ئەڤرۆ نیوز،عەلی حاجی :
جار قوتابیێن کچ ل ئامادەیا دهۆکێ ب مەرەما پشکداری کرن د کۆنفرانسێ پاقژی و راگرتنا ساخلەمیا ژینگەهێ و سروشتێ دووفچوونا زیانێن بورجێن پەیوەندیان ل پارێزگەها دهۆکێ دکەن .
سیلاڤ جەعفەر ئێک ژ وان قوتابیان دووفچوونا ڤی بابەتی دکەت بۆ ئەڤرۆ نیوز گوت : پشتی کو ئاگەهدار بووین ل سەر ب رێڤەچوونا کۆنفراسەکێ تایبەت ل دور پاقژی و راگرتنا ساخلەمیا ژینگەهێ و سروشتێ وێ و پشتی بابەتەک ل ئەڤرۆ نیوز بەلاڤ بوویی ل دور نەخوەش کەڤتنا هەشت مامۆستایان ل زاخۆ ب ئێشێن گران ژئەگەرێ هەبونا وان بورجان، چار کچێن ئامادەیا دهۆک یا کچان کو هەر ئێک ژ قوتابیان ( سوز ئاماد، وارین ئەیاد، نیدار خەلیل) دگەل دا ژی ئەز ژ ئێک ژ وان قوتابیان بوم مە دووفچوونا خوە دەست پێکر و مە سەرەدانا چەندین دکتور و کەسانێن تایبەتمەند کر دبیاڤێن ساخلەمیبو ژینگەهێ و هەر دیسان مە راپرسیەک ل زانکۆیا دهۆکێ بۆ قوتابیێن وێ ئەنجام دا ل سەر زیانێن بورجێن پەیوەندیان.
و گوت : پشتی دیفچوونا مە ب دوماهی هاتی ئەم شیاین بگەهینە دەرەنجامەکێ زانستی و ب چەند خالەکان مە ئەو دەرەنجام دیار کرینە وئامادەکرینە دا کو پێشکێش کونفرانسی بکەین و ئەو ژی ژلایێ خوە دیفچوونەکێ ل سەر وان بورجان بکەن.
ئەڤرۆ نیوز، زنار تۆڤی:
ل دەمێ بوری رێژەکا باش یا بەفرێ ل سنورێ ناحیا كانی ماسێ باریە و سەقا ڤێ دەڤەرێ ژی گەلەک ساربوویە و پلێن گەرمێ گەلەک داکەفتینە، سەرەرای هەبوونا بەستیێ، لێ رێیا هاتنوچوونێ بۆ دەروازێ سەرزێری نەراوەستیایە و هاتنوچوونا رێڤنگان د ڤی دەروازی را یا بەردەوامە.
شینوار سادق بەرپرسێ راگەهاندنا كومەلگەها دەروازێ نێڤدەولەتی یێ سەرزێری، یێ هەڤ سنۆر ل گەل باکورێ کوردستانێ، تایبەت بۆ ئەڤرۆ نیوز دیار كر: ل رۆژانێن بوری رێژەکا باش یا بەفرێ ل سەرزێری باریە، نوكە پتری 100سم بەفرێ دەروازێ سنوری یێ سەرزێری بارینە، لێ هاتنوچوونا رێڤنگان یا بەردەوامە.
هەروەسا گۆت ژی: د نوکە دا رۆژانە ژ دەمژمێر 8:30 سپێدێ هەتا 5 ئێڤاری وەلاتی دشێن هاتنوچوونێ د ڤی دەرگەهی را بکەن و ل دەمێ بەفر بارینێ ژی هەر زوو تیمێن رامالینا بەفرێ رێکێ پاقژ دکەن ژ بەفرێ.
ئه‌ڤرۆ نیوز:
یانا مانچێسته‌ر یونایتد یا ئنگلیزى یا رژده ل ڤه‌گوهاستنا ستێرا گه‌نچ یا ئنگلیزى و یانا بوروسیا دورتموند جادون شانشو بۆ ڤه‌گوهاستنێن هاڤینا بهێت.
