ئه‌ڤرۆ نیوز:
لگۆری دوماهی ئامارێن ل سه‌ر توشبوویێن كورونایێ ل جیهانێ، نێزیكی 28 ملیۆن و 362 هزار توشبوو ژ كورونایێ ساخ بوون.
لگوری نووترین ئامارێن هاتینه به‌لاڤكرن سه‌ر توشبوویێن ڤایرۆسێ كورونایێ ل سه‌ر ئاستێ جیهانێ زێده‌تری 37 ملیۆن و 755 هزار و توشبوویێن ڤایرۆسێ كورونایێ هاتینه توماركرن.
هه‌ر لگۆری ئه‌وێ ئامارا هاتیه راگه‌هاندن، نیزیكی 28 ملیۆن و 362 هزار توشبوویێن كورونایێ ساخ بووینه، ملیۆنه‌ك و 82 هزار كه‌سان ژی ب ڤایرۆسێ كورونایێ گیانێ خوه ژ ده‌ست دایه.
ئەڤرۆ نیوز:
سوبەهی دوشەمبی، 12-10-2020 هەرسێ سەرۆکاتیێن هەرێما کوردستانێ و سەرۆک کۆمارێ عیراقێ دێ ل هەولێرێ کۆم بن و رەوشا سیاسی، دارایی و ساخلەمیێ دێ ل هەرێما کوردستانێ گوتۆبێژ کەن.
هەرسێ سەرۆکاتیێن هەرێما کوردستانێ، نێچیرڤان بارزانی، سەرۆکێ هەرێما کوردستانێ، مەسرور بارزانی، سەرۆک وەزیرێن هەرێمێ و رێواز فایەق، سەرۆکا پەرلەمانی و بەرهەم سالح، سەرۆک کۆمارێ عیراقێ دێ ل دیوانا سەرۆکاتیا هەرێما کوردستانێ کۆم بن.
ئەڤرۆ نیوز:
ل پارێزگەها دهوكێ سێ كەس بۆ جارا دویێ تووشی ڤایرۆسێ كۆرۆنایێ بووینە.
حەمزە رەزیكی پەیڤدارێ رێڤەبەریا گشتی یا ساخلەمیا پارێزگەها دهوكێ بۆ ئەڤرۆ نیوز راگەهاند: د پێشهاتەكا نوودا ل سنورێ پارێزگەها دهۆکی، سێ كەس بۆ جارا دویێ تووشی كۆرۆنایێ بووینە، رەوشا دو ژ وان تووشبوویان یا ئاسایی بوویە، بەلێ نیشانێن نەخۆشیێ ل سەر تووشبوویێ سییێ د دژوار بووینە.
ئەڤرۆ نیوز:
پتریا مرۆڤان پشتى نان خوارنێ راستەخۆ حەزا نڤستنێ و بهێنڤەدانێ بۆ دروست بیت.
مالپەرێ boldsky بەحسا وان ئەگەران دکەت یێن پشتى خوارنێ هەست و حەزا نڤستنێ ل دەڤ مرۆڤی پەیدا دکەن، یان ژى چەند دەمژمێران بهێنڤەدانەکێ وەربگریت.
خوارنێن وەکی برنج و پتاتان کو رێژەکا زێدە یا tryptophan تێدایە، هەروەسا ڤەخوارنا ئاڤەماستێ کو مادێ میلانتۆنین تێدایە دبنە ئەگەر کو لەشێ مرۆڤی خاڤ ببیت و بنڤیت.
.خوارنێن زێدە بدوهن حەزا نڤستنێ زێدە دکەن ب تایبەتى ئەو خوارنێن کاربۆهیدرات تێدا.
. ئەگەر تە نەڤێت پشتى خوارنێ خەوا تە بهێت، چایێ ڤەخۆ ژبەر کو مەعیدە خوارنێن گران هەرس دکەت.
