ئەڤرۆ نیوز:
ئەڤرۆ سەرۆک مەسعود بارزانی پێشوازی ل ماسیۆ توولێر بالیۆزێ ئەمریکا ل بەغدا کر و د روونشتنەکێ دا بەحسێ رەوشا دووماهیێ یا عیراقێ و راسپاردنا محەمەد عەللاوی وەکو سەرۆک وەزیرێن عیراقێ هاتە کرن.
د روونشتنێ دا هەروەسا بەحسێ رەوشا سووریێ و مافێن گەلێ کورد ل سووریێ ژی هاتە کرن.
پەیوەندیێن هەرێما کوردستانێ و ئەمریکا ژی پشکەکا دی یا دیدارا سەرۆک بارزانی ل گەل بالیۆزێ ئەمریکا ل بەغدا بوو.
ئه‌ڤرۆ نیوز، بارزان مزووری:
سه‌روكێ رێكخراوا ره‌وشه‌نبیری بۆ سلامه‌تی و رێگاوبان ل كوردستانێ دیار كر بۆ كێم كرنا وان سه‌رپێچی و رویدانێن هاتن و چونێ مه پرۆژه‌كێ مه‌زن یێ به‌رهه‌ڤ كری د نها دا ژی ئه‌و پرۆژه بویه نامیلكه‌یه‌ك مه بزاڤ كریه دگه‌ل وه‌زاره‌تا په‌روه‌ردێ و په‌رله‌مانێ كوردستانێ كۆ ئه‌و نامیلكه ببیته ئێك ژ په‌رتوكێن قوتابیا ل باخچه‌یا بهێت گوتن هه‌تا بگه‌هیته زانكۆیێ.
یوسف محه‌مه‌د سه‌روكێ رێكخراوا ره‌وشه‌نبیری بۆ سلامه‌تی و رێگاوبان ل كوردستانێ بو ئه‌ڤرۆ نیوز گۆت: (ب شێوه‌یه‌كێ گشتی ل كوردستانێ مه زێده‌تر 200 هزار شوفێرێن ئافره‌ت یێن هه‌ین ل پێش سالێن بوری رێژا شوفێرا ئافره‌ت گه‌له‌ك یا زێده‌بوی جهێ ده‌ست خوشیێ یه بۆ وێ ئافره‌تێ ژبه‌ركۆ زێده‌تری شوفێرێ زه‌لام یا پێگیره ژ رێنمایێن هاتن و چونێ پتریا ئه‌و رویدانێن دروست ژی دبن شوفێرێ زه‌لام بوینه رێژا شوفێرا ئافره‌ت د ئه‌نجام دانا رویدانا دا گه‌له‌ك یا كێمه نه‌گه‌هشتیه ئاستێ توماركرنێ).
ناڤهاتی خویاكر جهێ داخێ یه ل كوردستانێ چ جارا ئامارا دروست نینن به‌لێ لدۆڤ ئامارا سالا بوری یا رێڤه‌به‌ریا گشتی یا هاتن و چونێ د سالا بوری دا زێده‌تری هزار كه‌سا گیانێ خۆ یێ ژ ده‌ست دای 8000 هزار كه‌س ژی بریندار بوینه 100 كه‌س ژی بوینه كێم ئه‌ندام سال بۆ سالێ رێژا رۆیدانا زێده‌تر یا لێ هاتی 2 ملیون سه‌رپێچی یێن هاتین توماركرن ئه‌ڤ رێژه ژماره‌كا مه‌ترسی یه پێتڤی ب دیراسه‌یه‌كا باشین بۆ كێم كرنا وان سه‌رپێچیا و كێمكرنا رویدانێن هاتن و چونێ مه پرۆژه‌كێ مه‌زن یێ به‌رهه‌ڤ كری د نها دا ژی ئه‌و پرۆژه بویه نامیلكه‌یه‌ك مه بزاڤ كریه دگه‌ل وه‌زاره‌تا په‌روه‌ردێ و په‌رله‌مانێ كوردستانێ كۆ ئه‌و نامیلكه ببیته ئێك ژ په‌رتوكێن قوتابیا ل باخچه‌یا بهێت گوتن هه‌تا بگه‌هیته زانكۆیێ بۆ ئاڤاكرنا جیله‌كا ساخله‌م كۆ هه‌موو رێنمایێن هاتن و چونێ دناڤ ڤێ په‌رتوكێ دا ب سه‌ناهی هاتینه شلۆڤه‌كرن ئه‌گه‌ر ئه‌ڤ پرۆژه نه‌كه‌ڤیته د بوارێ جێ به جێ كرنێ دا نه‌شێین كومه‌لگه‌هه‌كا ساخله‌م ئاڤا بكه‌ین ژبه‌ركۆ ئه‌و هه‌موو رویدانێن هه‌ین ئه‌نجامێن نه‌بوونا هشیاریێ یه.
ناڤهاتی دیار ژی کر خوشبه‌ختانه د كابینه‌یا نوی دا حكۆمه‌تا هه‌رێما كوردستانێ گرنگیه‌كا باش یا دایه دروست كرن و نوێژه‌نكرنا رێگاوبانێن هه‌رێما كوردستانێ به‌لێ ئه‌گه‌ر حكومه‌ت داهاتیێ سه‌رپێچیان یێ سێ سالان كوم بكه‌ت ب وی داهاتی هه‌موو رێكێن كوردستانێ بنه جووت ساید ب شێوه‌یه‌كێ ئوتوبان .
