ئه‌ڤرۆ نيوز:
ئه‌ڤرۆ د ياريێن گه‌را چارێ ژ خۆلا پلا ناياب يا عيراقى و پشتى سێ دوراندنان، يانا زاخۆ خاله‌ك ب ده‌ستڤه‌ئينا پشتى ب ئه‌نجامێ 1-1 ل گه‌ل يانا هه‌ولێرێ ل ياريگه‌ها وێ وه‌كهه‌ڤ بووى.
يانا زاخو ب خاله‌كێ ل رێزا 19 و به‌رى دووماهيێ د رێزبه‌ندا خۆلا عيراقێ دهێت و يانا هه‌ولێر ب 3 خالا ل رێزا 12 دهێت كو سێ يارى ئه‌نجامداينه و هه‌ر سێ يارى ب وه‌كهه‌ڤيێ ب دووماهى هاتينه.
ئه‌ڤرۆ نيوز:
پشتى هێرشێن له‌شكرێ توركى ل سه‌ر رۆژئاڤايێ كوردستان، هاتنا په‌نابه‌ران بۆ هه‌رێما كوردستانێ ده‌ستپێكريه كو د ده‌مێ حه‌فتيه‌كێ دا زێده‌تر ژ 5 هزار په‌نابه‌رێن رۆژئاڤا به‌ر ب هه‌رێما كوردستانێ هاتينه و ل كه‌مپا به‌رده‌ره‌ش هاتينه ئاكنجيكرن.
ل دووڤ كوردستان تيڤى، د ده‌مێ 24 ده‌م هژمێرێن بۆرى دا هه‌تا نوكه 1226 په‌نابه‌ر يێن گه‌هشتينه كومپا به‌رده‌ره‌ش و ژلايێ ستافێ ده‌زگه‌هێ بارزانى يێ خێرخوازى وه‌كو ئێكه‌مين ده‌زگه‌هێ خێرخوازى ل سه‌ر ئاستێ ناڤخوه‌يى و نێڤده‌وله‌تى پێشوازى لێ دهێته كرن.
ئه‌ڤرۆ نيوز:
وه‌زيرێ ناڤخوه ل عيراقێ، ياسين ئه‌لياسرى، راگه‌هاند، ليوا روكن (عه‌لى لامى) فه‌رماندێ فرقا چار يا پۆليسێن ئيتيحادى د هێرشه‌كا تيرۆرستێن داعشێ دا هاته كوشتن.
ئه‌لياسرى دياركر” ئه‌و فه‌رماندێ بلند يێ هێزێن پۆليسێن ئيتيحادى ل ناحيا (متيبيجه) د ناڤبه‌را پارێزگه‌هێن سه‌لاحه‌دين و ديالا د هێرشه‌كا تيرۆرستێن داعشێ دا هاته كوشتن”.
ئه‌ڤرۆ نيوز:
وه‌زاره‌تا كاره‌بێ گه‌ل هه‌رێما كوردستانێ ئه‌ڤرۆ سێشه‌مبى 22/10/2019 ئاگه‌هاداريا وه‌لاتيان كر كو هه‌ر ژ ئه‌ڤرۆ ره‌وشا كاره‌با هه‌رێمێ ئاسايى بوو.
وه‌زاره‌تا كاره‌بێ د رۆهنكرنه‌كێ دا به‌لاڤكر” هه‌ڤپشكێن كاره‌بێ ئاگه‌هدار دكه‌ين كو ئه‌ڤرۆ ره‌وشا كاره‌با هه‌رێمێ ئاسايى بوو، ئه‌ڤ چه‌نده ژى پشتى بۆ ده‌مێ 12 رۆژان كۆمپانيا (دانه غاز) ب سه‌رپه‌رشتيا وه‌زاره‌تا سامانێن سروشتى ب سه‌ركه‌فتيانه ئه‌و پرۆسا چاكسازيێ بجهئينا كو به‌رى هاتنا وه‌رزێ زڤستانێ پێدڤى بوو ل كێلگه‌يێن (كۆرمۆر) ئه‌نجام بده‌ت كو ژ به‌ر وێ چه‌ندێ كاره‌با نيشتمانى كێم ببوو”.
ئەڤرۆ نيوز:
محەمەد حەمید، زارۆیێ بریندارێ رۆژئاڤایێ كوردستانێ ژ دهۆكێ ب فرۆكەكا دژەتیرۆرا كوردستانێ هاتە ڤەگۆهاستن بۆ هەولێرێ و ل سەر راسپاردا سەرۆك مەسعود بارزانی دوهی بۆ چارەسەریێ رەوانەی وەلاتێ فرەنسا هاتە كرن.
حەمید بابێ محەمەدی گۆت” سەرۆك بارزانی بۆ پرسیارا رەوشا وی و چارەسەریێ پەیوەندی ب من كر و گەلەك سوپاسیا سەرۆك بارزانی و بەرپرسێن هەرێما كوردستانێ دكەم”.
بابێ محەمەدی بۆ كوردستان 24 گۆت ژی” كۆرێ من قوتابیێ پێنجێ بنەرەتی بوو”.
