ئەڤرۆ نیوز:
مه نووچه‌یێ وه‌غه‌را دوماهیێ یا که‌ساتیێ دیار یێ جڤاکێ یا ئێزدی خودێ ژێ رازی بەشیر خەلیل ئاغا قاییدی، بهیست.
ب ڤێ هه‌لکه‌فتنێ، به‌هیداری و سه‌رساخیێ ل مالبات و که‌سوکار و دۆست و هه‌ڤالێن وی دکه‌ین و هه‌ڤپارێت خه‌ما وانین.
خودایێ مه‌زن سه‌بر و هه‌دارێ بده‌ته وان و خودێ ژێ ڕازی بێخته به‌ر دلۆڤانیا خوە.
نێچیرڤان بارزانی
سه‌رۆکێ هه‌رێما کوردستانێ
٢٠٢٠/٢/١٥
ئەڤرۆ نیوز:
میدیایێن عیراقی، ناڤێ هندەک وەزیرێن کابینا نوو یا محەمەد تەوفیق عەلاوی ئاشکرا کرینە.
میدیایێن عیراقی ئاشکرا کرینە، کو فەریق روکن عەبدلوەهاب ساعدی کاندیدێ وەزارەتا نافخۆیە، فەریق روکن جومعە عەناد کاندیدێ وەزارەتا بەرگریێ یە، عەلی دەهوری کاندیدێ وەزارەتا پەیوەندیانە، د. سەلامە سمێسم کاندیدا وەزارەتا خواندنا بلندە.
هەروەسا ئەحمەد رازی یاریکەرێ بەرێ یێ هەلبژارتیێ عیراقێ کاندیدێ وەزارەتا وەرزش و لاوانە، گوتۆبێژ دەربارەی کاندیدکرنا هەر ئێک ژ سەفیە سوهەیل و سەلاح تەمیمی بۆ وه‌زاره‌تا ده‌رڤه دهێتە کرن.
ئەڤرۆ نیوز:
پێگەهێ ئێم دی لنكس راپۆرتەک دەربارەی ڤەکولینەكا زانستی بەلاڤە کریە، کو جارا ئێکێ یە مفایێن خۆشتڤیاتیێ دیار دکەت:
. خۆشتڤیاتی فشارا بلند یا خوینێ کێم دکەت:
ڤەکولەر دبێژن، ئەو هەڤژینێن پەیوەندیەكا سۆزداری یا گونجای و باش دناڤبەرا وان دا هەی، ئاستێ پەستانا خوینا وان باشترە ب بەراورد ل گەل وان كەسێن هەڤژینی پێکنەئینای یان ژی ئەوێن پەیوەندیا هەڤژینیا وان یا خراب و كێشە هەین.
. خۆشتڤیاتی دو دلیێ كێم دکەت:
ڤەکولەر دبێژن، تیشكا رەنینا موگناتیسی بۆ مێشكا وان كەسان هاتیە كرن، ئەوێن پەیوەندیا خۆشتڤیاتیێ هەین، تێدا دەركەفتیە كو رێژا دو دلیێ ل دەف كەسێن خۆشتڤیاتیێ دكەن، کێمترە ژ چاڤ وان كەسێن کو سینگلن.
.خۆشتڤیاتی بەرگریێ ب هێز دکەت:
خۆشتڤیاتی كۆئەندامێ بەرگریێ ب هێز دکەت و یارمەتیا لەشی ددەت، ل دژی وان ڤایرۆسیێن روو ب روو مرۆڤێ دبن.
ڤەکولەر دبێژن، ئەوێن دكەڤنە داڤێن عەشقێ گوهۆرین ل جیناتێن خانێن بەرگریا وان روو ددەن و بهێزتر دبن.
. خۆشتڤیاتی ئازاران كێم دکەت:
هەستێ خۆشتڤیاتیێ هەستێ ئازاران کێم دکەت و ڤەکولینەک ئاشكرا دکەت، پشتی ئەنجامدانا رەنینێ و تیشكا موگناتیسی بۆ وان كەسێن خۆشتتڤیاتیێ دكەن دەركەفتیە، پشتی نیشا دانا وێنێ خۆشتڤیێن وان، ئەو کەسێن ئازار هەین ئازارێن وان كێم بووینە، چونكی مێشكی هۆرمۆنێن تایبەت دارێژتینە، کو بووینە ئەگەرێ كێمكرنێ هەستێ ئازاران.
