NO IORG
Facebook

ئه‌ڤرۆ نيوز:

په‌رله‌مانێ كوردستانێ ئه‌ڤرۆ سێشه‌مبى 10/12/2019 به‌حسێ كێشا كاره‌با نيشتمانى و به‌لاڤكرنا سوته‌مه‌نيێ ل سه‌ر وه‌لاتيان د وه‌رزێ سه‌رمايێ دا كر، وه‌زيرێ كاره‌بێ ل سه‌ر داخوازا خوه‌ پشكدارى د روونشتنێ دا كر و د گۆتاره‌كێ دا به‌رسڤا بۆچوونێن په‌رله‌مانتاران دا.

كه‌مال محه‌مه‌د سالح، وه‌زيرێ كاره‌بێ ل هه‌رێما كوردستانێ به‌حسێ كێشه‌ و به‌ربه‌ستێن ل به‌رده‌م كه‌رتێ كاره‌بێ ل كوردستانێ كر و راگه‌هاند” بۆ به‌رهه‌مئينانا كاره‌بێ مه‌ پێدڤى ب گازێ يان بودجه‌ى يا هه‌ى”. هه‌روه‌سا دياركر” 13 ويستگه‌هێن به‌رهه‌مئينانا كاره‌بێ يێن هه‌ين كو 6737 ميگاواتێن كاره‌بێ به‌رهه‌م دئينن”.

گۆت ژى” د ده‌مێ چه‌ند سالێن بۆرى دا هژماره‌كا ويستگه‌هێن به‌رهه‌مئينانا كاره‌بێ ل سلێمانيێ و دهۆكێ و هه‌ولێرێ هاتينه‌ دامه‌زراندن، به‌لێ هه‌تا نوكه‌ هێلا كاره‌بێ بۆ نه‌هاتيه‌ دابينكرن و كێشا سه‌ره‌كى يا وه‌زاره‌تێ د به‌لاڤكرنا كاره‌بێ دايه‌ كو ب شێوه‌كێ باش نه‌هاتيه‌ كونترۆلكرن”.

ئه‌ڤرۆ نيوز:

سه‌رۆك وه‌زيرێن هه‌رێما كوردستانێ، مه‌سرور بارزانى راگه‌هاند، سه‌قايه‌كێ گونجاى هاتيه‌ پێش كو ئێدى گه‌نده‌لى تێدا گه‌شێ نه‌كه‌ت و لژنه‌كا بلند ژ لايه‌نێن په‌يوه‌نديدارهاتيه‌ پێكئينان بۆ پێداچوونێ د پرۆژێ چاكسازيێ دا و نوكه‌ پرۆژێ قانوونا چاكسازيێ يێ به‌رهه‌ڤه‌ بۆ هنارتنا وى بۆ په‌رله‌مانى.

مه‌سرور بارزانى، سه‌رۆك وه‌زيرێن هه‌رێما كوردستانێ، په‌يامه‌كا ڤيديۆيى ل سه‌ر به‌رپه‌رێ خوه‌ ل تۆرا جڤاكى يا تويته‌رى به‌لاڤكر و تێدا ئاماژه‌ ب پێداگريێ ل سه‌ر پرسا به‌رهنگاربوونا گه‌نده‌ليێ دكه‌ت و دبێژيت” ئه‌ز گه‌له‌ك يێ ل سه‌ر وى بابه‌تى رژدم و چاڤپۆشيێ ل گه‌نده‌ليا هيچ كه‌س و لايه‌نه‌كى ناكه‌م”.

هه‌روه‌سا گۆت”نوكه‌ پێرابوونێن توند يێن هاتينه‌ وه‌رگرتن به‌رامبه‌ر وان كه‌سێن كو بۆ كاركرنێ ل ده‌زگه‌هێن حوكمه‌تێ به‌رتيلێ وه‌ردگرن”.

سه‌رۆك وه‌زيرێن هه‌رێمێ وه‌لاتيان پشت راست دكه‌ت كو ب هه‌موو شيانان دێ روو ب روويێ گه‌نده‌ليێ بن و دبێژيت” گه‌له‌ك بزاڤ هاتينه‌ كرن كو مه‌ ژ روو ب رووبونا گه‌نده‌ليێ سار بكه‌ن، به‌لێ وه‌لاتيان پشت راست دكه‌م كو ب هه‌موو شيانان دێ د بزاڤێن خوه‌ دا د به‌رده‌وام بين”.

