ئه‌ڤرۆ نيوز، نيوار محه‌مه‌د سه‌ليم:
حوكمه‌تا هه‌رێما كوردستانێ دێ ده‌ست ب وه‌رگرتنا قه‌رێن خوه يێن ل لايێ وه‌به‌رهێنه‌ر و سه‌رمايه‌داران كه‌ت، ئاخفتنكه‌رێ ب ناڤێ فراكسيۆنا پارتى ل په‌رله‌مانێ كوردستانێ ژى دده‌ته دياركرن كو هه‌ر خودان قه‌ره‌كێ پێگريێ ب بڕيارێ نه‌كه‌ت، دێ ده‌ست ب سه‌ر ملك و مالێ وى دا هێته گرتن.
وه‌زاره‌تا دارايى و ئابوورى ل حوكمه‌تا هه‌رێما كوردستانێ د نڤيساره‌كا فه‌رمى دا ل 17ى شوباتا 2019ێ داخواز ژ سه‌رمايه‌دارێن قه‌ردارێن حوكمه‌تێ كربوو كو قه‌رێن وان ژ مێژوويا ده‌ركه‌فتنا نڤيسارێ و هه‌تا شه‌ش هه‌يڤان ب ڤه‌گه‌رينن. به‌لێ ئه‌ڤه 10 هه‌يڤ ژى ب سه‌ر دا ده‌رباز بوون و هێشتا چو پێرابوونێن دى ئه‌نجام نه‌داينه.
پێشه‌وا هه‌ورامى ئاخفتنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو حوكمه‌تا هه‌رێمێ بڕيار دايه كو وان قه‌رێن ل لايێ سه‌رمايه‌داران كو دبنه 740 مليار دينار ب ڤه‌گه‌رينيت و يێ نه‌ده‌ت دێ ئێخيته د ليستا ره‌ش دا و گۆت: “ئێك ژ وان به‌رپرسێ حزبه‌كێ يه”.
پێشتر ژى ليزا فه‌له‌كه‌دين كاكه‌يى ئه‌نداما فراكسيۆنا پارتى ل په‌رله‌مانێ كوردستانێ راگه‌هاند بوو كو ل سالێن بۆرى حوكمه‌ت د پێناڤى ڤه‌ژاندنا ئابوورى دا، حوكمه‌تا هه‌رێمێ بره‌كا پاره‌ى دايه هنده‌ك كۆمپانيا و وه‌به‌رهێنه‌ران، به‌لێ پشتى چه‌ندين سالان هه‌تا نها پاره بۆ حوكمه‌تێ نه‌ڤه‌گه‌رانديه.
ئاشكه‌را ژى كر كو ئه‌و كۆژمێ پاره‌ى نێزيكى 700 مليار دينارايه و پتريا وان ل لايێ شاسوار عه‌بدولواحده كو 42 مليار ديناره، دڤێت وى پاره‌ى بۆ حوكمه‌تێ ب ڤه‌گه‌رينيت.
د به‌رامبه‌ر دا سه‌عيد هه‌ركى، سه‌رۆكێ لژنا ده‌ستپاكيێ ل په‌رله‌مانێ كوردستانێ راگه‌هاند كو هه‌رێما كوردستانێ دێ ب ميكانيزمه‌كێ تايبه‌ت وان قه‌ران ڤه‌گه‌رينيت ب ره‌نگه‌كى كو هه‌موو وه‌به‌رهێنه‌ر وى قه‌رى ب ڤه‌گه‌رينن.
ئاشكه‌را ژى كر كو هه‌موو قه‌ردار هاتينه ئاگه‌هداركرن كو قه‌رێن خوه بده‌ن، د حاله‌ته‌كى دا هه‌كه قه‌رێن خوه نه‌ده‌ن هه‌رێما كوردستانێ دێ رێكارێن قانوونى ل به‌رامبه‌ر گرتيه به‌ر”.
حوكمه‌تا هه‌رێما كوردستانێ زێده‌تر ژ 750 مليار ديناران وه‌كو قه‌ر داينه بازرگان و سه‌رمايه‌داران، پێشتر د هه‌يڤا شوباتا ئه‌ڤ ساله دا وه‌زاره‌تا دارايى شه‌ش هه‌يڤ وه‌كو مۆله‌ت دابوونێ دا كو وان قه‌ران ب ڤه‌گه‌رينن.
