ئەڤرۆ نیوز:
ستیڤن هیکی بالیۆزێ بریتانیا ل بەغدا راگەهاند کو دڤێت حوکمەتا عیراقێ رێزێ ل داخوازیێن خوەنیشادەران بگریت و نابیت کوشتنا خەلکی ل عیراقێ بەردەوام بیت، ئەو یەک دێ وەسا کەت کو رەوشا نها پتر ئالۆز ببیت و کەس نەشێت وی دەمی کۆنترۆلا رەوشا عیراقێ بکەت.
ناڤهاتی داخواز ژ هەموو هێز و ئالیێن سیاسی یێن عیراقێ ژی کر کو ئاریشێن خوە چارەسەر بکەن دا رەوشا عیراقێ ئارام ببیت.
ئه‌ڤرۆ نیوز:
چاڤه‌رێ دهێته‌كرن سوباهى ستێرا گه‌نچ یا هه‌لبژارتیێ ئولومپى یێ به‌رازیلى و یانا فلامینگو یا به‌رازیلى رینیر خیسوس په‌یوه‌ندى ب یانا ریال مه‌درید بكه‌ت پشتى وێ یانا مه‌له‌كى ل ماوێ بورى هه‌ڤبه‌ستا وى یاریزانى ئیمزاكرى .
رینیر خیسوس یێ 18 سالى هه‌ڤبه‌ستا ریال مه‌درید ئیمزاكریه هه‌تا 2026 و وه‌سا چاڤه‌رێ دهێته‌كرن ئه‌و یاریزان ل وه‌رزێ ئه‌ڤ ساله په‌یوه‌ندى ب تیما ئێكێ یا ریال مه‌درید نه‌كه‌ت و یاریێ ل گه‌ل تیما كاستیا ئانكو تیما دوێ یا ریال مه‌درید بكه‌ت ژبه‌ركو ده‌لیڤه‌یا ل وه‌رزێ ئه‌ڤ ساله بوو وى یاریزانى نینه ژبه‌ركو نوكه ل تیما ئێكێ 3 یاریزان ژ ده‌رڤه‌ى ئێكه‌تیا ئورۆپا هه‌نه .
هه‌ژى گوتنێ یه خیسوس یێ 18 سالى یارى بۆ هه‌لبژارتیێ به‌رازیل یێ 17 سالى كریه و هه‌ردیسان ل ماوێ چه‌ند رۆژێن بورى پشكدارى ل گه‌ل هه‌لبژارتیێ 23 سالى یێ به‌رازیلى كر بوو د ڤاڤارتنێن ده‌ربازبوونێ بۆ ئولومپیاتێن توكیو .
ئەڤرۆ نیوز:
رەجەب تەیب ئەردۆگان سەرۆک کۆمارێ تورکیا راگەهاند کو هەکە رژێما سووریێ ل ئدلبێ جارەکا دی هێرشی سەربازێن تورکیا بکەت دێ ب رێیا ئەسمانی و عەردی و دێ ب هەموو هێزا خوە ل رژێما بەشاری دەین.
ئەو یەک د دەمەکێ دایە کو دوهی ژی پرانیا سەرکردێن پارتێن سیاسی یێن تورکیا داخواز کرن کو تورکیا هێرشی سووریێ بکەت و شامێ ژی داگیر بکەت.
ئەڤرۆ نیۆز، قائید میرۆ:
بەرپرسەکا پارێزگەھا ھەولێرێ ئاشکراکر، رۆژانە چەندین خێزان ل دەڤەرێن جودایێن عێراقێ ئاوارەی ھەرێما کوردستانێ دبن و ئاشکراکر، ھەتا نوکە ٨٢ ھزار خێزانێن عەرەبێن ئاوارە ل سنورێ ھەولێرێ ماینە.
ڤیان رەشید، بەرپرسا بەرسیڤدانا قەیرانان ل پارێزگەھا ھەولێرێ بۆ ئەڤرۆ نیۆز دیارکر” پێلەکادی یا ئاوارەیێن مووسل بەرەف ھەرێما کوردستانێ دھێت و رۆژانە ھژمارەک خێزانێن دەڤەرێن ناڤین و باژێڕێ مووسل ڤەدگەڕن بۆ سنورێ پارێزگەھا ھەولێرێ و ژبەر رەوشا ئەمنی و ئالۆزیێن ڤێ دوماھیێ یێن عێراقێ خەلکێ وان دەڤەران دخوازیت ڤەگەڕن بۆ ھەرێما کوردستانێ، گورەی دوماھی ئامارژی ٨٢ ھزار خێزانێن عەرەب ھێشتا ل ھەولێرێ ماینە و ھندەک ژوانا دناڤا کەمپاندا ھاتینە جێھگیرکرن.