. خۆشتڤیاتی تەمەنی درێژ دکەت:
ئەو كەسێن پەیوەندیەكا سۆزداری یا باش و جهگیر هەی، تەمەنێ وان یێ درێژترە، ڤەکولینە نوو یا ئەمریكی ئاشكرا کریە، مرنا پێش وەختە ب رێژا 20% دناڤبەرا هەڤژینێن دلخۆش دا كێم دکەت.
ئه‌ڤرۆ نیوز، بارزان مزوورى:
ده‌رمانسازێ شه‌هره‌زا كه‌ریم كه‌مال، رێڤه‌به‌رێ ساخله‌میا قه‌زا شێخان بۆ ئه‌ڤرۆ نیوز گۆت: ئێك ژ پرۆژێن مه یێن ئه‌ڤ ساله كۆ بۆ ئێكه‌م جاره ئه‌ڤ پرۆژه دهێتە ئه‌نجامدان گرنگی یا سه‌ر زێده‌كرنا ره‌وشه‌نبیریا ساخلەمیێ یه بۆ خه‌لكى، تایبه‌ت ل ده‌ڤه‌را شێخان مه‌ره‌م ژڤى پرۆژه‌ى ئه‌وه كۆ خه‌لكى هانده‌ین دوور بێخین ژ بكارئینانا ده‌رمانا ژبه‌ركۆ هه‌ر ده‌رمانه‌كێ دهێتە بكارئینان بێى نوشدارێ تایبه‌تمه‌ند زیانه‌كا خۆ یا هه‌ى ل سه‌ر ژیانا خه‌لكى.
ناڤهاتى خویاكر خه‌لكێ مه هێشتا گه‌له‌ك بۆ دڤێت هه‌تا ب دروستى تێ بگه‌هیت كا بكارئینانا ده‌رمانا ج زیانێن خۆ هه‌نه ل سه‌ر مرۆڤى ئه‌و به‌هرا بۆمه دهێت یا ده‌رمانابۆ 25 بنگه‌هێن ته‌ندروستى ئه‌گه‌ر بده‌ینه ئێك بنگه‌ه یێن سه‌ر ب رێڤه‌به‌ریا مه‌ڤه تێرا وى بنگه‌هى ناكه‌ت ژبه‌ر خه‌لكێ مه بتنێ دڤێت ده‌رمانا وه‌رگریت نه ب رێكێن دروست بكاربینیت بتنێ خه‌لكێ مه حه‌ش ده‌رمانا دكه‌ت.
ناڤهاتى گۆت:ئه‌م یێ بزاڤێ دكه‌ین كۆ خه‌لكى هانده‌ین ده‌رمانا بكارنه‌ئینن ژبه‌ركۆ ئه‌ڤ ده‌رمه خرابن ب رێگا كه‌ساتیێن ئاینى و سه‌نته‌رێن ره‌وشه‌نبیرى و قوتابخانا و مزگه‌فتنا دێ دگه‌ل خه‌لكێ خۆ رینین خار زیانێن بكارئینانا ده‌رمانا زێده‌تر بۆ شلوڤه‌كه‌ین ب رێكێن لێدانا پوسته‌را ژى بۆ جهێن پێش چاڤ دگه‌ل هه‌موو قوتابخانێن قه‌زا شێخان سمینارا ئه‌نجام ده‌ین هه‌ر قوتابخانه‌كێ بۆ ماوێ حه‌فتیه‌كێ دێ سمینارا بۆ ئه‌نجام ده‌ین بتنێ بۆ وێ چه‌ندێ كۆ خه‌لكێ مه ئێدى خو ل ده‌رمانا دوور كه‌ت ب هه‌روه بكار نه‌ئینیت ژبه‌ركۆ هه‌ر ماله‌كێ نها بچیێ مالا خوە كریه ده‌رمانخانه ئه‌و ده‌رمان نه د گرنگن د مالێ دا بێ نوشدار دهێنە بكارئینان.
