ئەڤرۆ نیوز:
گێر پیدەرسن نوونەرێ تایبەت یێ نەتەوێن ئێکگرتی بۆ کاروبارێن سووریێ راگەهاند کو ئێکێ مەها داهاتی دێ لیژنەکا ١٥٠ کەسی کار بۆ ئامادەکرنا دستوورەکێ نوو بۆ سووریێ کەن و گۆت: (ژ بلی نەتەوێن ئێکگرتی چو وەلاتێن دی د ئامادەکرنا دستوورێ نوو یێ سووریێ دا پشکدار نابن، بەلکو دڤێت خەلکێن سووریێ بخوە دستوورەکێ نوو ئامادە بکەن).
ناڤهاتی راگەهاند کو رێژا ٣٠% بۆ ئافرەتان هاتیە تەرخانکرن و هێڤیدارین دستوورەکێ نوو بهێتە ئامادەکرن کو ب رێیا دستوورێ نوو هەموو پرسێن سووریێ بهێنە چارەسەرکرن.
ئەڤرۆ نیوز، مەحمود نهێلی:
ناڤەندا بالا ئامێدیێ یا ی.ل.د.ک ب هه‌ڤكاری دگه‌ل رێڤه‌به‌ریا په‌روه‌ردا ئامێدیێ و پشكا هاتنوچوونا قه‌زا ئامێدیێ دێ رابیت ب ڤه‌كرنا خوله‌كا فێركرنا رێنمایێن هاتنووچوونێ بو قوتابێن سنورێ پەروەردا ئامێدیێ.
موراد محەمەد کارگێرێ ناڤەندا بالا ل ئامێدیێ دیار کر، ئەڤ خۆلە ژلایێ ناڤەندا بالا ئامێدیێ و ھەڤکاری دگەل پەروەردا ئامێدیێ و پشکا ھاتنوچوونا ئامێدیێ دێ ھێتە ڤەکرن و گۆت: (ئەڤ خۆلە دبیتە مەزنترین خولا ھشیارکرنا رێنماێت ھاتنوچوونێ قەزا ئامێدیێ دھێتە ڤەکرن کو ل ناحیا شێلادزێ تا سەرسنکێ دێ بخوە ڤە گریت).
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی پێشوازی ل ئۆلە دیل بالیۆزێ گشتی یێ ئەلمانیا ل عیراقێ کر و د کۆمبوونێ دا بەحسێ رەوشا نها یا عیراقێ و کوردستانێ هاتە کرن و سەرۆکێ حوکمەتا هەرێما کوردستانێ پشتەڤانیا خوە بۆ پرۆژێن چاکسازیێ یێن عادل عەبدولمەهدی سەرۆک وەزیرێن عیراقێ کر.
سەرۆکێ حوکمەتێ سوپاسیا حوکمەتا ئەلمانیا کر بۆ هاریکاریا وان یا بەردەوام بۆ هێزێن پێشمەرگێن کوردستانێ و هیڤی خواست جڤاکێ نێڤدەولەتی ژ بەر هاتنا پەنابەران بۆ هەرێما کوردستانێ پتر هاریکاریا هەرێما کوردستانێ بکەت.
ئەڤرۆ نیوز ، مەحمود نهێلی:
رێڤەبەرێ ناحیا دێرەلۆک بو ئەڤر نیوز دیار کر کار د پرۆژێ هایدروپاوەرێ دێرەلۆک یێ بەردەوامە و رێژا ٦۷٪ هاتیە چێکرن.
سامی ئۆشانە رێڤەبەرێ ناحیا دێرەلۆک دیار ژی کر کو ئەو ل گەل رێڤەبەرێ کارێ پرۆژەی کومبوویە و تەکەزی ل سەر هندێ هاتیە کرن ، پترین رێژا خەلکێ دەڤەرێ بدەنە کاری ل جهێ کرێکارێن ئیرانی و گۆت ژی دڤێت ئەڤ پرۆژە ددەمێ خوە دا ب دای بهێت.
ئەندازیارێ سەرپەرشتێ پروژەی سائیر ئامێدی دیار کر ، کو ئەڤ پرۆژەیە ژ دوو قوناغان پێک دهێت و قوناغا ئێکێ ب داوی هاتیە و یا دوویێ ژی ٦۷٪ هاتیە چێکرن و دەمێ تمام دبیت دشێت ۳۸ میگاواتێن کارەبێ بدەتە هەرێمێ .
ئه‌ڤرۆ نیوز، نه‌وزاد هلۆرى:
ده‌مه‌كێ كێم به‌رى نوكه، گه‌نجه‌كێ ل سه‌نته‌رێ باژێرێ دهۆكێ ب دو گوله‌یان دوماهى ب ژیانا خوه ئینا، به‌لێ هه‌تا نوكه ئه‌گه‌رێ خوه كوشتنا وى نه‌هاتیه زانین.
مه‌تین دێره‌شى، ژ نێزیك جهێ روودانێ بۆ ئه‌ڤرۆ نیوز گۆت” ده‌مه‌كێ كێم به‌رى نوكه ل تاخێ ماسیكێ ل باژێرێ دهۆكێ گه‌نجه‌كێ ب دو گه‌له‌يان دوماهى ب ژیانا خوه ئین”.
زێده‌تر گۆت” هه‌تا نوكه ئه‌گه‌رێ روودانێ نه‌هاتیه زانین، به‌لێ نوكه ئه‌م ل نێزیك جهێ رودانێ نه، ناڤێ وى گه‌نجى مێهڤانه و ژیێ وى 17 ساله”.