ئه‌ڤرۆ:

ئێكه‌تیا ئافره‌تێن كوردستانێ ب هه‌لكه‌فتا 67 سالیا دامه‌زراندنا ئێكه‌تیا ناڤهاتی به‌یاننامه‌ك به‌لاڤكر كو تێدا هاتیه‌ د سه‌رده‌مه‌كی دا كو رێبازا هیومانیست ل جیهانا پێشكه‌فتی ژنوو كه‌فتبوو سه‌رپێ، ئافره‌تان بزاڤ بۆ ب ده‌ستڤه‌ئینانا یه‌كسانیێ دكر كو رۆژهه‌لاتا ناڤه‌ڕاست د كاودانه‌كی دا بوو هزر و دیتنێن به‌ربه‌لاڤ ده‌ستهه‌لات بكاردئینا ل سه‌ر بنه‌مایێن هزری و زه‌لام سالاری هاتبوونه‌ دانان.

د وێ ناڤه‌ندێ ژی دا نه‌ته‌وه‌یا كورد ب پێشه‌نگیا پارتی دیموكراتی كوردستان سه‌خترین خه‌باتا رزگاریا نشتیمانی ب رێڤه‌بر، ئێكه‌تیا ئافره‌تێن كوردستانێ ل رۆژا 11/12/1952 وه‌كو رێكخراوه‌ك بۆ خوه‌گرتنا پرسا ئافره‌تان ل هه‌ر دو ڕه‌هه‌ندێن جڤاكی و سیاسی، ل بن سیبه‌را پارتی دیموكراتی كوردستان و ب فه‌رمانا بابێ رۆحی یێ نه‌ته‌وه‌یی كورد (بارزانیێ نه‌مر) هاته‌ دامه‌زراندن.

رێكخراوا دایك د 67 سالێن ئه‌زموونا خه‌باتێ دا ب هزره‌كا مرۆڤ خوازانه‌ پرسا ئافره‌تێ ب خوه‌ڤه‌ گرتیه‌ و ئه‌ڤ رێكخراوه‌ یا شانازه‌ ب پشكداریا خوه‌ د بزاڤا ئازادیخوازا گه‌لێ كوردستانێ دا د خه‌باتا مه‌ده‌نی و دیموكراسی ژی دا د دیرۆكا ئێكه‌تیا ئافره‌تان و بزاڤا ئافره‌تان دا ب شێوه‌یه‌كێ گشتی چه‌ندین ده‌ستكه‌فتێن گرنگێن قانوونی، جڤاكی، سیاسی بۆ ئافره‌تان ب ده‌ستڤه‌ ئیناینه‌، داخوازا پشته‌ڤانیه‌كا زێده‌تر دكه‌ین و هه‌ر هزرا ڤێ قوتابخانێ و ڕوانگه‌ها پارتی دیموكراتی كوردستان ب ئاسۆیێ رزگاریا ئافره‌تێن كوردستانێ د زانین، ل ڤێرێ سۆپاس و رێزگرتن بۆ سه‌رۆكێ هێژا و ڕابه‌رێ نه‌ته‌وه‌یێ مه‌ سه‌رۆك (مه‌سعود بارزانی) كو هه‌می ده‌مان پشته‌ڤانێ رێكخراوا مه‌ یه‌، 67 سالیا دامه‌زراندنا رێكخراوا خوه‌ ل كادر و ئه‌ندام و هه‌موو ئافره‌تان پیرۆز دكه‌ین، سلاڤ بۆ وان خانمێن پێشه‌نگ یێن كو د رۆژێن سه‌خت دا درێژی ب كاروانێ ڤێ رێكخراوێ دای، سلاڤێن گه‌رم و پڕ رێز و ڤیان بۆ دایكان و هه‌ڤژینێن شه‌هیدان و هه‌موو یه‌كسانی خوازێن كوردستانێ.

52

ئەڤرۆ نیوز:

فراکسیۆنا هەدەپێ ل پەرلەمانێ تورکیا راگەهاند کو ب هزاران چەکدارێن سووری یێن ب ناڤێ لەشکرێ ئازاد یێ سووریێ ل تورکیا مووچە وەردگرن. دڤێت دەولەت ئاشکرا بکەت کا ئەو مووچە ل سەر حسابێ کێ بۆ وان دهێتە دان و نابیت ل سەر کیستێ وەلاتیێن تورکیا حوکمەتا ئاکپارتی پارە بدەتە چەکدارێن سووری یێن کو رۆژانە ل سووریێ مافێن مرۆڤی بنپێ دکەن.

