ئەڤرۆ نیوز ، زنار تۆڤی:
ئاسۆ عومەر سوارە، ئەکتەر و پێشکێشکار و شانۆکارێ دیار ل باژێرێ سلێمانیێ و هەرێما کوردستانێ ژ ئەگەرێ نەخۆشیێ وەغەر کر. ئاسۆ عومەری د چەندین فلم و درامایێن ناڤدار یێن هەرێما کوردستانێ پشکداری کریە و رۆلەکێ بەرچاڤ د پێشخستنا بەرهەمێن هونەری یێن هەرێما کوردستانێ هەبوو. هونەرمەند ئاسۆ، هەر د زارۆکاتیا خوە دا و ل قوتابخانێ چوویە ناڤ کارێن هونەری و گرنگی ب کارێن هونەری دایە، هەروەسا د دراما گەردەلوول دا وی رۆلەکێ سەرەکی تێدا گێرابوو.
ئه‌ڤرۆ نیوز:
ستێرا گه‌نچ یا یانا ریال مه‌درید و یاریزانێ هه‌لبژارتیێ ئورگواى ڤیدى ڤالڤێردى د داخویانیه‌كا رۆژنامه‌ڤانى دا چاره‌نڤێسێ خوه ل گه‌ل ریال مه‌درید دیاركر.
زێده‌تر وى یاریزانى بوو مالپه‌رێ ABC یێ ئیسپانى دیاركر ئه‌و هزر ل چوونا خوه ژ ریال مه‌درید نه‌كریه و ناخوازیت یاریێ ژبلى ریال مه‌درید ل چ یانێن دى بكه‌ت و ئه‌ڤه خه‌ونا وى یا مه‌زن بوو كو ئه‌و یاریێ ل ڤێ یانێ بكه‌ت و دخوازیت هه‌تا دووماهیا ژیانا خوه یاریێ ل ڤێ یانێ بكه‌ت .
هه‌ردیسان ناڤبرى دیاركر ژى ئه‌و گه‌له‌ك حه‌ژ یانا ریال مه‌درید دكه‌ت و ئه‌و یانا ریال ب مالا خوه دبینت و دخوازیت هه‌موو ناسناڤان ل گه‌ل ڤێ یانێ ب ده‌ستخوڤه بینت .
هه‌ژى گوتنێ یه ڤالڤێردى ل وه‌رزێ ئه‌ڤ ساله ئێك ژ یاریزانێن هه‌ره گرنگ ل ناڤا پێكهاتیێ ریال مه‌درید و راهێنه‌رێ یانا ریال مه‌درید پشت به‌ستنه‌كا مه‌زن ئێخستى یه سه‌ر شیانێن ڤى یاریزانى ل وه‌رزێ ئه‌ڤ ساله.
ئه‌ڤرۆ نیوز:
هژماره‌كا رۆژنامه‌یێن ئورۆپى وه‌سا ئاشكراكربوون دبیت ستێرا كولومپى و یانا ریال مه‌درید جێمس رودرێگیز ل ڤه‌گوهاستنێن زڤستانێ په‌یوه‌ندى ب یانه‌كا دى بكه‌ت لێ به‌روڤاژى ئه‌وان هه‌موو ده‌نگوباسان یانا ریال مه‌درید ئه‌و ده‌نگوباس هه‌موو ره‌تكرن و دیاركر ئه‌و ده‌ستا ل ڤى ده‌مى ژ وى یاریزانێ خوه به‌رناده‌ن.
رۆژنامه‌یێن نێزیكى یانا به‌رشه‌لۆنا دیاركرینه یانا ریال مه‌درید هزر ل فروتنا رودرێگیز نه‌كریه ل ماوێ بهێت و ئه‌و یاریزان د نه‌خشه‌یێ راهێنه‌رێ یانێ زێدانى دایه بوو یاریێن قوناغا دوێ و ئه‌و چاڤه‌رێ وێ چه‌ندێ یه ئه‌و یاریزان ژ هنگافتنێ ڤه‌گه‌ریت و پشت به‌ستنێ ل سه‌ر شیانێن ئه‌وى بكه‌ت بوو یاریێن بهێت .
ئه‌ڤرۆ نیوز:
یانا ریال مه‌درید دخوازیت ل ڤه‌گوهاستنێن زڤستانێ هه‌ڤبه‌ستێ ل گه‌ل ئێك ژ ستێرێن یانا ولڤرهامبتون یا ئینگلیزى ئیمزا بكه‌ت كو ئه‌و یاریزان ئێك ژ ده‌رچویێن قوتابخانه‌یا یانا به‌رشه‌لۆنا یه و یاریزانێ به‌رێ یێ وێ یانا كه‌ته‌لونى بوو.
