ئەڤرۆ نیوز:
جارەکا دی چەکدارێن داعشێ هێرش کرە سەر لەشکەرێ عیراقێ و ب وێ چەندێ دو سەرباز هاتنە کوشتن.
ئەڤرۆ چەکدارێن داعشێ هێرش کرە سەر خالەکە لیوایا ٤٥ یا سۆپایێ عیراقێ ل قەزا داقوق و ب وێ چەندێ ژی دو سەرباز هاتنە کوشتن.
ئەڤەژی د دەمەکێ دایە، د دەمێن دەبارز بوویی دا چەندین جاران چەکدارێن داعشێ ل خالێن سنوری هێرش کرێە سەر لەشکەرێ عیراقێ و پۆلیسێن فیدرالی، چەندین کەس ژێ کوشتینە و بریندار کرینە.
ئەڤرۆ نیوز:
پەرلەمانێ ئورۆپا ب پرانیا دەنگان دەرچوونا بریتانیا ژ ئێکەتیا ئورۆپا پەسەند کر.
ڤێ ئێڤارێ دناڤ پەرلەمانێ ئورۆپا دا و ب کۆدەنگی، کو دلتەنگی پێڤە یا دیاربوو، دەمێ پەرلەمانتاران خواترا خوە ژ ئێک دخواست و وێنێن بیرهاتنێ ل گەل ئێک دگرتن.
پەرلەمانێ ئورۆپا ژ 751 پەرلەمانتاران پێکدهێت، ب چوونا بریتانیان دێ 678 پەرلەمانتار مینن، ئەڤ پێنگاڤا ئەڤرۆ چارشەمبێ 29-1-2020 ل پەرلەمانی ئورۆپا ب تنێ دو رۆژ بەری دەمێ فەرمی یێ دەرچوونا بریتانیا ژ ئێکەتیا ئورۆپا دهێت.
ئه‌ڤرۆ نیوز، بارزان مزوورى:
سه‌ردار یەحیا عەبدولعەزیز، قائیمقامێ قه‌زا شێخان بۆ ئه‌ڤرۆ نیوز گۆت: ئه‌ڤرۆ رێكه‌فتى 29/1/2020 لژنا چاڤدێرى و بازرگانى یا قه‌زا شێخان دگه‌ل هه‌ر ئێك ژ ئاسایش و پولیس و ساخله‌مى یێن شێخان ده‌ست ب سه‌ر جوره‌كێ شه‌ربه‌تا ئیرانى دا گرت یا بناڤێ”شانتى” كۆ مێژوویا وێ ب سه‌ناهى دهاته ژێبرن.
ناڤهاتى خویاكر ئه‌ڤ جورێ شه‌ربه‌تێ دناڤ كوگه‌ها كومپانیا”سه‌فین” ل دوو ریانا شێخان هات ده‌سته‌سه‌ركرن پێك دهات ژ 69 كارتونا 500 لترا پێك دهات.
ناڤهاتى گۆت ئه‌ڤ جورێ شه‌ربه‌تێ هه‌ر وه‌خته‌كێ مێژوویا وى سه‌رڤه دچۆ هه‌موو كه‌س دشیان مێژویه‌ك نوى بۆ دروست كه‌ن ژبه‌ركۆ مێژویا وێ یا ل سه‌ر نه‌یا دروست بۆ ب سه‌ناهى دهاته ژێبرن ،
قائیمقامێ قه‌زا شێخان گۆت ژى ژبلى وان كارتونا ئه‌ڤ شه‌ربه هاتیه فرۆتن دناڤ بازارى به‌لاڤ بویه به‌لێ لژنا هه‌ڤپشك به‌رده‌وام دێ گه‌ریانێ لدوڤ كه‌ت ده‌سته‌سه‌ركه‌ت خه‌لكێ خۆ ئاگه‌هدار دكه‌ین كۆ وێ جورێ شه‌ربه‌تێ نه‌كرن.
