ئه‌ڤرۆ نیوز:
عه‌بدلئه‌میر حه‌مدانی وه‌زیرێ روشه‌نبیری و شینوارێن عیراقێ راگه‌هاند: ژ هه‌شت وه‌لاتێن جیهانێ هه‌ڤكاریا وان كرینه بۆ ڤه‌گه‌راندنا 20 هه‌زار پارچه‌یێن شینواری كۆ ل ده‌مێن بوری هات بوونه دزین.
حه‌مدانی ئه‌و ژه‌نده ژی راگه‌هاند: ل بالیوزخانه‌یا عیراقی ل واشنتونێ گه‌له‌ك شینوار لێ نه، كۆ ل ده‌مێ بوری هاتینه ڤه‌گه‌راندن و بریاره ژلایێ تیمه‌كا شاره‌زاڤه بهێنه ڤه‌گه‌راندن بۆ عیراقێ.
پشتی ژ ناڤچونا رژێما به‌رێ یا عیراقێ شینوارێن عیراقێ هاتنه تالانكرن و دزین بۆ چه‌ند وه‌لاته‌كێن جیهانێ چوون ب پاره‌یه‌كێ زۆر فروتن.
ئه‌ڤرۆ نیوز:
سه‌رۆكێ ئه‌مریكا ل سه‌ر بریارا سه‌رۆكی فلپینێ بۆ دوماهی ئینان ب هه‌ڤكاری یێن سه‌ربازی یێن دناڤبه‌را فلپینێ دیاركر ده‌ڤ وان گرنگ نینه و دێ پاره‌یه‌كێ زۆر ژی بۆ وان ڤه‌گه‌ریت.
دونالد ترمپ سه‌رۆكێ ئه‌مریكا راگه‌هاند: د راستی دا زۆر بۆ مه گرنگ نینه و گه‌له‌ك مه هاریكاریا فلپینێ ژی كر ئه‌و هه‌ڤكاریكرنه ژی د پێخه‌مه‌تا دوماهی ئینان ب داعشێ بوو، ئه‌ڤ چه‌نده ژی پاره‌یه‌كێ زۆر بۆ وه‌لاتی ڤه‌گه‌ریت.
سه‌رۆكێ فلپینێ رودریگۆ دوتێرتی راگه‌هاند بوو هه‌ڤكاریكرنا سه‌ربازی ل گه‌ل ئه‌مریكا دێ ب دوماهی ئینیت كۆ ماوه‌یێ بیست سالانه ئه‌و هه‌ڤكاریكرنه یا به‌رده‌وام بوو.
وه‌زیرێ به‌ره‌ڤانیا ئه‌مریكا راگه‌هاندیه جهێ داخێ یه بۆ ئه‌وێ بریارێ.
ئەڤرۆ نیوز:
نڤیسینگەها جەنەرال خەلیفە حەفتەر فەرماندارێ گشتی یێ لەشکرێ نەتەوی یێ لیبیا راگەهاند کو سەرۆک کۆمارێ فرەنسا ب فەرمی جەنەرال حەفتەر بۆ فرەنسا ڤەخواندیە.
ئەو یەک د دەمەکێ دایە کو روسیا و ئیتالیا ژی بەردەوام بزاڤان دکەن دا قەیرانا نها یا ل لیبیا بهێتە چارەسەرکرن و دوهی ژی پوتینی راگەهاند دڤێت هەموو ئالیێن سیاسی ل لیبیا پێکڤە قەیرانا وی وەلاتی چارەسەر بکەن.
ئه‌ڤرۆ نیوز:
به‌رپرسێ ده‌زگه‌هێ هه‌لبژارتنان یی پارتی دیموكراتی كوردستانی دیاركر زه‌حمه‌ته هه‌لبژارتنێن پێش وه‌خت ل عیراقێ بهێنه‌كرن.
خه‌سرۆ گۆران بۆ میدیایێن كوردی راگه‌هاندیه لگۆری یاسایا نوو یا هه‌لبژارتنان ژ روویێ هونه‌ری ڤه زه‌حمه‌ته كومسیونا بلندا سه‌ربه‌خویا هه‌لبژارتنێن عیراقێ ب شێن هه‌لبژارتنێن پێش وه‌خت ئه‌نجام بده‌ن.
خه‌سرو گۆران راگه‌هاند ژی یاسایا نوو ب ئه‌گه‌رێ رێڤه‌به‌رێن گشتی و به‌رپرسێن پشك و هوبێن كومسیونێ هاتینه لادان و خه‌لكێ چوینه وێرێ د بێ ئه‌زمونن ل هه‌لبژارتنان دا كار نه‌كریه له‌ورا ده‌مێ زۆر دڤێت هه‌تا ب شێن بكارێ هه‌لبژارتنان را بن.
ئەڤرۆ نیوز:
وەزارەتا بەرەڤانیێ یا روسیا راگەهاند کو هێزێن سووریێ شیاینە رێیا نێڤدەولەتی یا بەرنیاس ب m5 کو ژ باشورێ حەلەبێ دەرباز دبیت و باژێرێن حەما، حومس و شامێ پێکڤە گرێددەت ژ ئالیێ هێزێن سووریێ ڤە هاتیە کۆنترۆلکرن.
وەزارەتا بەرەڤانیێ یا روسیا ئەو یەک ژی دیار کریە کو ئالۆزیێن ل ئدلبێ بەردەوام دکەن و هێزێن سووریێ شیاینە هەتا نها گەلەک دەڤەرێن سراتیژی کۆنترۆل بکەن.
ئه‌ڤرۆ نیوز:
حكومه‌تا ئه‌مریكا بۆ نووكرنا بریارا لێخوشوونا عیراقێ بۆ كرینا غازا ئیرانێ،45 رۆژێن دی موله‌ت دایه عیراقێ.
وه‌زاره‌تا ده‌رڤه‌یا ئه‌مریكا راگه‌هاند: هیڤی خازین عیراق دوماهیێ ب پشت به‌ستنا خو ب غازا ئیرانێ بینیت پشت به‌ستنێ ل سه‌ر شیان و ده‌رگه‌هێن دی یێن بده‌ستڤه ئینانا غازێ بكه‌ت.
لده‌مێ ده‌ستپێكرنا خۆلا نوو یا دورپێچێن سه‌ر ئیرانێ تا نوكه ئه‌مریكا ل سه‌ر كرینا غازێ ژ ئیرانێ چار جاران بریارا لێخوشبونی بۆ عیراقێ ده‌رخست بوو، كۆ به‌ریا ماوه‌یه‌كی موله‌تا 90 رۆژان پاشی 120 رۆژان دابوو.
دوماهی موله‌ت كۆ ئه‌مریكا دایه به‌رپرسێن عیراقێ تایبه‌ت كه‌رتێ ووزه‌یێ 45 رۆژێن دی داییێ دڤێت دوماهیێ ب كرینا غازا ئیرانێ بهینیت و پێگیری دوورپێچێن ئه‌مریكا بیت ل سه‌ر ئیرانێ.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی بۆ پشکداری کرن د کۆنفرانسێ جیهانی یێ ئاسایشێ ل میونشن بەر ب ئەلمانیا برێکەفت.
سەرۆکێ حوکمەتی بەری کو بچیتە ئەلمانیا بۆ دەزگەهێن راگەهاندنێ دیار کر کو د چارچۆڤێ کۆنفرانسێ میونشن دێ ل گەل گەلەک بەرپرسێن وەلاتێن جیهانێ کۆمبیت و دێ بەحسێ رەوشا دەڤەرێ و هەرێما کوردستانێ هێتە کرن.
نيشاندان