ئەڤرۆ نیوز ، زنار تۆڤی:
ل دەف هندەک خانمان كۆمه‌کا تشتان هه‌یه، کو زەلام حەز ژێ ناکەن، ژبەر وان ئەگەران حه‌ز ناكهن ل گه‌ل وان خانمان دابن، ژ وان ژی ئه‌و خانمێن پرچێ خوە گرێ ددەن یان دکەنە کەزی، لێ زەلام زێدەتر حه‌ز ژ هندێ دكهن، کو ژن پرچێ خوە ب شێوێ خوە یێ سروشتی دانن.
هه‌روه‌سا زەلام حه‌ز ژ وان خانمان ناكهن یێن كو گەلەک مه‌یك ئه‌پێ دكهن و به‌رهه‌مێ جوانكاریێ و گەلەک كریمێ ل دێم و چاڤێن خوە دا ب كار دئینن، زەلام زێدەتر حه‌ز ژ مه‌یك ئه‌پەکا کێم یان ژی شێوازێ سروشتی یێ خانما خوە دكهن، هه‌روه‌سا حه‌ز ژ وان خانمان دكهن، یێن کو پیستەکێ سافی و بریقه‌دار و بێ موی هه‌ی.
هه‌روه‌سا زەلام حه‌ز ژ وان خانمان ناكهن، یێن کو بێهنا دەڤێ وان یا نەخۆش یان ددانێن وان دکرێت، یان وان خانمێن جگارا د‌كێشن و گرنگیێ ب خوە ناده‌ن.
ئه‌ڤرۆ نیوز:
یانا چێلسى ب سه‌ركێشیا راهێنه‌رێ خوه یێ گه‌نچ و ستێرا خوه یا به‌رى نوكه فرانك لامپارد شیاى ده‌ربازى قوناغا 16 بیت ژ قاره‌مانیا چامپیونیز لیگا ئورۆپا و ب وێ ده‌ربازبوونێ ئه‌و راهێنه‌ر شیا نمره‌كا باش توماربكه‌ت بوو راهێنه‌رێن ئنگلیزى د وێ قاره‌مانیێ دا.
مالپه‌رێ ئوپتا یێ تایبه‌ت ب ئامارێن وه‌رزشى ڤه دیاركر لامپارد بوو راهێنه‌رێ ئێكێ ل سه‌ر ئاستێ ئنگلته‌را پشتى بورینا 9 سالا بشێت سه‌ركێشیا یانه‌كا ئنگلیزى بكه‌ت بوو ده‌ربازبوونێ بۆ قۆناغا 16 ژ قاره‌مانیا چامپیونیز لیگ كو دووماهیى جار راهێنه‌ره‌كێ ئنگلیزى شیاى یانه‌كا ئنگلیزى ده‌ربازى قوناغا 16 بكه‌ت ل وه‌رزێ 2010-2011 بوو ئه‌وژى راهێنه‌رێ توتنهام یێ وى ده‌مى هاری ریدناب بوو .
ئه‌ڤرۆ نیوز:
چاڤه‌رێ دهێـته‌كرن ئه‌ڤ شه‌ڤه ل ده‌مژمێر 10:45 یانا ریال مه‌درید یاریا خوه یا گه‌را شه‌شێ و دووماهیێ ژ قوناغا كومان یا قاره‌مانیا چامپیونیز لیگا ئورۆپا ئه‌نجام بده‌ت ده‌مێ دبیته مێڤانا یانا كلوب بروج یا به‌لجیكى كو به‌رى ڤێ یاریێ یانا ریال مه‌درید ده‌ربازبوونا خوه بۆ قوناغا 16 مسوگه‌ر كریه .
راهێنه‌رێ یانا ریال مه‌درید زێدان به‌رى ڤێ یاریێ بۆ ده‌زگه‌هێن راگه‌هاندنێ دیاركر ئه‌و دێ یاریێ كه‌ن بتنێ بوو سه‌ركه‌فتنێ سه‌ره‌راى ئه‌وان ده‌ربازبوونا خوه مسوگه‌ر كریه بۆ قوناغا 16 لێ ئه‌و ب ناڤێ ریال مه‌درید یاریێ كه‌ن و پێدڤى یه بتنێ هزر ل سه‌ركه‌فتنێ و ده‌ستڤه ئینانا ده‌ستكه‌فتیان بكه‌ن.
