ئەڤرۆ نیوز:
دەزگەهێن راگەهاندنا تورکیا دیار دکەن کو پارتا کۆماریا گەل دڤێت بۆ هەلبژارتنێن داهاتی ئەکرەم ئیمام ئوگلۆ سەرۆکێ باژێرڤانیا ئستەنبولێ وەکو بەربژارێ وان و چەند پارتێن دی بۆ پوستێ سەرۆک کۆماریا تورکیا بەربژار بکەت.
دەزگەهێن راگەهاندنا تورکیا دیار دکەن کو ئیمام ئوگلۆ د ناڤ خەلکی دا پشتەڤانیەکا گەلەک باش هەیە و د چەندین راپرسیان دا دیار بوویە کو دەنگێن وی ژ یێ ئەردۆگانی زێدەترە.
ئەڤرۆ نیوز:
هێمن هەورامی جێگرێ سەرۆکێ پەرلەمانێ کوردستانێ پێشوازی ل شاندەکێ کەنیسایێن ئەمریکا و بریتانیا کر و د هەڤدیتنەکێ دا جێگرێ سەرۆکێ پەرلەمانێ کوردستانێ راگەهاند کو کوردستانێ هەموو دەمەکێ وارێ پێکڤەژیانێ و ئاشتیێ بوویە و هەتا نها ژی ئەو یەک بەردەوامە.
جێگرێ سەرۆکێ پەرلەمانێ کوردستانێ راگەهاند کو شاندێ کەنیسایێن بریتانی و ئەمریکا گەلەک کارێن خێرخوازی ل کوردستانێ ئەنجام داینە و مە ژی ب ناڤێ پەرلەمانێ کوردستانێ سوپاسیا وان کر.
ئه‌ڤرۆ نیوز،عه‌لی حاجی :
نوونه‌رێ قاییمقامیا زاخۆ یا لژنا سامانێن سروشتی د داخویانیه‌كێ دا بۆ ئه‌ڤرۆ نیوز دیار كر پشتی هه‌وا به‌لاڤ كرنا گازا پی ل هه‌ردو ناحیێن باتیفا و ده‌ركارێ ب دوماهی هاتین بریاره سوباهی روژا دو شه‌مبێ ده‌ست ب به‌لاڤكرنا گازا سپی ل ناحیا زرگاری بهێته كرن .
زێده‌تر نیشان بوخوس گوت : پشتی هاولاتیێن هه‌ر ئێك ژ ناحییچن باتیفا و ده‌ركارێ به‌هرا خوه یا گازا سپی بۆ زڤستانا ئه‌ڤ ساله وه‌رگرتین دنوكه دا هه‌وا به‌لاڤكرنا گازا سپی ل وان هه‌ردو ناخیا راوه‌ستیایه و نوكه دا ب رێیا وه‌كیلێن ئازوقه‌یی ده‌ست ب به‌لاڤكرنا پلێتێن گازا سپی دهێته كرن ل ناحیا رزگار بۆ ڤێ چه‌ندێ ژی 1548 پلێت دێ هێنه به‌لاڤ كرن داكو هاولاتیێن وێ ناحیێ ژی به‌هرا خوه یا ئه‌ڤ ساله ژ گازا سپی وه‌ربگرن .
گوت ژی : ئه‌ڤه دبیته دوماهی ناحیێن سه‌ر ب باژێرێ زاخۆ كو گازا سپی بهێته به‌لا ڤكرن و ل دووڤ زێ رێژه‌یا بۆ مه دهێته ره‌وانه‌كرن دماوه‌یێ سێ هه‌تا چار روژان دا دێ ئه‌ڤ هه‌وه ب دوماهی هێت ل سنورێ وێ ناحیێ و ل دووڤ را ئه‌م دێ مینن چاڤه‌رێ دا كو رێژه‌یه‌كا دیتر بهێت و ل سه‌ر خه‌لكێ سه‌نته‌رێ زاخۆ بهێته به‌لاڤ كرن به‌لێ هه‌تا نوكه چو بریاره‌ك نه‌گه‌هشتیه ده‌ستێ مه لدور به‌لاڤ كرنا گازا سپی ل سه‌نته‌رێ باژێری دا.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 8ى كانوونا ئێكێ 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.850 دينار |
| 100 يۆرۆيێ ئه‌ورۆپى | 135.000 دينار |
| 100 ليرێ توركى | 21.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز، نيوار محه‌مه‌د سه‌ليم:
سه‌رۆكا لژنا په‌روه‌رده و خواندن و ئه‌وقاف و كاروبارێن ئاينى ل جڤاتا پارێزگه‌ها دهۆكێ راگه‌هاند كو ب ره‌نگه‌كێ گشتى ل پارێزگه‌ها دهۆكێ 23 قوتابخانێن سێ ده‌وامى يێن هه‌ين و پتريا وان ژى دكه‌ڤنه قه‌زا شنگال.
