ئەڤرۆ نیۆز، عەزیز هەورامی
ئێكه‌تيا لاوێن ديموكراتا كوردستانێ، بزاڤه‌كا سه‌رانسه‌رى دژى بكارئينانا مادێن هوشبه‌ر ب ناڤونيشانێ(مادا هوشبه‌ر چه‌كێ لا كۆژه) ئه‌نجام دده‌ت.
ڕێبوار كه‌لاری، كارگێرێ مه‌كته‌با سكرتاريه‌تا ئێكه‌تيا لاوێن ديموكراتا كوردستانێ بۆ ئه‌ڤرۆ نيوز گۆت” ئێكه‌تيا مه ب ئه‌رك دزانيت لاوێن مه خودان ساخله‌ميه‌كا باش بن و دوور بكه‌ڤن ژ مادێن هوشبه‌ر كو زيانێن مادى و گيانێ يێن مه‌زن د دووڤ را هه‌نه”.
گۆت ژى” ل سه‌ر ئاستێ هه‌رێما كوردستانێ ب رێيا 25 ناڤه‌ندێن بالا و مالا لاوان ژى ل پارێزگه‌ها دهۆكێ، ب رێيا سمينار و دێبه‌يت و كور هه‌وا به‌رهنگاريا مادێن هوشبه‌ر دێ ئه‌نجام ده‌ين و ئه‌م دخوازين لاوان هشيار بكه‌ين ژ زيانێن مه‌زن يێن مادێن هوشبه‌ر ل سه‌ر ساخله‌ميێ”.
خوياكر” ئه‌ركێ سه‌ره‌كى يێ ئێكه‌تيا لاوێن ديموكراتا كوردستانێ لاوێن مه ژ مادێن هوشبه‌ر و زيانێن وێ هشيار بكه‌ت، هه‌موو ناڤه‌ندێن بالا يێن مه هاتينه سه‌رپشككرن كو هه‌ر ناڤه‌نده‌ك چالاكيان ئه‌نجام بده‌ت بۆ هشياركرنا لاوان ژ زيانێن مه‌زن يێن مادێن هوشبه‌ر”.
ئه‌ڤرۆ نيوز:
دادگه‌ها ڤه‌كۆلينێ ياسه‌ر ب ده‌سته‌يا ده‌ستپاكيێ ل عيراقێ د به‌ياننامه‌كێ دا راگه‌هاند، ب تۆمه‌تا گه‌نده‌ليێ فه‌رمانا ده‌سته‌سه‌ركرنێ بۆ هه‌ردو پارێزگه‌رێن به‌رێ يێن موسه‌نا و بابل هاته ده‌ركرن.
ئه‌ڤرۆ پێنجشه‌مبى 7/11/2019 فه‌رمانگه‌ها ڤه‌كۆلينێ يا ده‌سته‌يا ده‌ستپاكيێ ل عيراقێ به‌لاڤكر” ب تۆمه‌تا گه‌نده‌ليێ و هه‌ده‌ردانا مۆلكێ گشتى، فه‌رمانا ده‌سته‌سه‌ركرنێ بۆ هه‌ر ئێك ژ پارێزگه‌رێ بابل و رێڤه‌به‌رێ به‌نكا ره‌شيد و پارێزگه‌رێ موسه‌نا و هژماره‌كا به‌رپرسێن وێ پارێزگه‌هێ هاته ده‌ركرن”.
دياركر ژى”ل دووڤ مادێ 318 ژ قانوونا سزايێن عيراقى، فه‌رمانا ده‌سته‌سه‌ركرنا جێگرێ پارێزگه‌ري موسه‌نا هاته ده‌ركرن ل سه‌ر دۆسێيا پرۆژێ قيركرنا جادێن قه‌زا ره‌ميسه “.
ده‌سته‌يا ده‌ستپاكيا عيراقێ به‌لاڤكر ژى كو هه‌ر ئه‌ڤرۆ پێنجشه‌مبى هژماره‌كا فه‌رمانێن دى يێن ده‌سته‌سه‌ركرنێ بۆ هژماره‌كا به‌رپرسێن پارێزگه‌ها موسه‌نا هاتينه ده‌ركرن، ئه‌وژى ل دووڤ ئه‌نجامێن ڤه‌كۆلينێ يێن ده‌سته‌يا ده‌ستپاكيێ د چه‌ند دۆسێيه‌كا دا كرين و هنارتينه دادگه‌هێ، ژ وان ده‌ركرنا فه‌رمانا ده‌سته‌سه‌ركرنا ئه‌ندامه‌كێ جڤاتا پارێزگه‌هێ و رێڤه‌به‌رێ گشتيێ وه‌به‌رئينانێ و رێڤه‌به‌ره‌كێ دى يێ ده‌سته‌يا وه‌به‌رئێنانێ ل وێ پاريزگه‌هێ و هه‌موو فه‌رمان ل دووڤ مادێ 319 ژ قانوونا سزايێن عيراقى و ل سه‌ر دۆسێيا گوهۆرينا مۆله‌ته‌كا وه‌به‌رئێنانێ”.