ئه‌ڤرۆ نیوز، بارزان مزوورى:
سه‌یدۆ چه‌تۆ، سه‌رۆكێ ئه‌نجومه‌نێ پارێزگه‌ها مووسل بۆ ئه‌ڤرۆ نیوز گۆت: لدووڤ بریارا رێڤه‌به‌ریا گشتى یا ساخله‌میا پارێزگه‌ها مووسل د. نغم نوزت حه‌سه‌ن” ب شێوه‌یه‌كێ فه‌رمى ئه‌ڤرۆ رێكه‌فتى 29/1/2020 بۆ رێڤه‌به‌را نه‌خوشخانا شێخان یا گشتى.
ناڤهاتى خۆیاكر رێڤه‌به‌رێ به‌رى نها دكتور”جاسم ئەلمعمارى” بۆ هاتیه ڤه‌گوهاستن بۆ پارێزگه‌ها مووسل ئه‌ڤه ماوه‌یه‌ك درێژ بۆ نه‌خوشخانا شێخان یا گشتى یا بێ رێڤه‌به‌ر بۆ لدوڤ ره‌زامه‌ندیا ئیدارا قه‌زا شێخان ئه‌و رێڤه‌به‌را نوى هات ده‌ست نیشانكرن بریارا وێ هات دان ژلایێ رێڤه‌به‌ریا گشتى ڤه.
ئه‌ڤرۆ نیوز، بارزان مزوورى:
ئه‌ڤرۆ نیڤرۆ رێكه‌فتى 29/1/2020 شانده‌ك پێك دهات ژ سه‌رۆكێ ئه‌نجومه‌نێ پارێزگه‌ها مووسل و په‌رله‌منتارێن كورد ل به‌غدا سه‌ره‌دانا قه‌زا شێخان دا دگه‌ل قائیمقامێ قه‌زا شێخان و رێڤه‌به‌رێن میرى كۆمبو لدور شایسته‌نێن داراى یێن قه‌زا شێخان سه‌ر ب بودجه‌یا مووسل ڤه.
د.خالیدا خه‌لیل، په‌رله‌منتار ل په‌رله‌مانێ عێراقێ بۆ ئه‌ڤرۆ نیوز گۆت:مه‌ره‌م ژ كۆمبونا مه دگه‌ل ئیدارا قه‌زا شێخان ژبۆ ڤه‌دیتنا پلانه‌كێ بۆ وان پرۆژێن پێتڤى ب ئیدارا مووسل ڤه گرێداى بۆ قه‌زا شێخان گوهداریا وان هه‌موو پرۆژێن پێتڤى كرن ئه‌و پرۆژه هه‌موو ب پرۆپوزه‌له‌كێ تایبه‌ت دێ هێنه توماركرن دناڤ بودجه‌یا 2020 دا چونكۆ ئه‌م هه‌موو دزانین د بودجه‌یا ئاڤاكرنا وان ده‌ڤه‌رێن زیان پێ كه‌فتى یا هه‌ى دگه‌ل بودجه‌یه‌كا نیڤده‌وله‌تى هه‌تا نها ژى بودجه‌یا 2020 یا ل په‌رله‌مانى نه‌هاتینه دابین كرن ئه‌م دێ بزاڤێ كه‌ین بودجه‌یا شێخان یا سه‌ر ب ئیدارا مووسل ڤه هه‌موویێ ب دروستى گه‌هینین بۆ دروست كرنا پرۆژێن خزمه‌گوزارى بۆ قه‌زا شێخان.
سه‌یدۆ چه‌تۆ، سه‌رۆكێ ئه‌نجومه‌نێ پارێزگه‌ها مووسل بۆ ئه‌ڤرۆ نیوز گۆت: سه‌ره‌دانا مه بۆ قه‌زا شێخان دیفچوون چاڤدێرى كرنا وان پرۆژێن خزمه‌تگوزارى یه ل ده‌ڤه‌را شێخان ژبلى ئاكنجیێن ده‌ڤه‌رێ ژبه‌ركۆ چار كه‌مپ لڤێ ده‌ڤه‌رێ یێن هه‌ین بارێ وان گه‌له‌ك گران بوى له‌وما ئه‌ركه‌كێ مه‌زن یێ ل سه‌ر ملێن وان له‌وما یا سه‌رمه پێتڤى یه چاڤدێریا وان كه‌مپا بكه‌ین دگه‌ل ئیدارا قه‌زا شێخان ،هه‌رچه‌نده ئه‌م وه‌كۆ ئه‌نجومه‌نێ پارێزگه‌ها مووسل لدوڤ بریارا دادگه‌ها ئیتیحادیا بالا كارێ مه هاتیه راوه‌ستاندن به‌لێ ئه‌م به‌رده‌وام یێ خزمه‌تا خه‌لكێ خۆ كه‌ین .