مالپه‌رێ دیڤنسا سنترال یێ ئیسپانى دیاركریه سه‌رۆكێ یانا ریال مه‌درید فلورنتینو پێریز دخوازیت ل ڤه‌گوهاستنێن زڤستانێ هه‌ڤبه‌ستێ ل گه‌ل ئاداما تراورى یاریزانێ هێلا ناڤینا ولفرهامبتون یا ئینگلیزى ئیمزا بكه‌ت ئه‌وێ ل وه‌رزێ ئه‌ڤ ساله شیاى ئاسته‌كێ بلند ل گه‌ل یانا خوه پێشكێش بكه‌ت تایبه‌ت پشتى یاریا به‌رامبه‌ر مانچێسته‌ر سیتى كو ئه‌و یاریزان شیابوو گوله‌كێ توماربكه‌ت و ئێكێ ژى به‌رهه‌ڤبكه‌ت .
هه‌ژى گوتنێ یه ئاداما تراورى ژ قوتابیێن یانا به‌رشه‌لۆنا یه كو ده‌ستپێكا ژیانا خوه یا ته‌پا پێ ل گه‌ل به‌رشه‌لۆنا ده‌ستپێكریه و ل سالا 2013 بوو تیما دوێ یا به‌رشه‌لۆنا یارى كر هه‌تا و ل سالا 2015 بوو تیما ئێكێ هاته سه‌ر ئێخستن لێ چ ده‌لیڤه‌یا خوه ل گه‌ل وێ یانێ نه‌دیت بتنێ بوو ماوێ شه‌ش هه‌یڤان كێمتر یارى ل گه‌ل به‌رشه‌لۆنا كر .
تراورى ل گه‌ل یانێن یارى بوو كرى
2013 -2015 ل گه‌ل تیما به‌رشه‌لۆنا (ب) 63 یارى 8 گول و 18 ئه‌سیست
2015 به‌رشه‌لۆنا تیما ئێكێ 4 یارى 1 گول
2015-2016 ئه‌ستون ڤێلا ئینگلیزى 12 یارى 1 گول 2 ئه‌سیست
2016-2018 میدلزبره ئینگلیزى 75 یارى 5 گول 13 ئه‌سیست
2018 هه‌تا نوكه ل گه‌ل ولفرهامبتون یا ئینگلیزى 65 یارى 6 گول و 10 ئه‌سیست كو ل وه‌رزێ بورى پشكدارى 36 یاریان دا كربوو 1 گول توماركربوو ل گه‌ل 3 ئه‌سیست و ل وه‌رزێ ئه‌ڤ ساله هه‌تا نوكه 29 یارى كرینه شیایه 5 گولان توماربكه‌ت و 7 ئه‌سیست.
تراوری ل ده‌مێ یانا به‌رشه‌لۆنا
تراوری ل ده‌مێ یانا به‌رشه‌لۆنا
ئه‌ڤرۆ نیوز:
یاریزانێ فره‌نسى و یانا ریال بتیس یێ ره‌گه‌ز عه‌ره‌ب نه‌بیل فه‌قیر دیاركر شێوازێ كرنا وى و ستێرا به‌رشه‌لۆنا لیونێل میسى وه‌كو ئێكه .
زێده‌تر فه‌قیر بوو كه‌نالێ تیلیفوت یێ فره‌نسى دیاركر شێوازێ كرنا وى و میسى وه‌كو ئێك دناڤا یاریگه‌هێ دا و گه‌له‌ك كارێن وى و میسى نێزیكى ئێكن لێ ئه‌و خوه ب ئاستێ هونه‌رى یێ وى نابینت ژبه‌ركو ئه‌و ئێك ژ ستێرێن مه‌زن ل جیهانێ .
هه‌ژى گوتنێ یه نه‌بیل فه‌قیر ل هێلا ناڤین یاریێ دكه‌ت و خه‌لكێ وه‌لاتێ جه‌زائێرێ یه ل وه‌لاتێ فره‌نسا دایكبوویه و ل ڤه‌گوهاستنێن هاڤینا بورى ژ یانا لیون هاتبوو ڤه‌گوهاستن بوو یانا ریال بتیس یا ئیسپانى هه‌تا نوكه 15 یارى ل گه‌ل وێ یانێ كرینه دخۆلا لالیگا دا و شیایه 4 گولان توماربكه‌ت و 2 گول بوو هه‌ڤالێن خوه به‌رهه‌ڤكرینه هه‌ردیسان خودانێ 23 یاریێن نیڤده‌وله‌تى یه ل گه‌ل هه‌لبژارتیێ فره‌نسا.
ئەڤرۆ نيوز:
ئەفسەرەكێ كورد راگەهاند كو نوكە ئەو چوویە د ناڤ هێزا دژە تیرۆرا عیراقێ دا وەكو بەرهەڤی بۆ وەرگرتنا پۆستێ فەرماندێ گشتیێ فرقا زێرین یا لەشكرێ عیراقێ.
