ئه‌ڤرۆ نيوز:
عه‌بدولفه‌تاح سيسى، سه‌رۆكێ مسرێ د به‌رسڤا كچه‌كا كورد دا راگه‌هاند، چو كه‌سه‌ك نه‌شێت ناسناما نه‌ته‌وى يا كوردى ژناڤ ببه‌ت و گۆت” گه‌لێ كورد ب درێژيا 60 سالێن بۆرى د نالى”.
كچه‌كا كورد ل كوربه‌ندا لاوێن جيهانێ ل شه‌رم ئه‌لشێخ ل مسرێ، كو ب پشكداريا زێده‌تر ژ 8 هزار لاوان ل سه‌ر ئاستێ جيهانێ هاتيه سازكرن و عه‌بدولفه‌تاح سيسى سه‌رۆكێ مسرێ تێدا به‌رهه‌ڤبووى، ل دۆر ناسناما كوردى پرسيار ژ سه‌رۆكێ مسرێ كر.
وێ كچێ د پرسيارا خوه‌دا ئاماژه ب مافێ پێكهاتێن نه‌ته‌وى و مافێن مرۆڤى ل ده‌ڤه‌رێ كر و به‌حسێ وێ چه‌ندێ ژى كر كو پاشه‌رۆژا ده‌ڤه‌رێ دێ يا چاوا بيت.
سيسى د به‌رسڤێ دا گۆت” ل ده‌مێ سالێن بۆرى، كورد ب سه‌ر وه‌لاتێن ده‌ڤه‌رێ هاتنه دابه‌شكرن، كو ئيران و توركيا و وه‌لاتێن دى بوون، چو كه‌سه‌ك نه‌شێت ناسناما ته يا نه‌ته‌وى ژناڤ ببه‌ت، سه‌ره‌راى ئه‌وا رووداى تو يا ل ڤێرێ و د ئاخڤى”.
سه‌باره‌ت زمانێ كوردى ژى، سه‌رۆكێ مسرێ گۆت” زمانێ كوردى و داب و نه‌ريتێن تايبه‌ت ب كوردان يێن ماين، به‌لێ ژبه‌ر ده‌ستچوونا پشكه‌كا ژێده‌رێ سه‌رمايێ تايبه‌تێ نه‌ته‌وايه‌تى يا گه‌لێ كورد ئه‌و باجه‌يه كو ژئه‌گه‌رێ ململانيان، كوردان ژ ده‌ستداى”.
ئه‌ڤرۆ نيوز:
هه‌ردو شاندێن پارتى ديموكراتى كوردستان و بزاڤا گۆران ئه‌ڤرۆ سێشه‌مبى 17/12/2019 ل پيرمام كۆمبوون و د كۆنفرانسه‌كێ رۆژنامه‌ڤانى دا، هه‌ردولا پشته‌ڤانيا خوه بۆ چاكسازيێن حوكمه‌تا هه‌رێمێ دياركر.
مه‌حمود محه‌مه‌د، په‌يڤدارێ پارتى ديموكراتى كوردستان راگه‌هاند” مه هه‌ردولا بريار دا كۆمبوونێن زێده‌تر د ناڤبه‌را مه دا هه‌بن و مه به‌حسێ وێ چه‌ندێ ژى كر كو پشته‌ڤانيێ ل چاكسازيێن حوكمه‌تا هه‌رێمێ بكه‌ين”.
گۆت ژى”دبيت هنده‌ك نيگه‌رانى هه‌بن كو پشكه‌ك ژ رێككه‌فتنان نه‌هاتينه بجهئينان، به‌لێ وان تنێ پێدڤيه ب ده‌مى يا هه‌ى و دێ ده‌ليڤه‌كا گونجاى بۆ بينين”.
ژ لايێ خوه‌ڤه ده‌رباز محه‌مه‌د، سكرتێرێ كاروبارێن ژۆرێن بزاڤا گۆران راگه‌هاند” كۆمبوون يا گرنگ بوو و دانوستاندن ل سه‌ر ره‌وشا عيراقێ و هه‌رێما كوردستانێ و كارێن حوكمه‌تێ هاته كرن”.
هه‌روه‌سا گۆت” مه هه‌ردولا دووپاتى ل پشته‌ڤانيا چاكسازيێن حوكمه‌تێ كر و پرۆژێ قانوونا چاكسازيێ ل په‌رله‌مانێ كوردستانێ بهێته په‌سه‌ندكرن و چاكسازى ژى ب گشتى و ب تايبه‌تى ل داهاتى د به‌رده‌وام بن”.
