ئەڤرۆ نیۆز، قائید میرۆ:
بڕیارە ھژمارەک دیدارێن ئابوری دناڤبەرا بازرگانێن ھەرێما کوردستانێ بھێنە رێڤەبرن و بەرپرسەکێ ژۆرا پیشەسازی و بازرگانی ژی ئاشکراکر، ئەڤان دیداران دێ کاریگەری لسەر بزاڤێن بازرگانی ھەبیت.
ئەسکەندەر محەمەد، بەرپرسێ راگەھاندنا ژۆرا پیشەسازی و بازرگانیا ھەرێما کوردستانێ بۆ ئەڤرۆ نیۆز دیارکر” بڕیارە ئەڤسالە ھژمارەک دیدارێن بازرگانی دناڤبەرا بازرگانێن جیھانێ و یێن ھەرێما کوردستانێ بھێنە ئەنجامدان و تێدا دێ چەندین ولات پشکداریێ بکەن.
ئەسکەندەر محەمەد دبێژیت” ئەنجامدانا ڤان دیدارێن بازرگانی دێ کاریگەری لسەر زێدەبوونا بزاڤێن بازرگانی دناڤبەرا ھەرێم و جیھانێ ھەبیت، بتایبەتی ئەڤسالە رەوشا بازرگانی بەرەف گەشە کرنێ دچیت و پێشبینی دھێتەکرن ھێشتا رەوشا ئابوری باشتر بیت ل سالێن بۆری.
ئەڤرۆ نیوز:
دەزگەهێن راگەهاندنا روسیا دیار دکەن کو شاندێ روسیا دوهی پەیاما پوتینی گەهاندیە ئەردۆگانی و تێدا پوتین داخواز ژ تورکیا کریە کو هەموو هێزێن خوە ژ ئدلبێ و دەڤەرێن دی یێن سووریێ ڤەکێشیت و پشتەڤانیێ ل گرۆپێن تیرۆرستی ژی نەکەت.
پوتینی ئەو یەک ژی دیار کریە کو ئێدی دەم یێ هاتی کو تورکیا هەموو هێزێن خوە ژ ئاخا سووریێ ڤەکێشیت، چونکو پێدڤیە حوکمەتا سووریێ هەموو ئاخا سووریێ کۆنترۆل بکەت و پێدڤی ب مانا هێزێن بیانی ل سووریێ ناکەت.
ئەڤرۆ نیوز:
د. ڤیان سەبری سەرۆکا فراکسیۆنا پارتی ل پەرلەمانێ عیراقێ راگەهاند کو بریارە رۆژا سێشەمبیێ سەرۆکێ هەرێما کوردستانێ نێچیرڤان بارزانی ل گەل سەرۆکێ فراکسیۆنێن کوردی ل پەرلەمانێ عیراقێ کۆمبیت.
ناڤهاتیێ راگەهاند کو د کۆمبوونێ دا دێ بەحسێ رەوشا عیراقێ و کابینا نوو یا حوکمەتێ و هەروەسا پەیوەندیێن هەولێرێ و بەغدایێ هێتە کرن و گۆت: (مەرەم ژ کۆمبوونا سەرۆکێ هەرێمێ بۆ ئێک هەلویستیا هەموو فراکسیۆنێن کوردی ل بەغدایە).
ئەڤرۆ نیۆز، قائید میرۆ
ئەڤرۆ ھێزێن ئەمنی ل بەغدا ھاتینە بەلافکرن و بەرپرسەکێ کوردژی ل بەغدا پێشبینی دکەت لڕۆژێن داھاتی رەوشا بەغدا و عێراقێ بەرەف قۆناغەکا دژوارتر بچیت.
جەواد مەلەک شاھی، بەرپرسێ لقا بەغدا یا سەندیکا رۆژنامەڤانێن کوردستانێ بۆ ئەڤرۆ نیۆز دیارکر، رەوشا باژێڕێ بەغدا بەرەف ئالۆزیێن زۆر دژوار دچیت و ھێزێن ئەمنی لناڤا سەنتەرێ باژێڕی ھاتینە بەلافکرن و کەس نوزانیت مەرەم ل بەلافکرنا ھێزێ چیە، چونکە رەوش یا دژوارە و وەلاتیژی دترسن ل ژیانا خوە.
جەواد مەلەکشاھی گۆتژی” پێشبینی دھێتەکرن ھێشتا رەوش دژواتر ببیت، چونکە خەلکێ خۆنیشاندەر لسەر دو بەرەیان بەلافبووینە، ھندەک ژوانا دگەل موقتەدا سەدرن و دخوازن خۆنیشاندان دوماھی بھێن ھندەکژی دخوازن خۆنیشاندان د بەردەوامبن.