جمبه‌د شوكرى، سه‌رۆكا لژنا په‌روه‌رده و خواندن و ئه‌وقاف و كاروبارێن ئاينى ل جڤاتا پارێزگه‌ها دهۆكێ، بۆ ئه‌ڤرۆ نيوز دياركر كو ژ به‌ر قه‌يرانا دارايى قوتابخانه وه‌كو پێدڤى ناهێنه ئاڤاكرن و ئه‌ڤێ چه‌ندێ ژى كارتێكرن ب ره‌نگه‌كێ نه‌رێنى ل سه‌ر ده‌وامێن قوتابخانان كرينه.
زێده‌تر گۆت: “نها ل سنورێ پارێزگه‌ها دهۆكێ ژ سه‌رجه‌مێ هزار و 604 قوتابخانان، 23 قوتابخانێن سێ ده‌وامى هه‌نه و 452 ژى دو ده‌وامى نه”.
جمبه‌د شوكرى ئاشكه‌را ژى كر كو هه‌شت قوتابخانێن سێ ده‌وامى ل سنورێ قه‌زا شنگالێ نه و چار ژى ل قه‌زا سێمێلێ و چار ژى ل سنورێ په‌روه‌ردا رۆژهه‌لات و ل ئامێدى و ئاكرێ دو قوتابخانه و ل په‌روه‌ردا زاخۆ و دهۆك رۆژئاڤا و به‌رده‌ره‌ش ژى قوتابخانه‌ك و گۆت: “خۆشبه‌ختانه ل سنورێ په‌روه‌ردێ شێخان و تلكێف و زۆممار چو قوتابخانێن سێ ده‌وامى نينن”.
سه‌رۆكا لژنا په‌روه‌رده و خواندن و ئه‌وقاف و كاروبارێن ئاينى ل جڤاتا پارێزگه‌ها دهۆكێ ئه‌ڤ قوتابخانێن سێ ده‌وامى كارتێكرنێ ل سه‌ر ده‌مژمێرێن ده‌وامێ دكه‌ن و به‌هرا وانان دكه‌ن و ل دووڤ پێدڤى مامۆستايان شيانێن گه‌هاندنا وانان وه‌كو يێن دو ده‌وامى و ئێك ده‌وامى نينن.
هه‌رچه‌نده وه‌زاره‌تا په‌روه‌ردێ بڕيار دابوو كو نابيت قوتابخانێن سێ ده‌وامى ل هه‌رێما كوردستانێ بمينن، به‌لێ ژ به‌ر قه‌يرانا دارايى ئه‌ڤ بابه‌ته به‌ر ب زێده‌بوونێ ڤه دچيت و دا كو ئه‌ڤ كێشه چاره هه‌بيت د نها دا پارێزگه‌ها دهۆكێ ب كێمى پێدڤى ب 23 قوتابخانێن دى هه‌يه.
جمبه‌د شوكرى ئاشكه‌را ژى كر كو ل دووڤ ستانده‌ردێن جيهانى نابيت ژ 20 هه‌تا 25 قوتابيان د ئێك پۆل دابن، به‌لێ ل گه‌ل قوتابخانان هه‌تا 45 قوتابيان ژى يێن د ئێك پۆل دا هه‌ين.
ئەڤرۆ نیوز، مەحمود نهێلی:
گەنجەکێ کوردێ باژێرێ ئامێدیێ بناڤێ ھەڤند بەیار ئیبراھیم عەبدولاه وەک ئێکەم کورد ژ ئەکادیمیا دیپلۆماتکارێن گەنجێن ئەوروپا دەرچو.
مراد ئامێدی ئێک ژ کەسێن نێزیک ژ ڤی قوتابی بو ئەڤرۆ نیوز دیار کر کو ناڤهاتی ب درچون ژ ڤێ ئەکادیمیێ شیا باوەرناما دیپلوما کاروبارێن دیپلۆماسی و ئاسایشا نێڤ دەوڵەتی وەربگریت کو ب ئامادەبوونا سەروکێ دادگەها مافئن مروڤا ل ئەوروپا و هەروەسا ئەمیندارێ گشتی یێ جڤاتا ئەورپی هاتە ئەنجام دان
هەژی گوتنێ قوتابیێن زێدەتر ژ ١١٠ وەلاتان ل ڤێ ئەکادیمیێ دەرچوینە.
ئەڤرۆ نیوز،عەلی حاجی :
ل بەریا دەمەکێ کێم ژئەگەرێ شورتەکێ کارەبێ ئاگر بەر دبیتە پشکەکا ئاڤاهیێ رێڤەبەریا جێبەجێ کرنێ ل زاخۆ و ئاگر ژلایێ تیمێن بەرەڤانیا باژێری ل زاخۆ هاتە کونترول کرن.
