ئەڤرۆ نیوز:
دەزگەهێن راگەهاندنا تورکیا دیار دکەن کو پشتی پارتا کۆماریا گەل یا تورکیا شیا ل باژێرێن وەکو ئستەنبول، ئەنقەرە و چەندین باژێرێن دی ب دەنگێن کوردان وان باژێرڤانیان بکەتە دەستێ خوە نها ژی جەهەپە خوە بۆ هندێ بەرهەڤ دکەت کو بشێت د هەلبژارتنێن داهاتی یێن تورکیا دا دەنگێن کوردان ل باکورێ کوردستانێ بدەستڤە بینیت.
ل هەمبەر ڤێ یەکێ ژی چاڤدێرێن سیاسی یێن باکورێ کوردستانێ دیار دکەن کو سیاسەتا پارتا کۆماریا گەل ل هەمبەر کوردان وەکو جارانە و کورد پشتەڤانیێ ل جەهەپێ ناکەن.
ئەڤرۆ نیوز، هۆشەنگ تاجر:
حەسەن کۆبانی چاڤدێرێ سیاسی یێ رۆژئاڤایێ کوردستانێ بۆ ئەڤرۆ نیوز دیار کر کو هەتا نها ژی هەلویستێ ئەمریکا ل هەمبەر کوردێن سووریێ باشە و نەهاتیە گوهۆرین و گۆت: (راستە تورکیا گەلەک بزاڤان دکەت دا ئەمریکا دەستان ژ هاریکاریکرنا کوردێن سووریێ بەردەت لێ هەتا نها هەلویستێ ئەمریکا وەکو جارانە و نەهاتیە گوهۆرین و ئەو یەک ژی د بەرژەوەندیا کوردێن سووریێ دایە).
ناڤهاتی راگەهاند کو رەوشا سووریێ وەکو خوە نامینیت و دێ هێتە گوهۆرین، ژ بەر هندێ ژی دڤێت هێزێن کوردی یێن رۆژئاڤایێ کوردستانێ خوە بۆ هەر گوهۆرینەکێ بەرهەڤ بکەن.
ئه‌ڤرۆ نيوز:
سه‌رۆكێ هه‌رێما كوردستانێ نێچيرڤان بارزانى پێشوازى ل كيونگ ووك باليوزێ نوو يێ كوريا باشور ل عيراق كر و د كومبوونه‌كێ دا چه‌ند بابه‌ت گۆتوبێژ كرن.
د ڤێ كومبوونێ دا سه‌رۆكێ هه‌رێما كوردستانێ پيروزباهى ل باليوزێ نوو يێ كوريا باشور كر ب هه‌لكه‌فتا ده‌ستبكاربونا وى وه‌ك باليوزێ نوو ل عيراقێ و هيڤى خواست يێ سه‌ركه‌فتى بيت د ئه‌ركێ خوه دا، ديسان ب هه‌لكه‌فتا رۆژا نشتيمانيا كوريا باشور ژى و بورينا 15 سالان ل سه‌ر هاتنا تيما زه‌يتونه بۆ هه‌رێما كوردستانێ پيروزباهى و سوپاسى پێشكێشى حوكمه‌تا كوريا باشور كر.
ديسان د لايه‌كێ دى يێ كومبوونێ دا به‌حس ل په‌يوه‌نديێن ناڤبه‌را هه‌رێما كوردستانێ و كوريا باشور و كاروچالاكيێن ماوێ بورى يێن هێزا زه‌يتون و رێكخراوا كويكا د چارچوڤێ هه‌ڤپه‌يمانيا نێڤده‌وله‌تى دا ل هه‌رێما كوردستانێ هاته كرن و بلند هاته په‌سنه‌كرن ديسان سه‌رۆكێ هه‌رێمێ پشته‌ڤانيا خوه بۆ وه‌به‌رهێنه‌رێن كوريا باشور ل هه‌رێمێ دوپات كر.
ئەڤرۆ نیوز:
رەجەب تەیب ئەردۆگان سەرۆک کۆمارێ تورکیا راگەهاند کو وان دڤێت دو ملیۆن پەنابەرێن سووری ئەوێن کو نها ل تورکیانە ل دەڤەرا ئارام ل باکورێ سووریێ بجه بکەن.
