ئه‌ڤرۆ نیوز:
پشتى یانا به‌رشه‌لۆنا ب فه‌رمى هه‌ڤبه‌ستا یاریزانێ خوه یى نوو یێ پورتوگالى فرانسیسكو ترینكاو ئه‌وێ ل هێلا ناڤین یارى كه‌ت به‌لاڤه‌كرى پشتى گه‌هشتى نه رێككه‌فتنێ ل گه‌ل یانا سپورتینگ براگا بۆ ڤه‌گوهاستنا وى یاریزانێ گه‌نچ یێ 20 .
فرانسیسكو ترینكاو دێ ل گه‌ل یانا به‌رشه‌لۆنا بیت هه‌تا هاڤینا 2025 .
فرانسیسكو ترینكاو كى یه
ده‌ستپێكا خوه ل گه‌ل ئه‌كادمیا سپورتینگ براگا ده‌ستپێكر و ل سالا 2012 یارى بۆ تیما 15 سالى یا وێ یانێ كر و ل 2014 بۆ تیما 17 سالى هاته سه‌رئێخستن و سالا پاشتر بۆ تیما 17 سالى و ل سالا 2016 هه‌تا 2018 بۆ تیما دوێ یا وێ یانێ یارى كر و ل هه‌مان سال بۆ تیما ئێكێ یا براگا هاته سه‌رئێخستن و پێشبینیه‌كا مه‌زن بۆ ئه‌ڤى یاریزانى دهێته‌كرن كو پاشه‌رۆژه‌كا گه‌ش هه‌یه و وى یاریزانێ ناڤبرى ل وه‌رزێ ئه‌ڤ ساله 22 یاریان دا پشكدارى ل گه‌ل یانا خوه كریه و شیایه 3 گولان توماربكه‌ت شه‌ش گولان ژى بۆ هه‌ڤالێن خوه به‌رهه‌ڤبكه‌ت.
هه‌ردیسان وى یاریزانێ ناڤبرى بۆ هه‌لبژارتیێن پورتوگال یێ 15 سالى هه‌تا 21 سالى یارى كریه.
نووترين نووچه
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
- چاڤدێرێن سیاسی ژ چاوانیا برێڤەچوونا قۆناغا ئاشتیێ دلگرانن
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
سهرهكى Facebook
بریتانیا ب فه‌رمی ژ ئیكه‌تیا ئه‌وروپا ده‌كه‌ت
ئه‌ڤرۆ نیوز:
بریتانیا 1/2/2020 ب شێوه‌یه‌كێ فه‌رمی ژ ئێكه‌تیا ئه‌وروپا ده‌ركه‌ت.
بریتانیا ل سالا 1973 ب فه‌رمی ب بوو ئه‌نداما ئیكه‌تیا ئه‌ورۆپا،بریاره ئه‌ڤرۆ دوریه‌كا ڤه‌گۆهاستنێ یا 11 هه‌یڤی ده‌ست پێ بكه‌ت، دوی ده‌مێ دیاریكری بریتانیا رێكه‌فتنه‌كا بازرگانی یا درێژخایه‌ن ل گه‌ل ئێكه‌یتا ئه‌ورۆپا بكه‌ت، تا ئه‌وی ده‌می گرێبه‌سته‌ك دناڤبه‌را بریتانیا و ئێكه‌تیا ئه‌وروپا وه‌ك خۆ دمینن.
سروودەك ب شه‌هیدێن ئێکی شواتێ گۆتیە
ئەڤرۆ نیوز، زنار تۆڤی:
هونەرمەند كامه‌ران عەبدولره‌حمان ب سروودەکێ بیرەوەریا شه‌هیدێن ئێکی شواتێ كریە.