عەمید روكن (سامان تالەبانی) دیاركر كو ل هەیڤا داهاتی (كانوونا دویێ 2020) ب شێوەكێ فەرمی دێ د پۆستێ فەرماندێ فرقا زێرین یا دژە تیرۆرا عیراقێ دەست بكاربیت.
فرقا زێرین یا عیراقی د چارچۆڤێ دەزگەهێ دژە تیرۆرێ عیراقی دایە و رۆلەكێ بلند هەبوو د شكاندنا رێكخراوا تیرۆرستی یا داعشێ دا، پێشتر لیوا فازل بەرواری (ئەوێ ل سالا 2018 وەغەركری) فەرماندێ وێ فرقێ بوو.
ئەڤرۆ نیوز:
دو دادوەرێن كورد وەكو نوونەرێن هەرێما كوردستانێ ل جڤاتا كۆمسیۆنا بلند یا هەلبژارتنان ل عیراقێ هاتنە هەلبژارتن.
دوهی ئێكشەمبی 29/12/2019، جڤاتا دادوەریێ ل عیراقێ د بەیاننامەكێ دا راگەهاند ب سەرپەرشتیا نوونەرێ رێگخراوا نەتەوێن ئێكگرتی، دوو نوونەرێن هەرێما كوردستانێ ل جڤاتا كۆمسیۆنا بلند یا هەلبژارتنان ل عیراقێ ب رێیا تیرۆپشكێ هاتنە دیاركرن”.
د ئەنجامێ وێ تیرۆپشكێ دا هەردو دادوەر (دەهام ئەكرەم عومەر) و (عومەر ئەحمەد محەمەد) وەكو ئەندامێن جڤاتا كۆمسیۆنا بلند یا هەلبژارتنان ل عیراقێ هاتنە هەلبژارتن.
ل رۆژا دوشەمبی 23/12/2019، جڤاتا دادوەریێ ل عیراقێ ناڤێن پێنج ئەندامێن جڤاتا كۆمسیۆنا بلند یا هەلبژارتنان دیار كربوون، ئەو جڤاتە ژ 9 ئەندامان پێك دهێت كو پێنج كەس ل جڤاتا دادوەریێ ل عیراقێ هاتنە هەلبژارتن و دو ئەندام ژی حوكمەتا عیراقێ دێ دەست نیشان كەت و دو ئەندامێن دی ژی ژلایێ جڤاتا دادوەریێ ل هەرێما كوردستانێ هاتنە دیاركرن.
ل 23/12/2019 جڤاتا دادوەریێ ل عیراقێ د بەیاننامەكێ دا داخواز ژ جڤاتا دادوەریێ ل هەرێما كوردستانێ كربوو دو دادوەران دیار بكەت تاكو ببنە ئەندام د جڤاتا كۆمسیۆنا بلند یا هەلبژارتنان دا كو نوونەراتیا هەرێما كوردستانێ د جڤاتا ناڤبری دا بكەن.
دهێتە زانین ل 5/12/2019 پەرلەمانێ عیراقێ قانوونا كۆمسیۆنا بلند یا هەلبژارتنان ل عیراقێ پەسەند كربوو.
ئەڤرۆ نیوز:
سەرۆكێ فراكسیۆنا پارتی دیموكراتی كوردستان ل پەرلەمانێ كوردستانێ ئومێد خوشناو، دەنگوباسەكی ل دۆر پرۆژە قانوونا چاكسازیێ رەت دكەت و راگەهاند، پشتی بێهنڤەدانا سەرێ سالێ دێ پەرلەمانێ كوردستانێ كار ل سەر وێ پرۆژە قانوونێ كەت.
هژمارەكا مالپەران دەنگوباسەك بەلاڤكربوو كو 75 ئەندامێن پەرلەمانێ كوردستانێ ژبەركو د پرۆژە قانوونا چاكسازیێ دا خانەنشینیا پەرلەمانتاران ڤەناگریت، بزاڤا گوهۆرینا برگێن وی پرۆژەی دكەن.
ئومێد خوشناو، سەرۆكێ فراكسیۆنا پارتی دیموكراتی كوردستان ل پەرلەمانێ كوردستانێ د داخۆیانیەكا رۆژنامەڤانی دا ئەو دەنگوباسە رەتكر و گۆت ” چو راستی بۆ وی دەنگوباسی نینە و بزاڤێن ب وی شێوەی د قەبوولكری نینن”.
خوشناو گۆت ژی” بۆ بلەزكرنێ د پەسەندكرنا پرۆژە قانوونا چاكسازیێ، بێهنڤەدانا زڤستانێ یا پەرلەمانێ كوردستانێ هاتیە كێمكرن و هندەك لژنێن پەرلەمانی ژی ژی كارێن خوە ل سەر پرۆژە قانوونا ناڤبری یێن ب دووماهی ئیناین”.