ناڤبرى ئاماژه ب وێ چه‌ندێ ژى كر گه‌له‌ك هزر ل وێ چه‌ندێ دكهن یاریا ئه‌وان به‌رامبه‌ر كلوپ بروج دێ وه‌كو یاریه‌كا هه‌ڤالینى بیت لێ ئه‌و ل گه‌ل وێ چه‌ندێ نینه ژبه‌ركو ئه‌و یاریێ كه‌ن ب كێمكرنا چیاوازیا خالان ل گه‌ل پاریس و یانا به‌رامبه‌ر ژى یاریێ كه‌ت بوو مسوگه‌ركرنا پلێتا رێزا سیێ بوو ده‌ربازبوونا یورۆپا لیگ.
سه‌باره‌ت هنگافتنا هازارد ناڤبرى دیاركر ئه‌و نوكه ل بن كنترولا نوژدارى یه و چاڤه‌رێ دهێـته‌كرن ل دو حه‌فتیێن بهێت ڤه‌گه‌ریته دناڤا پێكهاتیێ یانێ و یوڤیچ ژى دێ سوباهى یاریێ كه‌ن .
ل دووماهیێ پرسیار ل زێدان هاته‌كرن ئه‌رى ب چوونا وى چیه سه‌ر میسى 6 جاران بوویه باشترینێ جیهانێ و رونالدو 5 جاران زێدان دیاركر ئه‌و ناخوازیت ل سه‌ر وێ چه‌ندێ چ داخویانیا بده‌ت .
ئه‌ڤرۆ نیوز:
یانا به‌رشه‌لۆنا یا به‌رده‌وامه ل سه‌ر بزاڤێن ده‌ستڤه ئینانا ستێرا ئه‌رژه‌نتینى و یانا ئه‌نتر میلان یا ئیتالى لوتارو مارتینێز كو ئه‌و یاریزان ژ هاڤینا بورى وه‌ره بوویه ئارمانجا به‌رپرسێن یانا به‌رشه‌لۆنا.
رۆژنامه‌ڤانێ به‌رنیاس یێ ئیسپانى ماركوس لوبێز د داخویانیه‌كێ دا بوو كه‌نالێ TV3 دیاركر یانا به‌رشه‌لۆنا نێزیكى ئیمزاكرنا هه‌ڤبه‌ستا ستێرا ئه‌نتر میلان یا ئیتالى لوتارو مارتێنیز بوویه وه‌كو پێگوهورێ لویس سوارێز ل یانا به‌رشه‌لۆنا ل پاشه‌رۆژێ.
هه‌ردیسان وى رۆژنامه‌ڤانى ئاشكراكریه ژى به‌رپرسێن یانا به‌رشه‌لۆنا 110 ملیون یورۆ بۆ ڤه‌گوهاستنا وى یاریزانى به‌رهه‌ڤكرینه و چاڤه‌رێ دهێـته‌كرن ل ڤه‌گوهاستنێن زڤستانا بهێت ئه‌و یاریزان په‌یوه‌ندى ب پێكهاتیێ به‌رشه‌لۆنا بكه‌ت.
ئه‌ڤرۆ نیوز:
یانا ناپولى یا ئیتالى ب فه‌رمى پشتى یاریا ئه‌وان یا شه‌ڤا بورى ل گه‌ل یانا جێنك یا به‌لجیكى ئاشكراكر ئه‌وان ده‌ست ژ راهێنه‌رێ خوه یێ به‌رنیاس كارلوس ئه‌نشلوتى به‌ردایه سه‌ره‌راى وێ سه‌ركه‌فتنا مه‌زن ل سه‌ر جێنك ب چار گولان بێ به‌رامبه‌ر ژ قاره‌مانیا چامپیونیز لیگ و ده‌ربازى قوناغا 16 بووین .
راپورتێن رۆژنامه‌ڤانى ل ئیتالیا دیاركرینه به‌رپرسێن یانا ناپولى ده‌ست ژ شیانێن راهێنه‌رێ خوه ئه‌نشلوتى به‌رداینه ژبه‌ركو ئاستێ وێ یانێ د خۆلا ئیتالیا دا گه‌له‌ك پاشڤه‌زفریه نوكه ل رێزا حه‌فتێ دهێت دخۆلا كاتشیو دا و جوداهیا 17 خالان نوكه دناڤبه‌را وێ و سه‌ركێشا خولێ دا هه‌نه .
