ئەڤرۆ نیوز:
هەر ژ دەستپێکا خوەپیشاندانێن عیراقێ ل هەیڤا 10 ل سالا بوری هەتا نوکە 669 خوەپیشاندەر هاتینە كوشتن.
لدووڤ وێ ئامارا ئەڤرۆ 13-1-2020، ژ ئالیێ سەنتەرێ تۆماركرنا تاوانێن شەری ل عێراق هاتیە بەلاڤ کرن، هژمارا كوشتیان د خوەپیشاندانان دا گەهشتیە 669 كەسان و هژمارا برینداران ژی گەهشتیە 25 هزار کەسان و هژمارا گرتیان ژی گەهشتیە 2800 كەسان.
ئەڤرۆ نیوز:
كۆمپانیا Withings یا فره‌نسی دەمژمێرەکا زیره‌ك یا نوو ب ناڤێ Scanwatch راگه‌هاند، كو هەکە هاتوو تووشی هه‌ناسه وه‌ستیانێ بووی ل دەمێ خه‌وێ دا، دێ ژیانا تە رزگار کەت.
ئەڤ دەمژمێرە وەسا هاتیە دیزاینكرن ل دەمێ وه‌ستیانا هه‌ناسێ د خه‌وێ دا دێ ئاگەهداركرنەکێ ده‌رکەت، ئه‌و ژی ب رێیا پیڤانه‌كرنا رێژا تێربوونا خوینێ ب ئۆكسجینی ل دەمێ پرۆسا هه‌ناسه‌دانا سروشتی.
لدووڤ پێگه‌هێ engadged ، ئه‌ڤ دەمژمێره چه‌ند تایبه‌تمه‌ندیەکێن دیتر هه‌نه، وه‌ك پیڤانه‌كرنا لێدانێن دلی و هێلكاریا كاره‌بایا دلی، هه‌روه‌سا دشێت ب رێیا ئه‌پلیكه‌یشنێ تایبه‌ت ب وێ كۆمپانیایێ ب رێیا ته‌كنیكی Bluetooth LE پشکداریێ ب داتایان بكەت ل گه‌ل ئه‌پلیكه‌یشنا نۆشداری یێن دیتر.
پاتریا ڤێ دەمژمێرێ نێزیكی ئێک هەیڤ تێرا دکەت، وەسا بریارە ئەڤ دەمژمێرا زیره‌ك ل چارێکا دویێ یا ئه‌ڤ سالە بکەڤیتە بازاری.
ئەڤرۆ نیوز:
پشتی بۆ دەمەکێ روونشتنا په‌رله‌مانێ كوردستانێ هاتیە راگرتن، ب ئەگەرێ وێ كێشا دناڤبەرا دو په‌رله‌مانتاران درووست بووی، روونشتنێ ده‌ستپێكرە ڤە.
هەروەسا ئەو کێشە هاتە چارە کرن و په‌رله‌مانتار زڤرینە هۆلا په‌رله‌مانی و نوکە یێ گوتۆبێژان ل سه‌ر ناڤەرۆکا ماده و به‌ندێن پڕۆژه قانوونا چاكسازیێ دكه‌ن.
دەرباره‌ی خالەکا پڕۆژه قانوونێ ژ مادێ حه‌فتێ، کو بەحسێ خانه‌نشین كرنا پلێن بلند دکەت، هه‌ر ئێک ژ هیڤیدار ئه‌حمه‌د ژ فراكسیۆنا پارتی و سیپان ئامێدی ژ فراكسیۆنا نه‌وه‌ی نوێ روو ب روو ئێک بوون، بەلێ په‌رله‌مانتاران ناڤبژیڤانی كر.
ئەڤرۆ نیوز:
مەزلوم عەبدی فەرماندارێ گشتی یێ هێزێن سووریا دیموکرات راگەهاند کو ژ بەر شەرێ داعشێ و هێرشێن تورکیا یێن ل سەر رۆژئاڤایێ کوردستانێ و داگیرکرنا عەفرینێ و گرێ سپی پتر ژ سێ هزار و دوسەد کەسێن مەدەنی هاتینە رەڤاندن.
ناڤهاتی راگەهاند کو پتر ژ سێسەد کەسان ژی ژ ئالیێ حوکمەتا سووریێ ڤە هاتینە گرتن و چارەنڤیسێ وان دیار نینە.
ئەڤرۆ نیوز:
سالح موسلیم هەڤسەرۆکێ بەرێ یێ پەیەدێ راگەهاند کو قاسم سلێمانی ل سووریێ گەلەک ئاریشێن ناڤخوەیی دروست کرن. وی گەلەک گرۆپێن چەکداری دروست کرن، لێ ب کوشتنا قاسم سلێمانی دهێتە چاڤەرێکرن کو رژێما بەشاری لاواز ببیت و ل دووماهیێ نەچار بیت کو داخوازیێن کوردان قەبوول بکەت و ل گەل کوردان دەست ب دانوستاندنان بکەت.
ئەڤرۆ نیوز:
عەلی رەبیعی پەیڤدارێ حوکمەتا ئیرانێ راگەهاند کو داخواز ژ بریتانیا دکەین کو ب چو رەنگەکێ دەستێوەردانێ د کاروبارێن ناڤخوەیی یێ ئیرانێ دا نەکەت و ئەو یەک ب چو رەنگەکێ ناهێتە قەبوولکرن.
ئەڤ هۆشداریا ئیرانێ د دەمەکێ دایە کو دوهی ل تەهرانێ بالیۆزێ بریتانیا ب تومەتا پشکداری کرنا د خوەنیشادانێن ل دژی حوکمەتێ دا بۆ دەمەکێ هاتە دەستەسەرکرن و پاشی هاتە ئازادکرن.
نيشاندان