52

ئەڤرۆ نیوز:

نوونەرێ تایبەتێ سەرۆکێ روسیا بۆ کاروبارێن سووریێ راگەهاند کو ل گۆر رێککەفتنا وان ل گەل تورکیا دەڤەرەکا تایبەت هاتیە دیار کرن و نابیت تورکیا بزاڤا هندێ بکەت کو ل ژێر ناڤێ دەڤەرا ئارام ئاخا سووریێ داگیر بکەت.

ئەلێکساندیر لاڤرینتیێڤ ئەو یەک ژی دیار کر کو دڤێت تورکیا ل گۆر رێککەفتنا سۆچی یا ل گەل روسیا بزاڤان بکەت،  ژ بلی هندێ روسیا پشتەڤانیێ ل پیلانێن دی یێن تورکیا ل باکورێ سووریێ ناکەت.

ئەڤرۆ نیوز:

دەزگەهێ خێرخوازیێ بارزانی کاروانەکێ دی یێ هاریکاریێن مرۆڤی کو ژ چل ترۆمبێلان پێک دهێت رەوانەی رۆژئاڤایێ کوردستانێ دکەت.

دەزگەهێ خێرخوازیێ بارزانی د داخۆیانیەکێ دا دیار کریە کو ئەڤە کاروانێ شەشێ یێ هاریکاریانە کو ئەڤسالە بۆ رۆژئاڤایێ کوردستانێ دهێتە رەوانەکرن.

340

ئه‌ڤرۆ، شاكر ئه‌تروشی:

هونه‌رمه‌ند جه‌میل زكری، كو ئه‌ڤه‌ چه‌ند رۆژه‌ ل باژێرێ‌ ئۆرمیێ‌ ل بن چاڤدێریا نۆشداران دایه‌، د په‌یوه‌ندیه‌كا ته‌له‌فۆنی دا بۆ ئه‌ڤرۆ دیاركر، پشتی ئه‌و گه‌هشتیه‌ وه‌لاتێ‌ ئیرانێ‌ تبله‌كا دی ژی ژ پیێ‌ وی یێ‌ راستێ‌ هاتیه‌ ژێڤه‌كرن، لێ‌ نوكه‌ ئه‌و هه‌ست پێ‌ دكه‌ت ره‌وشا وی یا باشه‌ و سوبه‌هی چارشه‌مبێ‌ جاره‌كا دی دێ‌ نۆشدارێ‌ خوه‌ بینیت و هه‌كه‌ دیت ره‌وشا وی باشتره‌ دێ‌ چاره‌سه‌ریێ‌ بۆ نڤیسیت پاشی دێ‌ هێته‌ مالا خوه‌ ل دهۆكێ‌.

جه‌میل گۆت: به‌ری دو حه‌فتیان ئه‌ز هاتمه‌ ئۆرمیێ‌، ل ڤێره‌ تبله‌كا دی ژی ژپیێ‌ من ڤه‌كرن، یا قه‌لیچێ‌ ژی ل دهۆكێ‌ ژیڤه‌كربوون، ئانكو ئه‌ڤه‌ بوونه‌ دو تبل، سه‌باره‌ت ره‌وشا من ژی ئه‌ز هه‌ست پێ‌ دكه‌م هه‌تا راده‌كی یێ‌ باشتر لێ‌ دهێم، به‌لێ‌ سوبه‌هی چارشه‌مبێ‌ دێ‌ جاره‌كا دی سه‌ره‌دانا نۆشدارێ‌ خوه‌ كه‌م و هه‌كه‌ دیت باشتره‌ دێ‌ من فرێكه‌ته‌ مال.

ژلایێ‌ خوه‌ڤه‌ خانم (ئه‌ڤین حسێن) سه‌رۆكا سه‌ندیكا هونه‌رمه‌ندێن كوردستانێ‌/لقێ‌ دهۆك بۆ ئه‌ڤرۆ پشتراستكر، كو ب بزاڤێن وان رێزدار نێچیرڤان بارزانی سه‌رۆكێ‌ هه‌رێما كوردستانێ‌ رازی بوویه‌ هه‌موو مه‌زاختێن هونه‌رمه‌ند جه‌میل زكری ب ستۆیێ‌ خوه‌ڤه‌ بگرن.

