ئه‌ڤرۆ نیوز:
راپورتێن رۆژنامه‌ڤانى ل برێتانیا ئاشكراكرینه‌ یانا مانچێسته‌ر یونایتد گه‌هشتى یه‌ رێككه‌فتنێ ل گه‌ل ستێرا یانا سپورتینگ له‌شبونا و هه‌لبژارتیێ پورتوگال برونو فێرناندیز بوو ڤه‌گوهاستنێن زڤستانا ئه‌ڤ ساله‌.
هه‌ردیسان ئه‌وان رۆژناما دیاركریه‌ ژى ل ماوێ چه‌ند رۆژێن بورى لژنه‌یه‌كا تایبه‌ت ب یانا مان یونایتد به‌ر ب وه‌لاتێ پورتوگال ڤه‌ چووبون بۆ ب دووماهیى ئینانا كاروبارێن ڤه‌گوهاستنا برونو فێرناندیز و هه‌ردو یانێن مان یونایتد و سپورتینگ له‌شبونا ل سه‌ر هه‌موو به‌ندێن ڤه‌گوهاستنا ئه‌وى یاریزانى رێككه‌فتى نه‌ بتنێ مایه‌ ب فه‌رمى ڤه‌گوهاستنا ئه‌وى یاریزانى بهێته‌ راگه‌هاند و چاڤه‌رێ دهێته‌كرن ل چه‌ند رۆژێن بهێت ئه‌و یانا ئنگلیزى ب فه‌رمى ئینانا وى ستێرا سپورتینگ له‌شبونا ب راگه‌هینت.

هه‌ژى گوتنێ یه‌ برونو فێرنادیز ئه‌وێ ل هێلا ناڤین یاریێ دكه‌ت نوكه‌ دهێته‌ هژمارتن ئێك ژ باشترین یاریزانێن خۆلا پورتوگال و ل هاڤینا بورى و هه‌تا نوكه‌ ئه‌و یاریزان بوویه‌ ئارمانجا چه‌ندین یانێن مه‌زن ل سه‌ر ئاستێ ئورۆپا كو ل وه‌رزێ ئه‌ڤ ساله‌ هه‌تا نوكه‌ پشكدارى د 25 یاریان دا كریه‌ ل گه‌ل یانا سپورتینگ له‌شبونا و شیایه‌ 15 گولان توماربكه‌ت و ل گه‌ل 13 گول ژى بوو هه‌ڤالێن خوه‌ به‌رهه‌ڤكرینه‌ و ل وه‌رزێ بورى  كو هه‌شت گول دخۆلا پورتوگال دا توماركرینه‌ و هه‌ردیسان د 5 یاریان دا ل قاره‌مانیا یورۆپا لیگ شیایه‌ 5 گولان توماربكه‌ت ل گه‌ل 5 ئه‌سیستا و ل وه‌رزێ بورى 2018-2019 پشكدارى ل گه‌ل یانا خوه‌ د 52 یاریان دا كر د هه‌موو ئه‌و قاره‌مانیێن یانا ئه‌وى تێدا پشكدار كو شیابوو 32 گولان توماربكه‌ت و ل گه‌ل 18 ئه‌سیست .

ئه‌ڤرۆ نیوز:
یانا توتنهام یا ئینگلیزى ده‌ست ب لڤینا كریه‌ بوو ده‌ستڤه‌ ئینانا هێرشبه‌ره‌كێ نوو وه‌كو پێگوهورێ ستێرا خوه‌ هارى كین ئه‌وێ ل ماوێ بورى توشى هنگافتنه‌كا گران بووى و دبیت هه‌تا مه‌ها نیسان ئه‌ڤ ساله‌ ژ یاریگه‌هان دوركه‌فیت .
مالپه‌رێ كاتشیو مێركاتو یێ ئیتالى ئاشكراكریه‌ به‌رپرسێن یانا توتنهام هزر ل ڤه‌گه‌راندنا هێرشبه‌رێ خوه‌ یێ به‌رى نوكه‌ فێرناندو یورینتی یێ ئیسپانى كریه‌ ئه‌وێ ل هاڤینا ئه‌ڤ ساله‌ ژ وێ یانێ به‌ر ب یانا ناپولى یا ئیتالى چووى ب ڤه‌گوهاستنه‌كا سه‌ربه‌ست .
هه‌ردیسان وى مالپه‌رى دیاركریه‌ ژى لورینتى دخوازیت په‌یوه‌ندى ب یانه‌كا دى بكه‌ت تایبه‌ت پشتى هاتنا راهێنه‌رێ نوو یێ یانا ناپولى گاتوزو ئه‌وێ پشت به‌ستنێ ل سه‌ر شیانێن ئه‌وى ناكه‌ت .
ئاماژه‌ ب وێ چه‌ندێ ژى هاتیه‌كرن لورینتى حه‌زا خوه‌ دیاركریه‌ جاره‌كا دى ڤه‌گه‌ریتا یانا توتنهام .
وى مالپه‌رێ ئیتالى ئه‌و چه‌نده‌ ژى ئاشكراكریه‌ كو گاتوزوى به‌رپرسێن یانا ناپولى ئاگاداركربوون ئه‌و دخوازیت هه‌ڤبه‌ستێ ل گه‌ل هێرشبه‌ره‌كێ نوو ئیمزا بكه‌ت و ئه‌و پشت به‌ستنێ ل سه‌ر چ هێرشبه‌رێن ژیێ وى گه‌هشتى یه‌ 34 سالى ناكه‌ت .
هه‌ژى گوتنێ یه‌ فێرناندو لورینتى یێ 34 سالى به‌رى نوكه‌ یارى ل چه‌ندین یانێن به‌رنیاس ل سه‌ر ئاستێ ئورۆپا كرینه‌ ژ ئه‌وانان ئه‌تله‌تیكو بلباو و سیڤیلیا یێن ئیسپانى و یوڤانتوس وسوانزى سیتى و توتنهام و ل وه‌رزێ ئه‌ڤ ساله‌ پشكدارى  22 یاریان دا كریه‌ ل گه‌ل یانا ناپولى و شیایه‌ 4 گولان توماربكه‌ت كو سێ گول دخۆلا ئیتالیا دا بوون و ئێك گول د قاره‌مانیا چامپیونیز لیگ دا .