. پێدڤیە هەڤسەنگی د دانێن خوارنێ دا هەبیت و خوارنێن تە د هەمە جۆربن.
ئەڤرۆ نیوز:
نادالی سەرکەفتنەکا مەزن ل سەر جۆكۆڤیچی تۆمار کر و بۆ قارەمانێ تێنسا رۆلان گارۆس.
دیاریەکا پری خۆشی و هەڤرکی دا، رافائیل نادالێ ئیسپانی شیا سێ گێمان بەرامبەر چنە، سەرکەفتنێ ل سەر جۆکۆفیچی تۆمار بکەت و بۆ خودانێ 13مین ناسناڤێ رۆلان گارۆس و هژمارا ناسناڤێن گراند سلام بۆ 20 ناسناڤان زێدە كر و ریكۆردێ فیدرێری ل سەر سەرکەفتنێن گراند سلام یه‌كسان كر.
ئەڤرۆ نیوز:
وەزارەتا دارایی یا عیراقێ راگەهاند کو د چارچۆڤێ رێککەفتنا بەری نها یا د ناڤبەرا هەرێما کوردستانێ و بەغدا دا ئەڤرۆ وان ٣٢٠ ملیار دینار بۆ مووچێن فەرمانبەرێن هەرێما کوردستانێ رەوانەی هەولێرێ کرینە.
ئەو یەک د دەمەکێ دایە کو بەری نها د. جوتیار عادل پەیڤدارێ حوکمەتا هەرێما کوردستانێ دیار کربوو هەر دەمێ بەغدا ٣٢٠ ملیار دینار هنارتن دێ دەست ب دابەشکرنا مووچێ فەرمانبەرێن هەرێما کوردستانێ هێتە کرن.
ئەڤرۆ نیوز، نەوزاد هلۆری:
پشتى به‌لاڤبوونا وێنه‌یێن شێواندنا هونه‌رمه‌ند ته‌حسین تاهای ل تورێن جڤاکی، سه‌ندیكا هونه‌رمه‌ندان ل نێزیك سه‌‌رەدانا جهێ په‌یكه‌رى و دخوازن ئه‌و كه‌سێن ئه‌ڤ یه‌ك كرى بهێنه سزادان.
بێوار ته‌حسین باجلورى، به‌رپرسێ ناڤه‌ندا شێوه‌كارى ل سه‌ندیكا هونه‌رمه‌ندێن كوردستانێ بۆ ئه‌ڤرۆ نیوز گۆت: (پشتى به‌لاڤبوونا وێنێن شێواندنا په‌یكه‌رێ هونه‌رمه‌ند ته‌حسین تاهای ل تورێن جڤاكى مه ژ نێزیك سه‌ره‌دانا پاركا هونه‌رمه‌ند ته‌حسن ته‌هایى كر، دیاربوو كو چه‌ند كه‌سێن نه‌ناسیار په‌یكه‌رێ هونه‌رمه‌ندێ مه‌زن و قوتابخانا سترانا كوردى هونه‌رمه‌ند ته‌حسین ته‌هایى شێواندیه، كو راستى ژى ئه‌ڤ یه‌ك جهێ داخێ یه).
زێده‌تر گۆت: (مه وه‌كو سه‌ندیكا هونه‌رمه‌ندان جهێن په‌یوه‌ندیدار ئاگه‌هداركرینه داكو دوڤچوون ل سه‌ر وان كه‌سان بهێته‌كرن كو ب ئه‌ركێ شێواندنا په‌یكه‌رى رابووین و دخوازین ب زوترین وه‌خت بهێنه دیاركرن و سزادان، ژبه‌ركو په‌یكه‌ر مولكێ كه‌سێ نینه به‌لكو مولكه‌كێ گشتى یه و ل جهه‌كێ گشتى وه‌كو رێز بۆ هونه‌رمه‌ند ته‌حسین ته‌هاى هاتیه دروستكرن و دانان).