ئەردۆگانی ئەو یەک ژی دیار کر وان دڤێت ژ منبجێ هەتا سنورێ عیراقێ وەکو دەڤەرەکا ئارام ب درێژاهیا ٣٠ کیلومیتران راگەهینن و پرۆژێ وان ژی بۆ هندێ بەرهەڤە.
ئەڤرۆ نیوز:
ئەڤرۆ عەبدولرەحمان مستەفا پارێزگارێ بەرێ یێ کەرکووکێ وەکو سەرۆکێ لیستا هەڤپەیمانیا کوردستانی بۆ هەلبژارتنێن جڤاتا پارێزگەهێن عیراقێ هاتە هەلبژارتن.
سەرۆکێ لیستا هەڤپەیمانیا کوردستانی راگەهاند کو ئێکەتیا هەموو هێز و ئالیێن سیاسی یێن کوردستانی دێ سەرکەفتنا مە گەرەنتی کەت و هێڤی خواست هەلویستێ نها یێ هەموو ئالیێن کوردستانی بۆ دەڤەرێن کوردستانی یێن دەرڤەی ئیدارا هەرێما کوردستانێ بەردەوام بیت.
ئه‌ڤرۆ نیوز، مه‌حمود نهێلی:
رێكخراوه‌كا ئیتالى دێ هوله‌كا نشته‌گه‌ریان ل سه‌ر بنه‌مایێن زانستى یێن مودێرن و نوو و پێشكه‌فتى ل ئامێدیێ ڤه‌كه‌ت و پارێ پێدڤى ژى بۆ ته‌رخانكریه. ئیسماعیل موسته‌فا ره‌شید قایمقامێ قه‌زا ئامێدیێ بۆ ئه‌ڤرۆ نیوز دیاركر، كو وان پێشوازى ل شانده‌كى ساخله‌میا پارێزگه‌ها دهوكێ كری، كو پێكهات بوون ژ رێڤه‌به‌رێ گشتى یێ ساخله‌میا پارێزگه‌ها دهوكێ و شاندنه‌كى ئێكه‌تیا ئه‌ورپا و رێكخراوا ( AISPO) یا ئیتالى .
ناڤهاتى دیاركر، كو مه‌ره‌ما سه‌ره‌دانا ڤێ شاندنێ دیاركرنا رازیبوونا خوه بوویه ل سه‌ر چێكرنا هوله‌كا پێشكه‌فتى و مودێرن یا نه‌شته‌گه‌ریان ل نه‌خوشخانا ئامێدیێ و گۆت: ( ژبلى كو ئه‌ڤ هولا نه‌شته‌رگه‌ریان دێ ژلایێ ڤێ رێكخراوێ ڤه هێته چێكرن هه‌موو ئامیره و كه‌ره‌سته‌یێن پێدڤى یێن ڤێ هولێ دێ ژلایێ هه‌مان رێكخراوا ڤه هێنه دابینكرن.
دیاركر، كو ل دووڤ پێشبینى و گۆتنێن كارمه‌ندێن ڤێ رێكخراوێ چێدبیت ل ده‌سپێكا سالا بهێت ده‌ست ب چێكرنا ڤێ هولێ بهێته كرن و گۆت: (ئه‌ڤ كارێ ئێكه‌تیا ئه‌ورپا و رێكخراوێن بیانى پێنگاڤه‌كا باشه د بوارێ ساخله‌میێ دا ل ده‌ڤه‌رێ هاڤێژتى و هیڤیا به‌ردوامیا خوه‌ست كو ئه‌ڤ رێكخراوه ل ده‌ڤه‌رێ كارێن باشتر و پرۆژێن گرنگ ئه‌نجام بده‌ن.
ئه‌ڤرۆ نيوز:
ب مه‌ره‌ما ره‌تكرنا قانوونا ژماره 14 يا سالا 2019ێ يا قانوونا راستڤه‌كرى يا ئێكێ يا قانوونا هه‌لبژارتنێن جڤاتێن پارێزگه‌هان ل وان پارێزگه‌هـ و قه‌زايێن ناڤ هه‌رێمێ دا هاتينه رێكخستن، وه‌زيرێ داد ل هه‌رێما كوردستانێ سكالايه‌ك ل دژى محه‌مه‌د حه‌لبۆسى سه‌رۆكێ په‌رله‌مانێ عيراقێ تۆماركر.