ناڤهاتى زێده‌تر گۆت: داخوازێ ل رێكخراوا ژى دكه‌ین بهێن هه‌ڤكاربن دێ كارمه‌ندا ژى دگه‌ل وان ره‌وانه‌كه‌ین دا دناڤ خه‌لكى بگه‌رێن بۆ هشیاركرنا خه‌لكى ژ بكارئینانا ده‌رمانا ژبه‌ركۆ هه‌تا نها ئه‌ڤ پرۆژه چ قه‌زایا ده‌ست پێ نه‌كریه بتنێ ئه‌ڤ پرۆژه ل قه‌زا شێخان دهێت ئه‌نجام دان ل ناحیا كه‌له‌كچى ده‌ست پێكریه ژى.
ئەڤرۆ نیوز:
مەسرۆر بارزانی، سەرۆک وەزیرێن هەرێما کوردستانێ ل میونشن پێشوازی ل ئەیمەن سەفەدی، وەزیرێ دەرڤە یێ ئوردنێ کر.
مالپەرێ حوکمەتا هەرێما کوردستانێ راگەهاندیە، د وێ کۆمبوونێ دا، وەزیرێ دەرڤە یێ ئوردنێ سلاڤ و رێزێن تایبەت یێن شاهـ عەبدوللای شاهێ ئوردنێ گەهاندینە سەرۆکێ حوکمەتا هەرێمێ و ئاماژە ب هندێ دایە، کو پەیوەندیەکا ب هێز یا مێژوویی دناڤبەرا ئوردنێ و هەرێما کوردستانێ دا هەیە.
سەرۆکێ حوکمەتا هەرێما کوردستانێ ژی سوپاسیا شاهـ عەبدوللای کر بۆ پشتەڤانیا وی یا بەردەوام ل هەرێما کوردستانێ و سەقامگیریا دۆخێ عێراقێ، د وێ کۆمبوونێ دا بارودۆخێ عێراقێ و ڤێ دەڤەرێ و پەرەپێدانا پەیوەندیێن هەرێما کوردستانێ و ئوردنێ گوتۆبێژ کرن.
ئەڤرۆ نیوز:
ژێدەرەکێ ژ وەزارەتا دارایی راگەهاند، سوبەهى ئێکشەمبی دێ مووچێ هەیڤا ١١ یێ وەزارەتا ساخلەمیێ هێتە دابەش کرن، ژبەر راگرتنا دەوامێ گوهۆرین ب سەر خشتێ پارڤەکرنا مووچەی دا هاتیە، سوبەهی ئێکشەمبی 16 شواتا ٢٠٢٠، دێ مووچێ وەزارەتا ساخلەمیێ هێتە دابەش کرن.
هەروەسا دیار کریە ژی، ل رۆژا دوشەمبی ١٧ شواتا ٢٠٢٠، دێ مووچێ هەر ئێک ژ وەزارەتا کاروبارێن شەهیدان و ئەنفالکریان ل گەل کەس وکارێن شەهیدان و زیندانیێن سیاسی هێتە پارڤەکرن دابەشکرنا مووچەی دێ بەردەوام بیت.
ئه‌ڤرۆ نیوز، بارزان مزوورى:
به‌رپرسێ لقێ 14 یا پارتى دیموكراتى كوردستان ل مۆسل دیار كر هاتنا خێزانێن داعش بۆ ده‌ڤه‌را زۆمار دێ پێگه‌هێ رێكخراوا تیرۆرستى یا داعش بهێز كه‌ت ل مۆسلێ.
عه‌لى خه‌لیل، به‌رپرسێ لقێ 14 یا پارتى دیموكراتى كوردستان ل مۆسل بۆ ئه‌ڤرۆ نیوز گۆت: ئه‌و شانێن نڤستى یێن رێكخراوا تیرۆرستى داعش ل مۆسلێ به‌رده‌وام یێ رێكخستنا خۆ بهێز د ئێخن بۆ ئه‌نجام دانا كریارێن تیرۆرستى ل وێ پارێزگه‌هێ ژبه‌ر وێ ڤالاتا ئه‌منى ل پارێزگه‌هێ ژبه‌ر وان هێزێن میلیشیات یێن بیانى ل پارێزگه‌ها نه‌ینه‌وا هه‌ماهه‌نگى دگه‌ل له‌شكه‌رێ عێراقێ نینن بتنێ بۆ به‌رژه‌وه‌ندیێن خۆ یێن تایبه‌ت یێ كارێ خۆ پارێزگه‌هێ دكه‌ن.