جهێ ئاماژه پێكرنێ یه كو ل هه‌یڤا نیسانا ئه‌ڤ ساله سه‌ندیكا هونه‌رمه‌ندان په‌یكه‌رێ هونه‌رمه‌ند ته‌حسین ته‌هاى دناڤا پاركا هونه‌رمه‌ند ته‌حسین ته‌هاى دانایه و جوانیه‌كا دى دایه باژێرێ دهۆكێ.
ئەڤرۆ نیوز:
وەلاتێ فرەنسا دێ ب کۆژمێ 15 ملیۆن یۆرۆیان بۆ پرۆژەکێ سەخبێریا ئاڤ و ئاڤرێژان ل پارێزگەها دهۆکێ تەرخان کەت، نێزیکی 500 هزار کەسان دێ ژ وی پرۆژەی مفادار بن.
ئەڤرۆ ئێکشەمبی، 11.10.2020 عەلی تەتەر پارێزگارێ دهۆکێ، پێشوازی ل ئۆلیڤی دیکۆتینی، کونسۆلێ گشتی یێ فرەنسا کری، پارێزگەها دهۆکی راگەهاندنەک بەلاڤ کریە و دیارکریە، فرەنسا دێ ب کۆژمێ 15 ملیۆن یۆرۆیان بۆ پرۆژەکێ سەخبێریا ئاڤ و ئاڤرێژان ل دهۆکێ تەرخان کەت و نێزیکی 500 هزار کەسان دێ ژ وی پرۆژێ ئاڤێ مفادار بن.
هەروەسا د وێ راگەهاندنێ دا هاتیە، د دناڤا وی پرۆژەی دا چاککرن و سەخبێرکرنا ئاڤا چەندین خواندنگەهان ژی هەیە، کو 60 هزار دێ ژێ مفادار بن، پارێ سەخبێریێ ژ ئالیێ وەلاتێ فرەنسا هاتیە دان و ئەلمانیا دێ بجهـ ئینیت، دەمێ بجهئینانێ ژی 3 سالن.
ئەڤرۆ نیوز:
ئەڤرۆ ئێک شەمبی رێکەفتی 11/10/2020 کۆنسلێ وەلاتێ فەرەنسا ل ھەولێرێ سەرەدانا پارێزگەھا دھۆکێ کر و چەند پرۆژە ژ پێخەمەت خزمەتکرنا خەلکێ راگەھاندن.
د.عەلی تەتەر، پارێزگارێ دھۆکێ ل لاپەرێ خوە یێ تایبەت یێ (فەیسبۆک)ی بەلاڤ کریە و دیار کریە: “ئەڤرو رێککەفتی 11ی ئوکتوبەرا 2020ێ، خوشحالین بۆ جارا دووێ پێشوازی ل ئۆلیڤی دیکۆتینی کۆنسلێ گشتیێ کۆمارا فەرەنسا ل ھەرێما کوردستانێ ھاتیە کرن کو چەندین تەوەرێن گرێدایی رەوشا پارێزگەھا دھوکێ و پەیوەندیێن دگەل کۆنسلخانا کۆمارا فەرەنسا دان و ستاندن ل سەر ھاتییە کرن”.
پارێزگارێ دھۆکێ دۆپاتی ل وێ چەندێ ژی کریە: “کۆنسلێ فەرەنسا بۆ مە راگەھاند کو وی سەرەدانا پارێزگەھێ کریە ژ بۆ ئەنجامدانا چەندین پرۆژان ل پارێزگەھا دھوکێ ژ وان پروژەکێ سەخبێرکرنا ئاڤ و ئاڤ رێژان ب کوژمێ 15 ملیۆن یۆرۆیان کو دێ 500 ھزار کەس ژێ مفادار بن، ھەروەسا سەخبێرکرنا ئاڤا چەندین قوتابخانا کو 60 ھزار قوتابی دێ مفادار بن.
نيشاندان