ئەڤرۆ نیوز:
دیمیتری پیسکوڤ پەیڤدارێ کۆچکا سەرۆکاتیا روسیا راگەهاند کو هێزێن تورکیا نەشێن بێی رازیبوونا شامێ ل ئاخا سووریێ بمینن، چونکو ئەو یەک دێ بیتە داگیرکەری و بنپێکرنا قانوونێن نێڤدەولەتی و ب چو رەنگەکێ ژی ناهێتە قەبوولکرن.
ل دۆر پێشنیازا ئەلمانیا بۆ دروستکرنا هەرێمەکا ئارام د بن چاڤدێریا هێزێن نێڤدەولەتی دا ژی ناڤهاتی راگەهاند کو روسیا دووڤچوونا وی بابەتی دکەت.
ئەڤرۆ نیوز:
د ئەنجاما ئۆپەراسیۆنەکێ دا چار سەرۆکێن باژێرڤانیێن سەر ب هەدەپێ ل پارێزگەهێن وان و ئامەدێ ژ ئالیێ هێزێن پۆلیسان ڤە هاتنە گرتن و بەری دەستەسەرکرنا وان ژی وەزارەتا ناڤخوە یا تورکیا ب فەرمی راگەهاند کو ئەو کەسە ب فەرمی ژ کاری هاتینە دوورخستن.
هەدەپێ ژی نەرازیبوونا خوە ل هەمبەر دوورخستنا چار سەرۆکێن باژێرڤانیان دیار کر و راگەهاند کو تورکیا نەشێت وەسا پرسا کوردی چارەسەر بکەت.
ئەڤرۆ نیوز:
بەشار ئەسەد سەرۆکێ رژێما سووریێ راگەهاند کو رەجەب تەیب ئەردۆگانێ سەرۆک کۆمارێ تورکیا مرۆڤەک چەتە یە و دزە، بەری نها گەنم و پەترۆلا سووریێ دزی و نها ژی چاڤ بەردایە ئاخا سووریێ.
بەشاری ل دۆر رێککەفتنا شامێ و هەسەدێ ژی راگەهاند کو دێ ل گەل هێزێن سەربازی و سیاسی یێن باکورێ سووریێ پێکڤە شەرێ تورکیا کەن.
ئه‌ڤرۆ نیوز:
شاره‌زایه‌كێ سه‌قاى یێ عیراقێ راگه‌هاند” باران بارین ل پتریا ده‌ڤه‌رێن عیراقێ د رۆژێن بهێت دا دێ یا به‌رده‌وام بیت ب تایبه‌تى ل هه‌رێما كوردستانێ و ده‌ه‌ڤه‌رێن رۆژهه‌لاتا عیراقێ”.
سادق عه‌تیه، شاره‌زایێ سه‌قاى یێ عیراقى گۆت ژى” ده‌لیڤێن باران بارینێ وه‌كو پێشبینیێن سه‌قاى دیار دكه‌ن دێ هه‌تا دووماهیا ڤێ هه‌یڤێ هه‌بن”.
گۆت ژى” ل هنده‌ك ده‌ڤه‌ران بریسى ژى دێ هه‌بن و بارانێن ب رێژه‌كا زۆر دێ ل ده‌ڤه‌رێن هه‌رێما كوردستانێ و پاریزگه‌ها ئه‌نبار و رۆژهه‌لاتا عیراقێ بارن”.
دیاركر” ل رۆژا ئه‌ینیا داهاتى 25/10/2019 دێ پلێن گه‌رمێ پتر هێنه خوار”.
ئه‌ڤرۆ نیوز:
قوتابی بەتول قورتەبە ئەحمەد ل ئۆلمپیاتێن كلتۆر و زمانی ل وەلاتێ كەنەدا ل سەر 15 هزار قوتابیێن جیهانێ یێن پشكدار بوو سەركەفتیا ئێكێ و مەدالیا زێرێ ب دەستڤەئینا.
شێروان عەلی، رێڤەبەرێ كۆلیژا ئیشق ل دهۆكێ و قوتابیا خوە بەتول قورتەبە ئەڤرۆ دوشه‌مبى 21/10/2019 سەرەدانا پەروەردا دهۆك رۆژئاڤا كر و ژ لایێ عومەر ئەحمەد قاسم رێڤەبەرێ پەروەردا دهۆك رۆژئاڤا هاتنە پێشوازیكرن و د دیدارەكێ دا رێڤەبەرێ پەروەردێ دەستخۆشی ل قوتابیا ناڤبری كر و خواست كو نموونێن وەكو بەتولێ زێدە ببن و هیڤیا سەركەفتنێن بەردەوام بۆ خواست و پشتەڤانیا خوە بۆ دیار كر. بەتول قورتەبە قوتابیا پۆلا حەفتێە ل كۆلیژا ئیشق كچان ل دهۆكێ كو سەر ب پەروەردا دهۆك رۆژئاڤا ڤە یە و كوردە و چار زمانان دزانیت. هەژی گۆتنێ یە، ئۆلمپیاتا كلتۆر و زمانی هەر سال ل وەلاتەكی دهێتە ئەنجامدان و ئەڤ سالە ل وەلاتێ كەندا بوو و 15 هزار قوتابی ل سەرانسەری جیهانێ تێدا د پشكدار بوون و بەتول بوو سەركەفتیا ئێكێ و مەدالیا زێری وەرگرت.
نيشاندان