ئاماژه كر ژى”مه دڤێت پێكڤه دووماهيێ ب دۆسێيا سزايا سياسى بينين”.
ئه‌ڤرۆ نيوز:
په‌يڤدارێ حوكمه‌تا هه‌رێما كوردستانێ راگه‌هاند، ب هه‌لكه‌فتا جه‌ژنا ژ دايكبوونا حه‌زره‌تێ مه‌سيح و سه‌رێ سالا نوو يا زايينى، ل رۆژا چارشه‌مبى 25/12/12019 دێ بيته بهێنڤه‌دان ل هه‌موو داموده‌زگه‌هێن حوكمه‌تا هه‌رێما كوردستانێ هه‌تا رۆژا شه‌مبيێ 4/1/2020 و ل رۆژا ئێكشه‌مبى 5/1/2020 دێ ده‌واما فه‌رمى ده‌ستپێكه‌ت.
ئه‌ڤرۆ نيوز:
ئاژانسا ده‌نگوباسێن عيراقێ يا فه‌رمى به‌لاڤكر، دهێته چاڤه‌رێكرن سه‌رۆك كۆمارا عيراقێ ل رۆژێن داهاتى ناڤێ به‌ربژارێ پۆستێ سه‌رۆكاتيا وه‌زيران رابگه‌هينيت.
خوه‌نيشانده‌رێن عيراقێ ب رێيا نوونه‌رێن خوه، ناڤێن به‌ربژارێن پۆستێ سه‌رۆكاتيا حوكمه‌تا عيراقێ راده‌ستى به‌رهه‌م سالح سه‌رۆك كۆمارى كرينه و ئاژانسا ده‌نگوباسێن عيراقێ، ناڤێن هنده‌ك ژ وان به‌ربژاران ئاشكرا كريه كو ئه‌وژى هه‌ر ئێك ژ محه‌مه‌د شه‌ياع ئه‌لسودانى و ئه‌سعه‌د ئه‌لعيدانى و مسته‌فا كازمى و دادوه‌ر رائيد جوحى.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی د رێورەسمێ ب فەرمی ڤەکرنا قۆناغا دووماهیێ یا جادا ١٢٠ میتری یا هەولێرێ دا بەرهەڤ بوو و د داخۆیانیەکێ دا راگەهاند کو دڤێت شۆفێر ژ بۆ سلامەتیا خوە و وەلاتیان رێنمایێن هاتنوچوونێ بەرچاڤ وەربگرن دا چو مەترسی ل سەر ژیانا وان و وەلاتیان دروست نەبیت.
ئەڤرۆ نیوز:
پشتی کو رەجەب تەیب ئەردۆگانێ سەرۆک کۆمارێ تورکیا گەفا داخستنا بنگەهێن ئینجیرلیک یێ ئەمریکا کر وەزیرێ بەرەڤانیێ یێ ئەمریکا ژی بەرسڤا تورکیا دا.
مایک ئێسپەر وەزیرێ بەرەڤانیێ یێ ئەمریکا راگەهاند کو هەتا نها ب فەرمی تشتەک بۆ وی نەهاتیە گۆتن و دیار کر کو دڤێت ئەو بابەت ل گەل وەزیرێ بەرەڤانیێ یێ تورکیا بهێتە گەنگەشەکرن و راگەهاند کو ئەمریکا گەلەک بژاردێن دی ل بەر دەستان هەنە.
ئەڤرۆ نیوز:
سەرۆک مەسعود بارزانی پێشوازی ل ستیڤن هیکی بالیۆزێ نوو یێ بریتانیا ل عیراقێ کر و د روونشتنەکێ دا بەحسێ رەوشا نها یا عیراقێ هاتە کرن و بالیۆزێ بریتانیا هێڤی خواست کو رەوشا ئالۆز یا عیراقێ ئارام ببیت و پەیوەندیێن د ناڤبەرا هەولێر و بەغدایێ ژی باشتر لێ بهێن، هەروەسا بەحسێ رەوشا سووریێ ژی هاتە کرن و هاتە راگەهاندن دڤێت رێ نەهێتە دان جارەکا دی داعش ببیتە مەترسی ل سەر دەڤەرێ.
ژ لایێ خوە ڤە سەرۆک بارزانی ژی پیرۆزباهی ل بالیۆزێ نوو یێ بریتانیا ل عیراقێ کر و هیڤی خواست کو د ئەرکێ خوە دا سەرکەفتی بیت.
نيشاندان