ئەڤرۆ نیوز:
دەزگەهێن راگەهاندنێ ل ئورۆپا بەلاڤکرن کو پشتی مرنا گەلەک کەسان ل وەلاتێ چینێ زانایێن وی وەلاتی شیان دەرمانێ ڤایرۆسا کۆرۆنا پەیدا بکەن و نها ئەو دەرمانە کەفتیە بازاری و هاتیە تاقیکرن و ئەنجامێن خوە یێن باش هەبووینە و دشێت ڤایرۆسا کۆرۆنا ژناڤ ببەت.
هاتە راگەهاندن کو ناڤێ دەرمانی (Favipiravir) و ژ ئالیێ کۆمپانیا (Zhejiang Hisun Pharmaceutical) ڤە هاتیە دروستکرن.
ئەڤرۆ نیوز:
ئۆسمان بایدەمیر ئەندامێ بەرێ یێ پەرلەمانێ تورکیا و سیاسەتمەدارێ باکورێ کوردستانێ راگەهاند کو هەڤدیتنا وی ل گەل سەرۆک بارزانی گەلەک بەرهەمەدار بوویە و سوپاسیا پێشوازیا گەرم یا سەرۆک بارزانی کر.
بایدەمیر راگەهاند کو ل گەل سەرۆک بارزانی ل دۆر ئێکگەتیا ناڤمالیا کوردی و گەلەک بابەتێن دی وی هەڤدیتنەکا بەرهەمدار ئەنجام دایە و سوپاسیا هەلویستێ سەرۆک بارزانی کر.
ئەڤرۆ نیوز، نەوزاد هلۆری:
ب مەرەما پاراستنا گیانێ گرتی و راگرتیێن ناڤا چاکسازیا ئافرەت و سنێلان ل دهۆکێ، سەرەدانا کەسوکارێن وان بۆ ناڤا چاکسازیێ بۆ دەمەکێ نەدیار هاتە راگرتن.
زەکی سالح، رێڤەبەرێ چاکسازیا ئافرەت و سنێلان ل دهۆکێ دیارکر کو ب گۆرەی بریار و ڕێنمایێن وەزارەتا کاروکاروبارێن کومەلایەتی یا حوکمەتا هەرێما کوردستانێ سەرەدانا وەلاتیان بۆ گرتیێن ئافرەت و سنێلەیێن ناڤا چاکسازیا ئافرەت و سنێلا ل دهۆکێ هاتە راگرتن و بۆ ئەڤرۆ نیوز گوت: (ئەڤ راگرتنە ژبەر بەرسینگرتنا ڤایرۆسا کورۆنایێ یە و ئارمانج پاراستنا سلامەتیا گرتی و راگرتیایە).
زێدەتر گوت: (ئەڤ راگرتنە ژی دێ بۆ دەمەکێ نەدیار بیت، بەلێ کەسوکارێن وان دشێن برێکا هێلێن پەیوەندیێ و تێلەفونان ئاگەهدارێ رەوشا گرتی و راگرتیان ببن).
ئه‌ڤرۆ نیوز:
یانا یوڤانتوس یا به‌رده‌وامه ل سه‌ر بزاڤێن ب ده‌ستڤه ئینانا ستێرا فره‌نسى و یانا مانچێسته‌ر یونایتد پول پوگبا ل ڤه‌گوهاستنێن هاڤینا بهێت و ژێده‌رێن ده‌نگوباسى وه‌سا دیاركرینه ئه‌وێ یانێ هه‌ڤبه‌سته‌كا نوو به‌رهه‌ڤكریه بۆ رازیكرنا به‌رپرسێن یانا مان یونایتد.
رۆژناما زه‌سه‌ن یا برێتانى دیاركریه به‌رپرسێن یانا یوڤانتوس دخوازن داخوازیه‌كا نوو پێشكێشى به‌رپرسێن یانا مان یونایتد یا ئنگلیزى بكه‌ن بۆ رازیكرنا ئه‌وێ یانا ئنگلیزى بۆ ده‌ستڤه ئینانا پوگباى ئه‌وژى یانا یوڤى دخوازیت ستێرا خوه ئارون رامزى و كوژمێ 50 ملیون جێنى ئیسترلینى بدنه مانچێسته‌ر یونایتد ژپێخه‌مه‌ت ده‌ستڤه ئینانا وى یاریزانێ فره‌نسى .
هه‌ردیسان وێ رۆژنامێ ئاماژه ب وێ چه‌ندێ ژى كریه پوگباى ژى حه‌زا ڤه‌گه‌راندنا خوه بۆ یانا یوڤانتوس هه‌یه و ئه‌و دخوازیت پێكهاتیێ یانا مان یونایتد ل ڤه‌گوهاستنێن بهێت ب جه بهێلت.