ناڤهاتى خویاكر ژی: داعش ب نهێنى رێكخستنا خۆ یا ئه‌نجام داى چاڤه‌رێ ده‌لیڤه‌یه‌كێ نه كۆ دربه‌كا مه‌زن دانه خه‌لكى وى خه‌لكێ پارێزگه‌هێ ژى مه‌ترسى بۆ وان دروست بویه ژبه‌ركۆ به‌رده‌وام خه‌لكێ باژێرێ یێ ئاواره دبیته دناڤ كه‌مپا و باژێرێن كوردستانێ پێتڤیه ئه‌و هێزێن ئه‌منى یێن ناڤ باژێرى دا هه‌ماهه‌نگیێ بكه‌ن خۆ لێك نێزیك بكه‌ن ئه‌و ملیشیاتێن حه‌شدا شعبى ئه‌وێن باشورێ عێراقێ و به‌غدا هاتین بناڤێ حه‌شدا شه‌عبى بهێنه دویر كرن دناڤ باژێرى دا دناڤ سه‌نته‌رى بهێت كونترۆل كرن ژلایێ پولیسان ڤه و ده‌وروبه‌رێن باژێرى ژى گه‌له‌ك یا گرنگه له‌شكه‌رێ عێراقێ هه‌ماهه‌نگیێ بكه‌ت دگه‌ل پێشمه‌رگه‌ى ده‌وروبه‌رێن مووسا ب پارێزیت.
ناڤهاتى گۆت: بریارا هاتنا 31 هزارۆ 400 ژن و زاروكێن داعش ژلایێ حكومه‌تا به‌غداڤه ل سوریا بۆ ده‌ڤه‌را زومار هه‌ر وه‌كۆ خۆ مایه به‌لێ ژلایێ پارتى دیموكراتى كوردستان و دامو ده‌زگه‌هێن وێ ده‌ڤه‌رێ ڤه ئه‌ڤ بریاره هاتیه ره‌فزكرن ژبه‌ركۆ ئه‌و خێزانێن داعش نه‌ڤه‌گه‌رنه وان ده‌ڤه‌را ژبه‌ركۆ ئه‌و داعش بوینه ئه‌ڤ ده‌ڤه‌ره چولكرین خه‌لكێ وان ده‌ڤه‌را كوشتیه و ئاواره كرینه هه‌تا نها ژى ئه‌و ده‌ڤه‌ر ب دروستى نه‌هاتینه ئاڤاكرن،
به‌رپرسێ لقێ 14 گۆت ژى: ئه‌و كێشێن دناڤبه‌را خه‌لكێ ده‌شتا نه‌ینه‌وا دروست دبن یێن كومه‌لایه‌تى و خوێندارى پارتى رادبیت بۆ چاره‌سه‌ركرنا وان كێشه‌یا ژبه‌ركۆ ئه‌ڤ خه‌لكه پارتى ب خودانێ خۆ دانیت كه‌سێ دى ژى خو ل وان ناكه‌ته خودان ل پێنج شه‌مبیا بورى ل ناحیا وانكێ خوێنداریه‌كا 20 سالى مابۆ نه‌هات بۆ چاره‌سه‌ركرن هه‌ر ئێك ژوان بنه‌مالا كه‌سه‌ك لێ هات بۆ كوشتن دوماهیێ په‌نا بومه ئینایه ئه‌و كێشا خوێندارى هات چاره‌سه‌ركرن، له‌وما ده‌مێ بریار هاتیه دان كۆ خێزانێن داعش بهێنه ده‌ڤه‌را زومار ئێكسه‌ر خه‌لكێ وێ ده‌ڤه‌رێ نه‌رازیبونا خو دیاركر سه‌ره‌دانا مه‌كریه بۆ هه‌لوه‌شاندنا وێ بریارێ ژبه‌ركۆ هاتنا وان خێزانێن داعش دێ بیته بهێزكرنا پێگه‌هێ رێكخراوا تیرۆرستى یا داعش ل پارێزگه‌ها نه‌ینه‌وا.