276

ئەڤرۆ نیوز، محمود نهێلی:

سوزان عەبدولهادی ئەو کچا بەهرەمەند یا کو ل سالا ۲۰۰۸ خەلاتێ لاوێ سالێ ل سەر ئاستێ هەرێمێ وەرگرتی رەوشا ساخلەمیا وێ بەرەڤ خرابیێ دچیت و نوکە پێدڤی ب چارەسەریێ یە و داخازا درێژکرنا دەستێ هاریکاریێ دکەت.

سوزان عەبدولهادی بو ئەڤرۆ نیوز دیار کر، کو هەر ل بچیکاتی وێ حەزا هونەری هەبوویە و گۆت : ل دسپێکێ من دەست ب کارێ چێکرنا رەسمی کر و من چەند پێشانگەهەک ڤەکرن و رۆژ بو رۆژێ من ناڤ و دەنگی یەکا پتر پەیدا کر .

ناڤهاتی دیار کر، ژ بەرکو رەوشا ساخلەمیا من بەرڤ خرابیێ چو و نەشیام کارێ رەسمی بەردەوامیێ پێ بدەم.

ناڤهاتیێ دیار کر ، پاشان وێ دەست بکارێ نڤیسینا هوزانێ کر و نوکە دوو پەرتوکێن هەلبەستان هەنە و ئێک ژوانا ئەڤ سالە چاپ کریە و ب شێوازەکی نوو ب رەنگەکی دووقولی ل گەل هەلبەستڤان خورشید دروستکریە.

و خویاکر، کو نوکە ئەو مژیلی کارەکی دی یە دێ ل نێزیک دێ هێتە بەلاڤکرن.

سوزان عەبدولهادی ژ دایکبویا سالا ۱۹۸۹ ێ یە و ئاکنجیا ناحیا دێرەلۆک و پەککەفتی و نوکە رەوشا ساخلەمیا وێ یا باش نینە و پێدڤی ب چارەسەریێ هەیە و ناڤهاتی داخازا هاریکاریێ دکەت داکو بشێت چارەسەریا خوە بکەت بتایبەتی نشتەرگەریێ.

ئه‌ڤرۆ نيوز:

وه‌زيرێ ناڤخۆ يێ حوكمه‌تا هه‌رێما كوردستانێ، رێبه‌ر ئه‌حمه‌د، ئه‌ڤرۆ د مه‌راسيمه‌كى دا، نڤيسينگه‌ها تايبه‌ت ب ده‌ركرنا پاسپۆرتێ ل زاخۆ ڤه‌كر.

وه‌زيرێ ناڤخۆ راگه‌هاند كو ل باژێرێ زاخۆ بۆ جارا ئێكێ يه‌ مامه‌له‌يێن وه‌لاتيان دهێنه‌ برێڤه‌برن و ل وێ نڤيسنگه‌هێ ئه‌ڤرۆ رۆژا سێشه‌مبى پاسپۆرتا ئێكێ ده‌ركه‌فت.

وه‌زيرێ ناڤخۆ د سه‌ره‌دانه‌كا دو رۆژى دا، دوهى رۆژا دوشه‌مبى گه‌هشته‌ پارێزگه‌ها دهۆكێ و دوهى ل گه‌ل ئيدارا پارێزگه‌ها دهۆكێ كۆم بوو و ئه‌ڤرۆ ژى چه‌ندين سه‌ره‌دان كرن.

ئه‌ڤرۆ ل باژێرێ زاخۆ نڤيسينگه‌ها ده‌ركرنا پاسپۆرتان ڤه‌كر و راگه‌هاند كو ل ده‌مه‌كێ نێزيك دێ ل ئاكرێ ژى نڤيسينگه‌ها پاسپۆرتان هێته‌ ڤه‌كرن دا كو وه‌لاتى نه‌چار نه‌بن سه‌ره‌دانا سه‌نته‌رێ پارێزگه‌هێ بكه‌ن بۆ ده‌ركرنا پاسپۆرتێ.

270

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 10ى كانوونا ئێكێ 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

100 دولارێ ئه‌مريكى 120.900 دينار
100 يۆرۆيێ ئه‌ورۆپى 133.500 دينار
100 ليرێ توركى 21.000 دينار

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

website security
WP Facebook Auto Publish Powered By : XYZScripts.com