ل دووماهیێ وێ رۆژنامێ دیاركریه ژى دبیت راهێنه‌رێ مانچێسته‌ر یونایتد و به‌رپرسێن وێ یانێ ل سه‌ر وێ داخوازیا یوڤنتوس رازى بن ژبه‌ركو به‌رى نوكه راهێنه‌رێ وێ یانا ئنگلیزى داخوازیا ئیمزاكرنا هه‌ڤبه‌ستا ئارون رامزى كربوو.
ئه‌ڤرۆ نیوز:
ئه‌ڤرۆ جڤینا وه‌زیرێن ئابووری و سه‌رۆكێن به‌نكێن ناڤه‌ندی یێن 20 وه‌لاتێن جیهانێ كۆ ب (جی 20) ناڤداره دێ ل سعودیێ برێڤه دچیت.
دڤێ كۆمبوونا گۆپیتكا (جی 20) دا دێ كۆمه‌كا بابه‌تێن گرنگ تایبه‌ت ب گه‌شه‌یا ئابوورێ جیهانێ و بزاڤێن بۆ پشته‌ڤانێكرنێ دانوستاندن ل سه‌ر هێته‌كرن.
وه‌زاره‌تا گه‌نجینه‌یا ئه‌مریكا راگه‌هاند: دێ وه‌زیرێ گه‌نجینه‌یا ئه‌مریكا پشكدار بیت د وی كومبوونا گوپیتكا (جی 20) یا ئه‌ڤرۆ ل سعودیێ دێ برێڤه چیت، ده‌ربارێ پرسا گه‌شه و بهێزتركرنا ئابوورێ جیهانێ ل گه‌ل وه‌لاتێن دی دانوستاندنی ل سه‌ر كه‌ن.
به‌ربه‌لاڤبوونا ڤایرۆسێ كورونا گه‌فه‌كا مه‌زنه بۆ سه‌ر ئابوورێ جیهانێ له‌ورا ئێكه ژ ته‌وه‌رێن كۆمبوونا گرۆپێ ئابووری (جی20) بیت، چین ب وه‌لاتێ دویێ یێ ئابوورێ جیهانێ دهێته دانان ، تووشی قه‌یرانا ڤایرۆسێ كورونا بوویه و بڤێ چه‌ندێ پشكێن كۆمپانیێن ئاسیایی داكه‌تینه و ژناڤچووینه هنده‌ك.
ئه‌ڤرۆ نیوز، زنار:
بریاره ئه‌ڤرۆ هژماره‌كا یاریان د خولێن جودا یێن ئوروپى بهێنه كرن ژوانا:
خولا ئنگلیزى گه‌را 27
3:30 چێلسى VS توتنهام
6:00 ساوسهامتون VS ئه‌ستون ڤێلا
6:00 كریستال پالاس VS نیوكاسل یونایتد
6:00 بێرنلى VS بورنموس
6:00 شیفێلد VS برایتون
8:30 لێسترستى VS مانچسته‌ر ستى
خولا ئسپانیا گه‌را 25
3:00 سێلتافیگو VS لیگانێس
6:00 به‌رشه‌لونا VS ئیبار
8:30 ریال سوسیداد VS ڤالێنسیا
11:00 لیڤانتى VS ریال مه‌درید
خولا ئیتالیا گه‌را 25
5:00 بولونیا VS ئودونیزى
8:00 سبال VS یوڤانتوس
10:45 فیورنتینا VS میلان
خولا ئه‌لمانیا گه‌را گه‌را 23
5:30 هێرتا به‌رلین VS كولن
5:30 فێردر برێمن VS بوروسیا دورتموند
5:30 فرایبورگ VS فورتونا دوسلدورف
5:30 بوروسیا مونشنگلادباخ VS هوفنهایم
8:30 شالكه VS لایبزێك
خولا فره‌نسا گه‌را 26
7:30 مارسیلیا VS نانت
10:00 ستراسبورگ VS ئه‌میان
10:00 لیل VS تولوز
10:00 ئه‌نجیه VS مونبیلیه
10:00 دیگونVS موناكو
ئه‌ڤرۆ نیوز،بارزان مزووری:
ئه‌ندازیارێ چاندنێ ئه‌نوه‌ر خدر رێڤه‌به‌رێ بنگه‌هێ شیرتكاریا ناحیا قه‌سرۆك بۆ ئه‌ڤرۆ نیوز گۆت:ل سنورێ قه‌زا شێخان د ئه‌ڤ سال دا 50% جۆتیاران به‌رهه‌مێ پتاتا یێن چاندین ژبه‌ركۆ ره‌وشا كه‌ش و هه‌وای رێ نه‌دایه كۆ ئه‌و پشكا مای بهێته چاندن پێشبینی دهێته كرن كۆ 30 هزار ته‌نێن پتاتا بهێن چاندن.
ناڤهاتی خویاكر زێده‌تری 30 هزار دونه‌مێن عه‌ردی ژلایێ جۆتیاران ڤه هاتینه به‌رهه‌ڤكرن ژبه‌ركۆ ئه‌ڤ ساله لدوڤ پێشبینیا دێ به‌رهه‌مێ پتاتێ باشتربیت ژ سالێن بوری، تایبه‌ت سالا بوری زیانه‌كا مه‌زن ب جۆتیاران كه‌فتن ئه‌ڤ سال جۆتیار دبێژن دێ قه‌ره‌بوویا وان سالا كه‌ین یێن زیان ب مه‌كه‌فتین.