سه‌ردار یه‌حیا عەبدولعەزیز، قائیمقامێ قه‌زا شێخان بۆ ئه‌ڤرۆ نیوز گۆت: جهێ ده‌ست خوشیێ بۆ شاندێ په‌رله‌منتارێن به‌غدا و سه‌رۆكێ ئه‌نجومه‌نێ پارێزگه‌ها مووسل سه‌ره‌دانا ئیدارا قه‌زا شێخان دا كومبونه‌ك به‌رفره‌ه هات ئه‌نجام دان ل كوچكا قائیمقامیا شێخان ژبۆ مه‌ره‌ما دابین كرنا شایسته‌یێن داراى یێن قه‌زا شێخان ژلایێ ئیدارا مووسل ڤه ژ رۆیێ دابین كرنا بودجه‌ى بۆ دروست كرنا پرۆژێن خزمه‌تگوزارى ل سه‌ر بودجه‌یا حكومه‌تا مه‌ركه‌زى یا ئیدارا پارێزگه‌ها مووسل ژلایێ وى شاندى ڤه دیفچوون ل سه‌ر هێت كرن بۆ دروست كرنا پرۆژێن پێتڤى بۆ قه‌زایێ.
ناڤهاتى خۆیاكر هه‌موو پرۆژێن خۆ یێن قه‌زایێ پێشكێشى وان كرین ب رێكا سندوقا ئاڤه‌دانكرنا عێراقێ به‌شه‌ك ژى ل سه‌ر شایسته‌یێن داراى یێن شێخان ل سه‌ر بۆدجه‌یا پارێزگه‌ها مووسل بۆ هه‌موو كه‌رتێن پێتڤى یێن قه‌زایێ ، هنده‌ك كێشه‌یێن ئیدارى ل قه‌زایێ هه‌بون ب رێكا وان ئه‌و كێشه ژى دهێنه چاره‌سه‌ركرن.
ئەڤرۆ نیوز، زنار تۆڤی:
د. هه‌ڤین که‌مال شاهـ محەمەد، بسپۆر د زانستێ ئازار و به‌نجێ دا، بۆ ئەڤرۆ نیوز راگەهاند: ھۆرمۆنان گەلەک کاریگەری ل سەر حالەتێ دەروونی و هزری یێ مرۆڤی هەیە، هەروەسا دەستەکێ بالا ل سەر رێکخستنا چالاکیێن لەشێ مرۆڤی هەیە، ھندەک ھۆرمۆن ھەنە ب ھۆرمۆنێ دلخۆشیێ د ناسیارن، ئەو ژی ئەڤە نە:
. ھۆرمۆنێ _ئەسیتایل کۆلین : ئەڤ ھۆرمۆنە بەرپرسە ژ ئاگەهیێ و ژ بیرنەچوونێ، هەروەسا ئاگەهدارکرنا شەھیەتێ و حەزا خوارنێ ، دیسان بەرپرسە ژ حەزا سکسی و کریارێن سکسی.
. ھۆرمۆنێ میلاتونین: ئەڤ ھۆرمۆنە هاریکاریا لەشی دکەت بۆ خەوێ و بهێنڤەدانێ، هەروەسا رێکخستنا خەوێ و دەمژمێرێن بایۆلۆژی د لەشێ مرۆڤی دا .
. ھۆرمۆنێ ئیندۆرفین: ئەڤ ھۆرمۆنە ئازاران کێم دکەت، بارێ دەروونی ئارام دکەت، مرۆڤی دلخۆش دکەت.
. ھۆرمۆنێ دۆپامین: ئەڤ ھۆرمۆنە بەرپرسە ژ تام وەرگرتنێ، ھەروەسا بەرپرسە ژ هووربینیێ و تەرکیزێ.
. ھۆرمۆنێ _نۆر ئیپینفرین: ئەڤ ھۆرمۆنە بەرپرسە ژ ھەست و حەزێن سکسی و ھەست کرن ب خۆشیێ و تامێ.