هه‌ردیسان ئه‌وان رۆژنانا ئاشكراكریه ژى ئه‌نشلوتى ئێك ژ به‌ربژارێن ب هێزه بوو وه‌رگرتنا پوستێ راهێنه‌ریا یانا ئه‌رسینال ل جهێ راهێنه‌رێ وێ یانا ئنگلیزى یێ نوكه ئێمرى ئوناى.
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ جڤاتا وه‌زيرێن هه‌رێما كوردستانێ دێ پرۆژێ قانوونا چاكسازيێ هنێريته په‌رله‌مانێ كوردستانێ.
ڤالا فه‌ريد، وه‌زيرا هه‌رێمێ بۆ كاروبارێن په‌رله‌مانى ئاشكه‌را كر كو ئه‌ڤرۆ رۆژا چارشه‌مبى، جڤاتا وه‌زيران دێ قانوونا چاكسازيێ په‌يه‌سند كه‌ت و ئێكسه‌ر هنێريته په‌رله‌مانى بۆ دووباره گه‌نگه‌شه كرنێ.
هه‌ڤده‌م ژێده‌ره‌كى ژ جڤاتا وه‌زيران راگه‌هاند كو ئه‌ڤرۆ دێ كۆمبوونا حه‌فتيانه يا جڤاتا وه‌زيران هێته ئه‌نجام دان و ژبلى په‌سه‌ندكرنا پرۆژێ قانوونا چاكسازيێ و ره‌وانه‌كرن بۆ په‌رله‌مانى دێ چه‌ند پرسێن دژى هێنه گه‌نگه‌شه كرن.
ئه‌ڤرۆ نيوز، نيوار محه‌مه‌د سه‌ليم:
لژنا دووڤچوونا كافێ و كازينۆيان شڤێدى سه‌ره‌دانا چه‌ندين كافێيان ل پارێزگه‌ها دهۆكێ كر و كافێيا ئاغا ديوان ب كۆژمه‌كێ پاره‌ى هاته سزادان ژ به‌ر كو مه‌عه‌سه‌لێ نارگيلێ يێ ئێكسپايه‌ر بوو.
سه‌رۆكێ لژنا دووڤچوونا کافێ و كازینۆیان ل قائیمقامیا قەزا دهوکێ ئاشكه‌را كر كو شڤێدی 10ى كانوونا ئێكێ 2019 سەرەدانا هه‌ر ئێك ژ کافێ یا ئاغا دیوان و کافێ ئاغا شوپ وکافێ فسته‌ق زادە و کافێ لاکس زەری ل سه‌نته‌رێ پارێزگه‌ها دهۆكێ كرن.
رائید ئدریس عەبدوللا سەرۆکێ لیژنا دووڤچوونا کافێ و كازینویان ئاشکرا ژى کر ژنێزیک هایداری بجهئینانا رێنمایێن ساخلەمیێ بوون ل ڤان جها و گۆت: “کافێ یا ئاغا دیوان هاتە سزادان ب گوژمەکێ پارەی ژ بەر هەبوونا موعەسلێ نارگیلێ یێ ئکسپایر و زێدەباری نەپێگری ب رێنمایێن لژنێ”.
ئەڤرۆ نیوز ، زنار تۆڤی:
ل دووڤ ئاژانسا نووچەیێن عێراقی، وەزارەتا دارایی یا عێراقێ ئاشكرا دکەت، کو د پڕۆژە بوودجێ سالا 2020 یێ عراقێ، كورتئینانەکا دارایی ب گۆژمێ 48 ترلیۆن دیناران دێ هێتە تۆمار كرن، ئەو كورتئینانە ژی دێ بیتە رێگر بۆ تێپەڕاندنا قانوونا بوودجێ د ماوێ بۆ هاتیە دیاركرن دا.
ئاماژە ب هندێ ژی دایە، ئەو مژوولی دیتنا ژێدەرەکێ دارایی یێ نوو نە ژبۆ پالپشتیكرنا پڕۆژە قانوونا بوودجەی کو زێدتر ژ 150 ترلیۆن دیناران دهێتە خەملاندن.
هەروەسا گۆتیە، ئاریشا هەبوونا قەران ل سەر عیراقێ و هەبوونا چەندین کێشێن دیتر دێ بنە ھۆكار بۆ كێمبوونا لایەنی وەبەرھێنانێ د پڕۆژە قانوونا بوودجەی دا، لەوما هەکە كورتئینانا دارایی نەهێتە چارەسەر کرن، دێ كێشا دەنگدانێ بۆ دروست بیت د وی ماوێ بۆ هاتیە دیار كرن.
نيشاندان