ناڤهاتی گۆت:ئه‌و جۆتیارێن سالا بوری به‌رهه‌مێ پتاتا چاندین گه‌له‌ك په‌شێمان بوون ژبه‌ركۆ زبلی ب مادی زیان ب وان كه‌فتین، رێژه‌كا مه‌زن یا توڤێ پتاتێ چاند بوو ب بهایه‌كێ گران ژ كۆمپانیێن بیانی هات بۆ كرین .
ئه‌ڤرۆ نیوز:
غالب شابه‌نده‌ر سیاسه‌تمه‌داره‌كێ عیراقی یه راگه‌هاند: كه‌س نه‌شێت نوكه و ل پاشه‌رۆژێ ژی عادل عه‌بدلمه‌هدی سه‌رۆك وه‌زیرێ ده‌ست ژكارڤه‌كێشایی ژ رێتنا ئه‌وێ خوینێ پاقژ بكه‌ت.
ناڤیری ل سه‌ر هژمارا خۆ یا تویته‌ری به‌لاڤكریه عادل عه‌بدلمه‌هدی ب ده‌ستێ خۆ خوین نه رێتی یه، به‌لێ هێسانكاری بۆ ئه‌وێ چه‌ندێ كریه، لاواز بوویه ده‌مێ بێ ده‌نگ بوویی هه‌مبه‌ر بكوژان.
سیاسه‌تمه‌دارێ عیراقی ئه‌و ئێكه ژی دیاركر نه نوكه و نه ژی ل پاشه‌رۆژێ كه‌س نه‌شێت عادل عه‌بدلمه‌هدی ژ وێ خوینا هاتیه رێتن رزگار بكه‌ت و دێ خویكا ئه‌وان كردارێن هاتینه كرن ل سه‌رده‌مێ وی و چه‌ندین كه‌سێن بێ گونه‌ه بووینه قوربان ده‌ت.
ئەڤرۆ نیۆز، قائید میرۆ:
بڕیارە ئەڤرۆ لایەنێن کوردستانی یێن کەرکووکێ ل ھەولێرێ کۆمبوونەکێ ئەنجامبدەن و بەرپرسەکێ پارتی ژی دبێژیت، چەندین پێشنیار ھاتینە بەرھەڤکرن بۆ تەناکرنا رەوشا کەرکووکێ.
دکتۆر محەمەد خورشید ، بەرپرسێ لقا پارتی ل کەرکووکێ بۆ ئەڤرۆ نیۆز دیارکر” بڕیارە ئەڤرۆ شاندەکێ لایەنێن کوردستانی یێن کەرکووکێ سەرەدانا بارەگایێ پارتی بدەن ل ھەولێرێ و لدۆر رەوشا نوکەیا کەرکووک کۆمببن، بەری نوکەژی چەندین کۆمبوون دناڤبەرا لایەنێن سیاسی ھاتینەکرن بۆ تەنارکرنا رەوشا ئالۆزا کەرکووکێ.
دکتۆر محەمەد خورشید گۆتژی” چەند پێشنیارەک بۆ ئاسایی کرنا رەوشا کەرکووکێ ھاتینە بەرھەڤکرن و بڕیارە د کۆمبوونا ئەڤرۆیا لایەنێن سیاسی دا بھێنە گەنگەشەکرن، بتایبەتی ڤێ دوماھیێ رەوشا کەرکووکێ زێدەتر ئالۆزی بخۆڤە دیتیە.
ئه‌ڤرۆ نیوز:
راهێنه‌رێ یانا ریال مه‌درید بۆ یاریا ئه‌ڤ شه‌ڤه به‌رامبه‌ر لیڤانتى 19 یاریزان داخوازى وێ یاریێ كرینه و بۆ ڤێ یاریێ حه‌فت یاریزان نه هاتینه داخوازكرن ژ ئه‌گه‌رێن جودا جودا ئه‌وژى هه‌ر ئێك ژ گارس بێل، لوكا یوڤیچ، ئبراهیم دیاز، ناچو فرناندێز، رودریگو، ماریانو دیاز و ئه‌سیسنسو.
یاریزانێن هاتینه داخوازكرن ئه‌وێن خوارێ نه
گولچیى: كورتوا – ئه‌ریولا و ئه‌لتیوب.
هێلا به‌ره‌ڤانیێ – میلیتاو – راموس – ڤاران – میندی و مارسێلو .
هێلا ناڤین: ئیسكو – خامێس- ڤالفیردی – كاسیمیرو – مودریچ و كروس.
هێلا هێرشبه‌رى : بن زیما – هازارد – ڤاسكێز و ڤینیسیوس.
نيشاندان