ئەڤرۆ نیوز:
جاک شیراک سەرۆکێ بەریترێ یێ فرەنسا وەغەرکر.
جاک شیراک وەغەر کر
نووترين نووچه
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
- ئەوێن تاوان دژی ئێزدییان كرین لێبۆرینا گشتی ژێ ناگریت
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
سه‌ره‌كى Facebook
ب ڤیدیۆ: پشتی 20 سالان کونجی ل گوندێ گوھەرزێ ھاتنە بەرھەمئینان
ب وێنه: جارا ئێکێ یە نووترین لێزەرا چاڤا دکەڤیتە کاری
ئه‌ڤرۆ نیوز:
رێڤەبەرێ نەخۆشخانا دھۆک یا چاڤا ل پارێزگەھا دھۆکێ دیارکرکو ئامیرێ لیزەرێ بۆ رەشکا چاڤا گەھشتە پارێزگەھا دھۆکێ و دێ خزمەتا وان وەلاتیان ھێتەکرن یێن تووشی نەخۆشیێن رەشکا چاڤا دبن و ب رێیا ڤی ئامیری ئێدی رەشکا چاڤا زێدە نابی.
د. ئەفراسیاب موسا، رێڤەبەرێ نەخۆشخانا دھۆک یا چاڤا راگەھاند کو ئەو مزگینیەکێ ددەنە خەلکی ب تایبەتی ژی یێن نەخۆشیێن چاڤان ھەین، نەخۆشخانا چاڤا دگەل رێڤەبەر یا گشتی یا ساخلەمیا دھۆکێ شیان ئامیرەکێ زۆر پێشکەفتی ئەوژی ئامیرێ راوەستاندنا رەشرەشکا چاڤی یە بگەھیت کو ئەڤی ئامیرەی شیانێن نەھێلانا خرابتربوونا رەشکا چاڤی دپاشەرۆژێ دا ھەنە ل دەڤ وان کەسێن تووشی نەخۆشیا رەشکا چاڤا دبن و گۆت: ھەردەم ھەولدان مە کرینە کو خزمەتێن تەندروستی بھێنە دابینکرن داکو بارسڤکی بۆ وەلاتیان دروست بیت ژ لایێ ئابووری ڤە.
ئەوژی دیارکر کو ئارمانجا حکومەتا ھەرێما کوردستانێ دگەل وەزارەتا ساخلەمیێ و رێڤەبەریا گشتی یا ساخلەمیێ ئەوە ب باشترین کوالێتی خزمەتێن تەندروستی بۆ وەلاتیان بھێنە پێشکێشکرن و گۆت: ئەڤە ئێکەمین ئامیرەیە ل سەرانسەری ھەرێما کوردستانێ ھەتا ل عێراقی ژی ل دھۆکێ ھاتە دانان.
د. ھەڤال مستەفا، تایبەتمەندێ نەخۆشیێن چاڤا دیارکر کو ئەڤ ئامیرێ لیزەرێ دھێتە بکارئینان بۆ ھندەک نەخۆشێن چاڤا یێن رەشکا چاڤی کو یا بەربەلاڤە دناڤ خەلکی دا و گۆت: چاڤ دگەل ژیێ مرۆڤی لاواز دبیت و ئەڤ ئامیرێ نوکە گەھشتیە دھۆکێ ریگریێ ل لاوازبوونا چاڤی دگریت وناھێلیت خراپتر بیت، چونکو ھەکە رەشکا چاڤی خراپتر ببیت پێدڤیە نشتەرگەیەکا مەزن بۆ کەسێ نەخۆش بھێتە کرن، بەَلێ ئەڤ ئامیری نھا ھاتیە دھۆکێ ناھێلن نەخۆشیا چاڤی بگەھتە وێ ئاستی نشتەگەریەکا مەزن بۆ بھێتە ئەنجامدان، ئەڤەژی تشتەکێ زۆر باشە دی َشێین ب شێوەیەکێ باشتر خزمەتا خەلکێ خوە بکەین و خزمەتیێن رێَیا ڤی ئامیرەی بێ بەرامبەر بۆ وەلاتیان دھێنە پێشکێشکرن.