. ھۆرمۆنێ ئینکیفالین: ئەڤ ھۆرمۆنە بەرپرسە ل دژی خەمۆکیێ.
. ھۆرمۆنێ ئۆکسیتۆسین : ئەو ھۆرمۆنە کو بەرپرسە ژ ھەست و سۆزێ.
. ھۆرمۆنێ سیرۆتۆنین: ئەڤ ھۆرمۆنە بەرپرسە ژ باشتر کرنا خەوێ و نەهێلانا دو دلیێ.
ھەر ئێک ژ ڤان ھۆرمۆنان ب رێیا راستەوخۆ یان نە راستەوخۆ کاریگەری ھەیە بۆ سەر لایەنێ دەروونی و نەھێلانا خەمۆکیێ و دودلیێ و کێمکرنا ئازاران د لەشێ مرۆڤی دا.
ئه‌ڤرۆ نیوز، ره‌وان نهێلى:
ژێده‌ره‌كێ ژ كۆمپانیا كاڤین كرۆپ بۆ ئه‌ڤرۆ نیوز دیاركر بڕیاره رۆژا ئێكشه‌مبیا بهێت، 17 كم رێیا رۆڤیا بۆ گۆپال بهێته ڤه‌كرن كو ل قوناغا ئێكێ 5 كم هاتبوو ڤه‌كرن و ل قوناغا دوێ ل رۆژا ئێكشه‌مبى دێ 12 كم دى هێنه ڤه‌كرن و 5 كم مایى، ئه‌وژى ل نێزیك دێ هێته ڤه‌كرن.
پرۆژێ دروستكرنا جوتسایدكرنا رێیا رووڤیا بۆ گۆپال ب رێیه‌كا ستراتیژى یا د ناڤبه‌را پارێزگه‌ها دهۆك و هه‌ولێرێ دا دهێته هژمارتن كو ژ ئالیێ كۆمپانیا كاڤین گرۆپ ڤه دهێته بجهئینان كو 22 كم رێكێ یێن سه‌ره‌كی نه و 15 كم به‌روه‌ختن.
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهۆكێ ئه‌ڤرۆ پێشوازیا د. سوها خه‌لیل وه‌زیرا په‌روه‌ردا حوكمه‌تا عیراقا فیدرال و شاندێ د گه‌ل دا كر.
د هه‌ڤدیتنه‌كێ دا ب ئاماده‌بوونا ئیسماعیل محه‌مه‌د هاریكارێ پارێزگه‌ری بۆ كاروبارێن ئاواره و په‌نابه‌ران و عومه‌ر عه‌لی ته‌ها رێڤه‌به‌رێ گشتی یێ په‌روه‌ردێ ل پارێزگه‌ها دهۆكێ به‌حسێ ره‌وشا په‌روه‌ردێ ل سنورێ پارێزگه‌ها دهۆكێ و ره‌وشا قوتابیێن ئاواره ئه‌وێن ل سنورێ پارێزگه‌ها دهۆكێ دخوینن و ئه‌و هاریكاریا په‌روه‌ردا پارێزگه‌ها دهۆكێ بۆ دكه‌ت هاته كرن.
وه‌زیرا په‌روه‌ردا حوكمه‌تا عیراقا فیدرال سوپاسیا پارێزگه‌ها دهۆكێ و سازیێن په‌روه‌ردێ ل سنورێ پارێزگه‌هێ كر ل هه‌مبه‌ر ئه‌و هاریكاریا ل گه‌ل قوتابیێن ئاواره كری و خواست ئه‌و هاریكاری یا به‌رده‌وامبیت هه‌تا هه‌موو ڤه‌دگه‌ڕنه سه‌ر جهێن خوه ل پارێزگه‌هێن دی یێن عیراقێ ب تایبه‌تی ل پارێزگه‌ها نه‌ینه‌وا.
پارێزگه‌رێ دهۆكێ ته‌كه‌ز كر كو كارگێریا پارێزگه‌هێ و بوردێ كاروبارێن مرۆڤایه‌تی و رێڤه‌به‌ریا گشتی یا په‌روه‌ردێ به‌رده‌وام دێ هاریكاریا هه‌موو قوتابیێن ئاواره كه‌ن كو بێ ئاریشه به‌رده‌وامیێ بده‌نه خواندنا خوه.