ئەڤرۆ نیوز:
محەمەد توفیق عەلاوی سەرۆک وەزیرێ نوو یێ راسپاردی یێ عێراقێ راگەهاند، د ڤێ حەفتیێ دا دێ ناڤێن وەزیرێن کابینێ ئاشکرا کەم و دێ دەمە پەرلەمانى.
محەمەد توفیق عەلاوی ئەڤرۆ د تویتەکێ دا نڤیسیە، نێزیکبووین ژ دەستکەفتەکێ دیرووکی، دێ د کابینا سەربەخۆ و پێکهاتینە ژ کەسێن پاقژ و خودان شیان دوور ژ حزبی.
نڤیسیە ژى، دوور ژ هەموو پرۆپاگندان، د ڤێ حەفتیێ دا ناڤێن هەموو وەزیران دێ ئاشکرا کەین.
ناڤبری دیار ژى کریە، هیڤیدارین بلەز ژ ئالیێ پەرلەمانێ عێراقێ ڤە بهێتە پەسەند کرن، دەست ب وان کاران بکەین یێن گەلێ عیراقێ ئێخستینە سەر ملێن مە.
ئه‌ڤرۆ نیوز، بارزان مزوورى:
بێوار كه‌ریم نوونه‌رێ ده‌زگه‌هێ خێرخوازى یێ بارزانى بۆ ئه‌ڤرۆ نیوز گۆت: ئه‌ڤرۆ 15/2/2020 ده‌زگه‌هێ خێرخوازى بارزانى دگه‌ل ئیدارا قه‌زا شێخان گازا سپى ل سه‌ر 750 مالباتێن كێم ده‌رامه‌ت كۆ هه‌ر خێزانه‌كێ 40 لترێن گازێ بۆ دهێنه دان ئه‌ڤ گازه ژلایێ كومپانیا MRF هاتیه دابین كرن ،
ناڤهاتى خۆیاكر 30 هزار لترێن گازێ هاتیه دابین كرن بۆ قه‌زایێن شێخان و ئاكرێ و به‌رده‌ره‌ش بێ به‌رامبه‌ر دێ بۆ وان هێت دان،ناڤێن وان ژلایێ رێڤه‌به‌ریا گه‌شه‌پێدانا جڤاكى ل شێخان هات بونه توماركرن قه‌زایێن دى ژى بڤى شێوه‌ى ناڤ هاتینه توماركرن.
ئەڤرۆ نیوز:
ئاندریە بیلیف نۆشدارەکێ گرێکێن پەنجەشێرێ یە، د بێژیت، زێدەگاڤی د خوارنا گۆشتێ سور دا، ئەو گۆشتێن دەست چێکری کو مادێ کێمیایی د پێکهاتا وان دا هەی، ئەگەرێ پەنجەشێرێ زێدە دکەن.
د مالپەرێ سپۆتینک دا بەحسێ ڤێ چەندێ کریە و گوتیه، ئەگەر هەیە قەهوە و شوکۆلاتێ پەیوەندی ب نەخۆشیێن دی ڤە هەبیت، لێ هۆکارێ سەرەکی یێ توشبوون ب پەنجەشێرێ نینن، بەلکو زێدە خوارنا گۆشتێ سور و گۆشتێن دەستچێکری و کێم خوارنا وان خوارنێن کو مادێ ریشالی تێدا، هوکارن بۆ زێدەبوونا گرێیا پەنجەشێرێ.
دیار کریە ژی، خوارنێن کحولی ب رەنگەکێ نەراستەوخۆ رۆل هەیە د گەشەکرنا پەنجەشێرێ دا، هەروەسا ئەو نۆشدارە شیرەتان ل خەلکی دکەت، کو خوە ژ خوارنێن گەرم دوور بکەن.
نيشاندان