د دیدارەکێ دا هونه‌رمه‌ند كامه‌ران عه‌بدولرەحمان بۆ مالپەرێ ئەڤرۆ نیوز راگه‌هاند: ل بیرەوەریا شه‌هیدێن ئێکی شواتێ، وی سروودەک ل ژێر ناڤێ ئێکی شواتێ بەلاڤە كریه، کو ئەڤ سروودە ژ پەیڤێن هەلبەستڤان كازم كۆیی یە، ئاوازا وێ ژی یا مامۆستا شه‌ریف یە، هەروەسا ئامادەکرن و دابه‌شكرنا موزیکێ ژ ئالیێ هونه‌رمه‌ند هۆگر سه‌عیدی ڤە بۆ هاتیە کرن، وی ژی وەکو رێرگرتنەک بۆ وان شەهیدان ل ئێکی شواتێ ئەو سروودە کلیپ کریە و بەلاڤ کریە.
ل ئێکی شواتا سالا 2004 د كریارەکا تیرۆرستی دا ل هەولێرا پایتەخت کومەکا سه‌ركرده و كادرێن پارتی دیموكراتی كوردستان ل باره‌گایێ لقێ دو، هەروەسا مه‌لبه‌ندێ سێ یێ ئێکەتیا نیشتمانی كوردستان شه‌هید بوون.
35 سم بەفرێ ل سەنتەرێ ناحیا کانی ماسێ بارینە
ئەڤرۆ نیوز ، زنار تۆڤی:
رێڤەبەریا گشتی یا سەقاناسی و ئەردهەژان ل هەرێما کوردستانێ هۆشداری دابوو ژ ئەگەرێ بارینا بەفر و بارانێ ل پرانیا دەڤەرێن هەرێمێ، ل شەڤا بوری، پێلەکا دیتر یا بەفرێ ناحیا کانی ماسێ ڤەگرتیە و د ئەنجامدا رێژەکا باش یا بەفرێ ل سەنتەرێ ناحیا کانی ماسێ و دەروازێ گومەلگەها نێڤدەولەتی یێ سەرزێری باریە، هەروەسا رێکێن هاتنووچوونێ ژی بەردەوام ژ ئالیێ شارەوانیا کانی ماسێ ڤە دهێنە ڤەکرن.
کامیران محەمەد رێڤەبەرێ شارەوانیا کانی ماسێ، تایبەت بۆ ئەڤرۆ نیوز دیار کر: شڤێدی رێژەکا باش یا بەفرێ ل سنورێ ناحیا کانی ماسێ باریە و د ئەنجامدا هەتا نوکە 35 سم بەفرێ ل سەنتەرێ ناحیا کانی ماسێ بارینە و ل دەروازێ سەرزێری 50 سم بارینە.
ناڤهاتی گۆت ژی: هەر زوو تیمێن رامالینا بەفرێ شیاینە رێکێن هاتنوچوونێ ژ بەفرێ رابمالن و نوکە ژی ب رەنگەکێ بەردەوام یێ رێکێن هاتنوچوونێ ڤە دکەن.
حوکمەتا هەرێمێ داخوازێ ژ وەلاتیان دکەت سەرەدانا چینێ نەکەن
ئەڤرۆ نیوز:
وەزارەتا نافخۆ یا حوکمەتا هەرێما کوردستانێ راگەهاند، ژ پێخەمەت رێگریکرن ژ بەلاڤبوونا ڤایرۆسێ کۆرۆنا داخوازێ ژ وەلاتیێن هەرێما کوردستانێ دکەت، گەشتێن خوا بۆ چینێ پاشبێخن.
وەزارەتا نافخۆ د نڤیسارەکێ دا کو بۆ فڕۆکخانان هنارتیە ئاماژێ ب هندێ دکەت، هاتنا ژوور ل دەرگەهێن سنۆری یێن هەرێما کوردستانێ بۆ وان کەسێن بیانی یێن کو ل 14-1-2020 سەرەدانا چینێ کرین قەدەغەیە.
هەروەسا گۆتیە، ئەو وەلاتیێن ژ چینێ ڤەدگەرن، دێ ئێخینە ژێر چاڤدێریێ و پێدڤیە تیمێن نۆشداری ل سەرجەم دەروازێن سنووری یێن هەرێما کوردستانێ بهێنە دانان، دیسان حوکمەتا عیراقێ پێدانا ڤیزا ئەلکترۆنی ب وەلاتیێن چینی قەدەغە کریە.