ڤیان رەشید گۆتژی” ئەگەرێ ڤەگەڕیانا خەلکێ عەرەب بۆ دەڤەرێن ھەرێما کوردستانێ نەبوونا خزمەتگواری و ئالۆزبوونا رەوشا عێراقێ یە، ھژمارەکادیژی ل باشوورێ عێراقێ و باژێڕێ بەغدا ھاتینە و ناڤێن خوە وەک ئاوارە تۆمار نەکریە، چونکە ئێکسەر خانی و شوقەیان دکڕن و رەوشا وانا ئابوری یا باشە.
ئەڤرۆ نیوز:
دیمیتری پیسکۆڤ پەیڤدارێ کۆچکا سەرۆک کۆماریا روسیا راگەهاند کو مە بەری نها بریار دابوو کو ئدلبێ ژ تیرۆرستان پاقژ بکەین و تورکیا ژی سۆز دابوو هاریکاریا مە بکەت، لێ مخابن نها تورکیا ل گەل وان تیرۆرستان هێرشی هێزێن مە و یێن سووریێ دکەت، ئەو یەک ب چو رەنگەکێ ناهێتە قەبوولکرن.
ناڤهاتی راگەهاند ژی دڤێت ئدلب ژ تیرۆرستان بهێتە پاقژکرن، چونکو هەتا تیرۆرست ل ئدلبێ هەبن دێ مەترسیێ بۆ هەموو سووریێ دروست کەن.
ئەڤرۆ نیوز:
مەلا بەختیار ئەندامێ جڤاتا بلند یا سیاسی یا ئێکەتیێ راگەهاند کو رەوشا نها یا ئێکەتیێ ئالۆزە و دڤێت کۆمبوونێن بەرفرەهتر ب پشکداریا هەموو ئەندامێن سەرکردایەتیێ برێڤە بچیت و باشترە نها ئێکەتی ژ ئالیێ دەستەیەکێ ڤە بهێتە برێڤەبرن.
ئەو یەک د دەمەکێ دایە کو دو رۆژن دەزگەهێن راگەهاندنێ ل هەرێما کوردستانێ دیار دکەن کو دێ لاهۆر و باڤل بنە هەڤسەرۆکێن ئێکەتیێ و کۆسرەت رەسول ژی ئەو یەک رەت کریە.
ئەڤرۆ نیوز:
نەتەوێن ئێکگرتی ئەڤرۆ د راپۆرتەکێ دا دیار کریە کو شەرێ ل ئدلبێ هەر کو دچیت دژوارتر لێ دهێت و وەلاتیێن سڤیل دبنە قوربانی، هەکە هێرشێن نها ل ئدلبێ نەهێنە راگرتن رەنگە شەرێ نها دژوارتر لێ بهێت و ئەو یەک دێ بیتە ئەگەرێ هندێ ئدلب ب تەمامی وێران ببیت و ژیان ل وی باژێری نەمینیت، وی دەمی دێ کارەساتێن گەلەک مەزن روو دەن.
ئه‌ڤرۆ نیوز:
پشتى ل ڤه‌گوهاستنێن زڤستانا بورى یانا بوروسیا دورتموند هه‌ڤبه‌ست ل گه‌ل ستێرا نه‌رویجى یرلینگ هالاند ئینزاكرى و ل گه‌ل هاتنا وى یاریزانى هه‌تا نوكه ئه‌و یاریزانێ ناڤبرى شیا ئاسته‌كێ بلند ل گه‌ل یانا خوه پێشكێش بكه‌ت .
مالپه‌رێ بیلد یێ ئه‌لمانى دیاركریه هالاند هه‌ر زیكا شیا ناڤێ خوه ب هێز ل ناڤا خۆلا بوندس لیگا دیاربكه‌ت و پشتى بورینا 4 یاریێن ده‌ستپێكێ ئه‌و یاریزان شیا هه‌شت گولان توماربكه‌ت بهایێ فروتنا وى 15 ملیون ل سه‌ر زێده‌بووینه .
هه‌ردیسان وى مالپه‌رى دیاركریه ژى ل مالپه‌رێ جیهانى یێ ڤه‌گوهاستنا یاریزانان ترانسفر ماركیت بهایێ فروتنا هالاند ژ 45 ملیون یورۆیا بوویه 60 و ئه‌ڤه ژى ژبه‌ر وى ئاستێ وى یاریزانى ل هه‌ر 4 یاریێن ده‌ستپێكێ پێشكێشكرى و هه‌كه ئه‌و یاریزان یێ به‌رده‌وام بیت ل سه‌ر ئاستێ خوه یێ باش دبیت بهایێ فروتنا وى بلندتر لێ بهێت هه‌تا ڤه‌گوهاستنێن هاڤینا بهێت.