ئەڤیندارێ من دبێژیت تو یا جوان نینی
ئه‌ڤرۆ نيوز:
کچەکا 25 سالی دلێ خو بو ئەڤرو ڤەدکەت و دبێژیت: ئەز و گەنجەک حەز ژ ئێکدو دکەین، بەلێ ئاریشا من ئەوە بەردەوام ئەڤیندارێ من دبێژیتە من تو یا جوان نینی و کچکێن ژ تە جوانتر یێن ھەین، بو زانین ئەز ژ وی جوانترم و ئەو نە ل وی ئاستێ جوانیێ یە حەتا کو بێژیتە من تو یا جوان نینی، ھەرچەندە ئەم گەلەک حەز ژ ئێکدو دکەین، لێ ئەڤ کێماسیە لدەف وی ھەیە و ئەڤ ئاخفتنا وی ھەستێن من بریندار دکەت و من دئێشینیت، ئەز نزانم وی دڤێت ب ڤی رەنگی ھێزا خوە نیشا من بدەت و خوە ل سەر من زال بکەت یان ژی یاریەکا دەروونیە ئەڤجا ھیڤیدارم ھوون چ دبێژن و ئەز چ بکەم؟
خانما ھێژا:
مافێ تەیە ئاجز ببی، ژبەرکو ھەکە ئەو حەز ژ تە بکەت نابیت ئاخفتنێن وەسا بێژیتە تە کو تو پێ ب ئێشی بەروڤاژی ھەر چ ئاخفتنەکا خوشە و یا کو دێ کەیفا تە خوش کەت دڤێت وێ بێژیتە تە، ھەرچەندە بریار یا تەیە، بەس ھەکە بھێلی باشترە، ژبەرکو ئەوێ نوکە ڤان ئاخفتنا بێژیتە تە کو ھێشتا تو یا گەنج و جوان و ب جوانیا تە نە یێ رازی ھەکە تو شوو پێ بکەی و ببیە خودان زارۆ پا دێ چ بێژیتە تە بێگومان دێ ئاخفتنێن نەخوشتر بێژیت و رەنگە چاڤێ خو ل ئێکا دیتر بگێریت، ئەڤجا ب دیتنا من دەمێ خوە ل گەل ڤی گەنجی نەبورینە، چونکی ئەز باوەر ناکەم ڤیانا وی یا ژ دل بیت بو تە، چونکی ھەکە زەلامەک حەز ژ ژنەکێ بکەت و ئەو ژنە چەند یا کرێت بیت دێ ھەر بینیت جوانترین ژن ل پێش چاڤێن خوە و ئەڤە حەزژێکرنا راستەقینەیە، نەک ھەر دەمێ کچەکا جوان دیت بێژیت یێن ژ تە جوانتر یێن ھەین ھەکە وەسا بیت بێگومان زەلام ژی ھەنە ژ وی جوانتر و سەرکەفتیتر و زەنگینتر…لەوما ب دیتنا من ئەڤ زەلامە بکێر تە ناھێت و بکێر ناھێت ببیتە بابێ زارویێن تە و تو بەختەوەر نابی ل گەل ئەڤجا باشتر ھزرا خوە بکە.
ب وێنه: جاددەیێن شێلادزێ دھێنە په‌رژانكرن
ئەڤرۆ نیۆز، ئەمیر ئەترووشی:
ب ھەلکەفتا سالیادا ریفراندومی، ب رێيا دو قووناغان، باژێرڤانیا شێلادزێ ناڤبرێن جاددەیان ل شێلادزێ ژ بۆ جوانکرنا باژێری په‌رژانكرن.
ئەندازیار سەربەست حسێن، سەرۆکێ باژێرڤانیا شێلادزێ دیار کر، ب ھەلکەفتا سالیادا ریفراندومێ وان دەست ب دانانا په‌رژانى کریە ل دەوروبەری ناڤبرێن جاددەیان ل ناڤ سەنتەرێ شێلادزێ دا بۆ ھندێ ب شێوەیەکێ جوانتر بھێتە دیتن و ئەڤە ژی دێ ب دو قووناغان ھێتە کرن،
قۆناغا ئێکێ ل 25ى ئيلۆنا 2019ێ دەستپێکریە و رەنگە د ماوێ ھەیڤەکێ دا ب دووماھی بھێت و پشتی ھینگی دێ دەست ب قووناغا دویێ ھێتە کرن.