فه‌رسه‌ت ئه‌حمه‌د، وه‌زيرێ داد يێ هه‌رێما كوردستانێ سكالايه‌ك ل رۆژا 24ى ئيلۆنا 2019ێ د رێيا بريكارێ خوه يێ قانوونى دا ره‌وانه‌ى دادگه‌ها بلندا فيدرال ل به‌غدا كريه.
د سكالايێ دا وه‌زيرێ داد ئاماژه ب وێ چه‌ندێ كريه كو ئه‌و راستڤه‌كرن يا به‌تاله، چونكو سه‌رۆكێ جڤاتا نوونه‌رێن عيراقێ قانوونا ژماره (14) يا سالا 2019ێ دانايه كو ماددێ وێ قانوونێ دژى ئێكن ل گه‌ل حوكمێن دستوورى و بنه‌مايێن هه‌لبژارتنێن گشتى و بنه‌مايێن ديموكراتى و ئه‌و مافێن بنجينه‌يى يێن د دستوورى دا هاتينه ناگۆنجن، ئه‌ڤه ژى دبيته ئه‌گه‌ر كو قانوونا راستڤه‌كرى يا ژماره (14) يا سالا 2019ێ به‌تال ببيت و ره‌تكرن ببيته كاره‌كێ پێدڤى ب گۆره‌يى حوكمێن ماددێ 12ێ يێ دستوورى.
د به‌ر رووناهيا وى ماددێ دستوورى دا، وه‌زيرێ داد يێ هه‌رێما كوردستانێ د هه‌شت خالان دا به‌لگه‌يێن قانوونى بۆ دستوورينه‌بوون و قانوونينه‌بوونا وێ قانوونا راستڤه‌كرى خستينه به‌رچاڤ.
ئه‌ڤرۆ نیوز، عه‌لی حاجی:
د داخویانیه‌كێ دا رێڤه‌به‌رێ ئه‌وقافا زاخۆ بۆ ئه‌ڤرۆ نیوز دیار كر ژبه‌ر شه‌رێ به‌رده‌وامێ هێزێن په‌كه‌كێ و توركیا زیانه‌كا مه‌زن به‌ر ب مزگه‌ڤتێن سه‌ر ب رێڤه‌به‌ریا مه كه‌ڤتینه و هه‌ژماره‌كا وان ژی هاتینه چول كرن .
زێده‌تر مه‌لا سه‌عید عه‌بدولره‌حمان گۆت: ل سنورێ رێڤه‌به‌ریا مه هه‌ر ژ ناحیا كانی ماسێ هه‌تا باژێرێ زاخۆ ژئه‌گه‌رێ شه‌رێ به‌رده‌وامێ د ناڤبه‌را سوپایێ توركیا و هێزێن په‌كه‌كێ دا 30 مزگه‌فتێن سه‌ر ب رێڤه‌به‌ریا مه ڤه هاتینه چول كرن و هیچ كه‌سه‌ك نه‌شێت نڤێژێن خوه تێدا ئه‌نجام بده‌ت،ل سنورێ ده‌ڤه‌را زاخۆ 202 مزگه‌ڤت هه‌نه كو ژ وان مزگه‌ڤتان ژی بتنێ ل 120 مزگه‌ڤتان گوتار ل روژانێن ئه‌ینیێ دا تێدا دهێنه خواندن و پشكا مایی ژمزگه‌ڤتان ل روژانێن ئه‌ینیێ گوتار تێدا ناهێنه خواندن ژبه‌ر كێمیا میلاكێ رێڤه‌به‌ریا مه وسه‌رجه‌مێ گشتیێ فه‌رمانبه‌ر و گوتار خوین و پێش نڤێژ و پاقژكه‌ر و بانگده‌ران بتنێ 227 كه‌سن و ئه‌ڤه ژی رێژه‌یه‌كا كێمه ل سنورێ رێڤه‌به‌ریا مه .
گۆتژی: ب تنێ 27 پێش نڤێژ و گوتارخوین ب شێوێ دامه‌زراندی ل ده‌ڤ مه هه‌نه و هه‌ر دیسان 93 كه‌سێن دیتر گوتاران پێشكێش دكه نكو پرانیا وان خوه به‌خش و یان ژی هنده‌ك ژ وان به‌رامبه‌ر 50 هزار دیناران ل روژانێن ئه‌ینیان دا گوتاران پێشكێش دكه‌ن ،هه‌كه میلاكه‌كێ پێدڤی ل به‌ر ده‌ست هه‌بایه دا ل مزگه‌ڤتێن مایی ژی گوتار تێدا هێنه خواندن .