هه‌ر ئه‌ڤرۆ فه‌رمانگه‌ها ڤه‌كۆلينێ ل ده‌سته‌يا ده‌ستپاكيێ فه‌رمانا ده‌سته‌سه‌ركرنێ و قه‌ده‌غه‌كرنا گه‌شتكرنێ بۆ پارێزگه‌رێ نوكه يێ بابل ده‌ركر ل سه‌ر دؤسێيا تايبه‌ت ب قانوون و هێمايێن هاتنوچوونێ ل سنورێ پاريزگه‌هێ و ياريكرن ب پارچه ئه‌ردێن ته‌رخانكرى بۆ كوسوكارێن شه‌هيدا و برينداران و زيندانيێن سياسى و دانا پارچێن ئه‌ردى بۆ كه‌سێن نه شايسته”.
ئه‌ڤرۆ نیوز:
پشتى هێرشبه‌رێ یانا ریال مه‌درید كه‌ریم بن زیما شیاى ل یاریا شه‌ڤا بورى یا یانا خوه به‌رامبه‌ر یانا گه‌لاته‌سه‌راى دو گولان توماربكه‌ت ژ چارچوڤێ یاریێن قوناغا كومان یا قاره‌مانیا چامپیونیز لیگ ، ئه‌و یاریزان شیا نمرا ستێرا ئه‌رژه‌نتینى و یانا به‌رشه‌لۆنا لیونێل میسى وه‌كهه‌ڤ بكه‌ت.
مالپه‌رێ ئوپتا یێ تایبه‌ت ب ئامارێن وه‌رزشى ڤه به‌لاڤه‌كریه كه‌ریم بن زیما بوو یاریزانێ دوێ د مێژویا قاره‌مانیا چامپیونیز لیگ دا بوو ماوێ 15 وه‌رزان ل دیڤ ئێك بشێت گولێ توماربكه‌ت ،پشتى میسى كو ئه‌و یاریزان ژى ب هه‌مان شێوه 15 سالانه ل دیڤ ئێك شیایه گولێ دوێ قاره‌مانیێ دا توماربكه‌ت.
ئه‌ڤرۆ نیوز:
به‌رپرسێن یانا پاریس سانجێرمان نه ئارامیا خوه دیاركر به‌رامبه‌ر ئه‌وان ده‌نگوباسێن دهێنه به‌لاڤه‌كرن كو ستێرا ئه‌وان مباپێ گه‌هشتى یه رێككه‌فتنێ ل گه‌ل یانا ریال مه‌درید .
رێڤه‌به‌رێ وه‌رزشى ل وێ یانا فره‌نسى لیوناردو بوو رادیو مونت كارلو دیاركر ئه‌ڤ چه‌نده جهێ نه ئارامیا ئه‌وانه ژبه‌ركو ئه‌ڤ ده‌مه نه یێ گونجاوه ئه‌و نوكه د گه‌رما هه‌ڤركیێن قاره‌مانیێن نافخوى و ئورۆپى دا یه و هه‌ردیسان مباپێ نوكه گرێداى هه‌ڤبه‌ستا یانێ یه و هێشتا دو سال و نیڤ ماینه .
هه‌ژى گوتنێ یه ل ماوێ چه‌ند رۆژێن بورى راپورتێن رۆژنامه‌ڤانى ل ئورۆپا دیاركربوون یانا ریال مه‌درید ده‌ست ب لڤیناكریه بوو ده‌ستڤه ئینانا مباپێ و كوژمه‌كێ 300 ملیون یورۆیا بوو ڤه‌گوهاستنا ئه‌وى یاریزانى به‌رهه‌ڤكریه بوو ڤه‌گوهاستنا ئه‌وى ل وه‌رزێ بهێت.
ئه‌ڤرۆ نیۆز، ئه‌میر ئه‌ترووشی
به‌رپرسێ راگه‌هاندنا رێڤه‌به‌ریا به‌ره‌ڤانیا باژێری ل پارێزگه‌ها دهۆكێ راگه‌هاند، د ئه‌ڤ ساله یا 2019 دا، 30 هاوولاتی د ئاڤێن پارێزگه‌ها دهۆكێ دا خه‌ندقینه و 21 هاوولاتی ژی ژ خه‌ندقینێ هاتینه رزگاركرن.