رائید بێوار عەبدولعەزیز بەرپرسێ بەرەڤانیا باژێرێ ل زاخۆ بۆ ئەڤرۆ نیوز گوت : ل بەریا دەمەکێ کێم ل نێزیکی دەمژمێر ١١ی سپێدێ ل رێڤەبەریا جێبەجێ کرنێ ل زاخۆ ژ ئەگەرێ شورتەکێ کارەبێ ئاگر بەر دبیتە پشکەکا ئاڤاهیێ هەما رێڤەبەری و پشکەکا ئەو تومارێن هاتینە تومار کرن هاتنە سوتن و زێدەباری وێ چەند ئامیرەیەک ژی هاتنە سوتن و هەر زوو تیمێن مە ل بەرەڤانا باژێری ل زاخۆ شیان کونترولی ل سەر ئاگری بکەن و دوێ روودانێ دا چو زیانێن گیانی نەبون بتنێ زیانێن ماددی بون .
ئه‌ڤرۆ نيوز:
زه‌لامه‌كێ 35 سالی دلێ خوه بو ئه‌ڤرو ڤه‌دكه‌ت و دبێژیت: من شاره‌زاییه‌كا باش د بوارێ كومپیوته‌ری دا هه‌یه، ل كومپانیا كار دكه‌م و موچێ من یێ باشه، به‌لێ ئاریشا من ئه‌وه ئه‌ز ل چ جها یێ ئارام نینم و ژبه‌رهندێ به‌رده‌وام ئه‌ز جهێ خوه و كارێ خوه دگوهۆرم، هه‌ر كومپانیه‌كا دچمێ ماوه‌یه‌كێ د مینم و دچمه ئێكا دی، ئه‌ڤ چه‌نده یا ب دلێ من نینه به‌س نه‌شێم ل سه‌ر خوه زال ببم، ئه‌ڤجا هیڤیدارم بو من رێیه چاره‌سه‌ریه‌كێ هوون چ دبێژن و ئه‌ز چ بكه‌م؟
برایێ هێژا:
ل ده‌ستپێكێ دڤێت تو خوه باش بنیاسی و پرسیار ژ خوه بكه‌ی و بێژی، ئه‌ز ل كیڤه باشترم و د كیژ بواری دا پتر ئه‌ز خوه دبینم ئه‌ز حه‌ز ژ چ دكه‌م؟ جارێ دڤێت تو ڤێ چه‌ندێ بزانی، چونكی گه‌له‌ك كه‌س ل هنده‌ك جها كار دكه‌ن به‌س حه‌ز ژ وی جهی ناكه‌ن به‌س ژبه‌ر پاره‌ی ل وی جهی دمینن و كار دكه‌ن، ئه‌ڤجا ژبه‌رهندێ گرنگه تو بریارێ ل گه‌ل خوه بده‌ی و بزانی كا بوچی ل وی جهی كار دكه‌ی؟ ئانكو هه‌كه تو ل جهه‌كی كار بكه‌ی و جه و ئه‌و كه‌سێن ل وێره كار دكه‌ن ب دلێ ته نه‌بن به‌س سه‌ر خاترا پاره‌ی ل وێره كار كه‌ی هینگێ دێ رازی بی ل گه‌ل خوه و دێ ڤێ گرێبه‌ستێ دناڤبه‌را خوه و نه‌فسا خوه گرێ ده‌ی و ته‌مام.
یان ژی دێ بێژی نه‌خێر من دڤێت ئه‌و شولێ ئه‌ز دكه‌م و ئه‌و جهێ ئه‌ز كار لێ دكه‌م و ئه‌و كه‌سێن ل جهێ كاری حه‌ز ژێ بكه‌م، ئانكو حه‌ز ژ هه‌موو ئه‌و تشتێن په‌یوه‌ندی ب وی كاری ڤه هه‌ی بكه‌ی، ته ڤیان بو هه‌بیت و خوشیێ وه‌رگری و هه‌ستێن حه‌زژێكرنێ بو جهی و بو كه‌سان و وی شولێ دكه‌ی بو هه‌موویا دروست كه‌ی، ژبه‌ركو ئه‌ڤه گه‌له‌ك یا گرنگه و دێ هه‌ست ب ئارامیێ كه‌ی و تو گازندا ژی ژ خوه ناكه‌ی ئه‌ڤه ژی گرێبه‌سته‌كه دێ دناڤبه‌را خوه و نه‌فسا خوه دروست كه‌ی كو هه‌م ته دڤێت شول كه‌ی و هه‌م ژی هه‌ست ب خوشیێ و حه‌زژێكرنێ بكه‌ی ل وی جهی و ل دووماهیێ تو دێ ئێك ژ ڤان هه‌ردو بریارا ده‌ی و ئارام بی.
به‌رسڤدان: ده‌روونناس ئاواز
نيشاندان