هه‌ر ئه‌ڤرۆ پارێزگه‌رێ دهۆكێ خودانێن نڤێسینگه‌هێن كرین و فروتنا ئه‌رد و خانیا كۆمبوو و د كۆمبوونێ دا به‌حسێ ره‌وشا نڤێسینگه‌هێن كرین و فروتنا ئه‌رد و خانیا و ئاریشێن تاپۆكرنا وان یێن دهێنه پێش و كارتێكرنا باجا زێده ل سه‌ر بزاڤا كرین و فروتنێ ب گشتی هاته كرن.
نوونه‌رێ نڤێسینگه‌هێن كرین و فروتنا ئه‌رد و خانیا ئاریشێن كرین و فروتنا ئه‌رد و خانیا به‌رچاڤكرن و خواست كو پتر ئاسانكاری بۆ كرین و فروتنێ بهێنه كرن و باجه كێمتر بهێته وه‌رگرتن بۆ وێ یه‌كێ وه‌لاتی پتر مفادار بن هه‌روه‌سا بزاڤا كرین و فروتنێ خورتر لێ بهێت.
پارێزگه‌رێ دهۆكێ دوپات كر كو دڤێت هه‌موو ئاسانكاری بۆ وه‌لاتیان بهێنه كرن و ل دووڤ رێنما و قانوونێن حوكمه‌تا هه‌رێما كوردستانێ كرین و فرۆتنا ئه‌رد و خانیا بهێنه كرن و باجا زێده نه‌هێته وه‌رگرتن بۆ وێ یه‌كێ زه‌ره‌ر نه‌گه‌هیته خودانێن ئه‌رد و خانیا و بزاڤا كرین و فروتنێ ژی باشتر لێ بهێت و پشته‌ڤانیا پارێزگه‌هێ نیشا دا بۆ هه‌ر ئاسانكاریه‌كێ.
ئەڤرۆ نیوز، نەوزاد هلوری:
ب مەرەما باشتر خزمەتکرنا خەلکێ دەڤەرێ و کاری، ئەڤرۆ سپێدێ د رێورسمەکێ دا، رێڤەبەرێ کارگەها جوداکرنا گلێشی ل کواشێ بۆ رێڤەبەریا گشتی یا باژێرڤانیان هاتە ڤەگوهاستن و ل جهێ وی رێڤەبەرەکێ نوو هاتەدانان.
حازم عەبدی، رێڤەبەرێ نوو یێ کارگەها جوداکرنا گلێشی ل کواشێ بۆ ئەڤرۆ نیوز گۆت: (سوپاسیا رێڤەبەریا گشتی یا باژێرڤانیان ل پارێزگەها دهۆکێ دکەین کو ئەو باوەریی دایە مە و دەستنیشانکرین وەکو رێڤەبەرێ نوو ل کارگەها ناڤبری، ئومێدەوارین بشێن کارەکێ جوان و باش بۆ خەلکێ دەڤەرێ و بزاڤا کاری ل کواشێ بکەین ب تایبەتی د چارەسەرکرنا گلێشی دا).
دیار بەحری رەسول، رێڤەبەرێ گشتیێ باژێرڤانیان ل پارێزگەها دهۆکێ د دچارچوڤێ رێورسمێن گوهرینا رێڤەبەرێ کارگەها جوداکرنا گلێشی ل کواشێ گۆت: (گورانکاری ل رێڤەبەری و سازیێن میری، گورانکاریێن سرۆشتی و کارگێری نە، مەرەم باشتر خزمەتکرنا وەلاتیان و کاری یە، ل ڤێرە ب فەردبینم کو سوپاسیا رێڤەبەرێ بەرێ یێ کارگەها جوادکرنا گلێشی ل کواشێ “ئیسماعیل سەعدی” بکەم کو ددەما بوری دا شیایە خزمەتەکا باش بکەت، دیسان داخوازا سەرکەفتنێ ژی بۆ رێڤەبەرێ نوو “حازم عەبدی” دکەین و دخوازین سەرکەفتی بیت و پشتەڤانیا خوە ژی بۆ دوپات دکەین).
نيشاندان