ئەڤ شەڤە ب فەرمی بریتانیا دێ ژ ئێکەتیا ئورۆپا دەرکەڤیت
ئەڤرۆ نیوز:
پشی پەسەندکرنا دەرکەفتنا بریتانیا ژ ئێکەتیا ئورۆپا، بریارە ل دەمژمێر دو ئەڤ شەڤە ب دەمێ کوردستانێ، ئەو وەلاتە ب فەرمی ژ ئێکەتیا ئورۆپا بچیتە دەر.
مالپەرێ بی بی سی یێ بریتانی بەلاڤکریە، پشتی ٤٧ سالان ژ ئەندامەتیا بریتانیا د ئێکەتیا ئورۆپا دا، دوماهی جار دەمژمێر ١١ ئەڤ شەڤە ب دەمێ وی ولاتی، دێ چیتە دەرڤە و بریارە بەری دەمژمێرەکێ ژ چوونە دەرڤە ژی، بۆریس جۆنسن، سەرۆک وەزیرێن وی ولاتی پەیامەکا ڤیدیۆیی بەلاڤ بکەت و تێدا پەیاما خوە بۆ وەلاتیێن بریتانی ل سەر بابەتێ برێگزت ئاشکرا بکەت.
بی بی سی ئاماژە کریە ژی، دهێتە چاڤەڕێکرن سەرۆک وەزیر د پەیاما خوە دا داخوازا ئاوایێ بازرگانیا وەک کەنەدا بکەت، کو ل هەڤهاتنەک بۆ بازرگانیا ئازاد ل گەل ئێکەتیا ئورۆپا دا هەیە.
چین داخوازا 200 ملیۆن ماسکان ژ توركیا دکەت
ئەڤرۆ نیوز:
پشتی سه‌رهه‌لدانا ڤایرۆسێ كۆرۆنا ل چینێ، داخوازی ل سه‌ر ماسکان ل چینێ زێدەبوویە، لدووڤ زانیاریان به‌رپرسێن چینێ د ماوێ 10 رۆژێن بوری دا داخوازا 200 ملیۆن ماسکان ژ كارگەهێن نۆشداری یێن توركیا كرینه.
ئێك ژ رێکارێن سه‌ره‌كی به‌رامبه‌ر ڤایرۆسێ كۆرۆنا به‌ستنا ماسکا یە، چین مەزنترین به‌رهه‌مهێنه‌رێ ده‌مامكێ یە د جیهانێ دا، لێ پشتی سه‌رهه‌لدانا ڤی ڤایرۆسی نەشێت خواستا نافخۆیی دابین بكەت، لەوما په‌نا بۆ ده‌رڤەی وەلاتی بریه.
توركیا كو هنارده‌كارا ماسکایه، ئێک ژ وان وەلاتێن سه‌ره‌كیە کو چینێ داخوازا دابینكرنا ماسکان ژێكریە،
پارێزگەها ئیزمیرێ کو زۆرترین و مەزنترین كارگه‌هێن نۆشداری یێن توركیا لێ هەنە و پێشه‌نگه د به‌رهه‌مێن نۆشداری دا، ب شێوه‌کێ چڕ كار د‌كه‌ن بۆ دابینكرنا داخوازیا چینێ.
هەڤدەم كارگه‌هێن به‌رهه‌مهێنەر یێن ماسکان ل باژێرێن ئیسته‌نبۆل، زۆنگولداك و ده‌نیزلی ب هه‌مان شێوه سێ شه‌فتی كار دکه‌ن و بێی راوه‌ستان بۆ هندێ داکو ل دەمێ دیارکری دا دێ 200 ملیۆن ماسکان هنارده‌ی چینێ كه‌ن.
دو حالەتێن ڤایرۆسێ کۆرۆنا ل رووسیا هاتنە تۆمار کرن
ئەڤرۆ نیوز:
جێگرا سەرۆک وەزیرێن رووسیا راگەهاند، دو کەسێن چینی ل رووسیا توشی ڤایرۆسێ کۆرۆنا بووینە.