رۆژناما میرو یا برێتانى دیاركریه یانا مان یونایتد كوژمه‌كێ مه‌زن یێ پاره‌ى به‌رهه‌ڤكریه بۆ ڤه‌گوهاستنا ستێرا گه‌نچ یا بوروسیا دورتموند شانشو ئه‌وێ ل وه‌رزێ ئه‌ڤ ساله ئاسته‌كێ بلند ل گه‌ل یانا خوه یا ئه‌لمانى پێشكێشكرى كو ئه‌و یاریزان نوكه بوویه گرنگیا هژماره‌كا مه‌زن یا یانێن مه‌زن ل سه‌ر ئاستێ ئورۆپا.
هه‌ردیسان وێ رۆژنامێ ئاشكراكریه ژى هه‌ر ئێك ژ یانێن مانچێسته‌ر یونایتد و چێلسى د ب هێزتر به‌ربژارن بۆ ده‌ستڤه ئینانا ئه‌وى یاریزانى لێ دبیت مان یونایتد ژ هه‌ر یانه‌كا دى پتر یا نێزیك بیت بۆ ڤه‌گوهاستنا وى یاریزانى ژبه‌ركو ئه‌وێ یانێ كوژمه‌كێ مه‌زن و نێزیكى وى كوژمێ یانا ئه‌لمانى دخوازیت به‌رهه‌ڤكریه .
ل دووماهیێ هاتیه دیاركرن ژى بوروسیا دورتموند مه‌رجه‌ك به‌رامبه‌ر چوونا سانشو هه‌یه ئه‌وژى هه‌ر یانه‌كا بخوازیت پێدڤى یه كوژمێ 120 ملیون جینێ ئیسترلینى پێشكێشى ئه‌وان بكه‌ت .
ئه‌ڤرۆ نیوز:
وه‌زیرێ به‌ره‌ڤانیا ئیرانێ راگه‌هاند: ئه‌مریكا دزانیت چ ب سه‌رێ وان هاتیه ل بنگه‌هێ سه‌ربازی یێ عه‌ین ئه‌سه‌د ل عیراقێ.
ئه‌میر حاته‌می وه‌زیرێ به‌ره‌ڤانیا ئیرانێ راگه‌هاند: ئاراسته‌كرنا هه‌یڤا ده‌ستكر بۆ بوشاهیا ئاسمانی په‌یوه‌ندی ب پرۆگرامێ موشه‌كێن ئیرانێ ڤه نینه، به‌لكۆ ته‌مامكرنا پرۆگرامێ ئاسمانی و ره‌وانه‌كرنا هه‌یڤا ده‌ستكر مافه‌كێ ره‌وایێ ئیرانێ یه.
وه‌زیرێ به‌ره‌ڤانیا ئیرانێ ئه‌و چه‌نده ژی دیاركر كۆ ئیران خودانا چه‌ندین جورێن موشه‌كێن شه‌ری یه ژ وان ژی ئه‌و موشه‌كێن هاتینه ئاراسته‌كرن بۆ بنگه‌هێ عه‌ین ئه‌سه‌د یێن هێزێن ئه‌مریكا ل عیراقێ، ئه‌مریكا دزانیت چ ب سه‌رێ وان هاتیه ل وی بنگه‌هێ سه‌ربازی .
ناڤبری ئاماژه ب وێ چه‌ندێ دا كۆ ئه‌و موشه‌كێن نوكه كۆ هه‌یڤا ده‌ستكرد هه‌لدگرن بۆ مه‌به‌ستا به‌ره‌ڤانیێ نائینه بكار ئینان به‌لكۆ ل ده‌مێن بهێت چه‌ندین هه‌یڤین ده‌ستكرد ب مه‌به‌ستا به‌ره‌ڤانیێ ره‌وانه‌ی ئاسمانی كه‌ین و تاران دێ به‌رده‌وام بیت د پێشڤه‌برنا پرۆگرامێ ئاسمانی و چ تشته‌ك ل جیهانێ نه‌شێت وان ژ وی كاری راوه‌ستینیت.