ئه‌ڤرۆ نیوز:
رێڤه‌به‌ریا گشتی یا ڤه‌گۆهاستنا كاره‌با هه‌رێما كوردستانێ داتا و زانیاریێن تایبه‌ت ب ژماره و ئێسگه‌هێن ڤه‌گۆهاستنا كاره‌بێ ئێخستنه ری.
د راگه‌هاندنه‌كێ دا رێڤه‌به‌راتیا گشتی یا ڤه‌گۆهاستنا كاره‌بێ ل هه‌رێما كوردستانێ به‌لاڤكریه، 276 وێسگه‌هن ئه‌ڤه ژی بۆ زێده‌بوونا به‌رهه‌م ئینانا كاره‌بێ و زۆر بوونا هژماره‌یا پشكدار بوویێن كاره‌بێ ڤه‌دگه‌ریت، بكار خستنا ئه‌ڤێ هژمارا زۆرا وێسگه‌هان ژلایێ كارمه‌ندێن وه‌زاره‌تا كاره‌بێ بۆ 24 ده‌مژمێران به‌رده‌وام دهێنه برێڤه‌برن، ب ده‌هان پرۆژه‌یێن دی ل پلان و به‌رنامه‌یێ وه‌زاره‌تا كاره‌بێ دایه ل پارێزگه‌هێن كوردستانێ بهێنه بجهكرن بۆ باشتركرنا ڤه‌گۆهاستنا ووزه‌یا كاره‌بێ ل وێسگه‌هێن به‌رهه‌م ئینانا كاره‌بێ بۆ باژێر باژێركێن كوردستانێ و كێمكرنا بارگرانیێ و فشار ل سه‌ر تورێن كاره‌بێ.
د راگه‌هاندنێ دا هاتیه كۆ زێده‌بوونا وێسگه‌هێن كاره‌بێ د ده‌مه‌كی دایه كۆ ره‌وشا كاره‌بێ باشبوون بخوڤه دیتی یه و تانوكه گرفتا كاره‌با نیشتمانی نه‌هاتیه چاره‌كرن.
ئەڤرۆ نیوز ، زنار تۆڤی:
ل شەڤا بوری پێلەکا دیتر یا بەفرێ ناحیا کانی ماسێ یا سەر ب قەزا ئامێدیێ باریە و نوە ژی بەفر ب رەنگەکێ بەردەوام یا دباریت، ل دەروازێ کومەلگەها نێڤدەولەتی یێ سەرزێری نێزیکی 35 سم بەفرێ باریە، هەروەسا رێیا هاتنووچوونێ بۆ دەروازێ سەرزێری هاتیە ڤەکرن و نوکە هاتنوچوون ل ڤی دەرگەهی یا ئاسایی یە.
سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیار کر: نوکە ب رەنگەکێ بەردەوام بەفر ل ناحیا کانی ماسێ یا دباریت و هەتا نوکە نێزیکی 35 سم بەفرێ ل دەروازێ سەرزێری باریە، لێ هەر زوو تیمێن رامالینا بەفرێ یێن شارەوانیا کانی ماسێ ل گەل رێڤەبەریا رێکوپرا ل دهۆکێ شیاینە رێیا سەرزێری ژ بەفرێ رابمالن، لێ ژ ئەگەرێ بارینا بەردەوام یا بەفرێ ئاستەنگی دکەڤنە د رێیا هاتنوچوونا شۆفێران دا، چونکی ب رەنگەکێ دژوار و بەردەوام بەفر یا دباریت و دیسان بەستیێ ژی رێک گرتیە و نوکە سەقایێ ڤێ دەڤەرێ گەلەک ساربوویە.
ئه‌ڤرۆ نیوز:
شانده‌كێ وه‌زاره‌تا چاندنێ یا حوكمه‌تا هه‌رێما كوردستانێ ب سه‌رۆكاتیا بێگه‌رد تاله‌بانی گه‌هشته به‌غدا بریاره ل سه‌ر چه‌ند پرسه‌كێن تایبه‌ت ب چاندنێ و ژێده‌رێن ئاڤێ ل گه‌ل لایه‌نێن عیراقی كۆم بن.
ئاواره محه‌مه‌د رێڤه‌به‌رێ راگه‌هاندنا نڤیسینگه‌ها وه‌زاره‌تا چاندنێ و ژێده‌رێن ئاڤێ یا حوكمه‌تا هه‌رێما كوردستانێ راگه‌هاند: شاندێ هه‌رێمێ بۆ شرۆڤه‌كرنا چه‌ند پرسه‌كان سه‌ره‌دانا به‌غدا كر، گرنگترین شایسته‌یێن دارایێن جۆتیارێن هه‌رێما كوردستان.