ئه‌ڤرۆ نیۆز، ئه‌میر ئه‌ترووشی
به‌رپرسێ پشكا ره‌وشه‌نبیری ل بنگه‌هێ لالش ل دهۆكێ راگه‌هاند، مه دووڤچوون ل سه‌ر كێشا كێمیا پرتووكێن بابه‌تێ ئێزدیاتیێ كر و بریار هاته دان پرتووكێن ئێزدیاتیێ بۆ سالا نوو یا خووندنێ (2019_2020)ێ بهێنه چاپكرن.
شه‌مۆ قاسم، به‌رپرسێ پشكا ره‌وشه‌نبیری ل بنگه‌هێ لالش ل دهۆكێ بۆ ئه‌ڤرۆ نیۆز دیاركر: “د پلانا وه‌زاره‌تا په‌روه‌ردا حكومه‌تا هه‌رێما كوردستانێ دا نه‌بوویه پرتووكێن ئێزدیاتیێ بهێته چاپكرن، ئه‌م ناچار بووین هانا خۆ بگه‌هیننه به‌رێز “شێخ شامۆ” راوێژكارێ سه‌رۆكێ حكومه‌تا هه‌رێمێ بۆ كاروبارێن ئێزدیان و سه‌رۆكێ بنگه‌هێ لالش و پشتی بابه‌ت گه‌هشتیه به‌رده‌ستێ وی په‌یوه‌ندی ب وه‌زاره‌تا په‌روه‌ردێ كر و رازه‌مه‌ندی وه‌رگرت كو چ پێویسته بهێته كرن و ئیسال كێشا كێمیا پرتووكێن بابه‌تێ ئێزدیاتیێ ل قۆناغێن خواندنێ بهێته چاره‌كرن و ئیعاز هاته دان بۆ چاپكرنێ”.
شه‌مۆ دیار كر ژی “ل بنگه‌هێ لالش ل دهۆكێ كۆمبوونه‌ك ژ بۆ چاره‌كرنا كێشا نه‌بوونا پرتووكێن بابه‌تێ پرۆگرامێ ئێزدیاتیێ بۆ هه‌موو قۆناغێن خواندنێ دگه‌ل سه‌رپه‌رشتێن ئێزدیاتیێ ل قۆناغا ئاماده‌یی و بنه‌ره‌ت ل په‌روه‌ردێن سێمێل و شێخان و شنگال و تلكێفێ هاته ئه‌نجام دان”.
ئەڤرۆ نیوز،بارزان مزووی:
د رێورەسمەکێ دا ئەڤرۆ 30/9/2019 ل ژێر چاڤدێریا”سردار یحیی عبدالعزیز”قایمقامێ قەزا شێخان بنگەهەکێ ساخلەمیێ ل کەمپا گەرماڤان یا ئاواران ل قەزا شێخان هات ڤەکرن.
سردار شێخ یحیی،قائیمقامێ قەزا شێخان بۆ ئەڤرۆ نیوز گوت:ڤەکرنا ڤی بنگەهی دێ خزمەتا باش د وارێ ساخلەمیێ دا گەهینتە ئاوارێن دناڤ کەمپێ دا ژبەرکۆ هەموو چارەسەریێن دەستپێکێ دناڤ ڤی بنگەهی دا دهێنە کرن بۆ نەخوشیێن ئاوارە، ئەو ئاوارێن بەری نها بۆ چارەسەریا نەخوشیا خۆ چونە دەرڤەی کەمپێ دنها دا دێ چارەسەریا وان دناڤ کەمپێ دا هێت کرن هەر وەختەکێ چارەسەریا نەخۆشی نەهات کرن ب رێکا ڤی بنگەهی هێت ڤەگوهاستن بۆ نەخۆشخانێن شێخان و دهوک،
ناڤهاتی خویاکر ئەڤ بنگەهە ژلایێ کەرتێ ساخلەمیا شێخان ب هەفکاری دگەل رێکخراوە SEMA ڤە هاتیە جێ بەجێ کرن دگەل ستافەکێ چالاک یێن کارمەندێن ساخلەمیێ، ناڤهاتی گوت ساخلەمیا پارێزگەها دهوک دەورەکێ بالا هەبویە بەرامبەری ئاوارێن هاتینەهەرێما کوردستانێ تایبەت یێن قەزا شێخان
نيشاندان