سەرۆكێ فراكسیۆنا پارتی ل پەرلەمانێ كوردستانێ دیاركر ژی” چاكسازی دێ ل هەموو سێكتەران دا ب ئێك پاكێچ هێتە كرن و پشتی ب دووماهی هاتنا بێهنڤەدانا سەرێ سالێ، دێ پەرلەمانێ كوردستانێ دەست ب كاركرنێ ل سەر پرۆژە قانوونا چاكسازیێ كەت”.
دهێتە زانین ل رۆژا 11/12/2019 جڤاتا وەزیرێن هەرێما كوردستانێ ب سەرپەرشتیا مەسرور بارزانی سەرۆكێ جڤاتا وەزیران كۆمبوو و پرۆژە قانوونا چاكسازیێ پەسەندكر.
هەروەسا ل 12/12/2019 حوكمەتا هەرێما كوردستانێ ب رێیا ڤالا فەرید وەزیرا هەرێمێ بۆ كاروبارێن پەرلەمانی پرۆژە قانوونا چاكسازیێ هنارتە پەرلەمانێ كوردستانێ.
ل رۆژا 16/12/2019 پەرلەمانێ كوردستانێ خواندنا ئێكێ بۆ پرۆژە قانوونا چاكسازیێ كربوو و ب پتریا دەنگان سیفەتا ب لەز دابوو وێ پرۆژە قانوونێ تاكو د دەمەكێ كێم دا بهێتە پەسەندكرن”.
ئه‌ڤرۆ نيوز:
سه‌رۆك مه‌سعود بارزانى د په‌يوه‌نديه‌كا ته‌له‌فۆنى دا پيرۆزباهى ل سه‌لاحه‌دين به‌هائه‌دين كر ب هه‌لكه‌فتا هه‌لبژارتنا وى وه‌كو ئه‌ميندارێ گشتى و هه‌لبژارتنا سه‌ركردايه‌تيا نوو يا ئێكگرتوو و هيڤيا سه‌ركه‌فتنێ بۆ خواست د ئه‌رك و كارێن خوه دا.
سه‌رۆك بارزانى هه‌روه‌سا پيرۆزباهيا سه‌ركه‌فتنا هه‌شته‌مين كۆنگرێ ئێكگرتوويا ئيسلامى كوردستان ل ئه‌ميندارێ ئێكگرتوو ئيسلامى كر.
هه‌ر د وێ په‌يوه‌نديا ته‌له‌فۆنى دا سه‌رۆك بارزانى هيڤيا ب هێزكرنا برايه‌تيێ و ئێكرێزيێ د ناڤبه‌را لايه‌نان خواست ژ بۆ به‌رژه‌وه‌نديێن بلند يێن كوردستانێ.
ئەڤرۆ نیوز، مەحمود نهێلی:
د هەیاما ئەڤ سالە دا نێزیکی ۱٥۰ هزار گەشتیاران سەرا هاڤینگەهێن سنورێ قەزا ئامێدیێ دایە و ب ڤێ یەکی ئەڤ رێژە گەلەک پتر بوویە ل چاڤ سالێن چوویی.
نەزیف موحەمەد رێڤەبەرێ گەشت و گوزارا ئامێدیێ بو ئەڤرۆ نیوز دیار کر، کو د سالا ۲۰۱۹ دا هەژمارەکا زۆرا گەشتیاران سەرا هاڤینگەهێن سنورێ قەزا ئامێدیێ دایە و گۆت: (رێژا ئەڤ سالە ٥۰ هزاڕان ل چاڤ سالێن چوی زێدەکریە چونکە د سالێن چویی دا رێژا هاتنا گەشتیاران دگەهشتە دورێن ۱۰۰ هزار گەشتیاران لێ ئەڤ سالە تا نوکە گەهشتینە ۱٥۰ هزاران).
ناڤهاتی ئاماژە ب وێ یەکی ژی کر کو پتریا ڤان گەشتیاران خەلکێ باشورو ناڤەراستا عیراقێ نە و گۆت: (ئەڤان گەشتیاران سەرا سەیرانگەهێن ئاشەوا وسەرسنکی وسیلاڤێ و ئینشکێ و گەلیێ شێرانە و سەیرانگەها ڤین دایە).
ل گۆر کەسانێن شارەزا هاتنا رێژەکا زۆرا گەشتیاران بو دەڤەرێ دەلیڤێن کاری بو خەلکێ دەڤەرێ پەیدا دکەت و دبیتە پالدەر بوگەشەکرنا بوارێ ئابوری یێ هاولاتیان.
نيشاندان