ئەندازیار سەربەست حسێن ئاشکرا ژی کر کو دانانا محەجەرێ ھەردو قووناغان دێ ب درێژیا دو کیلۆمەتر و 200 مەتران ھێتە دانان.
ئيرانێ سێ گه‌نجێن كورد سێداره دان
ئه‌ڤرۆ نيوز:
ب گۆره‌ى مالپه‌رێ هه‌نگاو يێ تايبه‌ت ب مافێن مرۆڤى، رۆژا چارشه‌مبى رێكه‌فتى 25ى ئيلۆنا 2019ێ حوكمه‌تا ئيرانێ سزايێ سێداره‌دانێ ب سه‌ر سێ گه‌نجێن خه‌لكێ دزێى مه‌رگه‌وه‌ر و ئورميێ دا سه‌پاندن ب تۆمه‌تا بكارئينانا ماددێ هۆشبه‌ر.
ب گۆره‌ى وى مالپه‌رى هه‌ر ئێك ژ ره‌ئۆف حاجى سه‌ديق ناسيار ب ئازاديخا يێ 39 سالى كو خه‌لكێ ده‌ڤه‌را دزێى مه‌رگه‌وه‌ر و ئيبراهيم محه‌مه‌دپۆر ناسيار ب شه‌مال و كورمه‌تێ ره‌ئۆف خه‌لكێ دزێى مێرگه‌وه‌ر و خۆجهێ مهاباد و شه‌هاباد ئه‌حمه‌دپۆر خه‌لكێ ئۆرميێ ئێڤاريا رۆژا چارشه‌مبى سێداره داينه.
سه‌فين دزه‌يى: كۆمه‌لگه‌ها نێڤده‌وله‌تى ژ ئه‌گه‌رێ سه‌رهلدانا داعش يا دلته‌نگه
ئه‌ڤرۆ نيوز:
سه‌فين دزه‌يى، به‌رپرسێ فه‌رمانگه‌ها په‌يوه‌نديێن ژده‌رڤه يا حوكمه‌تا هه‌رێما كوردستانێ كو ئه‌ندامێ شاندێ حوكمه‌تا عيراقێ يه د كۆمبوونا گشتى يا نه‌ته‌وێن ئێكگرتى دا ل نيويورك بۆ كوردستان 24 راگه‌هاند كو كۆمبوون گه‌له‌ك د ئه‌رێنى بوون و ل پتريا كۆمبوونان ژى سه‌رۆكێ وه‌لاتان دلته‌نگيا خوه ژ ئه‌گه‌رێ سه‌رهلدانا داعش نيشان دا.
ئاشكه‌را ژى كر كو د ناڤ كۆمبوونان دا به‌حس ل وێ چه‌ندێ هاتيه كرن كو نها ره‌وشه‌كا ئه‌رێنێ د ناڤبه‌را هه‌ولێر و به‌غدا دا بۆ چاره‌كرنا هه‌موو كێشێن هه‌لاويستى دروست بوويه و ئاماژه ب وێ چه‌ندێ ژى كر كو وه‌لاتان پێشوازى ل چاره‌كرنا كێشێن ناڤبه‌را هه‌ولێر و به‌غدا ب رێيا ديالۆگێ كرن.
خوارنگه‌ها باشوور و به‌رخودان هاتنه سزادان
ئه‌ڤرۆ نيوز، نيوار محه‌مه‌د سه‌ليم:
لیژنا دوڤچوونا بازاری ل قائیمقامیا قەزا دھۆکێ، سەرەدانا چەند خوارنگەھا ل سەنتەرێ باژێرێ دھۆکێ کرن.
