ئەڤرۆ نیوز:

ب ئەگەرێ پێشکەفتنا ژیانێ، ژن ژی ب هەمان شێوێ زەلامان مژوولی کارکرنێ نە ل دەرڤەی مال، ڤەکولینەکا ئەمریکی کار کرن و ساخلەمیا ژنان پێکڤە گرێدایە.

لدووڤ ڤەکولینەکا رێکخراوا دل یا ئەمریکی، کو ل سەر ٦٥ هزار ژنان هاتیە ئەنجامدان، شەش کار هەنە کو وان باندورەکا نەرێنی ل سەر ساخلەیا دلێ ژنان هەیە.

پشتى رێکخستنا هەر ئێک ژ فاکتەرێن وەکی تەمەن و بارێ ژیانێ و مالباتێ، دەرکەفتیە کو ئەو ژنێن کارمەندێن جڤاکی، ئەگەرێ توشبوونێ ب نەخۆشیێن دلی ٣٦% زێدەترە ب هەڤبەرکرن ل گەل ژنێن دیتر، دیسان ئەو ژنێن دەروونناس و هاریکارێن نۆشداران و پەرستار ژى وەک ئێکبوون، کو ئەگەرێ توشبوونێ ١٦% یە، ئەو ژنێن مژوولی کارێ خانووبەران ٢٤% یە، ئەو ژنێن هاریکارێن رێڤەبەران ژی ١١% یە.

ئەڤرۆ نیوز:

ڤەکولینەکێ دیار کریە، کو‌‌ 35% هۆكارێن توشبوونێ ب پە‌نجەشێرێن ‌جۆدا پەیوە‌ندی ب‌ جۆر و سیسته‌مێ خوارنێ ڤە‌ هه‌یه‌، هەکە وێ رێژا هۆكاری نه‌هێلین، كو به‌رپرسه‌ ژ چێبوونا په‌نجه‌شێرێ، دێ ئه‌گه‌رێ تووشبوونێ گەلەک كێمتر بیت، لەوما ب خوارنا چه‌ند جۆرێن فێقی و کەسکاتی، ب رێژا 50% دێ ئه‌گه‌رێ تووشبوونێ ب په‌نجه‌شێرێ كێمتر بیت.

ئه‌و فێقی کەسکاتیێن په‌نجەشێرێ‌ ژ ‌ناڤ دبه‌ن:

. سێڤا سۆر، لدووڤ ڤەکولینان فێقیێ‌ ره‌نگ سۆر گەلەک ل دژی په‌نجەشێرێ نە، چونكی جۆره‌ پێكهاته‌ک تێدا هەیه‌، كو‌ رێکێ ل‌ پرۆتینێ تێكچوویی دگریت بگەهیته‌ خانه‌یان، ب ڤێ چەندێ خانێن په‌نجه‌شێرێ دروست نابن.

. مانگۆ، ئه‌و ژنێن ڕێژه‌کا زۆر یا مانگۆیان دخۆن، كێمترین ئه‌گه‌رێ تووشبوونێ ب‌ په‌نجه‌شێرا سنگی هه‌یه‌، چونكی‌ پێكهاتێ تانینسی تێدا هەیه‌، كو رێکێ ل ل هه‌موو جۆرێن په‌نجه‌شێرێ د‌گریت.

. فێقیێن مز، پرته‌قال، لیمۆ، سندی، ڕێژه‌کا زۆر یا ڤیتامین C تێدا هەیه‌، ئەڤە دێ ڕێکێ ل دروستبوونا كارلێكێ نیترۆسامینی گریت، ئه‌ڤ كارلێكه‌ پشتی خوارنا گۆشتی سوور د لەشی دا‌‌ دروست دبیت، سووراتیا ژیانا خانه‌یان تێك ددەت و ئه‌گه‌رێ تێكچوونا خانه‌یان و تووشبوونا وان ب گرێیا په‌نجه‌شێرێ زێدە دکەت.

. كێوی، ب‌ به‌راورد ل ‌گه‌ل پرته‌قالێ 12 جاران‌ زێدەتر ڤیتامین سی تێدا هەیه‌، لەوما ب ئێک ژ باشترین و ساخلەمترین فێقی دهێتە دانان، كو‌ زۆرترین مفای دگەهینیتە مرۆڤی، نۆشدار دبێژن، كو‌ رۆژانه‌ بخۆن و د سیسته‌مێ خوارنا خوە دا بکەنە خوارنەکا سه‌ره‌كی.