل گۆر قانوونێن فرەنسا کارێ خوە بکەت و بەرۆڤاژی هندێ ئەم رێ نادەین ل فرەنسا کار بکەن.
ئەڤرۆ نیوز:
پشتی کو شاندێ روسی دیار کر سەبارەت ب ئدلبێ دانوستاندنێن وان و تورکیا نەگەهشتینە چو ئەنجامەکێ، تورکیا ئەسمانێ خوە بۆ فرۆکێن روسی داخست و رێ نادەت فرۆکێن روسیا ئەسمانێ تورکیا بکار بینن.
دەزگەهێن راگەهاندنا روسیا ژی دیار دکەن کو پوتین ژ بریارا تورکیا گەلەک توورە بوویە و دهێتە چاڤەرێکرن کو پەیوەندیێن هەر دو ئالیان ئالۆزتر ببن.
ئه‌ڤرۆ نیوز، زنار:
ئێكه‌تیا ته‌پا پێ یا جیهانێ فیفایێ ب فه‌رمى ئه‌حمه‌د عه‌باس ده‌ستنیشان كر بۆ برێڤه‌برنا كاروبارێن ئێكه‌تیا ته‌پاپێ یا عیراقێ هه‌تا هه‌لبژارتن دهێنه كرن.
زێده‌تر حسێن خوراسانى ژ راگه‌هاندنا ئێكه‌تیا ته‌پا پێ عیراقێ دیاركر ب فه‌رمى فیفایێ ئه‌حمه‌د عه‌باس ده‌ستنیشان كریه بۆ برێڤه‌برنا كارێن ئێكه‌تیا ته‌پا پێ یا عیراقێ ب شێوه‌كێ به‌روه‌خت هه‌تا ژڤانێ هه‌لبژارتنان دهێنه ده‌ستنیشان كرن و ئه‌و دێ به‌رپرس بیت ژ هه‌موو كێشه و بریارێن ب وان ڤه.
به‌رى نوكه فیفا ل سه‌ر ده‌ستژكاركێشانا ئێكه‌تیا ته‌پا پێ یا عیراقێ رازى بوو و بریاره ل ماوێ بهێت شانده‌ك ژ فیفایێ سه‌ره‌دانا عیراقێ بكه‌ت بۆ دانانا ده‌سته‌یه‌كا به‌روه‌خت بۆ برێڤه‌برنا كارێ وێ ئێكه‌تیێ و دیاركرنا ژڤانێ هه‌لبژارتنان.
ئه‌ڤرۆ نیوز، زنار:
بریاره ئه‌ڤرۆ هژماره‌كا یاریێن جودا ژ قاره‌مانیا چامپیونزلیگا ئوروپا و خولا ئتگلیزى بهێنه كرن ب ڤى شێوه‌یى ل خوارى دیاركرى.
قاره‌مانیا ئوروپا قاره‌مانێن خولان قوناغا 16
11:00 ئه‌تله‌نتا VS ڤالێنسیا
11:00 توتنهام VS لایبزیك
خولا نایابا ئنگلیزى گه‌را 26
10:30 مانچسته‌ر یونایتد VS وستهام یونایتد
ئەڤرۆ نیوز:
نێچیرڤان بارزانی سەرۆکێ هەرێما کوردستانێ پێشوازی ل ئۆسمان بایدەمیر سیاسەتمەدارێ باکورێ کوردستانێ کر و د هەڤدیتنێ دا بەحسێ رەوشا دەڤەرێ و گوهۆرینێن سیاسی ل عیراقێ و کوردستانێ هاتە کرن.
هەر د کۆمبوونێ دا بەحسێ پرسا کوردی ل تورکیا و چارەسەریا ئاشتیانە هاتە کرن و هاتە دیار کرن کو دڤێت خەباتا مەدەنی و ئاشتیانە یا گەلێ کورد ل باکور بەردەوام بیت و هەموو هێزێن کوردی ژی پتر ژ هەر دەمەکێ نێزیکی هەڤدو ببن و پێکڤە کار بکەن.
ئەڤرۆ نیۆز، قائید میرۆ:
گورەی دستوورێ عێراقێ دوماھیا ڤێ ھەیڤێ دوماھی ژڤانە بۆ پێک ئینانا حوکمەتا نوویا عێراقێ پەرلەمانتارەکێ کوردژی ئاشکراکر، ھەگەر کابینە یا بەرھەڤبیت دێ پەرلەمانێ عێراقێ کۆمبوونەکا تایبەت گرێدەت.