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ ئێكشه‌مبى 27/10/2019 په‌يامه‌ك ل دۆر كوشتنا ئه‌بو به‌كر به‌غدادى، خه‌ليفێ داعشێ به‌لاڤكر و راگه‌هاند، راسته كوشتنا ئه‌بو به‌كر به‌غدادى دێ كاريگه‌رى ل سه‌ر لاوازبوونا تيرۆرستان بيت، به‌لێ كوشتنا به‌غدادى رامانا ب دووماهى هاتنا داعشێ نينه.
سه‌رۆك بارزانى د پياما خوه دا گۆت” هه‌ر كه‌سه‌كێ تاوانبار و قاتلێ خه‌لكێ بێ تاوان بيت، زوو يان دره‌نگ دێ گه‌هيته سزايێ خوه”.
گۆت ژى” راسته كوشتنا ئه‌بو به‌كر به‌غدادى دێ كاريگه‌رى ل سه‌ر لاوازبوونا تيرۆرستان هه‌بيت، به‌لێ يا گرنگ ئه‌وه هه‌موو لايه‌ك ب تايبه‌ت جڤاكێ نێڤده‌وله‌تى ئاگه‌هدار بن كو كوشتنا به‌غدادى رامانا ب دووماهى هاتنا داعشێ نينه و پێدڤيه هه‌موو لايه‌ك د هشيار بن و هه‌ماهه‌نگ و به‌رده‌وام بن د شه‌رێ دژى تيرۆرێ و بنبركرنا تيرۆرێ”.
ئه‌ڤرۆ نيوز:
وه‌زاره‌تا به‌رگريا رووسى راگه‌هاند، چو پێزانين ل دۆر كوشتنا ئه‌بو به‌كر به‌غدادى نه گه‌هشتينه مه.
وه‌زاره‌تا به‌رگريا رووسى ره‌تكر ژى كو هاريكارى پێشكێشى هێزێن ئه‌مريكى كربيت بۆ لڤينێ ل سه‌ر ئه‌سمانێ باژێرێ ئيدلب يێ سوورى دا.
ئه‌ڤ داخۆيانيا وه‌زاره‌تا به‌رگريا رووسى پشتى وێ چه‌ندێ هات كو ئێڤاريا ئه‌ڤرۆ ئێكشه‌مبى 27/10/2019 سه‌رۆكێ ئه‌مريكى دونالد ترامپ ب فه‌رمى كوشتنا ئه‌بو به‌كر به‌غدادى راگه‌هاند و سووپاسيا رووسيا ژى كر بۆ هاريكاريا هێزێن ئه‌مريكى د پرۆسا كوشتنا به‌غدادى دا.
ئيگۆر كونانشينكۆڤ، فه‌رماندێ بلند ل وه‌زاره‌تا به‌رگريا رووسى به‌يانناما وه‌زاره‌تا خوه خواند و تێدا راگه‌هاند، مه پێزانين ل دۆر ئه‌نجامدانا ئۆپه‌راسيۆنه‌كا له‌شكرى يا ئه‌مريكى ل ده‌ڤه‌رێن دبن هه‌ژموونا توركيا ل ئيدلب نينن.
ئه‌ڤرۆ نيوز:
ده‌زگه‌هێن راگه‌هاندنێ يێن فه‌رمى ل سووريێ ئه‌ڤرۆ ئێكشه‌مبى 27/10/2019 به‌لاڤكر، شه‌ر د ناڤبه‌را له‌شكرێن سووريێ و توركيا ل ده‌وروبه‌رێن باژێرێ سه‌روكانيێ روودا.
ده‌زگه‌هێن راگه‌هاندنا سوورى دياركر ژى كو له‌شكرێ سوورى كونترۆل ل سه‌ر چار گوندێن سه‌رۆكانيێ كريه و له‌شكرێ سوورى تنێ 3 كلم ژ سنوورێ توركيا يێ دووره.
ئه‌ڤرۆ نيوز:
مه‌سرور بارزانى سه‌رۆكێ حوكمه‌تا هه‌رێما كوردستانێ ئه‌ڤرۆ ئێكشه‌مبى 27/10/2019 پێشوازى ل فالح فه‌ياز شيره‌تكارێ ئاسايشا نيشتمانى يا عيراقێ كر.
د ديداره‌كێ دا كو رێبه‌ر ئه‌حمه‌د وه‌زيرێ ناڤخوه ل هه‌رێما كوردستانێ به‌رهه‌ڤبووى، دانوستاندن ل دۆر په‌يوه‌نديێن د ناڤبه‌را حوكمه‌تا هه‌رێمێ و به‌غدا هاته كرن، دووپاتى ژى هاته كرن ل سه‌ر ب له‌زكرنا بزاڤان بۆ گه‌هشتنێ بۆ چاره‌سه‌ريه‌كێ بۆ كێشێن د ناڤبه‌را هه‌ولێرێ و به‌غدا ب گۆره‌ى دستوورى.
هه‌روه‌سا به‌حس ل گرنگيا هه‌بوونا هه‌ماهه‌نگيا زێده‌تر هێزا پێشمه‌رگه‌ى و هێزێن عيراقى هاته كرن بۆ روو ب رووبوونا مه‌ترسيێن تيرۆرستێن داعشێ.
هه‌ردو لا دووپاتى ل وێ چه‌ندێ كر كو پێدڤيه رێز ل داخوازيێن ئاشتيانه يێن خوه‌نيشانده‌رێن عيراقێ بهێته كرن و هه‌روه‌سا پشته‌ڤانيێ ژى ل گاڤێن چاكسازيێ يێن عادل عه‌بدولمه‌هدى سه‌رۆك وه‌زيرێن عيراقێ دكه‌ن.
نيشاندان