عه‌قید بێوار عه‌بدولعه‌زیز، به‌رپرسێ راگه‌هاندنا رێڤه‌به‌ریا به‌ره‌ڤانیا باژێری بۆ ئه‌ڤرۆ نیۆز دیار كر، وان حه‌فت تیم ل نێزیك ئاڤێن پارێزگه‌ها دهۆكێ هه‌نه بۆ هندێ ده‌مێ كه‌سه‌ك د كه‌ڤیته د ئاڤێ دا وان رزگاربكه‌ن و ب تنێ د هه‌یاما 10 مه‌هێن ئه‌ڤ ساله دا، ئه‌و شیاینه 21 هاوولاتیان ژ خه‌ندقینێ رزگاربكه‌ن.
زێده‌تر دبێژیت: 30 هاوولاتی د ئه‌ڤ ساله دا خه‌ندقینه و پتریا ئه‌و كه‌سێن خه‌ندقین خه‌لكێ پارێزگه‌ها دهۆكێ بووینه و ژ وی سه‌رجه‌می ژی دوو ئاواره و دوو گه‌شتیار بووینه و ب هه‌ڤبه‌ركرن ل گه‌ل سالا بۆری، رێژه‌یا خه‌ندقینا هاوولاتیان به‌ره‌ڤ كێمبوونێ یه.
ئه‌ڤرۆ نيوز:
فه‌ريقێ روكن قاسم نه‌زال، فه‌رماندێ ئۆپه‌راسيۆنێن به‌سرا راگه‌هاند كو ژ ده‌مژمێر 05:00ى سپێده‌هيا ئه‌ڤرۆ ده‌رگه‌هێ سنورى يێ ئوم قه‌سر هاته ڤه‌كرن و هاتنوچوون ب ره‌نگه‌كێ فه‌رمى تێدا هاته كرن.
چه‌ندين جاران ل ڤان رۆژان ژ ئه‌گه‌رێ خوه‌نيشاندانان و ژ لايێ وان ڤه ده‌رگه‌هێ سنورى يێ ئوم قه‌سر دهێته گرتن و وه‌كو لايه‌نێن شوله‌ژێ ژى دده‌نه دياركرن ئه‌ڤێ چه‌ندێ كارتێكرنه‌كا مه‌زن ل سه‌ر ره‌وشا بازارى و كارتێكرنێن بازارى ل سه‌ر گرتنا وى ده‌رگه‌هى.
ئه‌ڤرۆ نیوز:
راهێنه‌رێ یانا ئه‌تله‌تیكو مه‌درید دیگو سیمیونى خوه به‌رپرس دانا ژ خوساره‌تیا یانا ئه‌وى ل گه‌ل یانا بایرن لیڤه‌ركوزن پشتى خوساره‌ت بووى ل شه‌ڤا بورى ل گه‌ل وێ یانا ئه‌لمانى ب دو گولان به‌رامبه‌ر گوله‌كێ ژ چارچوڤێ یاریێن گه‌را 4 ژ قاره‌مانیا چامپیونیز لیگ ژ قوناعا كومان.
زێده‌تر وى راهێنه‌رێ ئه‌ژه‌نتینى دیاركر ئه‌و به‌رپرسه ژ خوساره‌تیێ و تیما ئه‌وان ل نیڤا ئێكێ ئاسته‌كێ لاواز پێشكێشكر و ل نیڤا دوێ هه‌تا راده‌كى باشتر خوه دیاركر لێ تێرا وێ چه‌ندێ نه‌كر ئه‌و بشێن سه‌ركه‌فتنێ یان وه‌كهه‌ڤیێ توماربكه‌ن و پێدڤى یه ل یاریێن بهێت ئه‌و باشتر كاربكه‌ن .
زێده‌تر ناڤبرى دیاركر ژى یا گرنگ ئه‌وه نوكه ئه‌و هزر ل یاریا بهێت بكه‌ن ژ قاره‌مانیێ هه‌ر چه‌نده هێشتا ده‌لیڤه‌یا ئه‌وان بوو ده‌ربازبوونێ مایه و به‌خته‌كێ باش هه‌یه كو دووماهیى یارى دێ ل ناڤ ئه‌رد و جه‌ماوه‌رێ خوه كه‌ن لێ د ته‌پا پێ دا پێدڤى یه ئه‌و پێشبینیا هه‌ر ئه‌نجامه‌كى بكه‌ن له‌ورا ل سه‌ر ئه‌وان پێدڤى یه پتر خوه ماندى بكه‌ن بوو یاریێن بهێت.