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ راگەهاند کو وەکو کابینا نەهێ یا حوکمەتێ وان دڤێت ب هەموو رەنگەکێ شەرێ گەندەلیێ بکەن و ل دۆر رەوشا عیراقێ ژی راگەهاند کو ئەو وەکو حوکمەتا هەرێما کوردستانێ هێڤیخوازن کو سەرۆک وەزیرێن راسپاردی محەمەد عەللاوی بشێت پشتەڤانیا ئالیێن سیاسی یێن عیراقێ و خەلکی بدەستڤە بینیت دا بشێت د کارێ خوە دا سەرکەفتی بیت.
ئەڤرۆ نیوز:
ژ بەر رەنیا بەفرێ ل باژێرکێ میکس یێ سەر ب پارێزگەها وانێ یێ باکورێ کوردستانێ ٢٨ کەسان جانێ خوە ژ دەست دان کو ٢٣ کەس ژ وان کارمەندێن هەوارهاتنێ نە.
ژێدەرێن هەرێمی دیار دکەن کو هژمارەک وەلاتی د ناڤ بەفرێ دا بەرزە ببوون و کارمەندین هەوارهاتنێ ژی چووینە هەوارا وان و پاشی ئەو ژی کەفتینە بن رەنیا بەفرێ و ٢٣ کارمەندان جانێ خوە ژ دەست داینە ل گەل ٥ کەسێن دی کو سەرجەمێ وان دبنە ٢٨ کەس.
ئەڤرۆ نیوز:
زانایێن چینی ئەڤرۆ دیار کرن کو پشتی ڤەکۆلینێن زێدە وان شیاینە ب رەنگەکێ دەستپێکی چەندین نەخوشێن کو هەلگرێ ڤایرۆسا کۆرۆنا بوون چارەسەر بکەن و ئەو یەک ژی پێنگاڤەکا گەلەک مەزنە بۆ چارەسەریا وان کەسان یێن کو تووشی نەخوشیا کۆرۆنا بووینە.
رێکخراوا ساخلەمیا جیهانی ژی دیار دکەت کو ژ بەر ڤایرۆسا کۆرۆنا هەتا نها ٥٠٠ کەسان جانێ خوە ژ دەست داینە و پتر ژ ٢٥ هزار کەس ژی نەخوشن.
ئەڤرۆ نیوز:
بەرپرسەکێ وەزارەتا بەرەڤانیێ یا ئەمریکا بۆ ئاژانسا رویترز دیار کریە کو بەری نها هاریکاریێن هەوالگیری و ب تایبەتی ژی د دەربارێ بکارئینانا فرۆکێن بێ فرۆکەڤان ل سووریێ هاریکاری د ناڤبەرا ئەمریکا و تورکیا دا هەبوو، لێ نها ئەمریکا ئەو یەک دایە راگرتن و رێ نادەت تورکیا فرۆکێن بێ فرۆکەڤان بۆ کارێن سیخوری ل باکورێ سووریێ ژی بکار بینیت.
ئەڤرۆ نیوز، بارزان مزووری:
عامر مەعروف شایەتحال ل نێزیک رویدانێ بۆ ئەڤرۆ نیوز گۆت: (ئه‌ڤرۆ ده‌مژمێر 3:00 پشتی نیڤرۆ دناڤ سه‌نته‌رێ كومه‌لگه‌ها چره سه‌ر ب قه‌زا شێخان ڤه رویدانه‌ك دناڤبه‌را سێ ترۆمبێلا رویدا لدوڤ زانیاریێن ده‌سپێكێ دو ژن و زەلامەک بریندارن و بۆ نه‌خوشخانا شێخان یا گشتی هاتینه ڤه‌گوهاستن).
ئەڤرۆ نیوز:
بالیۆزێ ئیرانێ ل عیراقێ ئیرەج مەسجدی راگەهاند کو ئیرانێ دڤێت ب رێیا دانوستاندنان ل گەل سعوودیێ و ئیماراتێ ئاریشێن خوە ل گەل وان هەر دو وەلاتان چارەسەر بکەت، ژ بەر هندێ ژی عیراق دشێت رۆلەکێ کاریگەر بگێریت.
بەری نها ژی وەزیرێ دەرڤە یێ ئیرانێ محەمەد جەواد زەریف ژی دیار کربوو کو ئیرانێ دڤێت ئاریشێن خوە ل گەل سعوودیێ چارەسەر بکەت چونکو ئەو یەک د بەرژەوەندیا هەر دو ئالیان دایە.
ئەڤرۆ نیوز:
جێگرێ سەرۆکێ لیژنا پەیوەندیێن دەرڤە یا ئەمریکا راگەهاند کو هەکە عیراق داخوازا سیستەمێ بەرەڤانیێ یێ موشەکی ئانکۆ پاتریۆتان ل ئەمریکا بکەت دڤێت ئەو سیستەم ل هەرێما کوردستانێ بهێتە دانان. چونکو هەرێما کوردستانێ دەڤەرا هەری ئارام یا عیراقێ یە و کورد هەڤپەیمانێن باشن بۆ ئەمریکا و دڤێت موشەکێن پاتریۆت ل هەرێما کوردستانێ بهێنە دانان.
نيشاندان