ئه‌ڤرۆ نیوز:
ئه‌ڤرۆ ل باژێرێ هه‌ولێری ب پشكداریا 30 ده‌زگه‌هـ و سازیێن عیراقی كۆنگرێ ده‌وله‌تا عیراقێ بۆ ئامارێ ده‌ست بكارێن خۆكر، كۆ تێدا دێ شرۆڤه‌یا پێنگاڤێن ئه‌نجامدانا سه‌رژمێریێ ل عیراقی كه‌ن، بۆ ماوه‌یێ دو رۆژان دێ به‌رده‌وام بیت.
مه‌هدی عه‌لاق سه‌رۆكێ ده‌سته‌یا ئامارا عیراقێ راگه‌هاند: ئه‌ڤ كۆنگره‌یه ئینان ده‌ستبكاربوونا سازیێن ئه‌كادیمی و زانستینه بۆ پرۆسیسه‌كا گرنگ كۆ سه‌رمژێریێ ل عیراقێ، ئه‌ڤه ژی دبیته ئه‌گه‌ره‌ك پرۆسه بێ گرفت و لگۆری ستاندارێن جیهانێ بهێته برێڤه‌برن.
ئدریس هادی سه‌رۆكێ كۆنگره‌یی راگه‌هاند: ناڤه‌ندێن ئه‌كادیمی ل ته‌ڤایا عیراقێ هه‌موویان پێكڤه هێلا ڤه‌كۆلینان دروستكرینه ژبوی ل سه‌ر ئه‌ڤێ پرسه‌یێ كار بكه‌ن كۆ ماوه‌یی 33 سالانه سه‌رژمێرێ ل عیراقی نه‌هاتیه ئه‌نجام دان، نوكه عیراق پێنگاڤان د هاڤێژیت بۆ ئه‌ڤێ پرۆسه‌یێ و دڤێت هه‌می هه‌ڤكار و هاریكارێن حكومه‌تێ ببن.
لگۆری ئارمانجێن كۆنگره‌یی ژبلی دو پانێلین سه‌ره‌كی هه‌نه، 79 ڤه‌كۆلین ژی ده‌ربارێ سه‌رژمێرێ و ئامارێ دێ بنه ته‌وه‌رێ سه‌ره‌كێ پانل و دانوستاندنان ل سه‌ر ئه‌نجامدانا سه‌رژمێریا گشتی یا ئاكنجیان و حكومه‌تا ئه‌لكترۆنی و ئامارێن فه‌رمی و پێنگاڤێن پێشكه‌ڤتنا ئاماری و سه‌رژمێرێ كه‌ن.
ئه‌ڤرۆ نیوز:
كۆمپانیا دانه‌غاز د راپۆرتا دارای یا سالا 2019 دا به‌لاڤكریه و راگه‌هاند: 157 ملیۆن دۆلار قازانجكرینه كو ب رێژا 5% ئاستێ به‌رهه‌م ئینانێ زێده‌كریه.
كۆمپانیا دانه‌غاز ل ئیماراتێ راپۆرتا خو یا دارایی یا سالا 2019 بلاڤكریه و تێدا هاتیه ل سالا 2019 ته‌ڤایا قازانجێن كۆمپانیێ گه‌هشتیه 157 ملیۆن دۆلاران، ئه‌ڤه ژی بلندترین ئاستێ قازانجكرنێ یێ سالانه كۆ ل ماوه‌یێ هه‌فت سالان بوری دروست بوویه، حكومه‌تا هه‌رێما كوردستانێ پالده‌ره بۆ بلندكرنا داهاتی چونكو هه‌قده‌ستێ كۆمپانیان بستویێ خوڤه‌گرتیه.