ئەڤرۆ نیوز:
ئه‌ڤرۆ سپێدێ 12 / 2/2020 ل هولا كونفرانسا ب چاڤدێریا فه‌رهاد ئه‌مین ئه‌تروشى پارێزگه‌رێ دهوكێ وب ئاماده‌بونا د.سالار ئوسمان بریكارێ وه‌زاره‌تا ره‌وشه‌نبیرى ولاوان وچه‌ند به‌رپرسێن حزبى وئیدارى سێیه‌مین ڤیستیڤالا لاوێن داهێنه‌ر یا كو ژلایێ ماڵا لاوان یا سه‌ر ب ئێكه‌تیا لاوێن دیموكراتا كوردستانێ هاتیه رێكخستن هاته ئه‌نجامدان.
درێ ورسمێن ڤه‌كرنا ڤیستیڤالێدا پارێزگه‌رێ دهوكێ بناڤێ كارگێریا پارێزگه‌هێ ده‌ست خوشى ل رێكخه‌رێن ڤیستیڤالێ كر وپیروزباهیا لاوێن داهێنه ر كر كو شیاینه داهێنانێن باش بكه‌ن وسه‌ركه‌فتن بو هه‌موو پشكدارا خواست ، هه‌روه‌سا دیاركر كو پێدڤیه مروڤ ژخو ده‌ست پێبكه‌ت نه‌خاسمه گه‌نجێن جڤاكێ مه پتر خو رێكبێخن وژهه‌موو رویه‌كیڤه كو بشێن پتر داهێنانان بكه‌ن وپشته‌ڤانیا پارێزگه‌هێ نیشان دا بو ڤان جوره چالاكییان.
هه‌روه‌سا ته‌كه‌زكر كو دڤێت داهێنان پتر بهێنه رێكخستن وژلایێ زانستى ژى ڤه بهێته كونترولكرن بو وێ یه‌كێ زیان نه‌گه‌هنه جڤاكى هه‌روه‌سا داهێنه‌ر بخو یێ رژد و بێهن فره‌ه بیت بو وێ یه‌كێ بشێت داهێنانێ دچێكرنا ئالاڤ وهزرێن نوو بكه‌ت وسه‌ركه‌فتن بو هه‌موو پشكدار خواست.
پاش مه‌یسه‌ر نهێلى سكرتێرێ ئێكه‌تیا لاوێن دیموكراتا كوردستانێ په‌یڤه‌ك خاند وسوپاسیا وان هه‌موو لایه‌نان كر یێن پشته‌ڤانى ل ڤیستیڤالێ كرى وپیروزباهى ل هه‌موو پشكدارا كر وسه‌ركه‌فتن بو خواست.
لدوڤدا داهێنه‌رێن پشكدار داهێنان خو به‌رچاڤكرن ئه‌وژى ئه‌ڤه‌بون (رێبین على – ئاریان محمود – مه‌روا فه‌یسه‌ل – عایشه ئیسلام – شاكر عبدالرحمن – احمد یوسف – مه‌تین دلێر – رێگر سعدالله )
پاش په‌نه‌له‌كێ هزرى ل دور ره‌وشا لاوان ژلایێ هه‌ردوو به‌رێزان (د.سالار ئوسمان) بریكارێ وه‌زاره‌تا ره‌وشه‌نبیرى ولاوان و(عسمه‌ت خابور) ماموستایێ زانكویێ هاته پێشكێشكرن وگه‌نگه‌شه ژلایێ ئاماده‌بویان ڤه ل سه‌ر هه‌ردوو بابه‌تان هاتنه كرن.
ل دووماهیا ڤیستیڤالێ خه‌لات ل سه‌ر داهێنه‌ران هاتنه به‌لاڤكرن.
ئەڤرۆ نیوز:
ل گوندێ خەرپەت حەمۆ یێ سەر ب باژێرێ قامشلۆ یێ رۆژئاڤایێ کوردستانێ ئەڤرۆ هێزەکا سەر ب رژێما سووریێ هێرشی سەربازێن ئەمریکا کرن و د ناڤبەرا هەر دو ئالیان دا شەر دەرکەفت و ل گۆر زانیاریان سەربازەکێ رژێما سووریێ هاتیە کوشتن.
پشتی شەری ژی فرۆکێن ئەمریکا ئەو دەڤەر بۆمبەباران کرن و د ئەنجام دا گەلەک چەکدارێن سەر ب رژێما سووریێ هاتینە کوشتن.
نيشاندان