بەیار دۆسکی، پەرلەمانتارێ فڕاکسیۆنا پارتی ل بەغدا بۆ ئەڤرۆ نیۆز دیارکر” گورەی ئاخفتنا محەمەد تەوفیق عەلاوی بەربژێری راسپاردی بۆ پێک ئینانا کابینا حوکمەتێ پێک ئینانا کابینا نوو بەرەف دوماھیێ دچیت و بڕیارە پێشکەشی پەرلەمانی بھێتەکرن، ھەتا دەنگ لسەر بھێتە دان، ھەردەمێ ناڤێن وەزیران بگەھنە پەرلەمانی دەنگ لسەر دھێتەدان.
دۆسکی ئاشکراکر” نوکە پەرلەمانێ عێراقێ د بھێنڤەدانێ دایە، ھەتا ھەیڤا ئادارێ، بەلێ ھەگەر کابینە یا بەرھەڤبیت دێ پەرلەمان کۆمبوونەکا تایبەت گرێدەت، ھەتا دەنگ لسەر کابینا نوو بھێتەدان.
ئەڤی پەرلەمانتارێ فڕاکسیۆنا پارتی گۆتژی” شاندێ ھەرێما کوردستانێ بۆ دانوستانان دگەل عەلاوی ل بەغدایە، بەلێ مە زانیاری نینە گەھشتیە چو ئەنجامەکی.
ئەڤرۆ نیوز، مەحمود نهێلی:
فرۆکەیێن تورکیا پشتی نیڤرۆ یا ئەڤرۆ ۱۹/۲/۲۰۲۰ چیایێ پشتا گوندێ گوهەرز بوردومانکرن.
رەڤەند موسا ئاکنجیێ گوندێ ناڤهاتی بو ئەڤرۆ نیوز دیار کر، ئەڤ بوردومانە ل دەمژمێر دویێ پشتی نیڤرۆ بوویە و گۆت: (د ئێک دەم دا دووجار و ب دوو موشەکان پشتا گوندێ وان هاتە بوردومانکرن و ترس دوو دلی ئێخستە دلێ خەلکێ وان گوندان).
ناڤهاتی دیار ژی کر، سوپاس بو خودێ کو چ زیانێن گیانی و مالی ل پەی ڤێ بوردومانێ نەبووینە.
گوندێ گوهەرز دکە دکەڤیتە سەر ب دەڤەرا نهێلێ ل ناحیا دێرەلۆک سەر قەزا ئامێدیێ ڤە، ب بهانەیا هەبوونا چەکدارێن پەکەکێ گەلەک جاران چیایێ هنداڤا ڤی گوندی و دەوروبەرێن وێ ژلایێ فرۆکەیێن تورکیا ڤە هاتیە بورومان کرن ، ب ڤێ یەکی هاولاتی و خەلکێ ڤان گوندان نەشێن ب ئازادی و بێ ترس قەستا ناڤا ئاقار و دەرامەتێن خوە بکەن و داخاز دکەن سنورەک بو ڤان بوردومانا بهێتە دانان.
ئەڤرۆ نیوز، ھەرھین محەمەد:
ل سەر داخوازا رێڤەبەریا گشتی یا چاڤدێری و گەشەپێدانا جڤاکی ل پارێزگەها دهۆکێ، دەزگەهێ SKL یێ سوێدی و ب هاریکاریا رێکخراوا یونیسێف وۆرک شوپەکا دو رۆژی یا راوێژکاری لدۆر رەشنڤیسا یاسایا پاراستنا زارۆکی ل پارێزگەها دهۆکێ هاتە کرن.
ل دەستپێکا ڤەکرنا وۆرک شوپێ دا دکتور شێرزاد حەمید، رێڤەبەرێ گشتی یێ چاڤدێری و گەشەپێدانا جڤاکی ئاماژەکر کو حکومەتا هەرێما کوردستانێ دوپاتی ل گرنگیا پاراستنا مافێ زارۆکان کریە، ژ بەر وێ یەکێ پێدڤە زێدەتر گرنگی ب ڤی بابەتی بهێتە دان، دیسا رێڤەبەرێ گشتی سوپاسیا دەزگەهێ SKL یێ سوێدی و بەهزاد عەلی ئادەم جێگری پارێزگارێ دهۆکێ و رێکخراوا یونیسێف کر .
د ڤێ وۆرک شوپێ دا کو بو دەما دو رۆژان دێ بەردەوام بیت، دێ بەحسا یاسا پاراستنا مافێ زارۆکی و پێداچوونا یاسایێ ژ لایێ ئەندامێن لژنێ ڤە هێتە کرن ژ بۆ هندێ پتر مافێن زارۆکی بهێنە پاراستن و ل داویا وۆرک شوپێ لژنا پەیوەندیدار دێ تیبینی و راسپاردێن خوە کەتە راپۆرت و پێشکێشی وەزارەتا کار و رێکخراوایونسێڤ
نيشاندان