كۆمپانیێ ئاماژه ب وێ چه‌ندێ ژی دایه كۆ ئاستێ به‌رهه‌مئینانا پترۆلێ 66 هه‌زار و 200 به‌رمیل بوینه به‌رهه‌م ئینانا كۆمپانیێ ب رێژا 5% زێده‌كریه و ته‌ڤایا داهاتی گشتی یێ كۆمپانیێ ل سالا رابۆری 495 ملیۆن دۆلار داهاتێ دانه‌غاز بوو.
ئه‌ڤرۆ نیوز:
ژێده‌رێن ده‌نگوباسێن ل ئنگلته‌را وه‌سا دیاركرینه یانا چێلسى دخوازیت ل هاڤینا بهێت هه‌ڤبه‌ستێ ل گه‌ل ستێرا مه‌غربى و یانا ئه‌یاكس ئه‌مستردام یا هوله‌ندى حه‌كیم زیاش ئیمزا بكه‌ن ل سه‌ر داخوازیا راهێنه‌رێ یانێ لامبارك.
رۆژناما زه‌سه‌ن یا برێتانى ئاشكراكریه یانا چێلسى كوژمێ 45 ملیون جینێ ئیسترلینى به‌رهه‌ڤكرینه بۆ ڤه‌گوهاستنا وى یاریزانێ مه‌غربى زیاش .
هه‌ردیسان وێ رۆژنامێ ئاشكراكریه ژى یانا چێلسى گه‌له‌ك بزاڤكرن ل ڤه‌گوهاستنێن زڤستانا بورى هه‌ڤبه‌ستێ ل گه‌ل ئیمزا بكه‌ت لێ هه‌موو بزاڤێن ئه‌وان سه‌ر نه‌گرتن ژبه‌ركو یانا ئه‌یاكس دخواست ل هاڤینا بهێت وى یاریزانێ خوه بفروشن.
هه‌ردیسان ئاماژه ب وێ چه‌ندێ ژى هاتیه‌كرن كو بتنێ یانا چێلسى هه‌ڤركیا وى یاریزانى ناكه‌ت به‌لكو هه‌ر ئێك ژ یانێن مانچێسته‌ر یونایتد و پاریس سانجێرمان ژى هه‌ڤركیا ب ده‌ستڤه ئینانا ئه‌وى یاریزانى كه‌ن.
ئه‌ڤرۆ نیوز:
راپورتێن رۆژنامه‌ڤانى ل ئیسپانیا و فره‌نسا دیاركرینه یانا به‌رشه‌لۆنا ده‌ست ب لڤینا كریه بۆ ڤه‌گه‌راندنا ستێرا خوه یا به‌رى نوكه و یاریزانێ به‌رازیلى نیمارى ئه‌وێ ل هاڤینا 2017 ژ به‌رشه‌لۆنا په‌یوه‌ندى ب پاریس سانجێرمان كرى به‌رامبه‌ر 222 ملیون یورۆیا.
هه‌ردیسان ئه‌وان رۆژناما ئاشكراكریه ژى به‌رپرسێن یانا به‌رشه‌لۆنا دخوازن گوهورینه‌كێ ل گه‌ل یانا پاریس سانجێرمان بكه‌ن ئه‌وژى هێرشبه‌رێ خوه یێ فره‌نسى و ئه‌نتونیو گرێزمان بده‌نه پاریس سانجێرمان به‌رامبه‌ر ڤه‌گوهاستنا نیمارى .
هه‌ردیسان هاتیه دیاركرن ژى دبیت به‌رشه‌لۆنا كوژمه‌كێ پاره‌ى ژى سه‌را ڤه‌گوهاستنا وى یاریزانى پێشكێشى پاریس بكه‌ت ژ پێخه‌مه‌ت ڤه‌گه‌راندنا نیمارى ژبه‌ركو نوكه ئه‌و یاریزان بوویه ئارمانجا سه‌ره‌كى یا وێ یانا كه‌ته‌لونى.
نيشاندان