ئەڤرۆ نیوز،عەلی حاجی :
سەروەر سەعید رێڤەبەرێ ناحیا رزگاری بۆ ئەڤرۆ نیوز دیار کر ل دەمژمێر ٩:٠٠ی شەڤ شەش کەس ژ ئەندامێن هێزێن پەکەکێ ل نێزیک گوندێ پێشابیرێ یا سەر ب ناحیا رزگاری ڤە ل سنورێ باژێرێ زاخۆ پەیادە دکرن بەلێ ژلایێ فروکەێن تورکیا ڤە ب سێ ساروخان هاتنە بوردومان کرن.

ئەڤە بۆ ئێکەم جارە فروکەێن سوپایێ تورکیا ڤێ دەڤەرێ بوردومان دکەت و هەر دیسان ئەو بوردومانە بۆ ئەگەرێ وێ چەندێ زوربەیا ئاکنجیێن گوندێن پێشابیرێ مالێن خوە بجه بهێلن و بەرەڤ زاخۆ ڤە بچن و ئەو ترسە ل دەف وان پەیدا بویە ل بەرامبەر دوبارەبونا بوردومانا دەڤەرێن وان .

ئەڤرۆ نیوز،عەلی حاجی
ل بەریا دەمەکێ کێم سنورێ دناڤبەرا کوردستانێ و روژئاڤایێ کوردستانێ هاتە بوردومان کرن و نوکە نەهاتیە زانین ئەو بوردومان ژلایێ کێڤە بوویە.
ژێدەرەکێ باوەرپێکری ل سەر سنورێ دناڤبەرا کوردستانێ و روژئاڤایێ کوردستانێ بۆ ئەڤرۆ نیوز دیار کر ئەو بوردومان ل سنورێ روژئاڤایێ سوریا بویە نەک سنورێ کوردستانێ و ئەو بوردومانە ژی ژهێزێن پێشمەرگەیێ کوردستانێ دوور بون و بوردومان ژلایێ فروکەیان ڤە هاتیە ئەنجام دان بەلێ ئەم نوزانین ئەو فروکەیە سەر ب کیش سوپایی ڤەنە،بەلێ ل سنورێ دناڤبەرا کوردستانێ و روژئاڤایێ کوردستانێ دا ب درێژاهیا سنوری هێزێن یەپەکێ دهێنە دیتن و دهێتە پێشبینی کرن ئەو بوردومانە بو سەر بارەگاێن یەپەکێ ڤە بن ژلایێ فروکەێن سوپایێ تورکیا ڤە .
و گوت ژی : چو زەرەر و زیانەکا ماددی و گیانی بەر ب هیزێن پێشمەرگەیێ کوردستانێ نەکەڤتیە بەلێ بتنێ دەنگەکێ ب هێز مە گولێ بویە و هەر دیسان ئەڤ بوردومانە ل بەریا دەمەکی کێم ل سنورێ سێ گوشەیا دناڤبەرا وەلاتێن سوریا و تورکیا و کوردستانێ بویە.