ئەڤرۆ ئەینیێ تاتیانا گۆلیکۆڤا، جێگرا سەرۆک وەزیرێن رووسیا راگەهاندیە، دو کەسێن خەلکێ چینێ د ولاتێ وان دا تۆشی ڤایرۆسێ کۆرۆنا بووینە و رێکارێن ساخلەمیێ بۆ وان هاتینە ئەنجامدان و نوکە ل ژێر چاڤدێریا هوور یا ساخلەمیێ دانە.
هەروەسا راگەهاندیە ژی، ئەو دو کەس ل دو جهێن جۆدا یێن رووسیا نە، ئێک ژ وان ل هەرێما تایمن ل رۆژئاڤا سیبریا دژیت و ئەوێ دیتر ل رۆژھەلاتێ وی وەلاتی دژیت.
دیسان رووسیا بۆ رێگرتن ژ بەلاڤبوونا ڤایرۆسێ کۆرۆنا، سنورێ دناڤبەرا خوە و وەلاتێ چینێ ب درێژاهیا چار ھزار و ٣٠٠ کیلۆمیتران داخستیە.
سەقاناسیا هەرێمێ هۆشداریەکێ د دەتە وەلاتیان
ئەڤرۆ نیوز:
رێڤەبەریا گشتی یا سەقاناسی و ئەردهەژان ل هەرێما کوردستانێ راگەهاند ، لدووڤ پێشبینیان ئەڤ شەڤە دێ پێلەکا دی یا بەفر و بارانێ دەڤەرێن هەرێمێ ڤەگریت و پلێن گەرمێ دێ شەش بۆ حەفت پلان نزم بن، هەروەسا ئەڤ پێلا بەفر و بارانێ دێ هەتا رۆژا ئێکشەمبیێ یا بەردەوام بیت.
دیسان گۆتیە ژی، ژ ئەنجامێ باندۆرا دەریا ناڤەراست ، ئەڤ شەڤە دێ پێلەکا دی یا بەفر و بارانێ دەڤەرێن هەرێمێ ڤەگریت و درەنگیا شەڤێ دێ باندۆرا وێ ب هێزتر بیت و دێ سەنتەرێ باژێرێن سلێمانیێ و دەردورا هەولێر و دهۆکێ ژی ڤەگریت.
ڤەکولینەک: زارۆیێ دویێ پتر ئاریشان دروست دکەت
ئەڤرۆ نیوز:
د نووترین ڤەکولین دا دەرکەفتیە، کو زارۆیێ دویێ زێدەتر ئاریشان دروست دکەت، ب بەراورد ل گەل زارۆیێ ئێکێ.
لدووڤ نووچەکێ The Independent یێ بریتانی، وێ ڤەکولینێ ئامارا هزار برایان وەرگرتیە ل دانیمارک و بریتانیا، تێدا دەرکەفتیە کو زارۆیێ دویێ ب رێژا %20 بۆ 40 زێدەتر حەز دکەت، ئاریشان دروست بکەت و ل قوتابخانێ ژی دهێتە سزادان، ب بەراورد ل گەل زارۆیێ ئێکێ.
هەر چەندە ئەڤ ڤەکولینە یا گشتگیر نینە، چونکی ئامارا کچان نەهاتیە وەرگرتن و ب تنێ یا کوران هاتیە وەرگرتن.
وێ ڤەکولینێ ئاشکرا کریە، کو زارۆیێ مەزن یێ زیرەکترە و کێمتر کێشان دروست دکەت، د دەمەکێدا زارۆیێ بچووکتر زێدەتر بزاڤێ دکەت، زیانێ بگەهینیتە یێ بەرامبەری خوە و تۆلا خوە ژێ ڤەکەت.
وێ ڤەکولینێ ئەگەر بۆ هندێ ڤەگەراندیە، کو زارۆیێ ئێکێ زێدەتر گرنگی پێ دهێتە دان، ب تایبەتی ل دەستپێکا ژیێ وی دا، لێ پێدڤیە دەمێ زێدەتر بۆ زارۆیێ دویێ ژی بهێتە تەرخان کرن، ب تنێ گرنگی ب زارۆیێ ئێکێ نەهێتە دان.
نيشاندان
WP Facebook Auto Publish Powered By : XYZScripts.com