یوسف محمەد حەسەن بەرپرسێ لیژنا دووڤچوونا بازاری راگەھاند ژ بەر پێگرینه‌كرنا وان ب رێنمایێن لیژنا دووڤچوونا بازاری خوارنگەھا باشوور و خوارنگەھا بەرخودان ھەر ئێک ب گوژمێ (٥۰۰) ھزار دیناران ھاتنە سزادان و گۆت: “ھوشداری ژی بۆ ھەر دو خوارنگەھا ھاتە دان كو د ماوێ حەفتیەکێ دا وان کێماسیێن ھەین چارەسەر بکەن”.
ب ڤیدیۆ.. کچەکا دهۆکێ تابلویێن شێوەکاری ب دەزیێ بەکەرەکێ دروست دکەت
ئەڤرۆ نیوز، نەوزاد هلوری:
سەرماوەز کەمەکی، کچەکا باژێرێ دهۆکێ یە، وەکو ئەو ددەت دیارکرن کو ئەو تاکە هونەرمەندا شێوەکارە ل کوردستان و جیهانێ کو هونەرەکێ نوو ل جیهانێ داهێنای، ئەو ژی چێکرنا تابلو و کارێن هونەری یە ب دەزیێ بەکەرێ.
بابەتێ دانپێدانێ ب زانكۆیا زاخۆ دێ هێتە ئێكلاكرن
ئەڤرۆ نیوز، عەلی حاجی :
هاریكارێ سەروكێ زانكویا زاخۆ كاروان فه‌همى بۆ كاروبارێن قوتابیان د داخویانیەكێ دا بۆ ئەڤرۆ نیوز ئاشكەرا كر بریارە سوباهی رۆژا پێنچ شەمبێ لژنەیەك ژ وەزارەتا خواندنا بلند و ڤەكولینێن زانستی سەرەدانا زانكۆیا زاخۆ بكەت و ب شێوەیەكێ باش ژی مە مەلەفێ زانكویێ ئامادە كریە .
زێدەتر كاروان فەهمی گوت : پشتی چەندین بزاڤان حوكمه‌تا عێراقێ ژبەر چەند ئەگەرێن سیاسی ب شێوەیەكێ فەرمی دانپێدان ب چەند زانكۆیەكێن هەرێما كوردستانێ نەكرین،د نوكە دا لژنەیەك ژ وەزارەتا خواندنا بلند و ڤەكولینێن زانستی یا سەر ححوكمه‌تا عێراقێ ڤە هاتیە پێك ئینان و ماوەیێ چەند رۆژانه ل باژێرێ هەولێری یە ب مەرەما هندێ ژ نێزیك سەرەدانا چەندین ززانكۆیێن كوردستانێ بكه‌ن داكو بابەتێ دانپێدانێ ب وان زانكۆیان بهێتە ئێكلا كرن.
گۆت ژى” دو لژنە هاتینە دروست كرن كو لژنەیەك بۆ زانكۆیێن پارێزگەهێن هەولێرێ و دهوكێ یه و لژنەیەكا دی ژی بۆ دەڤەرا سلێمانیێ یە و وبریارە سوباهی رۆژا پێنچ شەمبێ ئەڤ لژنە سەرەدانا زانكۆیا زاخۆ بكەت و ژ نێزیك ژی سەحكەتە رەوشا وانكۆیا مه”.
ماژه كر” ب شێوەیەكێ گشتی وەكو زانكۆیا زاخۆ مە چو ئاریشەیەك نینە و مەلەفێ مە ب شێوەیەكێ گەلەك باش ئامادەیە و ژێرخانا زانكۆیێ و هول و تاقیگەهێن زانستی هەمی هاتینە بەرهەڤ كرن و ئەو ئامادە كریێت پێدڤی ژی هاتینە كرن داكو ب شێوەیەكێ باش ئەم مەلەفێ زانكۆیێ رادەستی وێ لژنەیێ بكەین و ئەندامێن پەرلەمانێ عێراقێ سەر ب لیستێن كوردی ڤە رۆلەكێ بەرچاڤ هەبوو د هاتنا ڤێ لژنەیێ دا و هەر ژ دەستپێكا ڤی بابەتی د هاریكار بوون”.
نيشاندان
WP Facebook Auto Publish Powered By : XYZScripts.com