ئاواره محه‌مه‌د شاندێ وه‌زاره‌تا چاندنێ ل گه‌ل وه‌زیرێ چاندنێ و سه‌رۆك كۆمار و جێگرێن سه‌رۆك وه‌زیرێ عیراقێ بۆ كارۆبارێن دارای كۆم دبیت و تێدا چه‌ند پرسه‌كێن تایبه‌ت ب چاندنێ و ژێده‌رێن ئاڤی بهێنه به‌حسكرن. دناڤا وان دا دروستكرنا سكر و چوند بۆ پێشڤه‌برنا چاندنێ و پشكا هه‌رێما كوردستانێ ژ وان قه‌رێن عیراقێ بۆ ڤه‌ژاندنا چاندنێ وه‌ر گرتین.
ئه‌ڤرۆ نیوز:
حسێن عه‌ره‌ب ئه‌ندامێ جڤاتا نوونه‌رێن عیراقێ راگه‌هاندهه‌فتیا بهێت كابینا نوو یا حوكمه‌تا عیراقێ ب سه‌رۆكاتیا محه‌مه‌د عه‌لاوی ده‌ست بكار بیت.
ئه‌ندامێ جڤاتا نوونه‌رێن عیراقێ راگه‌هاند عه‌لاوی ل گه‌ل پێكهاته‌یێن عیرای دانوستاندنێ دكه‌ت، كابینا نوو دێ ژ 23 وه‌زیران پێك هێت و جڤاتا وه‌زیران ره‌تكرنا به‌ربژاران هه‌یه.
ئیكێ هه‌یڤا دوو به‌رهه‌م سالح سه‌رۆك كۆمارێ عیراقێ محه‌مه‌د توفیق عه‌لاوی بۆ پێك ئیننا كابینا نوو راسپاردیه.
ئه‌ڤرۆ نیوز، مه‌حمود نهێلی:
به‌رپرسێ پشكا كه‌شناسیێ ل قه‌زا ئامێدیێ بۆ ئه‌ڤرۆ نیوز دیار كر، ل پرانیا ده‌ڤه‌را ئامێدیێ به‌فر باریه و بوویه به‌ستی ژ به‌ر وێ یه‌كێ ئاسته‌نگی ل هه‌مبه‌ر هاتن و چونا هاولاتیان دروست بوویه.
هاشم یه‌حیا به‌رپرسێ پشكا كه‌شناسیێ ل قه‌زا ئامێدیێ بۆ ئه‌ڤرۆ نیوز دیاركر، كو د 24 ده‌مژمێرێن بوری دا ل سه‌نته‌رێ قه‌زا ئامێدیێ 7 سه‌نتیمێن به‌فرێ و 5 ملیمێن بارانێ بارینه و پاشان سه‌قا گه‌له‌ك سار بوویه و بوویه به‌ستی زێده‌باری وێ یه‌كێ كو به‌رده‌وام تیمێن رامالینێ جاده ڤه‌كرینه لێ هاتن و چون گه‌له‌ك ب زه‌حمه‌ت كه‌فتیه.
گۆت: ل سه‌رسنكی 12 ملیم و باران و 3 سمتیمێن به‌رفرێ و كانی ماسێ 20 ملیم باران و 26 سه‌متیمێن به‌فرێ و بامه‌رنێ 6 ملیم باران و 10 سه‌متیمێن به‌فرێ و ناحیا چه‌مانكی ژی 21 ملیم باران و 2 سه‌متیمێن به‌فرێ بارینه.
ناڤهاتی دیار ژی كر، كو ل سالا چووی ڤی ده‌مێ 300 ملیمێن بارانێ پتر ئه‌ڤ ساله باری بوون كو ئه‌ڤ ساله بتنێ 545 ملیم بارینه هه‌مبه‌ر سالاچووی ل ڤی ده‌می 841 ملیمێن بارانێ باری بوون.
ژلایێ خوه ڤه باژێرڤانیا سه‌رسنكی دیار كر، ژ به‌ر وێ پێلا به‌فرێ یا شڤێدڤی ده‌ڤه‌ر ب خوه گرتی، ل پرانیا جاده‌یێن سه‌رسنكێ به‌ستی دروست بوویه و ئاسته‌نگه ل هه‌مبه‌ر هاتن و چونا وه‌لاتیان دروست بوویه و ژ به‌ر وێ یه‌كی داحاز ژ شوفێران كریه كو هه‌كه بۆ كاره‌كی فه‌ر نه‌بیت هاتن و چونێ نه‌كه‌ن داكو توشی روودانێن هاتن و چونێ نه‌بن.
نيشاندان