هه‌ژى گوتنێ یه ئه‌تله‌تیكو مه‌درید د كوما چارێ دایه و دڤێ كومێ دا یانا یوڤانتوس ده‌ربازبوونا خوه مسوگه‌ر كریه نوكه ل سه‌رێ لیستا وێ كومێ دهێت ب 10 خالان و ئه‌تله‌تیكو مه‌درید ل رێزا دوێ دهێت ب 7 خالان و هه‌ر ئێك ژ لوكوموتیف موسكو یا روسى و لیڤه‌ركوزن یا ئه‌لمانى ل رێزێن سێ و چارێ دهێن ب سێ خالان.
ئه‌ڤرۆ نیوز:
پشتى یانا ریال مه‌درید ل شه‌ڤا بورى شیا سه‌ركه‌فتنه‌كا مه‌زن ل سه‌ر یانا گه‌لاته‌سه‌راى یا توركى توماركرى ب شه‌ش گولان بێ به‌رامبه‌ر ژ چارچوڤێ یاریێن گه‌را چارێ ژ قاره‌مانیا چامپیونیز لیگ و پشتى وێ یاریێ راهێنه‌رێ یانا ریال مه‌درید دیاركر سه‌ركه‌فتنه‌كا گرنگ بوو ئه‌وان و هه‌ر زیكا شیان كونترولا یاریێ بكه‌ن و ئه‌ڤه ئاستێ ریال مه‌درید یێ ب دروستى یه.
زێده‌تر زێدان بۆ رۆژناما ماركا دیاركر ئه‌و گه‌له‌ك یێ كه‌یفخوشحاله ب ئاستێ یاریزانێ تیمێ یێ گه‌نچ رودرێگو و ئه‌ڤى یاریزانى هه‌ر زیكا شیا جهێ خوه دناڤا ستێرێن مه‌زن یێن یانێ دا په‌یدا بكه‌ت و ئه‌و ئاستێ ئه‌و پێشكێش دكه‌ت نابیت یا سه‌یره ژبه‌ركو به‌رى ده‌ستپێكرنا خولێ ئه‌وى باوه‌رى ب وى یاریزانى هه‌بوو دێ ئاسته‌كێ بلند پێشكێش كه‌ت .
هه‌ردیسان ناڤبرى دیاركر رودرێگو پاشه‌رۆژه‌كا گه‌ش هه‌یه و دبینت دێ بیته ئێك ژ ستێرێن به‌رنیاس ل سه‌ر ئاستێ جیهانێ .
ناڤبرى ئاماژه ب وێ چه‌ندێ ژى كر شێوازێ كرنا یاریا وى نێزیكى یا ستێرا به‌رێ یا هه‌لبژارتیێ ئیسپانیا و یانا ریال مه‌درید بوتراگینیو یه و هیڤى دكه‌ت وه‌كو وى یاریزانى رودرێگو بشێت خزمه‌تا ڤێ یانێ بكه‌ت.
سه‌باره‌ت بن زیما ناڤبرى دیاركر ئێك ژ یاریزانێن هه‌ره گرنگه دناڤا پێكهاتیێ یانێ دا و ئێك ژ هێرشبه‌رێن هه‌ره باشه نوكه ل جیهانێ و پشتى چوونا رونالدوى ئه‌و نابینت كارتێكرنه‌كا مه‌زن ل ریال مه‌درید كربیت ژبه‌ركو بن زیما یێ ئاماده‌یه و شیایه هژماره‌كا مه‌زن یا گولا توماربكه‌ت و باشترین نمونه ئامارێن وى یێن ڤێ دووماهیێ د ئاخفن.
ئه‌ڤرۆ نیوز:
پشتى ستێرا یانا ریال مه‌درید و گولكه‌رێ وێ كه‌ریم بن زیما شیاى دو گولان ل یاریا ئه‌ڤ شه‌ڤه به‌رامبه‌ر یانا گه‌لاته‌سه‌راى توماربكه‌ت د وێ یاریێ دا ئه‌وا یانا وى شیاى سه‌ركه‌فتنێ توماربكه‌ت ب شه‌ش گولان بێ به‌رامبه‌ر ژ چارچوڤێ یاریێن قاره‌مانیا چامپیونیز لیگ .
ب توماركرنا ئه‌وان هه‌ردو گولان كه‌ریم بن زیما پێشڤه هاته رێزا دوێ د مێژویا گولكه‌رێن ریال مه‌درید دا د قاره‌مانیا چامپیونیز لیگ دا و شیا هژمارا گولێن خوه ب گه‌هینته 50 گولان و پێشكه‌ڤت ل سه‌ر ستێرا به‌رى نوكه یا یانێ دى ستیڤانو.
گولكه‌رێن ریال مه‌درید د مێژویا چامپیونیز لیگ دا
رونالدو (105) ⚽️
ره‌ئول گونزالیس (66) ⚽️
كه‌ریم بن زیما (50) ⚽️
دی ستیڤانو (49) ⚽️
نيشاندان